咖吔

营业中

休息中

係沙田行行下街肚餓，就入咗黎食個下午茶☺️諗住下午茶時間應該少人啲，點知都坐滿晒😮好彩都係等一陣就到我地😎🍜 新加坡喇沙 $56 （😸😸😸😸😺）呢個喇沙材料豐富，有蛋、蝦、魚蛋同豆卜！🥢 湯底入味，辣味夠足，真係好適合做下午茶！👍🍚海南雞飯 $68 （😸😸😸😸）呢個海南雞飯真係唔錯！冬瓜湯濃味十足，仲有新鮮嘅冬瓜！🥳 下午茶食呢個餐，雞肉份量好冇少到，配上辣醬、豉油同蒜蓉食更加好味！😋🍢 串燒拼盤 $65 （😸😸😸😸😺)串燒拼盤包括雞肉、大蝦同埋魷魚鬆！😋 雞肉燒得入味，大蝦唔使自己剝殼，超方便🤫魷魚鬆燒得香噴噴，一上枱就忍唔住食咗一串先🤣🍞斑蘭咖吔多士 $40 （😸😸😸😸）呢款斑蘭咖吔多士用麥包整，幾特別！🍞 咖央醬配牛油，味道香滑，食落去真係唔錯！💚🥥 海鹽雪糕椰汁珍多冰 +$12 （😸😸😸😸😸）呢個海鹽雪糕椰汁珍多冰好特別！海鹽雪糕嘅鹹味同椰汁嘅甜意外地好搭！🥥 唔會太甜，椰汁味濃，真係推介！✨🥤馬來芒果汁配芒果雪糕 +$12 （😸😸😸😸😺）飲品方面，馬來芒果汁上面搭配大大舊嘅雪糕，真係好fresh！🍧 飲完喇沙再飲呢個，清涼解膩，簡直完美！💦

【香辣炒飯】🍚用料超誠實，每一粒飯都吸收了香辣醬汁，口感彈牙又入味，再搭配上鮮蝦仁和蔬菜，簡直是膩而不膻的絕佳選擇！【香茅青檸荔枝梳打】🥤這是一款特別清爽的飲料，喝下去感覺整個人都輕盈了起來。香茅的清新、青檸的酸勁和荔枝的甜美完美融合，讓人一喝就上癮！【馬來芒果汁配芒果雪糕】🥭則是另一款甜點愛好者的絕對不能錯過的選擇。芒果香甜可口，配上一球冰凍的芒果雪糕【班蘭咖央多士】🍞這款多士的麵包外皮烤得金黃酥脆，內裡卻軟糯無比。最特別的是它內餡的班蘭咖央醬，淡淡的班蘭香氣和濃郁的咖央味道完美結合

海南雞和肉骨茶味道可以。肉骨茶d排骨較瘦同埋跟個油炸鬼又乾又硬。菜單整體偏貴，接近新城市價錢（但係佢係沙田中心）。叫個信用卡餐單，連菜走辣都唔得，話個餐係咁就set死左。

同媽媽行街行到有少少肚餓，見好耐無食過新加坡菜，就嚟到咖吔食下午茶，食物嘅份量好多，好抵食呀，難怪下午茶時段都坐滿晒！最鍾意喇沙摻摻同鹹蛋黃單骨雞翼😍喇沙摻摻香味濃郁，配料有齊豆卜、雞蛋、魚片同蝦等等，充滿口感，啖啖都有獨特嘅風味🥰。而雞翼外脆內嫩，炸到脆卜卜，鹹蛋黃嘅鹹香味惹味十足，好邪惡呀！我哋仲叫咗海南雞飯同班蘭咖吔多士。海南雞肉質軟嫩，油飯粒粒分明夠乾，唔會覺得油膩，配埋醬汁，好好味呢～班蘭咖吔多士烘得啱啱好，夠哂香脆，入口有班蘭香味，兩個人一齊share最開心😋✨新加坡喇沙摻摻✨海南雞飯✨班蘭咖吔多士✨新加坡鹹蛋黃單骨雞翼✨海鹽雪糕伴椰汁✨柚子西柚梳打

今日難得經開沙田就去好運中心附近搵食，見到呢間主打新加坡，又有最愛喇沙就一於去試吓。新加坡喇沙喇沙湯底椰香味夠晒濃，辣度適中，麵底用上油麵加米粉令口感更豐富，配料有蝦肉、豆卜、魚旦、魚片同糖心蛋等，好味之餘大大碗又足料。檳城和牛蝦麵另一款就叫咗和牛配蝦麵，湯底亦係夠晒濃郁惹味，和牛入晒味超正👍🏻，配料同樣十足，有豆卜、糖心蛋同牛丸等。串燒拼盤有蝦、魷魚鬚同雞肉串各2，兩人食啱啱好，當中最出色係雞肉串，沙嗲汁味道超惹味😋。馬來芒果汁配芒果雪糕海鹽雪糕椰汁珍多冰仲點咗兩杯雪糕特飲，雪糕超大球，食完濃味蝦麵後飲返杯夠晒清爽涼快。咖吔 (沙田)沙田橫壆街1-15號好運中心3樓3008-3009號舖

幾個月前第一次食覺得好抵好食，$268就有套餐有4碟菜式+2杯飲品，今晚啊媽無煮飯，我同家姐又來多次呢度試下，發現$268套餐仲有♥⭐海南鷄真係要讚一讚呢度既海南鷄，首先量好多，而且係都肉既，肉質又滑，超抵食！⭐馬拉盞通菜一上菜就聞到蝦醬的味，而通菜翠綠爽脆新鮮！上次食稍閑，今次就適中，好快清曬。⭐新加坡鹹蛋黃單骨雞翼皮脆肉滑，加上鹹蛋黃好惹味，真係食到不停口。⭐大蝦木瓜沙律呢個比較辣但好過癮！酸酸辣辣好開胃。2個食曬全部野！見到好多一家大細來呢度食，性價比好高！

香港好似比較少新加坡嘅嘢食，聽講沙田呢度有間郵又正宗，而且位置又好坐嘅新加坡餐廳，咁就叫埋朋友一齊嚟試吓啦。因為啱啱放工唔係好肚餓，所以就咁叫小食同埋嘢飲。呢個古法脆皮雞卷好特別，外面脆入面嫩唔使點醬汁都好夠味，本身唔肚餓食完都開胃咗啊。而串燒拼盤就有大蝦雞串同埋魷魚，我自己覺得個蝦最值得欣賞，因為真係好大隻，而且食得出好新鮮，蝦肉好彈牙。朋友就話魷魚好好食，都係感覺好新鮮同埋足料。我叫咗美祿哥斯拉，飲落唔會太甜，非常解渴。而朋友叫咗椰子斑斕冰。椰子味好清新，而且綠色嘅賣相都好特別，適合打卡。呢間新加坡餐廳又正宗又抵食，下次都一定會再嚟啊。

沙田廣場呢間馬來西亞餐廳，晚巿成日都好多人，今日有機會去試吓，餐廳裝修好新淨，座位坐得舒服，而且價錢好合理，餐牌好多選擇，全部都好想試好吸引招牌海南雞拼胡椒肉骨茶海南雞好有雞味，肥瘦適中，而且份量唔少，點埋個秘製三色醬，更加好味。超級鍾意個胡椒肉骨茶，肉胡椒味極濃，好少喺出邊飲到咁足料嘅胡椒肉骨茶，裏面嘅肉排都好好味，好淋好入味，飲完之後成身成個身暖哂海鮮炒飯海鮮炒飯落足料，幾乎每一啖都食到海鮮，有大量蝦、魷魚，仲有肉鬆、豆角、蝦米，口感層次非常高，而且個粉炒得好乾身，少少辣，好惹味好開胃，份量好多，好滿足

今日出咗去沙田擇聖誕節禮物，周圍都轉曬聖誕報置， 好有氣氛，行得好開心, 買到2 手都係戰利品，行下行下覺得有d 肚餓， 記得之前食過d 間餐廳食下午茶好味又扺食，1個下午茶餐都只係約$5x-6x,仲要包埋一杯飲品， 所以尊登行過去食.檳城蝦麵： 幾大碗， 都食到好飽，d 蝦彈牙大隻, 麵有2 款， mix 埋一齊食，口感幾特別， 本人好鍾意， 微辣， 好味大蝦青木瓜沙律： 好大碟， 味道酸酸甜甜， 開胃得黎又健康， 大蝦都唔少熱白咖啡：咖啡味非常香濃😍

作為連鎖餐廳的咖吔Kaya，定價恰當且質素穩定。而是次我們所光顧的是位於沙田好運中心的分店，餐廳職員殷勤有禮，上菜速度有效率👍店內還設有多張卡座，空間與舒適感並重，絕對是Family Friendly💕. 🦐檳城蝦麵（$58） 🟡🟡🟡🟡🟡(5/5)雖然是下午茶餐，但份量絕無減半！絕對能令大胃王捧腹而回😋👍蝦湯順喉、摻掺爽滑、配料份量足，不錯‼️.🥭馬來芒果汁配芒果雪糕（餐特飲加配價*$12） 🟡🟡🟡🟡🟡(5/5)吸一口芒果冰沙，再大啖一口雪糕，簡直是雙重享受兼滿足。喜愛芒果的朋友，此杯特飲千萬不要錯過‼️.🐓娘惹椰子雞湯（$118） 🟡🟡🟡🟡🟡(5/5)此椰子雞湯約有三大碗份量，雞件量足且無雪味，並帶有陣陣香茅及南薑香氣。湯頭香甜，正適合於秋冬時節補虛強壯、益氣養血一番！.🍢串燒拼盤（$65） 🟡🟡🟡🟡🟡(5/5)拼盤內分別有蝦、魷魚及雞肉，每款各二串。蝦隻已經去殼處理，方便客人直接大快朵頤👍串燒烤得香氣滿溢，再沾著店家所提供的叁巴醬食用，味道更上一層樓！.🥥海鹽雪糕椰汁珍多冰（餐特飲加配價*$12） 🟡🟡🟡🟡🟡(5/5)作為咸甜交融的愛好者，在此特飲呈上後，我便立刻把海鹽雪糕吃掉🙉💕

📍咖哋 KAYA. 主打新加坡菜 餐廳位於沙田橫壆街1-15號好運中心3樓 。 今日星期六通常會推遲食中午飯嘅時間，喺沙田好運中心行街，到了下午三點左右，感覺有啲肚餓，就二話不說選擇咗呢間名叫咖哋Kaya餐廳 ，店內光線充足，有東南亞風，乾淨企理，店員很有禮貌。我點了兩個輕鬆下午茶餐，份量充足。☀️☀️☀️☀️☀️☀️☀️☀️☀️☀️☀️☀️☀️☀️☀️下午茶系列@巴東牛肉飯配香茅鮮橙茶。巴東牛肉用咗牛腩部份，軟唸易入口，濃郁椰奶帶有小小香料味道，但欠缺辛辣🌶️層次。油飯乾身粒粒分明，好味道。欣賞有鹽焗花生、香脆魚仔，三兩片青瓜和迷你蕃茄伴碟，寧舍開胃🤤☀️☀️☀️☀️☀️☀️☀️☀️☀️☀️☀️☀️☀️☀️☀️下午茶系列@街頭雞鴨絲湯粉配香茅荔枝青檸梳打，湯底清甜，河粉爽滑，風味十足，雞絲鴨絲合併不會太單調，肉質嫩滑冇渣，配有半熟蛋和豆卜作伴菜，增添色彩，非常滿足😌

今日走入去諗住食個下午茶，行入去睇到其實有4人位，但我兩個人入去，所以服務員都帶左我同朋友去兩人位，我都覺得無問題，但因為我本人比較大份，而且又見到無人排隊等位好多位吉左，所以就問下服務員可唔可以坐四人位，點知如是者問左兩三次，已經係向住服務員方向問佢，而亦都確認到服務員係見到我問佢可唔可以，完全唔想答人，唔得都唔講一聲，點行點過走左去第二邊唔理人。真係火都嚟埋，無見過咁差嘅服務態度， 基本禮貌都冇，以後都唔會食！

【沙田區】【kaya咖吔】同大家提及過我係沙田友，早排同個朋友喺返沙田做兩日義工，上次我哋就食咗瀝源邨嘅某間老牌餐廳，今次我哋就嚟到新裝修嘅好運中心搵嘢食。但係好可惜，我哋真係唔係好搵到邊間真係好想食，退而求其次之下，就邊間有位食邊間，咁就入咗去呢間喇。就咁講呢間我都好耐冇講過佢哋嘅分店，之前將軍澳嗰篇都成年幾兩年前，所以而家食吓都啱嘅。朋友食咗個 $68 嘅「馬來烤雞配油飯」，加 $3 配熱「手工拉茶」，佢就話都幾一般，本身我都有啲想叫呢個覺得會好食，估唔到朋友只係打出一般嘅評價。我自己就穩穩陣陣叫個 $75 嘅「海南雞飯」，加 $6 飲凍「白咖啡」，畢竟海南雞飯真係好穩陣，我又覺得冇乜嘢。不過又咁講，又真係算唔上好食，平庸之至。埋單仲要收加一，夾埋 $167，你問我有冇下次我真係唔肯定，可能又係呢啲有位就入嘅情況囉。。。（地址：沙田橫壆街1-15號好運中心3樓3008-3009號舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：西貢區：1am0814#1amfoodie #foodie #hkfoodie #thatfoo

今日同爸爸去沙田姨媽傢俬個邊睇家私拎靈感～行完都1點幾，我就問佢頂唔頂到下午茶😂我想食咖吔～但下午茶平好多😏食物招牌喇沙摻摻唔知幾耐冇食過啦🥹佢嘅喇沙味道岩岩好～不過唔小心落得太多辣醬😅又惹味，又辣～好彩嗌凍野飲人哋下午茶會變mini,但佢呢個超足料！魚條、魚蛋、蛋…最鐘意豆卜！因為佢係靈魂黎😂檳城蝦面呢個都係招牌面之一！因為爸爸唔食喇沙，所以我推介佢食呢一個～我之前都食過，佢個蝦湯超級濃，好香蝦皮～我哋見到兩碗一模一樣咁滯😂就問邊碗打邊碗，職員都好有禮貌咁將我哋嗰兩碗放返啱嘅位置💕🔥🔥🔥重點推介🔥🔥🔥鹹蛋沙雞翼呢個真係呢～～本身我係想食魚片，但我係下午茶meun唔覺眼，見到雞翼心心眼😍～～ #雞翼控 必食！一定要趁熱先食到佢嘅鹹蛋沙油香～雞翼仲要係脆脆的🤩蟹肉醬炸饅頭其實呢個配搭有少少搲頭😅，平時炸饅頭應該係要配煉奶，但係原來佢配呢一個蟹肉醬係超級夾🫨佢特登唔炸到硬，等外皮小脆入邊鬆軟，可以浸到嘅蟹醬🫶🏻我就唔好嘥😂咬一啖再釀上去芒果汁配芒果雪糕、椰汁冰海鹽雪糕海鹽雪糕，令我諗返起以前尖沙咀排長龍嘅眼淚雪糕🥲好味😋椰汁爸父至愛～～但佢話乜雪糕有咸架咩😂所以我同佢換咗但我都係鐘意芒果🥭

沙田好運中心新餐廳😍💕是吃新加坡菜的餐廳，餐廳環境有馬拉風情的設計，座位寬敞舒服好坐。👍🏻除了經典的新加坡菜式之外，更有泰式風情的人氣火山排骨吃，更有多款海鮮的菜式，非常吸引！🤩《古法脆皮手工雞卷》推介特色小食，脆口的雞皮包著啖啖肉的雞肉，有心思的製作，味道喇起來有種很古法的香氣👍🏻👍🏻《新加坡白胡椒肉骨茶鍋》冬日暖意必叫之選，天氣開始凍，要吃暖暖的肉骨茶鍋，濃濃的白胡椒味，排骨啖啖肉，易離骨，肉軟腍👍🏻《海南雞飯拼喇沙》海南雞飯當然必叫，居然海南雞飯配搭迷你喇沙，都好足料，喇沙湯底好香濃！👍🏻《斑蘭咖吔多士》馬拉菜必吃的小食，烘底的斑蘭咖吔多士，是較扁身的多士，牛油香斑蘭味濃，非常惹味！