咖吔

营业中

休息中

相約朋友一起吃午餐..餐廳環境舒適，食物好食，喇沙超好食，湯底濃郁，米紙卷正宗新加坡味道！唔係越式果種咁林～咖吔多士可以熱返少少就正喇，班蘭飯第一次食，超香！咸蛋黃魚皮係新鮮淋落去既咸蛋黃，好大碟！有點滯了 ～ 飲品推介海鹽雪糕珍多冰，同班蘭冰都唔錯！值得推介

🇸🇬 新加坡之夜🇸🇬 Happy Friday 🥳☘️好味既咖吔☘️：牛油🧈溶晒入吐司🍞，味道一流，班蘭椰香，食極都唔厭🐥海南雞🍚 : 傳統擺設，雞肉嫩滑，向來就是喜歡吃無骨海南雞，香噴噴嘅油飯簡直係絕配👍🏻🍜Laksa 🦐：沒有過份既辣味🌶，椰香味濃🥘🥞咖喱配薄餅：呢款好好，人少食既話，起碼不用點選份量大既咖喱，反而，可以叫呢款，有咖喱汁再配薄餅，好啱心水配返地道式既新加坡🇸🇬🍺，同埋椰青🥥🥤店舖位置算大，🛋卡位坐得好舒服😌，還有，很喜歡佢哋既餐具🍽，好靚既藍色😍

屯門市中心食肆林立，真係不過一直冇留意呢一間，我諗呢間都係新開嘅餐廳，記得之前呢度係一間日式食物的餐廳，而家變了呢間新加坡馬來西亞菜色，機緣巧合之下經過，所以試下！一入去，覺得裝修唔錯，員工服務都唔錯，裝修風格走小清新路線，好多火焰鳥，適合打卡，影相都好靚，員工多細心有禮貌，一坐低即刻比兩杯水，算係咁食物方面，我覺得係合格中常，唔算勁好食，唔算好出色，樣樣野只係適中。午餐最平都要80幾蚊檳城蝦麵$86，分量唔會好多，味道唔算勁濃烈，不過都夠香咖班蘭吔多士，夠香脆，斑斕味唔突出，純粹有啲綠色，牛油夠香，不過唔夠多，覺得可以厚少少。香茅青檸荔枝梳打，味道唔錯，好清新，香茅味唔算好濃郁，整體冇乜味道，純粹有一支香茅喺上面，個人認為可以拍打一下，令味道出啲

今日要出去買餸，順便去屯門市中心食lunch。知道呢間喺新開東南亞餐廳我地又走去試下餐廳好多卡位算係坐得幾舒服唔洗講野又係點海南雞飯不過哩度lunch set有得拼肉骨茶，一箭雙雕點都要試下啦！先講過雞：又係相當失望64分，雞一D都唔滑，完全無味，唔明點做主打雞油飯好少少有70分，不過偏乾冇乜雞油味，食唔出有香茅或者斑蘭葉嘅味道.....肉骨茶好單一咁試到黑胡椒嘅味道，裡面有一條豬骨＋兩舊豬肚跟住叫左個新加坡叻沙摻摻，米粉溝油麵。哩個又反而幾好食喎！個湯底好濃郁，但係唔喺鹹。我推薦有80分其他食品正常發揮水準普通冇乜特別

得到不同朋友認同的KAYA，我又來了！今次是晚市：海南雞飯拼胡椒肉骨茶（$118）這裏的海南雞是水準以上，雞肉嫩滑，飯香，醬汁齊備。胡椒肉骨茶，胡椒味香濃，飲完湯很暢快。牛油果青蘋果沙律（$75）青蘋果比想像中多，牛油果切得比較過分細碎，核桃和提子乾有加分。

咖吔營業至今光顧4次，第一次為避開晚市人潮，特意提早晚餐時間，卻墜入下午茶時段，有飯有麵，含飲品，選擇頗多。此後成了咖吔輕鬆下午茶的常客。相約朋友，或週末晚餐沒開灶，就想到來下午茶。食過幾款主食及飲品，首推海南雞飯及桔仔話梅水。桔仔話梅水，除了青檸、話梅各一粒外，杯底有不少黃皮桔仔絲，杯上放了薄荷葉，未飲已覺清新，酸度可以多一點。雖然下午茶特價時段，海南雞飯的份量沒因而減少。油飯充滿蒜香，不會油膩，滿滿一碗。 湯有濃濃的雞味，上面有塊帶皮的冬瓜，沒下味精。三款醬各有特色，醬油稠身，不會死甜。蒜蓉辣椒醬微辣。 薑蓉磨得幼細。$68 需加一共$75。週末輕鬆下午茶3至6時，希望保持此合理價格及食物水準。

最近屯門新開左呢間地道新加坡菜餐廳😍佢既下午茶都唔錯，包埋野飲🤤馬來炒貴勺同串燒都好好食！值得推介，下次再去試埋其他野食😜雖然係下午茶，但Menu都好多野食選擇。特飲好似海鹽雪糕椰汁珍多冰都只係加$12！💡馬來炒貴勺 $78有魷魚、臘腸、蝦，都幾足料！貴勺炒得好入味，少少辣，好好味😋💡串燒併盤 $68各2串沙爹雞肉、大蝦同魷魚鬚🦑，所有串燒都燒得好香，有炭燒既味道🤤仲有沙爹醬配埋💛💡美祿哥斯拉 跟餐+$12淡味左少少，有朱古力脆脆波係面，有別於一般飲開既美祿恐龍！💡海鹽雪糕椰汁珍多冰 跟餐+$12味道清甜，有濃濃既椰汁味，仲有雪糕同珍多冰，正！ 鋪頭都裝修得幾靚，夠光明！坐位sofa多，坐得非常舒適☺️不過冷氣大左少少。下午茶時間：星期一至五 14:00-18:00星期六日及公眾假期 15:00-18:00

最近屯門新開左呢間地道新加坡菜餐廳😍佢既下午茶都唔錯，包埋野飲🤤馬來炒貴勺同串燒都好好食！值得推介，下次再去試埋其他野食😜雖然係下午茶，但Menu都好多野食選擇。特飲好似海鹽雪糕椰汁珍多冰都只係加$12！💡馬來炒貴勺 $78有魷魚、臘腸、蝦，都幾足料！貴勺炒得好入味，少少辣，好好味😋💡串燒併盤 $68各2串沙爹雞肉、大蝦同魷魚鬚🦑，所有串燒都燒得好香，有炭燒既味道🤤仲有沙爹醬配埋💛💡美祿哥斯拉 跟餐+$12淡味左少少，有朱古力脆脆波係面，有別於一般飲開既美祿恐龍！💡海鹽雪糕椰汁珍多冰 跟餐+$12味道清甜，有濃濃既椰汁味，仲有雪糕同珍多冰，正！ 鋪頭都裝修得幾靚，夠光明！坐位sofa多，坐得非常舒適☺️不過冷氣大左少少。下午茶時間：星期一至五 14:00-18:00星期六日及公眾假期 15:00-18:00

屯門牛最鍾意試新嘢😆Lunch time兩個人唔洗等位就試下入面裝修好靚，店員著渡假feel制服，加上座位好坐感覺好relax😎😎疫情關係，會有紙袋for口罩同埋消毒紙巾。第一次試叫咗最多人推介嘅新加坡喇沙😊一上到枱就聞到好香喇沙味，加上賣相好靚再配埋青檸同個醬令人餵口大增🙊成碗好多餸好豐富🤩蝦夠新鮮，豆卜索晒啲湯，魚蛋魚片都好食😋海南雞飯個湯好飲，飲完唔會口渴。食過咁多間海南雞飯，呢間個姜蓉整得最溶😂雞切到細細塊，送飯啱啱好，一流🤘🏻個飯好正宗，煮到好乾身粒粒分明。兩杯嘢飲都係跟餐唔洗加錢，都好好飲。桔仔話梅冰👍🏻杯底嘅桔仔整到好碎，喉嚨有少少熱氣啱啱好香茅荔枝梳打，好香香茅味🤘🏻同喇沙好夾。

一入門口就見到就滿懷舊馬拉風味嘅地磚、窗花😍連Menu嘅design都同成個環境好夾😆下午茶時段嘅menu❣️無論食物定飲品都好多選擇😍😍經歷咗一輪心理交戰，最終都叫咗兩款我平日嘅最愛❤️蝦麵湯底睇落好濃😦不過食落其實唔算太重口味 雖然有啲橙色辣油 不過食落完全唔辣😂至於蝦味呢就唔算太濃既🙂雖然係咁！蝦有三四隻 又有兩塊腩肉 再加埋參參（米粉溝油麵） 份量都算ok☺️ 一般女仔食都會飽😆😆我當然唔係細胃口嘅人 所以就叫多咗一份咖央多食🤣🤣仲要食完半份先記得影相😂個麵包係脆卜卜嘅😚揭開面頭塊包可以見到咖央醬都算俾得足料 連埋舊牛油食真係夠晒邪惡😈😈😈雖然未至於好食到令人驚艷，但係下午茶食到都係心靈上一大安慰☺️☺️飲品方面，我叫咗一杯香茅青檸梳打🍹飲落唔會太甜 感覺仲幾fresh🌱 一洗口腔內嘅油膩感😚😚係開心嘅❣️

咖吔係屯門新開左冇幾耐，決定去試一試野食係唔係真係咁好食四個人去嗌左好多野食，埋單900幾但因為份量好足，所以覺得性價比都真係唔錯！小食方面，嗌左咖吔多、鹹蛋炸魚皮、咖哩配手抓餅～咖吔多有椰香得尼牛油香岩岩好，值得一試～鹹蛋炸魚皮既鹹蛋香唔算突出，主要比較易膩，下次未必會嗌咖喱配手抓餅都幾好食，咖喱好有椰香，唔算好辣～主菜有嗌下燒豬頸肉、海南雞同埋喇沙米線～份量大份之餘調味岩岩好，最鐘意佢既豬頸肉要少少肥，入口軟得尼有少少油香，讚喇沙米線湯底唔算好辣但真係好香，而配料有蛋有蝦，會encore!

話說我黎到餐廳，好守規矩甘㩒飛，本身3大1小，有架BB車，甘我好有耐性甘等，見到佢執緊張卡位，跟住有位女士無㩒飛，就甘同職員講佢2位，個職員竟然直接叫佢坐卡位，跟住我同佢講我地黎先，個職員態度好似好唔耐煩，跟住話：得得得，我而加安排間房比你，我想講介意係無跟程序，如果甘，㩒飛黎做咩🙄，唔覺得自己有問題，差既體驗

今日同friend去食午餐，食新加坡野當然要試下個海南雞飯同肉骨茶啦，但真的很失望，肉骨茶佢係叫白胡椒肉骨茶，同一般正宗肉骨茶係兩樣野黎，佢呢隻肉骨茶超重胡椒味，勁到有d辣 而完全無藥材味，好唔好飲見人見智，我唔識欣賞，海南雞算可以，無骨，算幾滑，油飯加分，油味香飯粒粒粒分身，唔會煮到好濕，另外叫左個老鼠粉，感覺似銀針粉，味道幾惹咪有d辣，其他野無試未知o唔ok，店面唔大枱都比較細，基本上2人枱一人1個餐已經無位再擺多2碟小食

今日去東港城做完野已是中午食飯時間，走時見到呢間新加坡食店，有我極愛的喇沙摻摻，二話不說馬上撳飛排隊，等位的人也是很多。坐低即刻叫咗一碗喇沙摻摻加一杯凍吉仔話梅水，大大杯冰凍吉仔水酸酸甜甜加入一粒甜話梅，清熱解喝，非常冰涼舒暢。輪到主角喇沙摻摻，雖然上枱香氣迫人，但面果層油就太多，有些油浸的感覺！撇咗一些油後，總算一碗正常的喇沙，先喝一口湯，秘制的湯頭有著濃郁的椰香味，米粉加油麵再加芽菜，食落口感層次非常豐富，粉麵沾滿湯汁，每一啖都係大滿足。大蝦雖然對邊切開有些簿，但也是鮮甜，食得出是用新鮮蝦而非用急凍蝦。整體來講係好味道，材料豐富新鮮，略嫌份量比較少，男仔就應該唔夠飽!

見到定食八執咗，開咗呢間新舖頭，初初開嗰陣時成日都排長龍，嗰日咁啱食飯時間經過，嗰陣係4:30左右下午茶時間，見到佢個海南雞飯竟然有跟埋飲品，梗係要飲吉仔冰啦，之前去沙巴旅行嗰時差唔多日日飲三杯，一嚟到一飲同沙巴一樣嘅味道，海南雞飯都好有水準👍👍👍