和道屋

营业中

休息中

今日返工真係好攰，所以決定食返餐好嘅，咁我就嚟到尖沙咀 , 喺加連威老道嘅盡頭搵到呢一間新開嘅日式居酒屋 一入去發現呢個好適合打卡嘅千與千尋無面男，行上樓梯發現呢度係一間好油氣氛嘅居酒屋雖然係八點幾，但係已經座無虛席。因為都幾肚餓，所以就叫咗好多唔同嘅食物😆包括有：海膽拖羅千層塔 $268，海膽真係好鮮味🐟🐟好似新鮮拎出嚟咁樣跟住係好鬆化嘅厚切吉列豬扒芝士千歲米豚 $128，啲芝士會流出嚟嘅跟住叫咗幾個串燒：明太子雞腿肉串 $38 ，汁燒麵豉雞軟骨肉棒 $68；全部都好有風味🤲🏻 仲有就係鰻魚玉子燒$78，呢個熱辣辣，出邊其他舖頭非常之少見跟住我哋仲叫咗個燒飯團$28、鹽燒厚切牛舌千歲米團腩片$38😚😚燒飯團食落去係甜甜地嘅，同佢其他嘅食材都幾夾本身諗住叫埋海膽芝士燒龍蝦，不過已經賣晒，唯有下次啦今日返工真係好攰，所以決定食返餐好嘅，咁我就嚟到尖沙咀 , 喺加連威老道嘅盡頭搵到呢一間新開嘅日式居酒屋 一入去發現呢個好適合打卡嘅千與千尋無面男，行上樓梯發現呢度係一間好油氣氛嘅居酒屋雖然係八點幾，但係已經座無虛席。因為都幾肚餓，所以就叫咗好多唔同嘅食物😆包括有：海膽拖羅千層塔 $268，海

今晚同朋友黎依間打卡居酒屋，門口都佈滿打卡位，非常吸晴。呢度菜單同其他居酒屋嘅一樣好多選擇，我們點了魚生太卷，燒茄子，串燒及壽喜燒。先嚟魚生太卷，入邊係厚厚的魚生和飯卷，大件夾抵食，味道也不錯燒茄子和我們預期的有些不同，本來諗住係原隻上，但係呢度係幫你切開晒咁樣食。不過味道亦尚算不錯，味噌不會太重手導致好鹹，甜度亦都啱啱好。和牛壽喜燒亦都夠足料，只係略嫌和牛部位有些靭，未能夠做到入口即化，但係味道亦都是濃厚的和牛味。最後串燒入邊，雞肉棒入口鬆軟，軟骨有咬口。厚切牛舌彈牙濃味，而最讚嘆嘅係燒白鱔串燒，厚肉，味道夠，燒得香脆。如果唔係個一開始魚生卷食到有啲滯，應該會叫多一串。

同朋友2個女仔諗住食好西，點知中伏了！餐廳裝修係唔錯，不過食物質素，份量，同服務真係一次完了！朋友準時6點半去到，被安排坐角落位二人枱，位置非常窄。由於我遲少少到，朋友要求女侍應先倒茶放涼，方便我黎到，即時可以飲，估唔到個女侍應拒絕，仲話：點左菜先有水飲。真係黑人問號？！唔通佢地覺得我地呃水飲？有訂位架，有名有姓，唔係walkin，你驚我地唔點菜？？？？朋友再問，個女侍應先肯俾一杯水，係～只有一杯！於是我黎到係冇～水～！由於店方將大部份客人安排到同一排位，於是地方異常咁嘈，仲迫過龍屋。於是我地要求調座位去另一翼（冇人）。我地安排左坐2張連埋嘅4人枱，同一個女侍應刻意話：有人架！示意我地縮埋一邊，唔好過界。但由頭到尾，都冇人再入黎了，同時個場仲有好多吉位。駛唔駛咁mean? 定係因為佢唔想俾茶，嬲左？之後睇番野食，冇乜特別。我地點左一個1200蚊嘅2人餐，貴！但份量同味道唔值得呢個價。個沙律主要都係菜碎，冇乜味道，唔想食。一個有一個蝦杯，個海膽冇味，蝦都係。個和牛，一口完了，很薄。呢個2吞拿魚餅，要2個人share。呢個牛，味道都算可以，不過主要係用汁調味，個牛好一般。本來以為個海膽汁意

金巴利街呢頭近年有好多新店進駐，今日發現咗呢間新開居酒屋，仲有千與千尋打卡位，好靚😍好似去左日本咁。估唔到呢度嘅所有食物都咁有質素，有心做嘅一間小店，真心推介💯野菜明太子沙律👍👍👍有驚喜位🤩用粒粒方形明太子做主調，明太子口感爽脆，有微鹹香味同新鮮蔬菜嘅清新口感好夾，係一道開胃又得意嘅前菜。拖羅海膽刺身杯👍👍👍以拖羅蓉同日本海膽做重點。拖羅蓉肉質鮮嫩，食得出刺身夠新鮮，海膽濃郁配上魚子醬鹼香嘅點綴，襯托出整個刺身杯鮮味更突出，越食越爽😆係金錢嘅味道啊！和道屋魚生太卷👍👍👍用三文魚魚生作為卷物嘅內餡，配上新鮮蔬菜、漬蘿蔔同醋飯，外層係鬆軟嘅海苔。口感相當豐富，飽滿嘅魚生令整個太卷食落大滿足啊！😋😋😋金蒜芝麻帆立貝👍👍大粒新鮮嘅帆立貝為主角，搭配金蒜同芝麻調味，烤至微焦嘅表層皮香脆吸引，帆立貝用料新鮮，食落啖啖鮮甜帶汁。鳗魚玉子燒👍👍👍呢道玉子燒係我食過咁多居酒屋最好嘅鳗魚玉子燒，鳗魚鮮嫩多汁，不過鰻魚調味醬汁唔會過重令原本味道流失，加上濃郁的玉子燒口感軟滑，睇得出高湯部分份量處理得非常精準。串燒汁燒免治雞軟骨肉👍👍👍免治雞軟骨肉棒係我每次黎居酒屋必點串燒，呢間餐廳搭配嘅烤汁濃郁，將表皮燒到

宮崎駿嘅動畫可以講喺陪伴我哋長大，我個人就較喜歡佢早期嘅作品，例如：「天空之城」、「風之谷」，至於「千與千尋」都覺得喺一齣幾特別嘅作品。最近偶然睇到食友晌「和道屋」嘅食評，見到竟然有個1:1嘅「無面男」坐鎮，加上餐廳嘅裝修和風感十足，絕對可以嚟一趟偽日本之旅美食篇。雖然餐廳設喺二樓，但地下入口嘅長長走廊，已經極具打卡感，「無面男」就坐咗喺度等大家同佢打卡，加上天花嘅燈籠，真喺話俾人聽去咗日本絕對會相信囉。拾級以上，都仲未正式入到餐廳，極具和風嘅彩繪，以及 一串串嘅燈籠，又喺另一個打卡位。走進餐廳嘅用餐區，地方都幾大，除了有多張散枱之外，最入面仲有三組仿榻榻米座位，較自成一角。一室木系嘅裝修，加上牆上貼咗唔少昭和年代嘅海報，配合埋昏暗嘅燈光，感覺更似去咗一趟日本，非常有氣氛。櫈底下都設有小布籃，等客人方便擺袋、背包，都喺少少貼心嘅安排。作為居酒屋定位，自然刺身、壽司、串燒、浜燒、燒物、石燒料理、鍋物、一品料理……等等一應俱全，餐牌一整大本圖文並茂，不過，有啲難影，所以，就無影出嚟俾大家參考。而我哋就試咗一個「海膽ｘ和牛二人前」（$1,288），一共有7道菜，有齊好多餐廳嘅招牌菜式，當中4

尖沙咀打卡居酒屋🏮酒庫🤩芒果蟹籽沙律 蟹籽、青瓜絲、蟹柳絲味道清新爽甜，青瓜已去皮，除袪了青瓜皮的澀味，開胃前菜清新之選燒花魚一夜干 魚肉紮實兼帶油脂香，肉質彈嫩新鮮，鹹香味十足炸芝士年糕 咬一口後，流心芝士蜂擁而出，年糕質感有嚼勁焦糖菠蘿 菠蘿焦糖面燒至外脆香甜，啖啖肉，多汁清甜，解油膩感魚湯稻庭烏冬 稻庭烏冬完美地沾上清甜魚湯，配上鮮味魚塊，烏冬口感順滑，質感軟糯海膽拖羅千層塔海膽入口即溶，口感creamy ，於口內洋溢著澎湃的鮮甜味，味道清甜，加上拖羅油脂滿滿，味道甘香，吃岀滿滿幸福感

近排喺社交平台見到好多人影依間餐廳既門口，果然係絕佳嘅打卡影相位，不論你飯前飯後都可以任影唔嬲。這裏食物種類都算係多，刺身壽司串燒鍋物樣樣有齊，我哋點了壽司盛合八貫和和牛壽喜燒，再加一個味噌茄子燒。壽司嘅款式好平均，海膽吞拿魚三文魚油甘魚蝦帶子都有，醋飯也做得不錯。值得一提係海膽是帶有鮮甜味的，絕對不會苦。壽喜燒是有湯汁底，最後再放肉的那一種，湯鍋本身有很多配菜，有少少似打邊爐。牛肉方面和牛味濃，但肉質就帶有少少韌，以$298嘅價錢一大盤嚟講都算唔差。一開始我以為茄子是原整半個燒，但係原來師傅已經好細心地幫你切好，靚靚哋咁擺出來，味道很濃郁，值得一試。

高質居酒屋 - 和道屋海膽拖羅千層塔日本馬糞海膽分量十足，拖羅蓉油脂滿滿，魚鮨非常豐富，再配上三文魚籽，口感豐富，鮮味LEVEL UP，吃岀幸福感海膽甜蝦刺身杯 食材新鮮，甜蝦爽口清甜，搭配鮮味十足的日本馬糞海膽，海膽入口慢慢溶化，令人一試難忘海膽手卷 人間美食❤️簡單的日本馬糞海膽手卷，海膽的鮮味遍佈每個味蕾，鮮甜味美，無懈可擊芒果蟹籽沙律海量去皮青瓜絲加上蟹籽、蟹柳絲、芒果果肉鮮甜，整體酸甜開胃錫紙白蜆 蜆肉清甜，絕無砂石，後勁帶出淡淡白酒香燒花魚一夜干 魚肉肥美厚實，燒至金黃香口，完美迫岀甘香的魚鮨，整體鹹香惹味和道屋📍尖沙咀加連威老道46-48號恆隆銀行大廈地舖及閣樓

餐廳整體環境寬敞舒適，仲劃分咗幾個區域，部份座位之間都有竹簾隔住，私隱度頗高，適合同朋友聚會閑聊👍🏻另外，每一份定食套餐都包咗漬物、沙律、茶碗蒸、麵豉湯、生果同甜品，份量豐富，好抵食❤️🅵🅾🅾🅳壽司定食 $198呢款定食值得一試‼️份量十足，包咗六款壽司（甜蝦、帶子、三文魚、油甘魚等等），每一件壽司都做到大件新鮮同肥美🍣另外仲可以選配一碗細size嘅壽司丼飯，好足料抵食👍🏻澳洲產牛肉壽喜燒定食 $208壽喜燒湯底加入了昆布鰹魚湯，味道鮮甜🍲另外更附有豐富配料：水晶粉、娃娃菜、蟲草花、雜菌等等，口感豐富😍澳洲產牛肉都十分鮮嫩，食完後覺得大滿足٩(˃̶͈̀௰˂̶͈́)و鰻魚定食 $ 148鰻魚大件厚身，肉質肥美，食到啖啖肉👍🏻表皮都燒得焦脆，鰻魚汁同燒烤味頗為突出😋整體而言，呢一間絕對係會encore嘅餐廳👍🏻

同朋友喺尖沙咀做完facial 喺OpenRice搵到呢間居酒屋做緊優惠全單88折咁抵食 就一於試下😎🐂A4和牛壽喜燒2人套餐 $988 🍱漬物三款 醃製苦瓜 蕃茄 白蘿蔔 味道酸酸甜甜 清新開胃 🍣火炙壽司四點🔹火炙和牛壽司🔹火炙左口魚壽司 🐟刺身五點帶子 甜蝦 三文魚腩 吞拿魚 油甘魚刺身厚切新鮮 每款各2件 🎣拖羅海膽刺身杯2杯海膽好新鮮 味道甘甜🤩拖羅口感綿密 加埋魚籽大大啖食好滿足🥰 🍲特盛A4和牛壽喜燒配稻庭烏冬和牛片油脂豐富分佈均勻 入口肉質好嫩和牛肉香味超濃郁 按喜好搭配日本生蛋漿或者芝麻醬食特製嘅壽喜燒汁味道偏甜 配料都有好多：豆腐 娃娃菜 洋蔥 冬菇 金針菇 京蔥 皇帝菜 粉絲 煮一陣就入曬味😋🍨芝麻＆綠茶雪糕

今日晚餐喺居酒屋食海鮮！happy jai~~~朋友約咗我喺一間尖沙咀居酒屋食晚餐，見到在場唔少食客都有點壽喜燒，但我哋今晚主攻海鮮🤩🤩🤩海膽拖羅千層塔係必點！最上面係海膽，中間係拖羅蓉，下面係飯飯已經調咗味，一啖食晒海膽同拖羅簡直係最高享受！另外叫咗一人一隻薯蓉大蝦🦐非常肥仔😂啖啖蝦肉，夠彈牙，好食！😋點左三款刺身，三文魚、油甘魚、赤背新鮮好食。最後一人點咗一碗魚湯烏冬，夠晒飽飽滿足！

同大少去科學館玩之前，就當然食埋個午餐先。行經加連威老道就俾門口嘅《千與千尋》無臉男吸引住，然後再望下個menu見都好似唔錯好，所以就入去食個豐富Lunch啦！門口位置除左有無臉男坐陣之外，旁邊仲有櫻花樹裝飾，同埋滿滿日系色彩嘅燈籠，真係未食嘢就已經可以大量打卡位。沿樓梯上去就係用餐位置，除了有普通座位之外，仲有啲需要除鞋才可以坐嘅榻榻米座位，完完全全係日本居酒屋感覺。 午餐定食都有好多選擇，除左之外，仲有串燒、石鍋飯、丼飯…等等，而每定食仲包三文魚、茶碗蒸、沙律、前菜、，真係相當豐富。一人一份定食，真係睇見到已經覺好吸引啦！大少就叫左一份安格斯肉眼壽喜燒定食，肉眼大大片得嚟佢嘅量數都多(大約都有六/七片左右啦)，佢嘅肉質軟腍之餘仲好厚物，配上蛋漿一齊食香滑可口。而壽喜燒湯濃郁得嚟味道啱啱好，所以鍋內嘅蔬菜吸晒啲精華，變得更加好味。我就叫左份特選雜錦定食配冷稻庭烏冬，雜錦就有帶子、油甘魚、三文魚腩、拖羅、甜蝦，每款都有兩件而且厚切，入口都食得出佢嘅新鮮同水準。冰鎮嘅稻庭烏冬都係另一亮點，加埋個冷麵汁一齊食，非常爽口彈牙。除左主食之外，仲有麵豉湯、椰菜絲芝麻醬沙律、鮮甜蟹肉茶碗蒸、三文魚

相約在尖沙咀居酒屋👯‍♀️🍣🇯🇵🫶🏻一入門口就好似走咗入動畫片場景，好真實🥹上一層先係座位，地方唔算好大，平日夜晚都差不多滿座！餐枱上有兩個套餐，見到有好多食客揀咗套餐但係我哋想試多啲唔同嘅嘢，所以就選擇散叫海膽拖羅千層塔見到每一台食客都有點，我都試一試先海膽份量都唔少，味道唔錯呢個千層塔用來做生日蛋糕都得🤣另外都試咗幾款刺身，幾鍾意赤背刺身食刺身，飲清酒，同朋友傾吓計環境唔錯幾舒服！

朋友知道我喜歡食日本野, 就介紹了一間很有特色的日本居酒屋比我。一入到店舖，有個無面男坐了在店舖，仿佛好似進入了電影千與千尋的世界，店內亦有一些要除鞋的和式卡位，很有特色。我們叫了幾款食物，包括炸白蝦仔、日式雞軟骨、雞皮餃子、明太子雞翼、自家製厚切吉列芝士千歲米豚、焦糖菠蘿、豚腩片白虎蝦卷和帆立貝壽司。餐廳很多食物都真係好食而且有特色。炸白蝦仔非常酥脆，香脆可口，令人食不停口，用來一邊傾計一邊食最好不過。另一個推薦大家傾計小食就係日式雞軟骨，炸得脆身，而且非常有口感。雞皮餃子非常特別，剛剛炸起更好食，內裡餡料都非常豐富足料，建議大家趁熱食用會更加好食。明太子雞翼烤得剛好，外皮酥脆，雞肉嫩滑, 啖啖肉, 微辣美味。自家製的厚切吉列芝士千歲米豚是餐廳的招牌。肉質易咬而且不油膩，中間有拉絲芝士，令到層次更豐富，表面又炸到卜卜脆，真係好正好吸引。焦糖菠蘿因為經過燒之後有一點酸酸甜甜夠開胃，焦糖衣脆卜卜，香甜多汁。豚腩片白虎蝦卷，豚腩片有少少鹹香，但沒有豬的騷味，加上豚腩片薄切包住好彈牙的白虎蝦，口感一流。帆立貝壽司的帆立貝很肥美，口感滿足, 加上非常鮮甜，壽司飯的醋比例適合。

居酒屋有千與千尋無面男打卡，居酒屋日式傳統裝潢，很多日式擺設，和風紙燈籠，鳥居牆身，日式掛畫等等，充滿日本風情，有好多打卡位，又有舒服的榻榻米卡位。黃金蟹膏鵝肝丼 $108鵝肝味道鮮甜，細膩滑嫩，醇厚香氣，入口即化！黃金蟹膏甘香，鮮味十足，味道十分濃郁。黃金蟹膏配鵝肝，味道配合得天衣無縫！定食包括有前菜，沙律，麵豉湯。非常好味道必食👍👍👍👍👍吉列米豚定食 $118吉列米豚肉即叫即炸，外脆內軟，肉質肥美香口，油香滿溢，肉汁豐富！豚肉厚切，大大件，非常足料。定食包括有三文魚刺身，烏冬，沙律，酸蘿蔔，蕨餅(黑糖和菓子) ，蟹肉蒸蛋，麵豉湯。好美味必食👍👍👍👍👍角切魚生丼 $98魚生丼新鮮足料，入面有三文魚，吞拿魚，魷魚，魚子，玉子等等。壽司飯已經用豉油和醋調味！定食包括有三文魚刺身，沙律，酸蘿蔔，蕨餅(黑糖和菓子)，蟹肉蒸蛋，麵豉湯。午餐定食 $88起 超抵食餐廳全日88折入座每枱玩扭蛋，即扭即中，即中即用（最低全單5折，買一送一，免費串燒，飲品等優惠）環境 9.5/10味道 9.5/10服務 9.5/10衛生 9.5/10性價比 9.5/10人均消費$100-$300店名 : 和道屋 地址