和平餐室 (禾輋廣場)

营业中

休息中

今日臨返工前同事介紹呢間茶記話小菜同焗飯都好出色不過由於得一支公嘅關係所以冇叫到小菜叫咗佢個焗飯焗飯佢都有幾多款選擇不過穩陣起見都係叫鮮茄焗豬焗雞嘅飯好啲今次我係叫咗鮮茄焗雞扒飯大家睇吓個賣相先賣相幾靚仔 份量夠多雞扒都有兩三塊而且個飯係炒底 即炒再加埋佢嘅港式濃濃茄汁底非常好味而且佢仲有芝士喺面直頭可以做到有拉絲效果茶記來講都算一線如果你話要夾硬挑剔嘅話仲可以用支火槍辣一辣個芝士面有少少燶邊效果會更加出色凍奶茶不過不失略嫌佢個茶膽有少少淡如果濃啲會更加好整體來講都係一間出色嘅茶記

今日到禾輋呢頭做野。未開工之前當然要食個早餐醫下肚啦。見到呢間和平都幾多人幫襯。就入去試下佢咩料。自家香辣肉醬米粉，配腸仔炒蛋多士。老實講自從168飲食之後我都好耐無食過早餐。多士烘到好脆。炒蛋亦都好滑。辣肉醬米粉好香。鍾意食辣嘅朋友一定會鍾意。最後配上一杯熱咖啡。醒神！價錢唔貴。又可以坐係到慢慢嘆下杯咖啡。整體成個用餐感覺良好。假如將來去開呢頭做野都一定會再回頭。而且仲可以試埋佢個午餐燒味飯添。

📍和平餐室 (沙田)沙田德厚街3號禾輋廣場2樓213-215號舖😸今日同事帶我嚟呢度食早餐，平時我都係食開意樂餐廳，距話呢度好食所以一齊食下➡️豐盛全餐👅燒汁雞扒，有d雪味😂👅芝士腸，好好食，脆皮腸入面仲要有芝士👅炒蛋，好滑，同有牛油香味👅奶油豬，脆卜卜，配牛油同煉奶正➡️凍奶茶👅我叫左多奶😂茶味香濃，又真係幾好飲📝評分：3.5分（5分最高）🫢其實整體黎講唔算差，不過我都係覺得意樂好食

📍和平餐室 (沙田)沙田德厚街3號禾輋廣場2樓213-215號舖😸今日同事帶我嚟呢度食早餐，平時我都係食開意樂餐廳，距話呢度好食所以一齊食下➡️豐盛全餐👅燒汁雞扒，有d雪味😂👅芝士腸，好好食，脆皮腸入面仲要有芝士👅炒蛋，好滑，同有牛油香味👅奶油豬，脆卜卜，配牛油同煉奶正➡️凍奶茶👅我叫左多奶😂茶味香濃，又真係幾好飲📝評分：3.5分（5分最高）🫢其實整體黎講唔算差，不過我都係覺得意樂好食d

叫咗豬扒腸仔意粉嘅～1.等咗半個鐘個外賣仲未有得拎 而其他遲過我買嘅人就有得拎2.職員態度差和語氣有待改善3.俾留咗個湯4.味道好一般 唔夠汁5.人手分配差（估計）唔會再幫襯！

有次同老人家去食 服務0態度有個叫大家姐串串貢 老人家唔小心倒捨少少野就噪煙巴閉比哂面色人睇野食又求其又難食四寶燒味飯得三寶問佢佢話係咁喎個大家姐咁巴閉 大家可以去感受下咩叫service

We ordered 1. 燒腩仔燒鵝飯2. 焗豬扒意粉The 燒腩仔燒鵝飯 was nice and good for its price.They gave us a lot of spaghetti for our 焗豬扒意粉 but the park chop is relatively small portion. They do have interesting local decor, it’s ok to give it a go if you get to sit in the nice area of the restaurant.

肉丁蛋湯面 $30普普通通冇乜特別，唔係首選$33 沙嗲牛肉公仔麵冇得輸⋯⋯茶記點可以冇咗呢樣另外配餐包炒蛋火腿其實食完呢個餐，真係可以唔使食午飯😁羅宋湯扭扭粉，可以揀煎蛋雞翼$33差啲以為嚟咗個生果盤凍檸茶另外加$3雞扒公仔麵$38，唔好食！雞扒飯冇乜味整體水準好過快餐店不失茶記啲味道本身叫餐飲時，落單1秒想講鴛鴦。阿姐話已經入咗單，改唔到😔後來送上枱又幫我改咗真係貼心啦啦！不過奶茶唔好飲，鴛鴦都OK😀

星期日朝早自己一個去食早餐，叫咗一份沙嗲牛肉烏冬+火腿煎蛋餐包+咖啡，落咗單之後5分鐘個烏冬同咖啡就到，食晒個烏冬（大約15分鐘之後），就同職員講仲差火腿煎蛋餐包，職員冇幫我同廚房追單，淨係話就到就走左去，好！我再等多一陣，再過多5分鐘到，有個職員同其他客講話我就走叫佢哋等我張枱，我就再同個職員講我仲有嘢食未到，佢又係Hea我話就得，再過多5分鐘左右，我再同個職員追單，點知佢問我係咪差杯咖啡？！即係代表佢哋根本一直都冇同我追過單！連我差啲乜嘢都唔知！我即刻起身走人，我同收銀講話收小我份火腿煎蛋錢，我等左足足三十分鐘有多，我真係趕時間所以唔等！我明白假期去食早餐係比較多人同埋要等，但係最大嘅問題係佢哋嘅態度！我每次追單都有同佢講話係差啲乜嘢，但追咗幾次佢哋竟然以為我差咖啡？！到最後個經理竟然拎住杯打咗包嘅咖啡出收銀處嗰度俾我，我真係忍唔住發爛渣同佢講話我其實係差火腿煎蛋餐包唔係咖啡！我講咗三次喇！後都唔會幫襯！

首先講下服務態度，係，我係叫外賣速遞，但係 都感覺到佢啲服務態度勁差。上次我又係叫燒鴨，因為得一包酸梅醬，所以今次打電話特登叫佢畀多兩包我。 佢話，兩包唔得㗎 ，最多畀多一包你囉 。 唔知點解送到屋企有一包酸梅醬係漏嘅。我自己本身鍾意酸梅醬嘅鹹香味，可以逼走燒鴨嘅腥，同埋去肥膩。畀多一包酸梅醬要你幾錢啫？ 今次係第二次叫呢個燒鴨配雞瀨粉， 上一次燒鴨係非常肥，得皮，膏同埋骨 。 聽人講呢間出名食燒味，我再度嘗試， 今次隻燒鴨好些， 見到有肉，雖然吾多肉， 但肉質嫩滑。 但冇話食到成口肥膏已經有改善。切雞ok，唔太肥。燒鴨個皮唔脆。 唔知係咪歸咎外賣嘅緣故啦。 所以不作評論。碗野嘅燒鴨同埋切雞嘅份量都多嘅。薑蔥夠多，菜都有兩條 。聽講呢間嘢係專食燒味， 真係未到頂級， 亦未算難食 。 撇除第一次經驗， 我今次畀個「好評」啦。

是日下午茶🫖我哋叫左一碗蕃茄羅宋湯扭扭粉 (配料選兩款: 炒雜菌 & 叉燒) 配熱檸茶 $45，仲有丹麥多士配滑蛋同雜果沙律 $35 配熱檸水蕃茄羅宋湯扭扭粉：羅宋湯還好，我嫌佢唔夠濃味，但係好足料叉燒先至正，味道好食，肉食好淋、唔乾、唔鞋颯颯，最緊要係冇乜肥肉！大家不妨試吓和平餐室嘅叉燒丹麥多士配滑蛋同雜果沙律：多士唔算好脆，但係都有牛油香味。多士如果可以烘耐啲，脆啲咁就perfect啦至於滑蛋同雜果沙律就令我喜出望外，因為滑蛋整到半生半熟，有落調味料。另外雜果沙律係用左新鮮水果嚟整，並非開雜果罐頭咁簡單下午茶都有好多同雜果沙律嘅配搭或叉燒嘅配搭，大家都可以試下架

位於禾輋廣場內的餐廳，雖然之前有試過叫過燒鴨河粉下午茶餐，但水準一般尚可，但今天的燒鴨每塊都是肥肉，不能入口，反映了說燒鴨，都是咁的完全不理會，食物及服務水準太差不值光顧!

本來想去試銀咖哩，但有同行中人不吃辣，於是改為去附近的和平餐室食午餐。白切雞飯，味道正常，唯飯量較少。見間餐廳好多款燒味賣，本來係有啲期望嘅，不過又唔係話特別出色，下次要試下其他。常餐(即係放喺午飯時段嘅B餐)有沙嗲牛麵、炒蛋配半片多士及熱飲。沙嗲牛肉有着童年時茶餐廳風味，麵煮得啱啱好。咖哩雞扒焗意粉即叫即做，所以亦係等得比較耐。咖哩汁本身已經夠辣，仲加咗大量薑蓉，味道都幾特別，但亦都令你每食一啖飯/肉都有薑渣。雞扒切件上，方便食。

一間茶餐廳幫襯多年，突然間消失係飯堂list,必然有原因，通常我會隔一段時間先再嚟食俾多少少時間下午茶時段：燒鴨瀨粉$33⋯⋯抵食！唔知係咪太耐無嚟，師傅認真左，呢次真係好食😋燒鴨皮脆肉嫩，下午茶有6-8件，無乜肥肉以前是一碗跟瀨粉上，依家分開盛載，唔會浸到無味👏🏻肥瘦適中，確係唔錯凍檸茶，茶香唔太甜，太好飲...乾炒牛河$43，乾身唔油膩份量唔太多，下午茶剛好，牛肉嫩滑😘可以繼續支持落去😚😚😚

去到禾輋廣場，格局係典型屋邨商場，正正方方。間鋪頭係2/F，同層有唔少鋪頭，最容易認就係有M記果層！門面有部爆谷機，唔知work唔work架呢間餐廳賣嘅野似係茶餐廳，但係裝修又唔係行茶餐廳路線，鋪內都幾多卡位，坐得都舒服！晚市外賣50-60蚊到就可以有主食＋湯/飲品，岩晒懶人🙈今次叫左個肉絲炒河，用料充足，有菇 肉絲條，青葱... 醬汁唔會太甜/太咸，1個人食晒應該好飽，份量幾大份🤤