和平餐室 (深水埗海達)

营业中

休息中

昨晚路過這裏，看到這裏人山人海，今晚便專程來到一試。老壇酸菜魚片鍋$128，魚片採用黑魚的魚蓉製成，爽滑可口中帶點彈牙，加上酸菜，不會過酸，湯頭味道鮮甜，做法頗為正宗。土魷蒸肉餅$68，肉餅鮮嫩可口，加上土魷的香味，雖然是簡簡單單的一道家常小菜，不過做得很惹味。蒜香西芹腰果炒雞丁$78，西芹爽甜可口，沒有渣滓，加上雞丁和腰果，香口又惹味。跟餐樽仔奶茶$11，茶味香濃，沒有加冰稀釋了香味，這個安排非常窩心。跟餐雪糕紅豆冰$14，雪糕球加上花奶，甜度適中，如果紅豆的份量在一點更加好味。跟餐凍檸檬可樂$11，酸酸甜甜，佐餐之選。老火湯，沒有加入任何味精，火候十足。

本來唔好食都算，但係個員工態度真係不得了，令到我出post順便讚揚下佢哋啲食物😮‍💨一開始利用foodpanda外賣自取功能落order，點知10分鐘後佢哋冇接單被取消order，都明白嘅，因為差唔多收工唔接單都無可厚非，咁我行到過去咪順便堂食入到去見到後場有人清潔，想問吓邊度坐得費事影響佢哋，當然又係冇人理啦，唯有咪坐喺窗口位，店員比QR code我都即刻落單，因為食焗野，所以都預咗等所以嗱嗱聲落咗單先order咗個焗卡邦尼什菌海鮮意粉(仲話喺店舖推介添)，等咗大概15至20分鐘第一啖食個炸魚柳唔錯，再食意粉淡而無味啲汁根本就得浸奶味完全稱唔上有味道，見到一個高高瘦瘦戴眼鏡嘅後生店員係自助斟水位幫另外一台客人斟水諗住問吓佢有冇胡椒粉，佢一句就話你見到有就有冇就冇啦，我淨係見到張枱上面有糖、辣椒油、辣椒仔同埋茄汁，如果我見到有就唔會問佢啦*人哋枱大枱一行七人，坐遠遠都幫人斟埋水，我問一句有冇胡椒粉就咁嘅態度，讚緊你呀！高瘦四眼仔👍🏻最後食咗兩啖同埋面啲餸，至少剩返¾喺度，唯有好冇衣食即刻走咗啦我都唔明呢度d post基本上個個都讚🫠

嘢食係ok嘅，之前一個禮拜都會嚟食幾次，但服務態度真係好一般。跟餐叫咗杯即磨咖啡，第一啖聞到有陣好奇怪嘅up味，以為錯覺，試第二啖，真係唔得，於是同一個阿姐反映，佢態度好差：你叫嘅係即磨咖啡，啱啱先磨出嚟咖喔！有咩怪味吖？！我話我形容唔到，或者你自己聞下吖。佢一句唔好意思都冇，好串咁問我：咁你想點？係咪要換過杯俾你？！我：咁唔該你換杯普通咖啡。佢即刻好火滾咁大大力丟杯咖啡入餐具盆。雖然換咗杯正常嘅普通咖啡俾我，但係啲態度真係好難頂，我係嚟食嘢唔係嚟受氣咖。哩個位置都係做街坊生意啫，V walk 同富昌邨大把選擇，唔會再幫襯～

這天晚上我約了朋友在南昌吃晚飯，經過網上的介紹，我們便決定來到這間茶餐廳試一試，店內環境清潔衛生和明亮，餐廳坐位幾乎是坐滿，證明食物的質素都有一定的保證海南雞飯($65)自家製的油飯，加入椰汁，吃起來陣陣椰香，十分香，十分創新，用生菜鋪底，蘿蔔絲鮮甜，紅蘿蔔絲爽口微彈，海南雞嫩滑細密，非常新鮮，配上甜醬，薑容或者辣醬，蘿蔔湯加入一些細碎的蔥，份量非常豐富，這個價錢非常抵食鮮果咕嚕肉($83)菠蘿十分鮮甜，配料有青椒，紅椒和洋蔥，咕嚕肉香稔軟嫩，煮得外脆內軟，非常新鮮，味道酸酸甜甜，令人十分開冑，賣相很有層次，十分吸引例湯係蜜棗瘦肉湯，十分清甜，不放味精，飲完不覺得口渴白飯煮得好，軟硬適中老壇酸菜魚片鍋($198)水晶粉晶瑩剔透和煙韌，雲耳軟彈煙韌，魚片爽彈鮮美，酸菜，用芫莤鋪面，份量非常多，湯底酸酸的，很好飲金銀蛋蟲草浸時蔬白菜仔爽口微彈，非常新鮮，蒜頭，細碎的咸蛋，皮蛋軟彈煙韌整體來說，食物的質素非常高，食物的選擇非常多，食物的份量非常多，食物的用料非常新鮮，食物的賣相非常吸引，食物的定價相對十分合理，而店員亦有良好的服務態度和有禮貌，所以我認為這間餐廳是值得再去惠顧

最喜歡食茶餐廳上次在和平餐室食咖哩豬扒飯超水準今次5：45pm 仍有下午茶餐可能是屋邨,價錢平民化再試頭抽干炒牛河好香豉油味有鑊氣夠乾身牛肉滑嫩河粉幼滑色香味俱全超值連飲品$42 

呢排都係海盈邨附近返工，一向都近近地食就算，不過附近有間一直食開嘅仲要執埋。。。聽講太貴租。。。今次就跟朋友仔過黎試下和平餐室，同幾個朋友黎幫襯，我自己點左下面呢個😬個名好特別嘅不過我唔記得左🤣🤣食落堅唔錯，炒飯底幾好食，雞排夠哂大塊又唔會整到好硬身好柴口，個汁特別得黎又幾好食，而我覺得最得意嘅係佢個炒飯上面有幾粒提子乾，畫龍點睛就係靠佢！整體相當唔錯，不過都係個句🙃係屋邨一個飯跟野飲要7字頭有少少貴，by the way佢一黎就上個餐湯都幾ok ge~~完！有機會會再黎食下其他野😛🍻

又到下午茶時間，今日去左南昌站附近的和平餐室叫左火腿通粉、蛋撻、西多士和凍咖啡。火腿通粉的味道普通，湯底稍微有點油膩，火腿的味道也不太突出。蛋撻的外皮很酥脆，餡料的口感還可以，但是甜度稍微有些不夠。西多士的味道還不錯，但是也沒有什麼特別的地方。凍咖啡的口感有些稀薄，咖啡味道偏淡，不過搭配冰塊後還是很清涼。總的來說，食品還算可以，並沒有什麼太大的問題。如果您想搵一個簡單的用餐地點，這裡是一個可以考慮的選擇。

這天傍晚到長沙灣區拿取一個課程的證書,順道約上在當區工作的好友來個晚飯;由好友推介兼帶路之下,最後來到了位處海達邨的和平餐室;好友先前給了指引,我再參照Openrice大神的地圖,就算由長沙灣走過去也是容易的事;然後在邨口碰了面,跟著好友很快走到了目的地;餐廳位處一個嶄新的屋邨,鄰近南昌地鐵站,整個設施配套齊全方便,連帶此間餐廳的門面也給透露著鮮明簇新的格調;門口醒目地擺放著Gulu的排隊取籌系統;室內採用暖色調設計,木紋色牆面加上柔亮燈光,兼擁高樓底,座位舖位很寬鬆,整體給人感覺很舒適!剛坐下不久,侍應哥哥就遞上附有點餐二維碼的枱號紙及實體餐牌;只見餐牌羅列著港式餐廳常見的中西式食物,尤其中式小菜的組合很豐富;好友說辛苦工作了一天,夜晚想來多一點食物,於是共商一番,有了決定就在手機上落單;另外值得一讚的是,手機落單的版面分類整齊易操作,很多方面做得細緻,尤其揀選飲品的細項很人性化!食物的上枱效率亦十分高,從飲品開始,到小菜套餐再到鐵板牛扒套餐,而且也保持著很好的熱度;在小菜套餐組合中選了的老壇酸菜魚片鍋及京蔥爆炒辣味雞球,還附上了兩個中式例湯,兩碗白飯;而西冷牛扒(七成熟)套餐就配上

今日同朋友喺佢放工嘅地方附近搵食。見呢間餐室好似平平哋，又多人幫襯，就決定食吓。餐廳裝修幾乾淨企理，又夠光猛。我哋叫咗幾款小菜，價錢都幾貼地。魚香茄子煲 $68色香味俱全嘅魚香茄子煲，茄子煮得好入味同埋軟身，落咗少少辣椒有少少辣，配埋肉碎撈飯非常之入味。川味香辣水煮魚 ($88)呢個價錢食水煮魚真係抵到爛，而且質素又唔差。雖然未必同到二百幾三百蚊大大碗嘅比，但係已經好好啦。魚片都滑嘅，而且無骨，魚皮有啲彈牙。除咗魚片之外，仲有其他配菜好似係雲耳、寬粉、芽菜。個味亦都夠麻同好香，辣度適中。椒鹽腰果鮮魷($93)即叫即炸，上菜嘅時候仲好熱。鮮魷外脆內軟，唔會太乾。連埋啲一齊炸嘅腰果同埋炸蒜食好香口。炸到金黃色，食到唔停口。叫小菜可以配湯或者白飯。可以用半價買嘢飲。呢個樽仔奶茶有啲甜，如果唔鍾意配好嘅甜度，就叫返普通奶茶會比較好。

青衣出返市區，途經南昌站約個朋友來個下午茶，海達邨平台《和平餐室》， 南昌站行一陣就到。金磚西多配沙律薯角蛋撻~西多係即叫即炸，肚餓都要畀啲耐性，蛋撻下午茶就真係要快啦，買曬就要等聽日；仲有薯角同沙律，呢個下午茶好豐富，奶茶質素唔錯，唔加糖正常加奶，又香又滑，正！加$8可以多個粉麵，大食嘅朋友可以試下，抵食；辣醬肉碎米粉~麻辣味道啱啱好，比一般連鎖快餐店份量多。豬扒包配薯角~新鮮熱辣辣即叫即煎，包底都唔錯。另外叫多個豉椒排骨炒脆麵~分量都唔細，排骨好夠淋，麵炒得香口。香港地道茶餐廳最緊要試下個熱奶茶，呢個唔落糖，夠奶夠香夠滑。蛋白杏仁茶又香又滑。

同朋友去開深水埗買電腦嘢，就搵咗附近嘅和平餐室食午餐連下午茶。我叫咗椒鹽四季豆豬扒配白飯和老火湯。餐廳加咗蒜炒豬扒，好好鑊氣而且蒜味好香。豬扒唔會太肥，四季豆新鮮爽脆。老火湯足料。朋友叫咗XO西蘭花炒鮮魷，同樣配白飯和老火湯。XO醬帶有小辣，餐廳好慷慨畀咗好多鮮魷，全部鮮嫩彈牙，西蘭花唔會太硬。真係好肚餓，我哋再叫咗新鮮出爐蛋撻、金磚西多和意式油醋汁沙律share。西多士係原味，外脆內軟，上面淋咗奶醬，好邪惡不過好好味。蛋撻比平常吃到嘅多咗啲奶皇味，感覺很新鮮。食咗咁多嘢，我叫多咗杯熱檸茶幫助消化。叫咁多嘢都係二百蚊有找，非常抵食。

上星期去碧海藍天AEON幫家人買用品食之後，看Google Map🌍 後發現行回家也不是太遠，就當作減肥吧😂。途經海達邨天橋正想入V Walk 時，發現有間看下去燈光非常光猛💡，望落坐得好舒服的茶餐廳🥰。今晚接完阿女再次經過，就決定去試一試。餐牌📔選擇非常豐富，當然有晚餐、小菜等，比較特別是餐室會有水煮魚和酸菜魚這些川菜🌶可以選擇。今晚我主要點了幾款小菜試下🤗。鮮鳳梨咕嚕肉 $83咕嚕肉肉質軟腍易咬，帶肉香，外層炸漿好薄，炸得有點脆👍。酸甜味道的芡汁掛在每粒咕嚕肉的表面，豬肉味夾雜著芡汁的味道，鹹酸甜味剛剛好，伴菜的菠蘿🍍也十分清甜，非常好味😋。啫啫豬潤滑雞煲 $78豬潤口感軟嫩沒腥味💯，雞肉🐓質感嫩滑，配上大量乾蔥、蒜頭🧄、三色椒🫑和鴻喜菇🍄，煮得非常香口又入味，味道鹹鮮正好下飯😋。土魷蒸肉餅 $68肉餅上面鋪滿一條條土魷絲🦑，蒸得剛剛好，口感肉嫩多汁、配上冬菇和馬蹄，味道更香，更鮮甜😋，口感更富層次🥰。七味雞中翼(三隻) $22雞翼炸得外脆內嫩，加上七味粉🧂，更加惹味香口☺️。凍檸檬可樂 $11(原價$22 跟小菜半價)檸檬🍋新鮮，配上冰凍的可樂，感覺清新又解膩🥰。凍朱古力

每次到深水埗海達邨探親戚都會到這間餐室食飯，喜歡這裡裝潢整潔光猛，座位寬敞舒適，服務又好，菜式多兼價錢大眾化。今晚又來到嚐新口味。近日天氣寒冷，我們選了兩款醒胃小菜套餐，配白飯及老火湯，熱飲加3元。醒胃酸菜魚片鍋大大鍋熱騰騰酸菜魚送上，鱸魚肉份量不少，大大片兼厚身，鲜味十足，還配有酸菜，芽菜，香菇及寬粉等，味道剛剛好不太鹹，魚湯味濃郁，加埋飯食最配合。鮮鳳梨咕噜肉同樣滿一大碟送上，新鮮炸好咕嚕肉香脆可口，肥瘦適中，酸甜汁調得好惹味，還配上新鮮菠蘿伴碟，令人食不停口。每次來光顧都無令人失望，真係食過翻尋味。

這間位於南昌站附近的餐廳，晚市主要以小菜、鐵板扒及炒粉麵為主，同朋友叫了幾個小菜及炒麵。龍脷葉羅漢果湯味道清甜有雪梨甜香，十分清潤。XO西蘭花炒鮮魷魷魚新鮮爽口，用了惹味XO醬爆炒，更添風味，而且不會過咸。黑松露蝦仁炒滑蛋炒蛋火喉控制準確，炒至嫩滑帶淡淡黑松露香，蝦仁爽口。咖喱牛坑腩煲咖喱惹味，裏面有些洋葱及三色椒，牛腩炆至入口鬆化、牛筋夠腍，送飯一流。XO醬豬扒炒公仔麵公仔麵有洋葱及芽菜等配料，公仔麵不會太腍，保持爽口，豬扒切件，方便食用。最後飲返杯餐茶。

今日在深水埗近南昌站工作， 聽人介紹近海達邨有間新餐廳。餐廳環境好大， 燈光非常光猛入到去感覺覺得好舒服。見到餐牌嘢食種類非常多， 簡直可以稱得包羅萬有。首先叫咗個厚切西冷扒配薯角。塊扒size非常大而且好厚，可能係用鐵板上牛扒香味特別濃。牛扒七成熟所以肉質非常嫩，外面就燒得有脆脆哋嘅感覺。還有大大塊嘅脆薯角， 所以我個人嚟講呢個餐兩個人吃都足夠。頭盤有餐湯和沙律， 沙律醋酸味味好開胃，啲湯味道唔錯，值得一讚沙律菜啲菜好新鲜。還有時令羊腩煲，羊腩煲配埋老火湯白飯+$15 還有蔬菜籃。羊腩肉質好嫩，煲內還有支竹馬蹄大蔥份量十足。而老火湯味道唔錯，湯內 有雪耳和大嚿豬肉 ，所以老闆真係落足料。蔬菜籃分量十足有好多菇同南瓜和蔬菜最啱係配食羊腩煲。甜品還有自家製蛋撻，啲皮好薄蛋撻內啲蛋好滑好香， 非常吸引。|和平餐室(海達邨店)^