咖啡灣 (已結業)

同朋友行完山～終點站係寶琳，就去新都城覓食了openrice見到咖啡灣位居新都城第一位，就入黎試下啦！入到去聞到濃烈既黑松露味，就知道冇去錯地方！餐牌非常多選擇～我地一行4人，可以叫幾樣野黎share黑松露蜆肉忌廉意粉真係好濃黑松露味，而且蜆肉都多，幾新鮮！軟殻蟹卡邦忌意粉D軟殻蟹好正，啖啖肉，呢個價錢算係咁！蘇格蘭煙三文魚沙律有濃稠的黑醋dressing~~高度推薦的櫻花蝦明太子煙肉意粉勁多櫻花蝦同明太子，仲有木魚，口感好豐富熱帶水果茶～🍏🍎🍐仲有個三色雞翼冇影到，分別係山賊、桂花、玫瑰味，我地一致最愛桂花味，小清新，另外兩種口味偏甜～好滿意～～～～share性價比幾高，會encore!!

今天來了將軍澳約媽咪吃午飯，她提議到咖啡灣吃，因為她之前和師奶兵團來食過，非常滿意。一入門口，已很有溫馨的感覺，服務員很有禮地親切招待。看完後，我們點了香蒜帶子意大利粉、軟殼蟹黑松露忌廉意大利粉、玫桂山雞翼、玫瑰水果茶，及蘋果薑水果茶。這間食店的食物水準很高，帶子意粉料多很香，意粉很爽口。軟殼蟹意粉更有驚喜，成隻蟹整隻上碟，黑松露很濃及入味。雞翼肉滑好正，調味得宜。花果茶更是杯不離口，玫瑰花香果甜，而蘋果薑水薑味好濃，飲後已覺暖笠笠，確是冬天之選。整體來說，地方舒適，食物款式多，質素高，服務有禮，下次一定會再來吖

~咖啡灣~最近真心忙到連出去食餐好野嘅時間😱😱終於搵到一日可以忙裏偷閒同朋友食餐飯😆今次就試左一間開左一段日子，但我又無去試過嘅餐廳~~咖啡灣啦😂佢價錢唔算好貴，但食物質素都有翻咁上下㗎半熟蛋肉醬千層闊麵($76)佢嘅千層闊麵嘅味道😋的確唔錯啲肉醬有好濃好重蕃茄味👍👍，而且佢嘅芝士都好夠份量🤗雖然拉唔到絲但都食千層麵嘅時候都食到幾多嘅芝士🙈，再加上佢嘅千層麵又唔係好厚所以配上酸酸甜甜嘅肉醬🤤，食落真係一啲都唔膩不過由於價錢都唔平下所以價性比我個人就覺得真係唔算好高紫薯雪糕窩夫($82)不過呢個窩夫就好驚喜啦😋👍~賣相先唔講啦，但佢嘅味道真心唔錯👍，啲窩夫焗得啱啱好，唔會話過軟過硬，外脆內軟🤤，再加埋佢嘅紫薯同紫薯雪糕，食落真係啖啖都有濃郁嘅紫薯香味🤤🤤而且最驚喜嘅係佢嘅甜度控制得啱啱好唔會話過甜過膩，所以真心一個人食曬都可能無問題😂如果黎咖啡灣食飯嘅朋友真係要試下佢嘅窩夫啊

四個人食左$441,提提大家呢度唔收信用卡，只收現金或者八達通。呢間野都有好多選擇，有意粉、漢堡、小食、飲品、窩夫，意粉同飲品的選擇特別多。我地4個女仔，一人叫左一壺水果茶，每壺大概45蚊，每壺茶都有附蠟燭座，一路熱住，唔驚凍，而且茶壺同蠟燭座都好靚，成個感覺好岩幾個女仔一齊high tea ，一路傾計。另外，我地叫左一個蒜辣蜆意粉，唔係好記得價錢。個意粉係幾好味，意粉好彈牙，軟硬度煮得剛剛好，d蜆好甜，一d沙，一d腥味都無。小食拼盤，差唔多百零蚊，有2隻炸雞翼、2隻瑞士雞翼、薯仔、炸芋泥球、炸意粉，雞翼無咩特別，但炸芋泥球煙韌又幾香，炸意粉好難食好硬，有d搵笨，勸大家唔好試。草莓窩夫80幾蚊，係幾靚，但味道一般。呢餐飯，我最鍾意食個意粉！

兩口子今日搵食搵到去寶琳，一入商場門口就見到咖啡灣，餐廳間格舒服又光猛，就決定呢度晚餐啦！因為公仔太得意，所以叫左香蕉迷你兵拿鐵、抹茶三眼仔拿鐵，入口幼滑，味道香濃，咁靚既公仔真係有點唔捨得飲！玫桂山雞翼都幾特別(玫瑰、桂花、山賊)一次過試到3種不同口味，我比較喜歡桂花個醬，甜而不膩，同雞翼好夾！軟殼蟹黑松露忌廉意大利面~成隻蟹放上面造型好吸引，食落好香口！黑松露勁多配意大利面非常好食！一冷一熱雪糕窩夫配細細塊既OREO真係好好食，中間既cream亦唔算十分甜，絕對唔邪惡，懂得品嚐甜點係人生一大樂事！

寶琳開左新餐廳，當然要試下啦。沙律。有五隻蝦，唔知係咪跟人頭呢，我地岩岩好有五個人，一人一隻唔使爭。沙律略嫌細左少少，佢係用碟裝，份量比用碗裝既少。小食併盤，都係一樣比想像中既份量少。不過炸物幾好味，由其是炸魷魚。食果陣仲係熱辣辣，好明顯係岩岩炸好。我地另外再加左雞翼，有一款係玫瑰味雞翼，甜甜地都幾有趣，同佢既玫瑰花茶既味道好相似。不過我都係鍾意食咸既雞翼，所以土匪雞翼就好岩我。講左咁耐主菜終於黎啦，因為我地太鍾意食蕃茄，所以叫左大蝦蕃茄意粉同埋雞扒蕃茄意粉。其實佢用既蕃茄醬味道好足夠，都好香，但如果再多番點點甜味就更好。依家略嫌佢冇左蕃茄既甜味。但整體黎講，兩碟意粉都係好好食。另外我地叫左兩盤黑松露意粉，同頭先問題一樣，黑松露香味好香，但食落又冇乜黑松露既味道。但相對黎講，佢既黑松露醬汁唔會整到好膩，令人食幾啖就飽！薄荷朱古力，薄荷味同朱古力既比例岩岩好。佢仲有其他好可愛既拉花飲品，下次黎再試！

Don’t go: Microwave  oven  heated  foodWe ordered a lobster sea urchin risotto...the lobster was dry after being cooked and reheated.Also had chicken Wings...also heated with microwave oven...Overpriced and bad quality...not worth it all

喺將軍澳做完嘢，諗住坐地鐵返公司，路經新都城二期嘅咖啡灣，記得之前同A姐食過大埔分店，餐廳好Colourful，裝修設計充滿童話風格，吸引到好多少女同好似A姐呢啲中女心打卡。但我今日嘅少男心都俾佢門口嘅Lego城堡同Lego摩天輪吸引住，望吓望吓，不如坐低食埋個lunch先啦。香濃蘑菇湯午餐包餐湯，蘑菇湯濃郁唔稀，仲有唔少蘑菇幼粒，令口感更加豐富。山賊雞翼散叫嘅雞翼有六隻合共三款口味，除咗原味皮脆嘅香草雞翼，仲有蜜糖同埋辣醬兩款雞翼，夠晒惹味。北海道咖喱汁配美國無骨豬扒飯飯用上日本珍珠米，又肥又有咬口。而厚切嘅豬扒唔嚡又唔韌，煎得夠香。配上北海道咖哩汁就好開胃。菠蘿荔枝烏龍茶跟餐嘅餐飲就叫咗菠蘿荔枝烏龍茶，菠蘿嘅微酸配上清甜嘅荔枝，令兩者味道互補不足。茶底用上烏龍茶就夠晒解喝。

香港cafe多不勝數,這間無論環境同食物都一樣高水準!!踏入門口一刻已經感受到cafe充滿夢幻少女風,內裡除了掛滿了花,天鵝,小鳥,櫃枱上更放有LEGO摩天輪,整間café都佈置得很精緻,置身這個夢幻世界,不其然令我心情都愉快起來!餐牌色彩繽紛,設計精美,看到圖片的食物真的十分吸引!!最後我們點了兩個意粉,一個漢堡,一個飯及一個甜品!<大蝦蕃茄醬義大利麵>大蝦新鮮夠大又爽口,意粉煮得軟硬適中,配上濃味蕃茄醬,好味到不得了!<香辣蒜香帶子義大利麵>有好多粒大大新鮮帶子,煙煙韌韌,意粉沾上脆口炸蒜粒,辣味點到即止,蒜香和辣味混在一起,十分惹味!!<手作特級和牛漢堡>厚度十足的手打和牛漢堡扒,肉汁多又肉質好,放上芝士,再鋪上新鮮蕃茄生菜,配上鬆軟的麵包,加茄汁和少許芥末醬,咬每一口都回味無窮!!伴碟係粗薯條,炸得金黃香脆,賣相不錯!<拉絲芝士北海道咖哩海鮮飯>北海道咖哩味道濃郁,微辣中帶點甜味,海鮮既新鮮又豐富,有大蝦,青口,蜆肉,蟹籽再配上芝士,吃了令人胃口大開!<紫薯雪糕窩夫>窩夫做成4塊心型的窩夫塊,再組成

寶琳真係好多好野食, 呢日早放工,去行街,行到攰攰地,見到H&M 隔壁有間裝修很少女的店舖, 望下餐牌除左意粉同飯,仲有Waffle食!! 諗都唔諗就入去,好彩時間尚早,唔洗等位,非常好!我同老公兩個食,餐牌裏面樣樣都想食,因為要留肚,所以先叫左個UFO小食拼盤: 裏面有薯條,好似土匪雞翼的炸雞翼, 一款係燒汁配炸雞翼,仲有紫薯波波,炸魷魚同炸意粉兩款炸雞翼都好熱辣辣,香口得黎又Juicy唔錯! 紫薯波波(呢個名其實我自己幫佢改架!) 夠特別,炸到金黃色, 裏面質地好綿又有紫薯個種淡淡的香甜味!  炸魷魚係拎一隻隻魷魚仔去炸,又係香脆得黎夠Juicy,即使咁樣炸,魷魚都唔會柴皮或韌, 好食過出面炸的魷魚圈,好似食香口膠咁!仲有個炸意粉,其實好似我地中式新年食的芋蝦,不同之處係呢個意粉球唔油膩,片片薄脆,又唔重口味,食完無口渴,可以食唔停,可惜得一球主菜食挪威煙三文魚黑松露野菌忌廉意粉, 賣相唔錯,份量又大,煙三文魚大大塊之餘,面頭仲有大量的蟹籽,可惜我大肚,蟹籽們唯有去晒老公個肚度! 意粉質地啱啱好,黑松露醬汁香濃夠多又軟滑! 淨係個意粉都食到我飽飽地~! 好彩叫一個主食,因為要留肚食

約咗朋友飯聚，佢帶咗我嚟呢間咁少女風嘅餐廳，環境舒適，佈置上有很多細節可慢慢欣賞主餐牌以外的special~好可愛嘅牛奶咖啡～第二杯半價，唔好咖啡嘅我都忍唔住叫返杯嚟打咭（前）香蕉迷你兵拿鐵、（後）牛軋糖芝麻拿鐵兩杯味道都不錯，甜度適中，而且奶味重，啱我半熟蛋肉醬千層闊麵我同咖啡貓一樣鐘意千層闊麵味道唔錯，不過我個人認為唔洗落沙律醬都得，同埋焗燶啲更佳軟殼蟹卡邦尼蛋汁義大利麵軟殼蟹唔係新嘢，但原隻上我係第一次見，好過癮脆脆的！意粉份量都唔小～Share食啱晒！玫瑰花草莓窩夫（半份）見到隔離枱食得咁開心，我地肚皮空間有限，叫半份嚟過下口癮上枱就聞到玫瑰味但全份當然抵食啲同埋賣相更吸睛！下次嚟high tea先叫全份啦仲有會員制～門口有幅畫好靚門口有個特色信箱，又可以打打咭中女的少女心都不禁露出來了這裡是個舒服hea嘅地方～

前幾日去新都城行街，見到呢一間餐廳應該開咗冇耐，因為之前唔見有呢間野，所以就入去試吓啦~~😍🤗佢有我最鍾意食嘅沙律，仲要係軟殻蟹添！一送到黎我o左個咀～好耐未試過係街食飯，會咁足料！真心唔差！隻軟殼蟹一啲都唔細隻仲要有膏添👍🏻👍🏻所以覺得呢個軟殼蟹沙律絕對值得推薦！😀之後叫咗個肉醬千層麵～佢嘅肉醬好好食唔會太甜又唔太酸！仲要好夠味好足料～絕對唔會輸比大型餐廳🤔👍🏻下次再黎試其他意粉先👅🤣

D 服務好差囉，我叫咗杯凍嘅綠茶牛奶，點知嚟錯咗杯熱嘅綠茶牛奶（個三眼仔拉花其實都幾靚），我即時同返個侍應講：「咦?我叫凍飲㗎喎，我係叫凍嘅薄荷朱古力（當時記錯咗自己飲咩）」，個侍應即時黑面拎走杯嘢，唔好意思都冇句，過咗一陣（相距都冇半分鐘），我醒起我原先叫嘅係凍綠茶牛奶，我咪搵返同一個侍應講返囉，講晒唔好意思，記錯咗，點知個侍應喺我張枱到收返個餐牌，行去入單個柜面到擲餐牌發脾氣，請問沖錯杯熱飲係邊個問題?係我錯咩？我講錯咗更正返嘅時候都有講唔好意思，我唔明點解個侍應要咁嘅態度囉！個侍應係著黑衫嘅，有可能係店舖嘅經理或者比較高級嘅侍應……如果比較高級嘅人都咁對D客，其他細嘅有樣學樣點算?老實講呢間嘢嘅嘢食真係幾好味，幾精美，但係咁嘅服務態度，以後我都唔會去囉！奉勸各位食客叫完嘢食主動同個侍應對吓個 order, 費事人哋落錯單出錯嘢，又要黑面又要發脾氣，影響人哋工作心情，影響其他食客啦！

難得收工心情好，黎開呢頭行街，於是想食下西餐。十分肚餓既關係，一個人都叫左意粉沙律。大蝦番茄醬意大利面$68意粉既份量足夠，意粉十分吸汁，番茄醬汁濃郁，加埋大蝦味道更好。玫瑰綠茶$38玫瑰花同牛奶泡泡係面，賣相十分靚，加埋背景十分值得打卡。飲落似Mocha latte, 味道十分香濃呀。Caesar 沙律$48沙律份量十分足夠，沙律菜幾清新，加埋面包碎，沙律醬可以另上，更加健康呀。一個人食咁多野都係咁既價錢，算係抵食呀。

將軍澳愈來愈多人，兩個人搵食都唔易，遇著要睇戲，想搵間餐廳速戰速決，見到咖啡灣唔洗等就入去了。叫咗兩個意粉+沙律+ 果茶。意粉幾好食，但唔係d 咩驚喜野，不過點會成日有驚喜呢？碟意粉睇上去好細碟，我驚唔飽，但食食吓發現隻碟幾深，係夠飽嘅！果茶有個燭台座熱幾得意，但太濃味，我加咗幾杯水落去都仲有味，幾com 飲！出餐速度標準，座位都算舒適，適合family 或情侶！唔記得幾錢，不過tko 商場$60-70 一碟嘢走唔甩！