咖啡賞館

营业中

休息中

以前對荃灣的印象就只是食小食食餃子，今次想嘗試一下荃灣的咖啡店，這次便來到位放荃昌中心的Cafe。咖啡店空間不大，室內座位就只有吧枱，如果想坐得闊落點便要坐室外的位置。吧枱放了大量書本，感覺好有屋企的感覺，令人放鬆。我點了一杯熱cappuccino，咖啡及奶泡的比例剛好。朋友點了焙茶Latte，茶味香濃。咖啡店亦有輕食選擇，我們各點了一份意大利包三文治，分別是煙三文魚及芝士蘑菇。芝士蘑菇意大利包在網上看到有人推介這裡的焙茶waffle，決定點一份share食，焙茶味濃，配上蜜糖醬及雪糕，每一口都有幸福的感覺😬Cafe感覺好free，跟朋友一路坐一路plan澳洲的行程，不知不覺便坐了幾個鐘😂

聽人講荃灣有間咖啡地理位置隱秘但不 錯，今天難得入到廿土荃灣馬上搜尋了一下，搵佐一段時間終於搵到。上到來一看，再打開看其他相片，感覺馬上不似預期，只能說相片影起來空間感很好，但現實卻……因為鄰近馬路，在室外坐雖然是很舒適，但如果你不怕吵都可以一試。既然來到，點都試下佢的咖啡。我們點了一杯啡啡一杯蘋果綠茶，口感真的不錯。但越坐真係覺得越吵，車水馬龍，我真係還沒有習慣一個不寧靜的啡啡室，它沒有外國在閙市中的熱閙，也沒有郊外的寧靜，只是一間飲品不錯的店。總的來說，即使咖啡好飲也不會再去。

夏曰菊花芝士蛋糕🌼🍰，南瓜bagel超好食🥯. 老闆娘好有passion 💪🏼💪🏼 自己整麵包🥐🥖🥨又細心解答咖啡queries♥️. I went for a piccolo coffee with almond milk, as recommended by the staff. It’s a nice place to sit, chill and zone out into you own world 😌🌎

同朋友係荃灣行到攰想搵個地方坐下，就見到呢間餐廳。餐廳小小，有室外室內，但係有小小佈置，有啲書櫃仔甘，可以同朋友傾偈或者一個人坐下都可以。我地叫左個培茶waffle 其實都唔算大份，佢切到細細件上，可能都有兩件既。waffle 味係有培茶味，不過偏苦，少左茶香。質地外硬內軟，但唔算太好味，雪糕就正常。

我係呢間咖啡店嘅常客 一星期都至少去一次今日就帶埋我好朋友一齊去 等佢試吓呢間咖啡今日星期日不過都唔算好多人咖啡店有室內同室外嘅座位 不過室內就細少少 得八至10個位見今日天氣幾涼我哋就揀坐喺外面靜啲 坐得舒服啲 可以慢慢傾吓計我哋叫左cappuccino 同 latte等左大概5分鐘 咖啡就嚟到喇 我最鍾意呢度嘅咖啡因為佢嘅咖啡豆好香唔會帶太重嘅酸味 加上佢嘅奶泡打得好好入口好滑 厚身 令人想一飲再飲另外呢度都有蛋糕選擇 有啲特別的味道例如豆腐芝士蛋糕 成日見到都好想試不過今日太飽喇 唯有下次先試啦

前幾年都黎左幾次呢間CAFE因為係荃灣人 荃灣cafe唔多 所以有時諗唔到食咩都會黎呢到 呢日好想搵CAFE 靜靜地睇下書 就帶左買既新書過去 大約3:00 比較舒服既位都有人坐左 只好坐bar 枱 如果第一次黎既人好大機會會搵吾到呢間店 因為佢係好隱蔽既位。。而且真係好細間 得幾個位 其餘既就要坐outdoor outdoor都係無乜位 見到個日有桂花豆腐蛋糕！即刻叫黎食！1.桂花豆腐蛋糕 （好似係 ＄28)佢既蛋糕日日吾同 未必次次去都食到 特別鐘意呢款 豆腐味好Fresh 配上桂花味又好match 都幾大件一個人食都幾飽2.熱latte （＄32)好大杯 抵飲 overall除左環境麻麻之外 食物質素都不錯

今日收工去接大女放學，接完又再等細女放學，中間三十分鐘，就响周圍行下…居然俾我發現一間咖啡店！話說當時係黃昏六點鐘，但我一走入呢間店…就覺得好似時光倒流去左下午茶時段，感覺悠閑！咖啡 menu牆身用暗紅色店內一角嘅特色牆雖然店舖不大，大概有十個位，但不會擠擁！外面還有幾張枱，雖然係响岀面，但不是露天位，而且自成一角，三五知己可傾偈！咖啡機…我點了一杯cappuccino, 雖然無得揀 skimmed milk, 但都無阻我一試呢度啲咖啡！味道……我唔識形容…一個字，好嘢要講三次！最後當然買埋件甜品啦！

🚩荃灣☕️Browny Cafe-好愛坐咖啡店, 喜歡當中既寧靜同舒適呢間係角落中嘅咖啡店雖然地方小, 8人既室内坐位, 加小小室外空間, 但環境, 氣氛同裝飾都令人感覺好舒服, 感覺自己一個喺度一日飲住咖啡, 睇住書完全冇問題!!-🥐茉莉花茶蜜糖黃芥茉煙三文魚牛角包$55完全唔覺有茉莉花茶係當中, 點嘅時候完全冇留意佢有, 所以對呢樣冇失望既牛角包烤到好脆, 雖然冇咩牛油味, 但配上芥茉醬同煙三文魚, 好好吃😋-🥪千島慢煮雞扒意大利包 $58呢個感覺無咩特別, 麵包冇牛角包烤得咁酥脆, 裏面雞肉雖然好嫩, 但肉味唔重, 配既香料都唔算突出, 正常麵包一個xd-其實去咖啡店應該要飲咖啡, 咁先更加睇到小店既實力, 但因為去嘅時候剛開店, 咖啡要等, 趕時間既寶寶就同咖啡無緣😣下次一定要試, 仲要試埋蛋糕!!!-🚩舔舔脷：7/10🚩價錢💰：7/10🚩回頭度：7.5/10 (環境加分)

咖啡賞館 放假就係要放慢腳步👣👫一齊做咩都得💕簡簡單單就一日呢間係輕食cafe，有少少書可以借來睇聽下歌，傾下計，飲下咖啡又一日☕️-千島慢煮雞扒意大利包 $58雞肉好嫩滑🐤 唔會油千島醬啱啱好，唔會覺得個包好乾身個包外脆內軟😋-吞拿魚蛋沙津配多士 $35沙律菜好新鮮🥗 好足料最後係淨食幾啖吞拿魚😍-Latte $32 (可以減$10）用上自家烘培咖啡豆👍🏿 舖仔細細但做野一絲不苟中意既仲可以買豆返屋企架-

朋友介紹特登去呢間cafe試下擺咗好多枱喺cafe出面 每張枱都係一至兩個人 我哋一行五人去到 好彩佢都特登畀個角位我哋仲畀張大啲嘅枱我哋 再多啲人真係坐唔落啦 天氣唔太熱坐出面都ok嘅 而且嗰個位係高過馬路所以都唔會話係咁食塵嗌咗杯affogato 朋友嗌咗凍咖啡 大家都覺得啲咖啡偏酸嗰日星期日下晝四點左右去到 我哋大部分人都係嗌包 不過佢好快已經冇曬啲意大利包 得返牛角包 所以可能下次要再早啲去啦 試咗個焗芝士黑松露蘑菇意大利包 同埋千島慢煮雞扒牛角包 兩個都好好味好足料 而且好多醬 再配埋啲沙律菜伴碟幾清新嘢食嚟講都幾有心機架

朋友帶我黎，佢本來想食熱嘢，不過無位，求其行行下，黎左呢到。真係好corner位嘅轉角位。好處係可以坐埋出面露台位，但就有人可以食煙囉。成枱煙灰。朋友叫左杯綠茶latte，一黎到打卡啦，個撞花幾靚，雖然易整，但要間店肯整囉。但一飲就....佢話唔好飲，我用鼻shor一shor有腥味嘅，好明顯唔係用靚綠茶同水唔夠熱。朱古力，又係靚拉花，但味道都失望嘅，唔香唔熱，唔濃。係放左太耐無攞比我，定水又係唔熱呢，黎到同凍飲無杯只差少少。好在個三文魚牛角 酥皮夠鬆救返成件事，夠脆，牛角包都香嘅。佢我末必會想再黎了。

閒日放假的一天，在一間穩世小店吃著輕午餐，在舊區中發現了此間小cafe，店面細細，員工只有一兩位，但食物飲品卻不馬虎，像是在荃灣找到了一個小花園吃個午餐裝潢自然但raw,木書架裡放著書本，客人有興趣便拿來看看，來消磨時間或是感受一下慢活心態早上已吃了早餐，還未覺太肚餓，便點了一客煙三文魚溫泉蛋沙律🥗份量不少，配上半件牛油多士，沙律除菜外還有青瓜，配上清新的醋汁很醒胃三文魚卷得像花一樣很有心思，各樣都新鮮，很醒胃的一個下午

又到放假星期六，悶悶地梗係要同朋友周圍搵食啦。今日想黎個High Tea，又唔想過海，於是朋友提議黎lee度！黎到有分店內店外位置，雖然地方唔大內外坐滿都係廿零三十人，不過麻雀雖小 五臟俱全！我揀左坐外面。飲品揀左洛神花野梅茶，焙茶鮮奶。食物有煙三文魚牛角包，慢煮雞扒意大利包。甜品有桂花豆腐芝士蛋糕！首先鍾意食軟身包嘅意大利包啱晒，塊雞扒都夠juicy 唔乾，好食。牛角包唔使講都知夠脆，配煙三文魚又脆又軟，有晒兩種口感！件cake好好食，豆腐味夠濃，又帶有桂花香味，幾夾！價錢合理，環境令人覺得放鬆，放假嘅朋友要去試下啦

今次係第二日黎食 芝士蛋糕都仲係咁好食 今次朋友生日 提早打電話問下可唔可以留蛋糕同埋希望可以係碟到design下 佢地都好願意 同好貼心 仲要整得好靚 多謝曬❤️ 下次會再幫襯！

第一次幫襯公眾假期 下午兩點幾去好彩仲有bar台位柚子煎茶好fresh千島醬慢煮雞排包好正 雞肉嫩滑 包又脆 醬5會太濃 啱啱好ice drip係預先整好 放落小樽 Yirgacheffe 酸度適中staff 好friendly 5多人休閒好地方