咖吔

营业中

休息中

今日放假，約咗好友去位於沙田橫壆街1-15號好運中心3樓3008-3009號舖的<咖吔>食下午茶餐，環境舒適和休閒。我哋點咗：🥢無骨海南雞飯 $68：海南雞嫩滑美味，啖啖肉，送飯一流。🥢馬來燒雞配雞油香飯 $59：燒雞香脆美味，雞肉嫩滑。🥢手工流心芋泥丸（4粒）$26：芋泥丸好味又好食。🥢娘惹炸鮮奶（4件）$22：香脆可口。🥢星洲香辣炒飯 $78：微辣清香，口感豐富又好味。🥢海鹽雪糕椰汁珍多冰 $12：椰汁味清香，雪糕好味道。🥢熱青檸紅茶 $3：茶香清爽。🥢馬來芒果汁配芒果雪糕 $12：芒果味濃，雪糕好食。

沙田好運中心～咖吔，新加坡菜式，餐廳簡潔明亮，座位舒適多卡位揀咗個$248 二人套餐，包括：海南雞、柚子沙律、蝦餅、通菜，仲有2杯飲品🍸🥤五彩自家手打蝦餅外層炸至金黃酥脆，內裡餡肉鮮甜彈牙，色彩繽紛的星星脆片令視覺效果更吸睛無骨海南雞，雞肉啖啖肉，無骨皮薄肉鮮嫩，軟嫩雞肉搭配上特製的醬汁，更是提升了整體的美味樱花蝦柚子沙律，柚子的酸甜、櫻花蝦的鮮味、炸蔥頭洋蔥的結合，口感清新爽口，開胃解膩的開胃前菜

今晚和朋友食晚飯，叫左4人套餐B，set b有個排骨山，排骨山黎到之後員工放了2對手套給我們，但我地有6個人4大2少，得2對手套唔緊要，有對用到穿左窿，朋友問店員攞多對手套替換，店員連埋店長都話要收$1蚊，我覺得都不是問題，因為我地香港人都知呢$1蚊係政府要收，店員講第3對手套係要俾$1蚊，係政府同公司規定，但餐牌又無寫第3對手套要俾$1蚊wo,我都費時同佢地鬧，同員工講不如你收夠$4蚊，之前嗰兩對我都豪埋俾你！我想同你貴公司反映，$4蚊同$1蚊我都可以俾你，轉餐飲都唔止個幾蚊啦！係common sense，不如你連個兩對都唔好俾客人啦！乜嘢叫第三對要收一蚊，又話政府規定，我夠知政府規定啦，咁不如真係連嗰兩對都唔好俾客人啦！我想話俾你哋公司聽， 培訓下啲員工識講說話。餐牌又無列明。係俾得順唔順氣嘅問題

同男朋友大圍踩完單車過黎沙田覓食，一開始係比餐廳嘅門面吸引到，望落環境好乾淨✨再睇下menu覺得啲嘢食都好啱食，就決定食下😚🍽️用餐人數：2💸有加一服務費▪️新加坡喇沙$88📌推薦‼️個人最抗拒唔到嘅就係有椰奶嘅嘢食，於是就嗌咗呢個新加坡喇沙，咖哩加上椰奶簡直係一大享受，食落仲有啲辣辣地好開胃，啲麵條係好入味😋重點係‼️呢碗嘢嘅誠意真系好足👍🏻入面嘅材料非常豐富😆入面有鮮蝦,溏心蛋,魚蛋,魚片,豆芽,豆卜同通菜，可以話緊有一款啱你😚▪️海南雞飯$88📌推薦‼️覺得呢個海南雞係非常好，食落口感好嫩滑😋仲要雞皮唔會好肥膩食落冇咩負擔🤪仲有埋冬瓜湯可以解膩，完全係perfect match👍🏻▪️串燒拼盤（雞肉,大蝦,魷魚鬚）$98呢個嘅雞肉串都幾嫩滑同埋易入口，蝦同魷魚都新鮮幾入味😋而佢地嘅醬汁都可以食話係靈魂醬汁，一定要點完再食，令到成個串燒味道更上一層樓😚

呢間係我飯堂，二人套餐性價比好高！今次試$328套餐：4款菜式+2杯飲品。⭐鹹蛋黃單骨鷄翼超好食，鷄翼表面沾滿鹹蛋黃，外面咸香内裏juicy!建議一定要試下。⭐蟹肉配炸饅頭第一次食，饅頭即炸好香脆，點埋蟹肉醬好夾。⭐白胡椒肉骨茶有兩大舊肉，不會柴都，好柔軟，仲有幾舊豬肚，湯底就辣少少但都幾好飲！⭐櫻花蝦柚子沙律整體不錯。

高質新加坡菜必試！今日同朋友過嚟沙田行街，入咗嚟食下午茶，仲有下午茶餐，所以我哋就放肆地食咗四個下午茶餐，咁多個下午茶餐都令我哋非常之滿意，發覺原來呢間餐廳食物質素好高質！老街咖喱麵味道咖喱味非常之濃郁，啱晒重口味嘅人士，香料味非常之惹味，融合咗兩種麪質口感非常豐富，而且份量非常之大，必點之選！大蝦青木瓜沙律木瓜絲粗幼切得啱啱好，調味調得啱啱好，非常之惹味！香辣炒飯大大碟，用料非常之豐富，炒得一啲都唔油膩好乾身，又係必點之選！餐廳員工服務非常之好，座位都坐得好舒適好乾淨，一定會再探店！

今日出咗沙田行街買嘢， 順便約下朋友食tea.經過見到d呢間餐廳幾多人食,就入咗去試吓.D 間下午茶幾抵食，2:00 pm開始, 選擇都算多， 平均都係約$70 一個餐.海南雞飯： d 雞好嫩滑， 唔鞋口， 啖啖肉， 份量多 ， 可以轉咗白飯，沾埋海南雞飯秘製既醬汁一齊食， 好食， 又夠飽👍👍大蝦青木瓜沙律：大蝦新鮮彈牙，沙律酸酸辣辣好開胃，木瓜絲爽口，蕃茄仔香甜多汁，夏天熱辣辣，食呢個都唔錯， 推介熱白咖啡：提神之選， 每日一杯

呢間店我真係食過唔止一次！6月4號下午13:26，同屋企人食晏飯簡直激到飽——叫咗排骨山米粉配熱奶茶，上枱時又熱又甜，我就拎多個杯倒咗半杯出嚟（加埋水溝淡），原杯剩低嗰半杯完全未動過！點知攪拌嗰陣覺得怪怪哋，杯底有嘢發出聲，撈起嚟睇真啲……成個人傻咗🤮杯底有塊大概2cm嘅玻璃碎片（或者塑膠碎片）！！好彩我攪拌時發現，真係唔敢諗如果有碎到睇唔到嘅雜物俾人飲落肚點算！（建議可查監控！一個扎高馬尾嘅女店員一見到即刻搶走杯奶茶拎去銷毀）同店員反映之後，佢淨係講句「唔好意思幫你換過一杯」，雖然換咗新飲品，但由頭到落單結賬，全程冇一句關心有冇事，連問吓有冇飲到異物、身體舒唔舒服都冇！最後埋單仲要俾埋服務費，真係嬲到頂癮😤其實今次唔單止飲品有異物，連排骨都係凍嘅（懷疑係預製菜）！之前一直覺得佢哋好食，依家真係好失望😞避雷主因：飲品入面有玻璃/塑膠碎片，店員處理態度極差，完全冇理會客人健康，呢種餐廳真係要小心！（重點：起因係點餐時發現未動用嘅飲品有異物碎片，結果店員只更換飲品冇任何關心，處理方式極度敷衍，強調餐飲安全及服務態度問題。）

斑蘭咖吔多士(36hkd) 對比其他店，做法比較健康，用麥包，牛油🧈咖吔醬較薄，無咁油膩，好乾脆～五彩自家手打蝦餅(88hkd) 外面的彩色星星💫不是只有裝飾之用，炸咗之後是超脆卜卜，令個炸皮更加脆和有層次 第一次食呢個口感，蝦餅QQ彈牙，加上辣醬好開胃🤤必食有驚喜👍🏻海南雞飯(88hkd) 無骨海南雞就是爽，是雞胸位，啖啖肉，尤其雞皮好滑嫩，雞油飯幾香有味，雞湯不咸，做到個水準！南洋白咖啡(28hkd)咖啡味香濃，奶好滑，少少回甘，不算太甜青檸紅茶(28hkd) 同平時飲開的凍檸茶不同，青檸🍋‍🟩微澀，好清新，微甜#foodiblum東南亞

下午茶超抵食，60有找就有一個粉麵加嘢飲，唔夠仲可以嗌小食～老街咖喱麵好大碗咖喱味偏辣，但超級香椰漿味有豆卜蝦芽菜長豆女仔細食真係要share嚟食🤣🫣馬來炒貴刁有臘腸、鴨絲、魷魚粒等等，炒得超有鑊氣，個人每次必叫！鹹蛋黃單骨雞翼, 最鍾意單骨可以一口食晒，鹹蛋黃超香🤤話梅桔仔水唔會淡茂茂，唔止一粒話梅，應該見到仲有柚皮，冷熱都好好飲. 🥰炸鮮奶炸得香脆，入面流心QQ, 唔會太甜， 當甜品食一流👍

呢間係我飯堂，二人套餐性價比好高！今次試$328套餐：4款菜式+2杯飲品。⭐鹹蛋黃單骨鷄翼超好食，鷄翼表面沾滿鹹蛋黃，外面咸香内裏juicy!建議一定要試下。⭐蟹肉配炸饅頭第一次食，饅頭即炸好香脆，點埋蟹肉醬好夾。⭐白胡椒肉骨茶有兩大舊肉，不會柴都，好柔軟，仲有幾舊豬肚，湯底就辣少少但都幾好飲！⭐櫻花蝦柚子沙律整體不錯。飲品不需要價錢，味道正常，下次試下椰青先。🥢咖吔 🌏沙田橫壆街1-15號好運中心3樓3008-3009號舖

今日返工去咗咖吔食海南雞飯套餐，12點半都唔洗排隊，但一點後就開始滿座了。點餐唔洗十分鐘就已經有得食，海南雞雞雞肉鋪滿大半個碟，份量夠晒慷慨！雞肉去大部分冇骨啖啖肉，整得好滑嫩，蘸埋黑豉油同薑蓉，經典配搭無得輸～ 黃油飯粒粒分明，油香滲透每口飯，胃口唔大既我都食晒成個餐！ 套餐跟咗碗老火湯，可惜鹹到似飲豉油……建議直接skip，我嗌左個鮮橙茶反而幾清新，解膩一流～ lunch 黎記得早啲到，或者可以Gulu 拎定飛。

娘惹茶燻鴨喇沙摻摻 $68賣相吸引，估唔到鴨胸肉咁大件，外皮輕切一格格，煎得香脆金黃，肉質依然軟嫩多汁，且帶著鴨肉特有的香氣。喇沙湯底濃郁，椰奶順滑濃郁，再加入辛香料完美融合，帶輕微辣意。米線充分吸收濃湯精華，非常不錯。海南雞飯拼喇沙 $96海南雞份量都唔少，每件都皮薄肉嫩，帶著雞油香氣，口感嫩滑。按個人喜好沾上三款經典的醬料香濃微辣嘅辣椒醬，薑蓉醬，以及濃郁黑色甜醬油。不得不提香氣四溢嘅雞油飯。米粒晶瑩剔透，粒粒分明，每口都帶著濃郁的雞油香和蔥薑的微香。整體黎講，價錢唔貴，又幾好味喎。

今日接完囡囡放學，之後出咗沙田行街+ 食tea.經過見到d呢間餐廳幾多人食,就入咗去試吓.D 間下午茶者好抵食，2:00 pm開始,一個餐有飯有湯有嘢飲，都幾抵.海南雞飯： d 雞好嫩滑， 唔鞋口， 啖啖肉， 份暈都多 ， 我個人怕肥就轉咗白飯，加埋海南雞飯秘製既醬汁送飯，惹味，可以食晒成碗👍👍大蝦青木瓜沙律：大蝦都新鮮彈牙，有三隻，沙律酸酸甜甜好開胃，木瓜絲爽口，出街唔食油菜，食呢個都唔錯，熱白咖啡：香濃咖啡味，提神之選， 每日一杯

在沙田好運中心尋找有沒有合適的餐廳，看到很久沒有吃的咖吔，想起這裡的新加坡料理，就立即進入開餐吧。餐廳環境舒適，裝修雅緻，地方潔淨，可以慢慢享受吓美食啦！馬來烤雞配雞油香飯         $68外層烤至金黃嘅雞扒，好香脆，大大件，雞肉嫩滑，咬落去肉汁豐富，帶少少咖喱香氣，集酸辣甜於一身，香味撲鼻，搭配油香十足嘅雞油飯，非常滋味。新加坡喇沙          $56想感受最地道嘅新加坡菜我覺得一定要試新加坡喇沙，呢度嘅喇沙非常足料，當中食到魚蛋、鮮蝦、流心雞蛋、豆卜、魚片、芽菜、紫洋蔥、蝦乾等等  ;  而湯底亦要一讚，金黃色賣相相當搶眼，飲落好重椰香味，仲帶少少辣度，好開胃，而麵條煮嘅時間啱啱好，食落唔會太硬太腍身，有些咬口，真心好味。串燒雞           $42串燒當中最鍾意雞肉，外層燒得香脆帶微微炭香，肉質嫩滑，雞味濃郁，點上秘製醬汁，食落微辣更滋味。新加坡鹹蛋黃單骨雞翼 (6件)         $56雞翼即點即炸夠新鮮，一上枱熱辣辣，雞翼外脆內軟，嫩滑有肉汁，鹹蛋黃醬汁香濃，越食越滋味。椰青         (+$28)椰青水清爽解渴，椰肉好鮮甜，好適合配搭這些濃味食物