和平餐室 (禾輋廣場)

营业中

休息中

有一天吃早餐，餐牌上的餐包換成一塊方包，火腿扭扭粉換成粗大的長通粉，而重點是沒有人通知，放下便行了，好像是做出什麼都要接受，都是現在一般大勢所趨的，靚裝修，質素一般，包括食品及服務。

開業一年已經去到不能接受的水平了！剛開張試過奶茶好飲、即炒粉麵好好、但今天已經比連所快餐店還要差！！奶茶淡如奶水！不知所謂！星州炒米淡而無味還要凍的！蛋治也是冰凍的！價錢平貴一點也不重要！那那聲執左佢啦！

那些東西都對不起這一個價錢 太貴了而且也不是那麼的好食員工態度都ok缺點就是那些東西實在太貴了我實我想講一句在香港食餐飯都難阿如果裏面的啲食物平一點就好了都算有位坐但是放學的時候會比較多人

見到套餐有梅菜蒸鯇魚，好耐無食住家飯，就去試下。好大舊鯇魚，上面舖著滿滿的梅菜，有三分二魚肉都滑，但其餘就好'鞋'，無食到，梅菜就食晒😛白飯太旱同硬，令整個餐失色不少。。飯旁的紅腸係同行友人叫了四寶飯，唔食紅腸，所以贈送給我，穩陣之食，非常好的點綴 。😚餐飲熱檸水，平凡穩陣之選😌好一般嘅屋邨餐廳，間唔中食一次都可以如果飯嘅質素好啲，先會考慮食多一兩次

這天，千里迢迢去沙田禾源路探朋友。下車後，就到瀝源鄒和禾輋邨四處逛逛。前者是一條舊式屋邨，予人老氣橫秋之感；後者是一條相對較新的屋邨，且有一俱備各式店舖的廣場可以Hea逛。在這兒，小妹與裝潢蠻有個性的「和平餐室」相遇了。飢腸轆轆，要了全日常餐，揀了火腿濃湯紐紐粉配火腿炒滑蛋及厚多士$42，凍檸茶(+$3)。環境和食物教人滿意的，只是，人手嚴重不足。小妹運氣佳，由搵位、點餐和送餐，均十分順利。鄰桌，則倒楣地，吃了一肚子氣來﹗火腿濃湯紐紐粉，紐紐粉吃起來咬口十足，湯底清香且不太鹹，配以火腿絲，不賴也。火腿炒滑蛋乃一片香煎火腿，配以一隻炒滑蛋，再配上一塊塗上牛油的厚多士。檸檬茶，也是水準之作。

今日公司提早左放工，所以早啲出去和輋買餸番屋企煮， 等屋企人收工可以即刻有飯食，買餸前梗係自己醫下肚先，所以去左二樓依間和平餐室食飯， 其實之前都黎過依度食， 自從上次食完之後， 久而久之我同屋企人都將依度變成我地的飯堂。今日我叫左「燒腩仔鴨飯」$42燒味飯黎講賣相算唔錯每件燒腩仔都切到好均等，大小都一樣而且件件都好大舊肉， 唔係淨係得層皮至於飯既軟硬度都正常又夠熱，整體水準都唔錯。所以都真係值得我地全家成日幫襯既～～

和平餐室去年才開張營業，今日有機會品嚐港式下午茶，餐室環境偏重黑色格調，也用上很多燈飾。我的下午茶是$33混醬豬仔包和特飲雪糕紅豆冰，滿滿的可口混醬和微暖的豬仔包很美味，如果豬仔包可以焗得香脆最理想。餐飲改特飲加$9的雪糕紅豆冰，除了大大個雪糕球，大大粒的紅豆也很腍甜，只稍嫌畧甜了！$42的迷你乾炒年河配奶茶，牛河炒得夠乾身，香味不太出衆，味道比較淡，需要加少少幼鹽，才夠味道。茶餐廳的奶茶是品質保証，都是茶香奶滑。人均消費$38。

這是一家食快餐的茶餐廳、不會給你什麼驚喜，食物平均我都試過、中規中矩，沒有特別難食的、也沒有特別好食的、所以要推介食物沒有特別推舉、至於食物的水準普通、環境裝修普通、價錢又普通、不是貴也不是平、服務員效率真的比較一般、態度又好像一盤冷水、木口木面、加上落單經常錯漏，既然全部都沒有特別吸引之處，再加上又沒有令顧客有歸屬感，商場如戰場、取勝方法只有2個，產品出眾/顧客支持、在云云眾多餐廳、要生存、企穩陣腳，本人祝你好運、講完

食物味道上級,但工作人員態度下級,追單未去check就hea答, 當時13:23分, 張單13:10:24,佢第一句就話, 13:24分,岩岩落單啫, 要即製, 要時間,當時係1323, 連單都時間都睇錯,我冇咁叻可以落張未來單, 而當時因為另外2個午餐已食咗一半 , 所以先問一問, 驚漏單。另外午餐有湯送, 有個伙記話比另一個客聽冇晒湯, 另一個伙記就拎湯比另一個岩岩叫既客人, 我地要問返,先有人拎, 當時只有一半客人, 並唔忙, 仲有2個係收銀閒聊。不過, D食物真係係禾輋既超班, 價錢雖然貴少少, 如果伙記合作D, 唔倒米咁招呼客人, 唔好口黑面黑, 呢間餐廳一定排晒隊。

Boxing Day 這天與朋友舉行一個聖誕派對但因為九時半才開始距離派對開始時間還有三個小時這個時候都已經感到有點餓所以跟朋友就去了和㟦吃一點東西滿足飢餓感在眾多餐廳之中發現這一間舊式的裝修，懷舊的味道已舊香港為主題看見牆上的燈飾是用砧板來做可見店主都花了心思由於不太肚餓所以點了豬扒包及西多士豬扒包廚師將包切開為兩份方便進食，而且包內夾了青瓜及蕃茄可減低豬扒的油膩感包面烘至脆身，而且咬落不覺得硬，不錯西多士兩塊包中間塗了花生醬再炸味道還好，不算是厚切，再厚一點就更好

今天路經，看到那餐牌都幾吸引，價錢不贵。試咗炒飯，玉米魚柳飯，及至愛乾炒牛河。最小朋友的菠蘿冰.唔知系肚饿，份量好似少了一点，同南山村那老店，味道可以少点咸，合長者健康。見那凍饮反而份量幾大柸，白飯也可比少点，珍惜食材。招侍客人可也很好!

一段時間無去, 原來開左一間懷舊裝修的茶記.木吊扇, 懷舊椅, 一陣古風.肉絲炒面 - 份量幾大, 麵炸得麻麻地, 部份因為疊起左, 炸唔脆. 肉絲個汁實在太多粉了, 淡而無味. 賣相還好, 食就一般.炸雞脾 - 上檯一陣, 碟下已經有血水流出來. 肉還既剛剛好9成熟.奇怪在, 咬開雞脾, 肉的表面用了黃色東西醃過, 有點似咖哩味的?!我不是叫咖哩炸雞脾喎.....有點摸不著頭腦.凍檸茶 - 叫左少甜, 一樣甘甜.

同男友去禾輋買完野後順便搵埋食見到依間店裝修幾懷舊，所以入左黎食見隔離檯個常餐好吸引自己都點番個，將埋佢個意粉轉左公仔麵又燒好大舊，幾好味多士都好脆男友就點左個燒味飯賣相都好靚份量都唔少，燒肉皮好脆仲有配碗白飯整體價錢普通，野食都幾好下次會再幫襯

今晚我們兩人去禾輋商場搵野食，見到間新開餐廳裝修幾吸引，所以就入去試下，我們坐落後打開餐牌，感覺都好多選擇，好辛苦，經過我們在選擇困難症之後叫服務生過嚟幫我落單，當時大約係下午6:30，我揀咗個芝士撈公仔麵（但我想轉意粉），點知回應係所有意粉、通心粉、蝴蝶粉都賣晒，咁我就轉叫一個大磨茹餐和一個焗鮮茄豬扒飯，服務生問我地要唔要飲野，我就問，大磨菇餐包飲品？佢好快回應我，無。之後再睇番個餐牌，明明有野飲又話無，我就叫番個服務生過嚟問，比埋個餐牌佢睇，我話叼度只係寫住凍飲架三蚊，點解話無野飲，跟住個服務生就回應我：係囉凍飲加三蚊囉，係囉。佢表情係死雞撐飯蓋，一啲歉意都無。等到野食嚟，我一見個大磨茹餐就嚇親，個蘑菇大過5蚊少少，(有相為証)脆豬變咗方包，我就叫過服務生過嚟問，點解個大蘑菇餐個蘑菇咁細？，佢回應係：今日來貨係咁細無辦法啦，我就答：你無貨都講清楚先啦，就咁比人，咁都得，跟住服務生先話比多一粒我好唔好，我為有話好。其實如果佢地係落單前講清楚蘑菇今日好細粒，脆豬又賣晒，我係唔會要呢個大蘑菇餐的，另外，焗豬扒飯好濕，濕到一pat pat(無影相)。我對呢間茶餐廳無好感，下午6:30而做埋