影片
今日出咗沙田行街买嘢， 顺便约下朋友食tea.经过见到d呢间餐厅几多人食,就入咗去试吓.D 间下午茶几抵食，2:00 pm开始, 选择都算多， 平均都系约$70 一个餐.海南鸡饭： d 鸡好嫩滑， 唔鞋口， 啖啖肉， 份量多 ， 可以转咗白饭，沾埋海南鸡饭秘制既酱汁一齐食， 好食， 又够饱👍👍大虾青木瓜沙律：大虾新鲜弹牙，沙律酸酸辣辣好开胃，木瓜丝爽口，蕃茄仔香甜多汁，夏天热辣辣，食呢个都唔错， 推介热白咖啡：提神之选， 每日一杯
继续阅读
呢间店我真系食过唔止一次！6月4号下午13:26，同屋企人食晏饭简直激到饱——叫咗排骨山米粉配热奶茶，上枱时又热又甜，我就拎多个杯倒咗半杯出嚟（加埋水沟淡），原杯剩低𠮶半杯完全未动过！点知搅拌𠮶阵觉得怪怪哋，杯底有嘢发出声，捞起嚟睇真啲……成个人傻咗🤮杯底有块大概2cm嘅玻璃碎片（或者塑胶碎片）！！好彩我搅拌时发现，真系唔敢谂如果有碎到睇唔到嘅杂物俾人饮落肚点算！（建议可查监控！一个扎高马尾嘅女店员一见到即刻抢走杯奶茶拎去销毁）同店员反映之后，佢净系讲句「唔好意思帮你换过一杯」，虽然换咗新饮品，但由头到落单结账，全程冇一句关心有冇事，连问吓有冇饮到异物、身体舒唔舒服都冇！最后埋单仲要俾埋服务费，真系嬲到顶瘾😤其实今次唔单止饮品有异物，连排骨都系冻嘅（怀疑系预制菜）！之前一直觉得佢哋好食，依家真系好失望😞避雷主因：饮品入面有玻璃/塑胶碎片，店员处理态度极差，完全冇理会客人健康，呢种餐厅真系要小心！（重点：起因系点餐时发现未动用嘅饮品有异物碎片，结果店员只更换饮品冇任何关心，处理方式极度敷衍，强调餐饮安全及服务态度问题。）
继续阅读
斑兰咖吔多士(36hkd) 对比其他店，做法比较健康，用麦包，牛油🧈咖吔酱较薄，无咁油腻，好干脆～五彩自家手打虾饼(88hkd) 外面的彩色星星💫不是只有装饰之用，炸咗之后是超脆卜卜，令个炸皮更加脆和有层次 第一次食呢个口感，虾饼QQ弹牙，加上辣酱好开胃🤤必食有惊喜👍🏻海南鸡饭(88hkd) 无骨海南鸡就是爽，是鸡胸位，啖啖肉，尤其鸡皮好滑嫩，鸡油饭几香有味，鸡汤不咸，做到个水准！南洋白咖啡(28hkd)咖啡味香浓，奶好滑，少少回甘，不算太甜青柠红茶(28hkd) 同平时饮开的冻柠茶不同，青柠🍋🟩微涩，好清新，微甜#foodiblum东南亚
继续阅读
下午茶超抵食，60有找就有一个粉面加嘢饮，唔够仲可以嗌小食～老街咖喱面好大碗咖喱味偏辣，但超级香椰浆味有豆卜虾芽菜长豆女仔细食真系要share嚟食🤣🫣马来炒贵刁有腊肠、鸭丝、鱿鱼粒等等，炒得超有镬气，个人每次必叫！咸蛋黄单骨鸡翼, 最钟意单骨可以一口食晒，咸蛋黄超香🤤话梅桔仔水唔会淡茂茂，唔止一粒话梅，应该见到仲有柚皮，冷热都好好饮. 🥰炸鲜奶炸得香脆，入面流心QQ, 唔会太甜， 当甜品食一流👍
继续阅读
呢间系我饭堂，二人套餐性价比好高！今次试$328套餐：4款菜式+2杯饮品。⭐咸蛋黄单骨鸡翼超好食，鸡翼表面沾满咸蛋黄，外面咸香内里juicy!建议一定要试下。⭐蟹肉配炸馒头第一次食，馒头即炸好香脆，点埋蟹肉酱好夹。⭐白胡椒肉骨茶有两大旧肉，不会柴都，好柔软，仲有几旧猪肚，汤底就辣少少但都几好饮！⭐樱花虾柚子沙律整体不错。饮品不需要价钱，味道正常，下次试下椰青先。🥢咖吔 🌏沙田横壆街1-15号好运中心3楼3008-3009号舖
继续阅读