和牛燒肉一郎 (百誠大廈)

营业中

休息中

日式燒肉夜｜佐敦新幹線店員安排左卡位，一坐低就見到有旋轉帶🤭唔講仲以為自己去咗壽司店！原來一郎有條燒肉新幹線🚄.▪️Course B $448/人QR CODE落單、有過百款肉類、海鮮、野菜、小食、沙律、甜品！坐低就會送上四個頭盤，牛肉盛合船、桶盛合！配埋乾冰，賣相打卡一流！牛肋肉、牛肋條、牛里脊肉、海蝦😆.牛刺身系列/灸燒牛外橫膈膜、特選拌生牛肉同灸燒拌生牛肉 個人來講最鍾意拌生牛肉，蛋漿打開後，帶出牛肉嘅鮮味，入口即溶！.個人黎講最鍾意牛舌，厚切既夠煙韌，薄切快熟之餘亦爽口，整生菜包就岩岩好！.牛油味重既帆立貝同海蝦都唔差！醬汁/有六款特製醬汁，各有特色！湯/分別有海帶湯、蛋花湯同野菜湯！小菜/ 涼拌小食有甘筍、青瓜、菠菜、泡菜、芽菜

同朋友慶祝生日，佢話想食燒牛肉黎左呢間食，座位都幾闊落，背椅都幾高，獨立式卡位咁，唔會望到前後座客人。燒肉放題，用QR code落單，今次食放題套餐B牛肉種類都幾多款，份量都幾多，要睇住叫，所以我地先試齊所有牛肉，比較鍾意食嘅先再叫多round~食物種類有牛不同部位、豚肉、雞肉 、海鮮、 蔬菜、小食等等~推介既係牛肋肉，夠晒新鮮、油脂分佈平均，入口即溶，仲有我最愛厚切牛舌，彈牙又夠咬口，撈埋醬汁重正。有汽水果汁，不過當然自家制水果茶比較吸引，「西瓜紅莓茉莉茶」、「青瓜奇異果綠茶」，都可以加錢要啤酒/清酒+啤酒任飲。甜品食布甸同芝士餅，有明治雪條，香噴噴爆谷~

We arrived early because we finished our afternoon activity earlier than expected. At 550 we stepped in and immediately they started the 100mins count down for all you could eat. Ok we sat down and ordered through we code and things arrived quality is not too bad but they turned down the fire internationally so near took so long to cook. The most ridiculous thing was they only allowed 1hour ordering for the 100mins so you expected me to order everything at 1hr and cooked for 40mins until the end

最近幾個月一直都減緊肥，好耐未試過去食烤肉，仲要係放題。呢啲行quota制嘅嘢梗係要揀一間最好嘅嚟食啦。呢間日式烤肉每一個set都超過100款食物，除咗肉類之外更加有唔少嘅熟食，壽司，捲物，一品料理等等，其實120分鐘真係唔夠時間食咁多嘢，因為佢嘅選擇實在太多啦。最重要嘅係佢呢度嘅每一款和牛，無論係邊種等級，都絕對係有返咁上下質素。我哋揀咗set B嘅嚴選牛肉，可以揀嘅牛肉有好多唔同嘅部位，同埋唔同嘅等級。呢個set本身就會包咗一架船同埋一個桶俾你試晒佢哋唔同嘅普通級別肉類先，除咗牛之外當中仲有雞，豬同海鮮，然之後你就可以在自己望住自己嘅喜好去加單。當中我哋自己加咗特選級別嘅牛肋肉，牛舌同牛里脊，佢呢度嘅牛舌係厚切，比你更加容易掌握佢嘅熟成度，唔會因為太薄容易燒到老晒。另外我覺得最正嘅係佢個大判壽喜燒牛里脊，牛味好夠濃，平時咁大塊好似床單咁都係攞嚟做壽喜燒，但原來攞嚟燒都好正。除咗燒嘅肉類之外佢呢度仲有牛刺身可以試，佢本身有三款牛刺身，而我自己覺得呢款係最好食。因為佢撈完啲日本雞蛋之後，沾滿晒蛋黃漿真係好香好滑。除咗一大堆嘅肉類之外，佢呢度嘅海鮮種類都唔少，不過相比起呢度嘅牛肉，佢啲海

今晚好開心，訂到我地期待已久既一郎和牛燒肉放題。收工後就同朋友衝去食和牛啦。首先值得一讚，係地方夠大，坐得舒服之餘，又5會煙霧彌漫，令環境方面幾好。到點餐，由於我哋選擇既係D餐，所以有和牛任食之餘，仲有更多海鮮熟食選擇。呢間鋪既小田A4 級和牛，絕對係藝術品。單單睇肉上既大理石油花，就知係貨真價實既優質肉。首先，有是日精選既和牛西冷。睇到個木箱就哇一聲甘令，好有儀式感。如果你擔心燒得5好，仲可以叫待應幫手燒。西冷肉味較濃，濃郁既牛味令人食指大動。好既和牛簡單少少鹽去調味 就好突出和牛既鮮味。佢仲有牛夏多布里昂，係和牛中既極級！一頭牛都係得5kg左右。平時未必甘容易係餐廳食到。呢塊肉真係不得了，先燒4成熟，再放入特制既牛油蒜蓉汁煮熟。入口果刻，蒜香纏繞著和肉的牛香，肉汁係口腔溢出，爆發無可比擬既滋味。更甚係牛質不愧為和牛中最嫩既部分，軟嫩絲滑令人銷魂，入口滋味而細緻既口感，不愧為牛中極品。一朗仲有其他部位既和牛，分別係和牛肉眼，和牛牛肋條，和牛里脊肉及和牛牛肋肉。個人中意和牛肉眼，因為油脂分泌平均，肉汁飽滿。輕輕2邊燒十多秒，已經達到入口即溶既感覺。中意肉脂多啲既會推介牛肋肉或牛肋肉條。

坦白講,價格的確係偏貴,不過食材都幾新鮮亦好食,值得豪一次,但唯一食得唔多舒坦的是侍應招呼太「貼」心,總是企在檯旁邊望住你燒野食,其實想同朋友傾下計都講得唔暢快,因為好似俾人監視住嘅感覺。

🐮和牛燒肉一郎🐮呢間高質日式燒肉放題店，我點了Course C 110款食物包含：▫舟· 成合▫桶·成盒▫是日寶箱▫極尚花盛合建議大家選Coures C以上，先至係日本和牛AB餐係提供美國牛、澳洲牛自助吧：沙律🥗、飲品、甜品、雪糕其實我已經食了第三次，回頭指數極高的一間高質素燒肉放題🤣🤣🤣🤣🤣🤣推荐指數:⭐️⭐️⭐️⭐️/5 和牛燒肉一郎📍銅鑼灣登龍街41-51號金龍大廈地下D舖#foodie #hkfoodie #美食 #美食blogger #美食探店 #人生活得精彩 #生存就是食 #香港 #美食分享 #我的美食日記 #周圍搵食#hkig #相機食先

咁啱撞正優惠，四人同行一人免費。原本食個差不多$600一個人嘅餐，折實之後平均每人$500左右。感覺好抵。就算係食飯時間，都唔係好多人。所以唔會污煙漳氣又唔會太嘈。每一個服務員侍應都好好。唔會黑口黑面，說話有禮貌，有耐心解釋。環境乾淨。叫咗C餐，真係好好味。牛肉好香好林。熟食選擇又多，黑松露薯條。好好味。叫咗兩次。石頭鍋飯又好好味。雖然呢啲都係好飽肚嘅嘢，但因為佢哋整得真係好好味。完全唔會覺得係放題嘅嘢食。覺得自己係單點咁樣。食得非常之開心。如果可以keep住四人同行一人免費就好啦。佢哋入邊有個雪櫃，載着好多雪條。原本想食兩條。但係太飽啦。抹茶雪條，好好味。飲品方面都有好多選擇。一般嘅罐裝汽水同茶都有齊晒。仲有一啲自家製嘅飲品。佢哋有一個軟雪糕機，呢一個我就覺得麻麻地。講唔出係咩味，亦都有好多細細粒嘅冰沙，唔夠滑。

第一次食此類燒肉放題，本來樓下的入口處好似很舊又沒有燈，但上到二樓，裝潢也不錯，坐位很寬敞，門口有雪糕，茶類，當然也有汽水等，值得一提是自家飲品，不甜解膩，又好飲。肉品方面外觀新鮮，擺盤高貴，值得一試。侍應有禮，也可以不斷幫你轉爐盤，（因為燒燶了肉），完全沒有嫌麻煩。很滿意的一餐，可以encore或來慶祝也不錯。

好難想像香港都有咁高質嘅日式燒肉放題。全港首推使用『和牛識別番號』，和牛來源及背景一目了然。一入門已經覺得間餐廳好高級，門口裝飾很簡約，但好有特色。入面仲有兩頭牛～.🌸C course $598 有120分鐘用餐，有110款食物可以選擇。一開始可以唔需要掃code落單，因為有四個頭盤慢慢享受～.『舟盛合』有牛 & 豚 & 雞 & 海鮮 & 野菜『桶盛』有牛肋骨 & 牛里脊肉 & 豚肉 & 雞『極上花盛合』有和牛牛肋骨 & 和牛里脊肉 & 里肌肉 & 牛外橫隔膜 & 牛舌 & 蔬菜『是日寶箱』呢塊和牛真係超級靓，入口即溶嘅口感冇得輸！.各式各樣嘅靓和牛食曬都已經7成飽。要order埋 泡菜 菠菜 生菜等 同和牛一齊食，可以解一解膩味。.和牛 薄炙壽喜燒里肌肉 配雞蛋一定要食！雞蛋提升左和牛的鮮味。重複order左幾次。.最愛係呢度嘅飲品同雪糕部分。有好多款新鮮果汁🍹 西瓜紅莓茉莉茶 甘筍蘋果美人水等等睇到個名就已經好想品嚐下。.雪糕都係 好多新品口味！白桃烏龍雪條 藍莓乳酪 明治煉乳芒果等等日本直送雪條～一定要留肚食甜品呀！

ෆ⃛ 和牛燒肉一郎 ෆ⃛講起燒肉放題應該都諗起個某幾間，呢間喺佐敦有分店嘅主打和牛燒肉放題～一入門口已經有好大塊牛肉寫咗佢哋係來自日本嘅產地，而佢哋送餐都好有特色，好似壽司店咁有運輸帶送過嚟過嚟∩˙▿˙∩♡︎.*▶︎▪︎◀︎.* .*・゜ ♡︎.*▶︎▪︎◀︎.* .:*・゜ ♡︎.*▶︎▪︎◀︎.* .*・゜♡ B特選牛及嚴選牛 $448♪ B嘅套餐，包括左25款嘅特選牛🐮以及102種嘅任食單項(˶‾᷄ ⁻̫ ‾᷅˵)時間限制係120分鐘，每款牛都有標示，仲可以scan qr code 睇到牛肉嘅產地♡私心最推薦特選牛里脊肉，肉質軟腍，油花均勻🥩 每款牛都好高質，仲有海蝦同牛油帶子等都係新鮮encore之選(๑´ڡ`๑)覺得佢哋最特別係有拌生牛肉及和牛壽司🍣仲有韓式嘅小菜同埋熟食，例如拌飯及冷麵等🍜 最令我有驚喜嘅雪條嘅種類有好多！！除咗有自己吱嘅軟雪糕仲有明治雪條同布甸等🍦 記得要留肚食甜品😋😋 ᗦ↞︎◃︎ 值quota指數: ✿✿✿✿.5 / 5✎ 總括：比起一般嘅燒肉放題選擇更加多，而且飲品同甜品方面都幾特別有心機， 係大家嘅燒肉好選擇🍢✼ 加一服務費✔︎ෆ̈ 和牛燒肉一郎 (百誠大廈) (佐敦)✇ 地址：

每一個月我都要會最少搵一餐食燒肉，因為好喜歡燒肉香味，熱辣辣放入口，非常滿足。佐敦有一間主打日本直送多款優質和牛，最開心就係一個價錢120分鐘任點任食。食物種類款式多，沙律甜品飲品任食。我就選擇B款平嘅價錢$448，五六日及公眾假期$498。點好餐, 店員有禮送上圍裙及兩款牛肉拼盤，拼盤用木船上仲有煙出，即刻打卡，牛肉分別有牛肋條，牛里脊肉，牛肋肉，雞肉，五花腩、帶子及生蝦。牛肉新鮮, 我喜歡吃薄脊牛肋肉，脂肪比例均勻，肉味濃, 肉質鮮嫩。仲有牛舌，有鹽燒或者不同調味，其他肉類選擇之多，如果每樣食一片都一定超飽😂飲品除咗有汽水，果汁冰茶，熱茶包，仲有可以加錢$68 放題啤酒，或者加$88 啤酒及sake。喜歡飲酒一定要叫呢個超抵!最有特色嘅就係送餐列車, 小朋友見到一定最開心。order 食物等一兩分鐘已經送到非常之快捷。食完最開心就係去揀甜品雪條，成個櫃都係仲有唔同口味，我揀選紅豆牛奶雪條，食埋支雪條完美的句號。

Bookmark左呢間和牛燒肉店想試好耐，趁朋友生日，終於有藉口去試下😋😆 一入到餐廳，真係有一種久違去左日本嘅感覺🥹！因為餐廳門面好高級，播住日本歌，又有啲日文錄音🇯🇵 未去得旅行，都可以幻想住自己喺日本食燒肉🤣我地揀左第二高級嘅Course C 日本産黑毛和牛($598+1），套餐包左110款食物加4個頭盤，其他餐點可以用QR code自助落單，好方便～頭盤賣相非常靚，有d乾冰係底，飄住煙咁上枱，視覺效果100分🙌🏻 『是日寶箱 - 黑毛和牛西冷』，油脂分佈好平均好靚🥩✨ 店員仲會問你需唔需要幫手燒，咁就唔使驚唔識燒嘥咗塊扒啦～ 半熟嘅西冷和牛口感嫩滑，咀嚼時d肉汁會慢慢滲出黎🤤 入口即溶，又棉又滑，真係至高享受🫶🏻 而且店員會講解和牛係産自邊度，會有個「和牛識別番號」，即係和牛嘅出世紙，有曬品質保證，非常專業💫其他頭盤『花畑box』、『舟盛盒』、『桶盛盒』亦包含唔同嘅和牛部位，包括牛肋肉、牛里脊肉、牛舌，仲有豚肉、雞肉同埋海鮮～ 種類非常多😇 每樣都可以試下～ 要讚下大蝦🦐好有鮮味，滿滿肉汁～單點方面，我哋最鍾意和牛薄炙里脊肉☺️，輕輕燒一燒就食得，沾埋蛋漿食，油脂感啱啱好，牛味濃

#星星之食評❤️‍🔥對星星來說，去燒肉係其中一個慶祝嘅好選擇～1️⃣可以吃到飽2️⃣夠多種類3️⃣飲幾多都得今次就去食個和牛燒肉一郎，食個高汁燒肉放題食到飽一飽👏🏻❤️‍🔥放題就食得多，和牛燒肉放題就真係第一次食！今次揀左CourseB，$498一位（星期五），有個舟·盛合+桶·盛合，102款食物任點任食，仲有特選牛+嚴選牛25款～ 食物夠哂多選擇！一開頭店員來左個舟·盛合，入面有牛肋條、牛里脊肉、牛肋肉、扇貝、蝦、豬、菇～架船仔真係夠哂igable !!!另外唔同嘅牛款我都點左！因為身為牛魔嘅我都係要試哂先心息！餐廳裡面選用嘅牛肉都係正野，夠新鮮、日本進口、品質夠高～而佢會喺每款牛都會有個牌表明每個牛部位，例如牛里脊肉、牛舌同埋牛肋條等～仲有無醃製的、有醃製調味過的再加埋生雞蛋～全牛宴都可以食出唔同美味！個人超中意厚切牛舌嘅香濃牛味加煙靭口感！每食一口都有幸福感覺！除左燒嘅牛之外，特別一提就係特選拌生牛肉，食落唔腥，加埋生雞蛋嘅香滑，有食刺身嘅新鮮香滑感！好好食～ 唔怕生野嘅朋友仔一定要試！❤️‍🔥仲有任飲任食自助區，沙律區、雪條區、飲品區、甜品區、調味料區😍仲有爆谷添！無論款式、選擇都好滿意！私心中

想食燒肉，又想有得打個靚卡？咁就一定要嚟和牛燒肉一郎喇🤩！既滿足小編嘅港女心，又可以醫飽老公嘅無底胃，完美配合！餐廳以日本JR為主題🚞，「燒肉新幹線」智能化送餐系統快靚正！連門口都裝潢成JR螢幕般，出示即日供應嘅「和牛識別番號」，冇花冇假噶！我地揀左Course D，包括118款美食, 重點當然係有齊各款超igable的盛合喇📸！🍽️🅕🅞🅞🅓&🅕🅔🅔 💸 Course D - $888+10% / pp (Mon-Thur 120min)♦️ 舟 • 盛合(特選牛、雞肉、豚肉、海鮮、蔬菜)木船載來，打卡一號~牛肋條、牛里脊肉、牛肋肉肉味濃，燒後牛脂香氣滿溢~! 小編鍾意燒得微微焦邊，更為惹味！海鮮有扇貝同蝦~♦️ 桶 • 盛合(牛肋肉、牛里脊肉、豚肉、雞肉)牛肉依然保持質素~但豚肉比舟 • 盛合的肥美，意外地令人食指大動！♦️ 極上花盛(和牛牛肋肉、和牛里脊肉、里脊肉、牛外橫隔膜、豚肋肉、牛舌、蔬菜)嫰紅厚身嘅和牛以朵朵玫瑰花🌹呈現，超吸睛！燒完仍滿載肉汁~♦️ 是日寶箱 - 新鮮即切:和牛西冷👑打開盒子，仙氣彌漫，和牛肉色粉嫩，霜降紋路雪白清晰。燒過後肉質軟腍柔嫩，油香滿溢，肉汁爆棚🤩入口即溶