和牛燒肉一郎 (百誠大廈)

营业中

休息中

推介大家一間好抵食嘅燒肉放題餐廳，就喺佐敦嘅和牛燒肉一郎。呢度有唔同款嘅放題套餐，大家可以按自己鍾意嘅嚟揀。我個人比較推介呢個放題Set E，有好多款牛肉任食，而且都係啲高級牛肉，真係好抵。首先講吓呢度嘅原條五花腩，肥瘦適中，燒完之後口感又好好，唔會油膩，好受大家歡迎。牛肋肉色澤好靚，均勻分佈嘅大理石油花紋路，食落去入口即溶，簡直人間美味。鍾意食生牛肉嘅你梗係唔可以錯過生牛拖羅刺身，見到靚靚哋又細緻嘅油花，食落去鮮香嘅牛肉味十足，口感一流。仲有生牛肉大腹壽司，鮮嫩口感嘅生牛肉連埋下面壓住嘅飯一齊送入口，口感嫩滑又好食，再加埋新鮮芥末，真係好滋味。呢度除咗可以食燒肉，仲有肉質飽滿嘅海鮮同埋好新鮮嘅自助沙律，全部都係任食，食得非常滿足。

鍾意食肉嘅我哋梗係揀咗F餐啦，頭盤一擺上枱就已經睇得出餐廳滿滿嘅誠意～ ✨極上夏多布里昂 我哋點呢個餐嘅目的就係為咗佢！燒完之後散發出濃烈嘅肉香味，食落口柔中帶韌，食落去全部都係深厚嘅豐腴肉感！不愧係肉中極品！💥👍🏼 ✨黑毛和牛六款 六款唔同部位嘅牛肉喺呢一盤都可以食得到～每一件肉肉色澤豔麗，靚嘅紋路經過炙燒之後脂肪溶化，肉汁喺口入面爆發嘅口感真係令人難以忘懷！我個人最鍾意就係牛里脊肉，肉質細嫩而且油花分佈均勻，口感細嫩而且肉香味超級濃郁🤤 ✨原隻魷魚筒、帆立貝、青口、大虎蝦 各種海鮮喺呢度都可以享受到～嗰隻魷魚筒同我手臂一樣長！貝類都係非常新鮮，燒熟咗之後味道非常鮮美仲帶住淡淡嘅燒烤味～ 🥩和牛肉眼 呢個部位都係我嘅至愛！燒完之後油脂滿滿化開，牛肉嘅鮮味同淡淡嘅奶香味喺口入面綻放，入口即溶講嘅就係呢啖！ 🥩牛脷拼豬五花腩 厚切嘅牛脷厚實多汁，每面短暫炙燒就可以，咁樣可以最大保留住牛脷嘅汁水，仲可以食到柔嫩嘅口感💯 五花腩都好味，一點腥味都冇！燒到微微焦香之後，食落更加緊實彈牙，點食都唔會厭😍 🥩薄切蔥花牛脷鹽味 每一片嘅薄切牛脷都已經用鹽醃製過，經過燒烤之後，外焦裡嫩🤩 簡單嘅調味就

呢間和牛燒肉一郎喺香港有幾間分店，佢哋系我食過目前為止，食和牛放題最正嘅餐廳，喺呢度可以充分體驗到和牛燒烤嘅樂趣，都可以食到最正最新鮮嘅和牛各種部位，一定系我帶任何人嚟食飯嘅首選！我嚟為大家介紹我最鍾意嘅幾道菜。我個人認為最高級嘅和牛。燒烤後，鮮香無比，配埋醬汁，更加入味，真系好好味啊！每一款牛肉都好新鮮，都有自己獨特嘅味道，尤其我最鍾意入面嘅牛肋肉，好有彈性，好食！味道好正！五花肉搭配牛舌簡直系一流！喺口味同口感上都附有層次，好豐富。魷魚好可口，富有彈性，燒烤後嘅魷魚鮮香無比！富有彈性又唔會腥味。蔥花同鹽味充分咁把牛舌嘅香味凸顯出嚟，食得停唔到口，仲想再食！烤菠蘿嘅香味十足，甜味更加濃！牛肉眼好軟嫩，烤嘅時候好香，好食！而且肉眼嘅雪花好多，睇落去好惹味！

今次約咗家人嚟佐敦嘅和牛燒肉一郎食放題，佢哋嘅自動送餐系統真係好有趣，中間有條路軌係專門用嚟送肉，坐低之後就可以專心享受唔使周圍走。再加上自助Bar上面有齊沙律、汽水、甜品等，真係任食任飲，點幾多都唔怕唔夠飽。首先推介下佢哋嘅原條牛舌佐香水檸檬，切成薄片嘅牛舌帶有少少嚼勁，擠上檸檬汁更加清新解膩，一啖咬落去口感好juicy。牛肋肉同牛里脊肉都係佢哋嘅主打，牛肋肉入口即溶、油脂分布均勻，牛里脊則係肉味特別濃郁，每片都燒到恰到好處。最值得一提嘅係和牛牛肉角切(一口牛)同和牛牛肋条，兩款都係正宗和牛，脂肪細膩分布均勻，一燒香後完全唔會過油，肉汁留喺口腔裡面，真係好正！另外，佢哋仲有多春魚同帆立貝，呢啲海鮮都係超新鮮，燒完之後口感鮮甜。小吃方面試咗炸雞塊，外層炸得脆脆地，入面嘅雞肉嫩滑多汁，作為燒肉放題中途嘅小食真係一流。壽司迷仲可以試下佢哋嘅生牛大腹肉壽司、生牛肉壽司，甚至仲有生牛肉刺身同生牛托羅刺身，呢幾款壽司真材實料，無論係厚切嘅牛肉還是魚生都好新鮮，口感嫩滑，係同燒肉一樣值得推薦。總括嚟講，和牛燒肉一郎真係適合一家大細嚟食個開心豐富嘅放題晚餐，店員服務細心，環境舒適，絕對係一個高質嘅燒

呢度嘅放題真係好有特色！揀咗Set F任食套餐，可以無限量享受各種高質燒肉同海鮮，仲有餐廳中間嘅自動送餐路軌。極上夏多布里昂可以話係全場焦點，肉質極其柔嫩，每一片都係脂肪分布均勻，燒到啱啱好入面微紅，入口即溶，真係超級滿足！另外仲有黑毛和牛六款任食，唔同部位嘅和牛都有唔同嘅口感同香味，令我哋每一啖都有新鮮惑。其中最特別嘅就係西冷。西冷肉質柔軟又有咬口，燒到啱啱好時，啲油脂滲出嚟，香氣撲鼻，唔需要太多調味已經好出色，每一啖都充滿牛肉獨有嘅濃郁味道，真係好滿足！食燒肉點少得牛舌呢？鹽味葱花牛舌係我哋嘅心頭好，燒完加少少檸檬汁，入口爽脆而有嚼勁。再搭配一啲鮮甜嘅海蝦同帆立贝，成個海陸盛宴真係豐富多樣。成餐飯唔止燒肉咁簡單，自助Bar仲有沙律、汽水同甜品任食，真係齊全又滿足。呢度環境唔錯，自動送餐又增添咗趣味性，氛圍輕鬆，對於我哋嚟講真係一個輕鬆嘅約會地點。想嚟感受高質和牛放題嘅朋友真係值得試試！

我同女朋友都鍾意食燒烤，尤其係鍾意呢間嘅燒烤。呢度嘅牛肉唔止種類繁多，水準亦都好高，保證你食完仲會再嚟食多幾次。餐廳嘅環境舒適，入面仲有自助Bar，無限提供沙律、汽水同埋甜品。我哋鍾意食呢度嘅Set D放題，個人覺得係最抵食嘅套餐，套餐仲包括日本嘅頂級和牛，真係好抵我哋鍾意食牛脷，通常嚟呢度都會叫唔同款式嘅牛脷，其中包括咗❣️原條牛脷配香水檸檬❣️薄燒蔥花牛脷（鹽味）牛脷有咬口嘅口感，品嚐到油脂之餘，卻唔會好油膩。放喺高溫嘅鐵網上面，即刻收縮緊實，將獨有嘅風味都鎖喺一嚿一口大小嘅牛脷入面，配埋特製嘅蔥鹽，爽口彈牙鮮甜嘅口感令人垂涎三尺，好食到不得了當然仲有一啲其他好食嘅牛肉，肉質嫩滑嘅牛脊肉，口感細膩嘅生牛肉刺身。唔止可以品嚐到高質素嘅牛肉，仲可以品嚐到新鮮嘅海鮮，例如多春魚等等食飽之後仲可以食雪糕，真係好滿足

尋晚去左試佐敦「和牛燒肉一郎」嘅燒肉套餐整晚用餐體驗都好好👍🏻🌟和牛西冷西冷牛肉既紋理清晰肉質嫩滑唔會過肥燒完少少焦香味 肉汁豐富🌟原條五花肉五花肉油脂豐富但唔會膩 肥瘦適中燒到微焦 油香四溢 夠哂香濃🌟原條牛舌配香水檸檬賣相已經夠吸引牛舌好厚身 咬落帶嚼勁加上香水檸檬味道清新解膩 🍋🌟牛里脊肉里脊肉燒到微焦 散發濃郁既肉香口感柔軟 入口即化🌟青口青口好新鮮帶鮮甜味燒到外殼微微打開就啱啱好 🌟多春魚多春魚外皮脆香 魚籽越嚼越香🌟2色蔥花牛舌(鹽味)牛舌鹹香惹味加咗蔥花之後 香味更加突出🌟海蝦大海蝦燒到外皮微脆蝦肉鮮甜嫩滑彈牙成個套餐種類豐富絕對值得一試

都開左一段時間既牛一朗，同朋友食左幾次，好有性價比☺️分別有不同既set不同grading既牛肉，某d set有海鮮，而且牛肉好多選擇。牛舌要讚因為好有誠意，其他地方都只係提供薄切嘅，佢哋嘅厚切牛舌真係比好厚一舊，燒完好香又爽口，一d都唔會韌。寶藏牛肉就岩哂打卡既你哋😆再嚟燒菠蘿，一定一定一定要燒得焦d，水份好爆滿，喺嘴入面水份都爆晒菠蘿汁出嚟。除咗食肉之外，無飯不歡既你記得要試下香蔥拌飯，配埋和牛一齊食好滿足。

Openrice 程式内先購套餐，S2 100分鐘精選牛 97種$288, 已包加一服務費。開頭見傳單有介紹加$8 任飲啤酒，梅酒，清酒，打算去到餐廳再考慮加唔加，但原來經Openrice購買的S2已包任飲啤酒，梅酒，清酒。非常超值牛種類其實不算太多，而且偏薄片，如果喜歡厚切的，可能要選另外的套餐。本身是奔著牛舌去吃，可惜只有兩款選擇，而且薄片，所以有些失望。但員工有禮，收碟速度快，而且又主動留意鐵網需要更換，值得一讚。

最近想搵間日本燒烤嚟食，就喺佐敦百誠大廈嗰度搵到呢間和牛燒肉一郎，有燒烤放題，而且仲係頂級嘅日本和牛任食！價錢仲好公道，真係好抵食！食放題最緊要就係環境唔會嘈雜，然後地方同埋食材都好乾凈，咁樣個幾鐘食落嚟先唔會唔自在。我今次嚟體驗嘅係放題Set E，係648蚊一個人。高達145款食材任我哋揀，最爽嘅係仲有酒類放題，有梅酒、清酒、啤酒任飲。極上厚切牛脷香醇濃郁，有牛脷獨有嘅味道，燒起嚟非常香。黑毛和牛六款各部位嘅肉片都有自己嘅特色，都好好食，大家對牛肉嘅各種喜好部位都有提供。生牛大腹肉壽司非常獨特，生牛肉嘅口感好嫩，然後味道都好香醇。黑毛和牛牛肉角切(一口牛)就瘦肉偏多，咬落嚟比較有口感，一樣都係好香嘅和牛香。今次體驗真係好好，下次一定仲會再嚟食！！

Saturday night 梗係要同朋友出嚟飲酒食飯鬆一鬆啦，今日就嚟到呢間燒肉放題餐廳，睇openrice評價都唔錯就book位嚟試吓。⭐成間餐廳環境都算闊落，一點都唔會逼，而且仲會提供圍裙可以避免整污糟件衫👍簡約嘅日式風格同其他燒肉店風格唔同，睇落去幾高級~ 聽店員講星期五六日夜晚仲有炸物任拎，抵食！⭐Menu都幾簡潔，有A-F set可以揀，唔同價錢除咗和牛款式之外，任食時間都有分別，我哋今次就揀咗E set⭐除咗黑毛和牛之外，特選牛質素都唔錯，普遍都有A4至A5，仲有牛肉刺身同埋壽司添！豬肉、雞肉、海鮮仲有蔬菜總共有145款俾你揀，任你食餐飽！🥩黑毛和牛六款，手切嘅牛肉片紋理清晰，每一塊雪花牛都好吸引！喺燒盤度拎起嚟嗰陣仲見到滴緊嘅肉汁，入口即溶嘅口感配埋滋滋嘅油香真係食到我哋停唔到口😍🦑原隻魷魚筒、青口、海蝦，隻魷魚仲大過我隻手！雖然係燒肉店但係老闆一點都唔馬虎，海鮮每一款都肉質鮮美，最正係完全冇腥味，好新鮮！✅評分：味道 ： ⭐️⭐️⭐️⭐️【4】環境：⭐️⭐️⭐️⭐️⭐️【5】服務：⭐️⭐️⭐️⭐️【4】衛生：⭐️⭐️⭐️⭐️⭐️【5】抵食：⭐️⭐️⭐️⭐️⭐️【5】整體評分：😋【笑】

我都嚟食放題啦，揀咗個SET D，係咁多SET入面最中等嘅，可以食120分鐘，仲可以加錢飲梅酒、清酒同啤酒。頭盤可以食到黑毛和牛同海鮮，黑毛和牛嘅肉真係冇得頂，烤到焦香焦香，一口食落去仲保留住好多汁水，而且都唔需要點咬，感覺就融化咗。原隻魷魚筒係可以整隻攞或者剪成細部分再攞去烤，整隻好大個，新鮮同Q彈。我有去蔬菜區攞咗啲翠肉瓜嚟烤，搭配住M9薄炙牛里脊肉一齊食，咁樣食先唔會膩。每一片都超大塊薄切嘅脊肉，脂肪均勻，有牛肉味，又唔膩，我真係好鍾意食醃製過嘅牛肉。鍾意食明太子嘅朋友絕對唔可以錯過福岡明太子卷，滿滿嘅明太子再加上壽司飯，真係好好食。牛脷都有好多選擇，我揀咗薄燒蔥花牛舌，鍾意食鹹味嘅朋友必叫呢款，每一片都切得好平均，燒起上嚟好快熟，驚太un嘅可以點埋醬汁食，包你唔會後悔，食落有新鮮牛肉味又有少少脆口。炙燒牛外橫隔膜都非常值得一試，只需單面煎烤，當牛肉表面油脂滋滋作響時，即可將牛肉捲起上碟。牛肉本身嘅熱力會將另一面焗熟，避免過度烹調。咁樣，牛肉口感更加鮮嫩多汁，原汁原味得以完美保留。

朋友聚會就一齊嚟佐敦嘅和牛燒肉一郎食日式燒肉放題😋一早就預約咗，所以所以要嚟記得要Book枱！首先就嚟一碟M9薄炙牛里脊肉‼️牛肉薄切，炙燒後香氣四溢，入口即化，肉質鮮嫩，味道一流， 朋友個個都大讚好食😀開胃小食就一定要叫味醂魚乾，挑咗最新鮮嘅魚乾，加上味醂嘅甜味，好滋味好特别‼️青口同黑毛和牛🐂4款（肉眼、牛肋肉、肩胛肉、一口牛）都係必試之選，每一款牛肉都各有特色，肉質鮮嫩，燒完之後香氣四溢，真係令人食完仲想再食😋‼️接住就必須試下海蝦🦐，鮮甜多汁，燒完之後仲保持住海鮮嘅鮮味，一試上癮，好好食‼️再嚟就係香蔥海苔溫泉蛋拌飯🥚🍚，溫泉蛋嘅滑溜同溫熱嘅飯粒結合，加上香蔥同海苔，滿口都係香味，越食越過癮，真係喺燒肉中的一大亮點‼️🍦最後梗係唔少得雪糕，清新嘅口感，甜而不膩，為呢個燒肉放題畫上完美句號😍‼️呢到無論菜式多樣還是服務態度都係非常好，再加上食物味道出色，絕對值得一試🤩‼️

男友上星期五生日，諗住佢平時辛苦，想帶佢去食啲好嘢獎勵佢對我咁好！我問咗我個好姊妹有咩好介紹，佢介紹我去佐敦嘅和牛燒肉一郎食燒烤。我就決定帶男友去嗰度食晚餐。啱啱好今日星期六，呢到原來星期五六既夜晚會係自助區多咗炸物，真係太開心喇！我哋兩個人揀咗F餐，係可以任食19款日本黑毛和牛，真係勁抵呀！首先，佢哋送咗個海鮮頭盤卑我哋，有【原隻魷魚筒】，好大隻魷魚，而且仲好新鮮，有彈性，男友食得好爽！仲有我至愛嘅【特大越南大虎蝦】真係好大，我第一次見過咁大隻蝦，而且好多汁，真係好正！【甲羅燒】特別鮮甜，仲帶有蛋香，整體嘅口感都好好。仲有重點菜品【黑毛和牛六款】，碟入面裝住滿滿嘅牛肉片，每一塊男友都燒得特別香，太好食喇！最令我哋驚艷嘅係【極上夏多布里昂】，有厚厚嘅肉，咬落去特別滑軟，非常美味！嚟日本餐廳梗係唔少得【福岡明太子卷】好開胃！我哋兩個食得好開心，男友都話呢個係一個難忘嘅生日！

每月必到嘅一郎燒肉，我又嚟喇！原本打算星期四就去，但老公提咗我星期五先會有我最愛嘅炸物自助。今次叫咗SET E，呢個set就會有黑毛和牛6款可以食，只需要$648，真係好抵！特別推介我每次都會一直refill嘅菜！【2色蔥花牛舌】本身一邊係鹽同黑胡椒醃製，一邊係蔥花芝麻一齊燒，所以食落同其他普通嘅牛舌好唔同，會有蔥花芝麻，鹹辣黑胡椒嘅味道。【牛舌】好有誠意，其他地方都只係提供薄切嘅，佢哋嘅厚切牛舌真係畀得好厚一嚿。再嚟【菠蘿】一定一定一定要燒得焦啲！焦邊嘅菠蘿加上佢哋提供嘅菠蘿質素唔係平嘢，水份好爆滿，喺嘴入面水份都爆晒出嚟。覺得淨係食肉，無飯不歡嘅一定一定要試吓【香蔥拌飯】。呢道真係唔可以錯過，喺其他地方單點一碗應該都要幾十蚊，呢度可以無限食，再配上無限嘅牛肉/豚肉/雞肉😘，但我更加推薦同【香草雞肉】配住食會更加絕配！香草嘅香味同香蔥嘅味道完全蓋住咗溫泉蛋同海苔嘅鮮味，唔鍾意蛋味太重嘅一定一定要咁食。老公呢更加鍾意【福岡明太子卷】，佢話燒肉嘅各種重口味配上簡簡單單嘅明太子卷先至可以更加容易突出嗰啲和牛嘅味道。