和藏桂林夜市 (已結業)

經過見到，有人排隊，諗住試下新野。買了一份鹵味孖寶$20（墨魚拼雞腎）鹵味處理得幾好，無內臟味，夠爽口，特別係墨魚，彈牙！！！！！雞腎厚度均一，口感平均，不難咬。甜醬有鮮味，但不會過咸，不錯！味道有驚喜，姐姐亦好有禮貌👍🏼👍🏼下次想試避風塘魷魚鬚。最後無買到，下次一定要試😝另外買左一份魚蛋（$10/7粒）魚蛋是大粒魚蛋，食得出是成本唔平，有魚肉味的魚蛋，最喜歡佢個秘製辣醬，少少甜身，令整碗魚蛋都好好味！

好記得上個月見到哩間嘢新開張睇到我發晒光！因為見到勁多唔同煮法嘅八爪魚同魷魚！尤其係N年前戲院果種炭爐烤章魚！總之就好吸引！可惜次次經過唔係已經食咗飯好飽，就係去緊食飯，驚食咗食唔落嘢，所以一直都無試。今日喺天后做完嘢就出旺角睇眼科，等咗兩個鐘先睇完，睇完已經5點幾，又未到晚飯時間，所以就專登嚟試下！最後揀咗避風塘魷魚，唔熱。。。已經扣分，不過好彩炸粉唔厚，雖然凍咗，但都仍然算香口，合格！下次試埋烤章魚先！

嗰日行過旺角，見到有間嘢叫桂林夜市，見到夜市，就滿心期待試試佢企咗出鋪嗰個姐姐，見我望緊腸粉，就介紹佢哋嘅腸粉師父，係前合益泰個師父，心諗，……唔洗專登去深水埗食咁我就叫咗燒賣+腸粉。首先試吓個燒賣(7/ $10)，似曾相識嘅感覺，呀～7仔燒賣，質感，size 99%相似，本來有啲失望，但睇清楚，佢大大隻字寫住係燒賣，又冇話魚肉燒賣，成粒都係粉團好正常丫。好喇，試埋個腸粉先（5/$10），係滑嘅，但比起“合”有距離，加上個豉油同啲醬，完全兩件事囉，可能姐姐講到個師父咁勁啦，雷味十足

呢間小食店新開冇耐，賣嘅大部份都係好野味嘅小食，有避風塘軟殼蟹，避風塘魷魚鬚，椒鹽粟米，椒鹽蝦，懷舊烤土魷等等，上次路過好似見到有賣椰王，食完飲返個椰王都冇咁熱氣，老板娘真係人好又貼心令我呢個平常唔會打食評都打番次。軟殼蟹同魷魚鬚都好味，搞到我成日都想買黎食，已經食左幾日啦所以都有d 熱氣，不過唔怕，對面街就有間清熱嘅x不賣。平時掃街食完肥x鹵味，不妨試埋隔離店嘅軟殼蟹，再飲碗葛菜水

20年前在旺角戲院準備入場時，總會先聞到一陣魷魚香，再看到有很多人圍在一個小販檔前，原來是排隊買燴魷魚。20年後在旺角又見到呢個畫面，又聞到這陣魷魚香味，原來已經20年。功夫魷魚絲（$18）乍看之下不知它是什麼，外形是一條長長的米黃色的乾物。經過火爐一燒之後魷魚香味出曬黎。師傅說要烤到有一點煙，那樣外皮才脆。味道方面，的確是外皮脆香，每咬一口都有鮮味溢出，配上師傅的秘製豉油、辣油，正！正！正！越辣越上癮可惜是因爲手攪魷魚絲的原故，不用像吃原隻烤魷魚那樣，需要不斷咬才可以吞下去，但魷魚鮮味仍然好出！看到同一位師傅、用同樣專業的手拉技巧，把手掌般大的乾魷魚變成手臂那麼長的魷魚絲，真是少一點功夫都唔得。眼神中看到她那份滿足感。師傅跟我說要申請健力士世界紀念，親手做到世上最長的手攪魷魚絲，呢一刻，我覺得香港人真係好勁！！！在我9歲時，我已經在旺角街頭試食過，無論是20年前還是20年後，我都真心覺得很好吃！尤其是那個辣油，回味回味！

今日路經旺角，看到有一間掛着大大牌匾， 牌匾下人聲鼎沸，便湊湊熱鬧~ 原來是新開的油炸小食店，主打多款口味 的烤魷魚 ， 其他小食還有油炸鬼/炸墨魚/魚蛋等常見旺角街頭小食。旁邊有免費抽獎，只要like 佢facebook，便人人有份，永不落空~ 最後中了幸運獎: 和風魷魚絲一份~和風魷魚絲，即叫即做，薄薄的一塊，口感香脆，不腍不韌，嚐到魷魚的海鮮味，加上少量和風醬汁，更能提昇魷魚絲的鹹鮮度，鹹中帶微甜，香口滋味!雖然是免費試食，但份量不會過小，魷魚絲烤得香口，很開心以後旺角去"掃街"又多一個選擇了~