和氣食堂 (黃大仙中心南館)

营业中

休息中

呢間野平時都好多人黎食 ,今次自己一個人就試下呢個日式的丼飯先,三文魚都OK,厚切新鮮,蟹子都幾新鮮好味,玉子味道都可以仲有白咖哩烏冬,呢個我就覺得一般,唔係好夠濃味整體滿意，下次會同朋友黎試多啲菜式

同朋友去黃大仙廟拜完神，去黃大仙中心南館搵嘢食醫肚。好多食肆，都唔知揀邊間好。經過和氣食堂見到好多人排隊，再睇下餐牌，假錢不貴，睇落都好吸引，於是加入排隊行列。終於等到位，我們嗌左海膽什錦魚生丼、火焰三色丼及飲品。海膽什錦魚生丼HK$88：海膽好新鮮，沒有苦味，牡丹蝦好大隻好甜，三文魚同吞拿魚都很鮮甜，飯軟硬適中，粒粒分明，咁嘅質素都好抵食。火焰三色丼HK$69鰻魚及三文魚都很新鮮，玉子蛋很甜有蛋味，飯軟硬適中，粒粒分明，雖然好似簡單左啲，但勝在食材好，咁嘅價錢都幾滿意。

晏晝黎食 排左一陣先入到 見佢長期都好多人排隊 睇餐牌又真係幾抵食喎 今次就叫左個套餐同丼飯 午市嘅套餐好多選擇同埋大大份又抵食套餐仲可以額外加唔同嘢食 包埋嘢飲沙律軟殼蟹卷 好大件 但係都捉料烏冬大概係正常嘅三分之一份量 蒸蛋同炸雞都維持到水準刺身方面就一般 吞拿魚同油甘魚都只係一般貨色 唔算新鮮有待改進丼飯就叫咗個海膽雜錦魚生 海膽略為有啲腥 整體來講 魚生水平就麻麻哋 下次會想試吓啲熱食多啲 不過就堅係抵食 兩個人買單都唔使200

做完運動打完羽毛球就喺黃大仙中心搵嘢食，喺上網搜尋一番之下，好多人都推介呢度既和氣食堂。等咗大約30分鐘就入得去了。餐廳安排左一個比較隱蔽嘅位俾我哋都坐得好靜好舒服。呢間餐廳係用電話掃QR code落單，係肺炎嘅情況底下，減少同店員接觸，都比較安心。<刺身盛>呢度嘅刺身又新鮮，又大件，價錢亦都好相宜，一定會再嚟食。最值得一值係佢個廣島蠔，真係好香好新鮮。另外新鮮赤貝食落去非常之爽口有貝味其他魚類都係厚切，可以見到三文魚嘅紋路非常之靚，食落去都係十分肥美。<豚肉肩丼>嗌完呢個丼 初頭都會擔心肉會唔會太鞋，但出到嚟係非常之好食。豚肉係簿切，燒得好香口之餘仲係非常juicy呢個飯亦都有泡菜附送，可以幫手解膩。最後仲嗌咗個焙茶白玉雪糕。雪糕非常香滑焙茶味好出。買單盛惠$431@2人算係抵食又好食嘅日本菜！

唔好玩啦啲好評多到咁？？第一次同朋友去食，見幾平下午茶。朋友食左個壽喜燒，熟野，冇事。我食左個壽司set，返到去肚痛痾左幾次。好啦我諗係我自己問題，第二次同屋企人去食，4個入面3個食生冷野，1個唔食3個返到屋企都肚痾。食左壽司，生蠔。見到咁多好評忍唔住衝入黎留一留言睇返其他黃大仙既餐廳，邊有間餐廳有咁多好評呢？？真定假得間餐廳自己知。我都係第一次係openrice留言，平時都唔會留，見到咁多好評忍唔住衝入黎。圖都廢事貼。對我黎講好唔好食係其次，服務都算，講真咁既價錢我都唔expect食高級餐廳野食。但連啲食物衞生咁基本野都做唔好。真係冇下次。。

嗰日咁啱去完黃大仙廟⛩所以就喺黃大仙搵食😌估唔到黃大仙中心又幾多餐廳🍴仲分咗南北館 見呢間日本野menu幾吸引好多選擇 就入咗去食😈.小柱貝粒粒海鮮丼定食🍥 $69面頭鋪滿晒小帶子,三文魚,吞拿魚,左口魚等等嘅魚生粒粒🤤仲有好多蟹籽同兩舊玉子燒🥚魚生都幾鮮甜 份量都唔少 切嘅大細啱啱好一啖一粒😚不過個飯嘅壽司醋落得有啲多 酸味重咗少少🤏🏻跟餐會送關東煮,炸物同埋餐飲🍢炸雞有兩大舊 炸到勁脆 炸皮唔會太厚 食落幾乾身唔會話好油膩🍗咁豐富$70都唔洗 真係超抵食🤩成個定食真係好多野食 女仔可以叫佢少飯 因為個飯底都幾多🍚.燒黑豚肩丼🐷 $73呢個完全係照騙 佢張相啲肉係排到個碗面滿晒勁多🥲但係嚟到得幾塊🧐個味係唔錯嘅 甜甜地 我覺得有啲似干炒牛河陣味🤣啲肉都幾滑唔會好鞋😛跟餐仲會送一細碟泡菜 普普通通正常🤓.吉列炸蝦卷🍤 +$9平時去壽司店 呢個價錢一定食唔到🍣好鍾意食炸蝦天婦羅🍤每次見到都一定會嗌🤩個蝦炸得幾脆 不過同上面個魚生飯一樣 個飯太酸食落有啲唔夾😣同埋隻蝦未熟嘅🧐因為真係好平 所以都冇太高期望🤣

拜完黃大仙之後，當然又要嚟和氣食堂食餐好架啦😆諗唔到食咩既話去哩到一定無錯！最開心既係佢嘅食物質素一直保持住，每次食都覺得正。今次除咗每次黎食都一定會叫嘅三文魚腩刺身同生虎蝦刺身之外，仲試咗其他嘢食，原來呢度嘅電擊雞翼同埋白咖喱烏冬都好正😋🎈三文魚腩刺身🎈生虎蝦刺身哩間嘅三文魚腩刺身真係我嘅必食推介👍🏻每次嚟食都係咁肥美，接近入口即溶超正。虎蝦刺身都係咁好味，一定要連埋佢啲配料一齊食！🎈電擊雞翼（單骨）加薯條佢既餐牌最後有一個好抵嘅set，係包電擊雞翼、薯條同埋特濃牛奶芭菲，所以我哋就叫咗一個嚟試吓。佢嘅電擊雞翼食第一啖嘅時候我呆咗一呆，因為冇諗過原來佢啲雞翼係凍嘅，一開頭食覺得有啲奇怪，但係越食越好食😂面頭係凝固咗嘅蜜糖，雞翼食落甜甜地，鍾意食甜野嘅人應該會鍾意。而薯條就普普通通，都係正常薯條嘅味😂🎈白咖喱烏冬哩個白咖喱烏冬好creamy，面頭係忌廉汁，底層係咖喱汁，溝埋之後成個醬汁勁滑，連埋烏冬一齊食好好食。叫烏冬嘅話會配埋炸雞🍗炸雞嘅味道正常，唔係話好突出。🎈串燒牛舌哩個牛舌都好好食，燒得好香，而且充滿油脂。🎈特濃牛奶芭菲反而哩一個芭菲有少少失望，佢嘅雪糕唔係咁好食，其他配料都麻

和氣食堂可以話係我既飯堂😆😆😆因為真係經常黎食。哩間餐廳嘅食物質素好，而且價錢唔貴，性價比可以話係非常高！餐廳面積都幾大，不過枱與枱之間嘅距離唔係話相隔好遠，但都可以接受，員工嘅服務態度就唔錯，經常都會過嚟幫手加茶🍵首先一定要介紹我每次過嚟食都必定會叫既🎈三文魚魚腩刺身🎈生虎蝦刺身係未認識哩間餐廳之前，其實我冇諗過日本刺身同埋泰式生蝦可以喺同一間餐廳度食到😂而哩兩樣都係我最鍾意食嘅嘢，所以呢間餐廳可以話係一次過滿足晒我兩個願望🌟而且哩一度嘅刺身非常肥美厚肉，三文魚腩接近入口即溶，泰式生蝦同喺九龍城嗰啲泰國餐廳食嘅一樣味道，都係咁正，所以我係真係勁推介呢兩樣刺身👍🏻呢兩張相分別係兩次唔同時間黎食影嘅，佢個質素一直都保持住😋🎈芝士厚燒玉子佢嘅芝士厚燒玉子好大舊同厚身，加埋芝士一齊食都幾好食，不過如果芝士可以再多啲就更加好啦🎈厚燒鰻魚牛油果卷 每一舊都非常足料，鰻魚厚身好咬，唔係完全好霖嗰種，上面仲有好多蟹籽，牛油果可以中和返個味道，令食落唔會咁膩，唔錯🎈鯛魚湯泡飯佢係一路加湯一路食嘅，食嘅方法都幾特別，佢有唔同嘅配料可以俾你加埋落個飯到食，而且魚肉新鮮好味，個重點係個湯好鮮味，撈埋飯一齊食

12點左右入座，唔洗等太耐menu既圖片真係好吸引顯得份量比較大A38雖則係牛丼定食，張圖明顯係厚切睇上黎feel到似係食韓燒果種厚切牛點知黎到既係充滿吉野家風味既牛肉飯正常味道，食唔出佢比吉野家優勝之處三文魚就係厚切，正常味道但我覺得有少少雪味蒸蛋偏水偏咸無其他comment其後係A15既燒黑豚肩丼圖中顯示好豐盛既一個丼飯就咁數都10塊豬當減半都起碼5塊實際係...咁我明白圖片只供參考係行規但差別真心大數過就係4塊豬...但呢個豬係燒得好食既但如果多兩塊就會更加值呢個價錢以上兩個餐係跟熱飲分別$6x同$7x...正常價錢但我覺得有更好選擇

我哋大概1:00到步，就算係平日，我哋都等咗10分鐘先有位，間餐廳好多人，餐廳安排咗我哋坐喺梳化位。餐廳啲位置好迫，枱與枱之間好近，基本上都好迫，叫咗一個牛扒飯，另外一個嗌咗豬肉飯，跟住我哋嗌左個炸薯角。牛肉飯都幾有牛味，好juice，個汁都配得好好，本身呢個飯跟個燉蛋，個燉蛋都幾好食好滑。個豬肉飯就好多肥膏，不過其實我鍾意食五花腩，所以對我來講一樣好正😍個炸薯角估唔到真係即炸，上枱嘅時候仲好熱，所以好香口好脆。

之前未有疫情嘅時候，呢到lunch time都好旺場，而家就唔洗等位可以直入。一個餐有炸雞，關東煮，魚生飯加埋餐飲，都只係六七十蚊，好豐富而且夠曬飽。炸雞就普通啦冇特別，亦唔係即炸。關東煮唔錯，蘿蔔都入味嘅。至於魚生飯嘅三文魚係厚切而且帶有點鮮甜，略勝帶子一籌。

上年朋友帶我去黃大仙食和氣食堂，原本以為平民價錢水準應該麻麻，點知一試驚艷，特別係個甜品，當時食得好飽都仲覺得好好食，今次再幫襯質素依舊，服務態度仲好好，回頭指數一百，連甜品都有甜品專門店既感覺  首先點左一個starter-溫泉玉子牛油果凱撒沙律($59)大大碗，有青瓜、溫泉蛋、番茄仔、牛油果，清新健康之選！鰻魚牛油果班戟($55)有驚喜！鰻魚包班戟真係創意組合第一次食，食落甜甜地，好足料而且捲得好實，唔會一夾就散，值得試試！刺身有虎蝦、三文魚、鯛魚等，全部厚切，食落肥美鮮甜爽口，夠新鮮黑松露鵝肝帆立貝卷亦非常出色，首先黑松露味重，帆立貝厚肉，鵝肝包係入面，三者非常之夾，食得口感豐富重點推薦呢個甜品！必試！必試！真係太好食，綠菜濃郁兼有奶香味，味道香滑，食完幸福感滿滿  

高質平價日本菜🍣呢間日本餐廳主打平民嘅日本菜🤩價錢合理 但份量同質素絕對唔馬虎！😍三文魚帶子甜蝦丼🐟🦐🐚 ～$100 每樣刺身都有兩片👍🏻三文魚肥美新鮮，珍寶帶子都好厚身，鮮甜冇雪味。珍寶赤海蝦好大隻冇沙，有一隻手指咁長😍計過數如果嗌刺身拼盤都起碼要$150左右但係嗌刺身丼分量多之餘仲平過嗌刺身拼盤。🤩兩個人share食就啱啱好🤗厚蛋玉子燒🍳 ～$50玉子燒一路都係店主嘅最愛👍🏻呢度嘅玉子燒上碟嘅時候非常熱辣辣而且咬落去好多汁，非常有蛋香😘甜度適中作為小食或者食凍野前食啲嘢暖胃都唔錯🥰蕃茄牛肉湯烏冬🍅 $49蕃茄湯濃郁，味道清甜，咸道適中🤗湯底配上日本烏冬剛剛好。牛肉有大概五至七塊，正常發揮嘅肥牛。唔會太肥唔會太瘦咬落去剛剛好。至於烏冬方面，用上日本嘅烏冬咬落去有咬口，煙韌。🍜🍥五色三文魚壽司🍣五色三文魚壽司包括有原味，牛油果和海膽壽司。三文魚較薄，冇乜特別，只係將啲配料搭上去。燒三文魚有原味同芝士味🧀個人認為芝士味較突出，因為燒過嘅關係芝士咬落去溶溶地，芝士香再配埋三文魚油香非常之襯。🥰🍣總括而言，呢間平價高質日本餐廳嘅嘢食質素唔錯。😝服務方面，服務員態度亦好好。🤩環境方面，衛生同乾

先前收工去左食黃大仙既和氣食堂🦿🦿🦿，黎到都8點多啲。出面又有人排緊隊，等左都唔算好耐，大約10分鐘左右就入到去。成個場都好旺，見到有啲figure放左係牆身，好多日系公仔模型。跟住叫左個海鮮四色丼、黑豚肩燒丼同埋照燒魷魚筒，連埋個芝士軟殼蟹手卷。野飲就叫左青蘋果奇異果梳打🍏🍏🥝🥝同埋藍柑白桃梳打🍑🍑🍑照燒魷魚唔錯呀，拎到上枱既時候個樣都經已好吸引，燒魷魚的香味湧入鼻窩，加上煙韌既口感，出色👅

第二次黎哩度食飯，聽朋友講佢地有些新款菜式，今晚餐廳內坐滿食客，望一望厚厚的meau,巳被很多菜式吸引住，同朋友討論後決定要份牛油果芒果三文魚班戟，溫泉蛋牛油果凱撒沙律，鯛魚湯泡飯，刺身盛B。食物好快上枱，班戟裡面既三文魚同芒果係厚切的，咬落啖啖芒果肉，甜甜地加上蟹柳，蟹籽同牛油果多種口感，正。牛油果凱撒沙律，隻溫泉蛋半液體狀態，輕輕一篤蛋汁巳流出，當中既牛油果份量都好多又大嚿。刺身盛B，每一款都好新鮮，尤其海膽，色澤金黃鮮豔，刺身切得夠厚身，同朋友食完巳經飽飽地。鯛魚湯泡飯係用燒熱左既石碗盛載住，店員放在枱面上時都提醒我們小心觸摸，鯛魚片塊將白飯包住，面頭有兩團芝麻波菜,配料有味附、炒米、蔥粒可自由添加，當加入魚湯時蒸氣和香味飄逸四周，熱騰騰，魚片嫩滑可口，好適合冬天享用。最後叫埋甜品牛奶芭菲食，高高的牛奶味雪糕，下面有煙煙韌韌的小丸子、糯米糍、蕨餅等，一邊用旋風卷點黎食，又凍又脆的滋味，不同美味的口感一次過品嚐到。