和平飯店 (大本型)

营业中

休息中

我家老人家進入貴餐廳堂食，有一名職員呼喝我媽媽:坐好D啦!當時神情呆滯，對方是一名推點心車的職員，想問問做一個服務行業，有必要對客人大聲呼喝，地方已經很狹窄，需要用到點心車的懷舊嗎?,如果自己屋企既老人家遇到這種情況，你會否啞忍?我們以後不會再推薦給朋友了!

今晚去油塘同屋企人食飯，一行六人去食上海菜。雞絲粉皮，$8咋，餐廳做緊優惠，一張枱限叫一碟，好食～ 燻魚，味道甜甜地唔錯，但係略嫌太多骨 紅油抄手，皮過厚，有點失色，餡料唔夠豐富上海炒年糕，整得幾好炸饅頭，好好食好香脆，夠哂熱！外脆內軟，配埋練奶生煎包就好一般，又係皮厚餡少，又無肉汁，失望 呢間既點心都比較失色，窩貼又係皮厚無肉汁，差蔥油餅，好好食，整叫即整，熱辣辣好香脆，外脆內軟干煸四季豆，正常水準，好食食上海菜點可以唔叫小籠包，但係呢個小籠包真係令我十分失望，又係皮厚、餡無肉汁！差最後叫咗酒釀丸子、豆沙鍋餅甜品，甜品整得好食！整體食物都唔錯，同埋環境坐得舒服，乾淨企理，但下次就唔會再叫點心，實在係敗筆。希望會改善下

中午來和平飯店吃客飯套餐, 一直覺得這上海餐館價錢相宜，品質不錯客飯包一個前菜,點了三絲,有豆腐乾,紅蘿蔔絲和西芹，拌了麻油很好吃回鍋肉是正常味道，肉比較小,椰菜很多值得一提,茶很好喝

今日公公生日，想同佢食一d中式餐廳，但油塘既酒樓地方狹窄，令坐輪椅既公公難以進入，所以屋企人就決定去較寬闊既香平飯店食飯。首先環境方面，店內多用圓枱及方枱，配上有氣墊既座椅，座位間可以隨意調動，方便輪椅人士。其次食物方面，小編點了雞絲粉皮同賽磅蟹，雞絲粉皮有好多麻醬，撈埋雞絲一齊食，令雞味更出，而且花生味香濃，又冷冰冰，夏天用黎做頭盤一流，又冰涼又好食。賽磅蟹炒得粒粒分明，唔會一pat 野，而且有香香既蛋白味道，配合醋一齊食，一d都唔油膩。最後服務方面，店員忙於處理店內事務，忽略左大廳既顧客，顧客等左好耐都未能下單。整體而言，呢間店鋪係非繁忙時段黎絕對可以，而且價錢唔貴又好味。

今日係我媽嘅生日，專登帶咗佢嚟油塘食飯，因為知道佢鍾意食上海野， 而呢到又有一間好食嘅上海餐館入到去坐低左見到餐牌裏邊有一個四人餐，諗都唔使諗就直接叫咗，因為費事諗要咩菜式呢個五香牛𦟌煮得好入味，一啲都唔難咬開，肉同筋嘅層次好分明之後有菜肉湯雲吞，雲吞包得好大粒，裏面好足料，有好大隻蝦，仲要好彈牙雞絲粉皮係我一向都鍾意食嘅，因為有大量嘅麻醬可以撈埋一齊食，粉皮好爽脆，而雞都好嫩滑，配埋爽口嘅青瓜，食落去層次好豐富另外一樣最欣賞嘅菜式就係賽螃蟹，蛋白炒得好好，唔會一pat pat，而且裏面仲有一絲絲嘅蟹肉添。不過唯一要挑剔嘅就係菜式比較多油，食落口都感覺到唔太健康整體上食物係唔錯嘅，而且價錢好合理，坐得都幾舒服

上星期係度食左個咸肉炒飯伏左。今次再去試多次，同上次比相差好遠。今次叫左個三鮮泡飯同烤饅頭，好食好多。個三鮮泡飯個湯好好飲，d飯又唔會太軟身，今日我病病地食依個啱晒。另外果個炸饅頭係新鮮炸出黎，又香又脆，唯獨係等得耐左d，但值得等。

今日係度食午膳，平時都會叫午市套餐。每日主菜叫左個咸肉菜粒炒飯，比想像中細碗好多都算。唔知係未個廚師落左雙倍鹽，超咸！！！！！係同事碗麵借左兩碗湯撈落去連湯都咸埋。有打算叫經理，但又未至於完全食唔到，唔想浪費就食埋，不過要飲返好多水。。。後來同經理講返，佢見我食到只餘一口都話我要唔要換，態度都好好，不過我當然無換啦。服務救返依餐

話說週末就諗住嚟食 平時不嬲都有嚟食開 嗰日呢落雨所以要等好耐位 一入到去有個人問我地要咩茶 等左15分鐘都未有茶 我哋就再叫另一個侍應追吓個茶啦 哇佢哋啲口面衰到爆 服務態度極差 想搵個人落單 搵左5分鐘都冇嘅然後仲要扮睇你唔到 又黑面又啤住你我當時睇到有張枱 叫極都叫唔到人 佢哋直情走咗 可想言之情況有幾惡劣離晒大譜 不知所謂大家千祈唔好去

平時好少嚟油塘呢頭，但每次登高掃墓後都會去附近嘅大本型覓食😋 同屋企人一齊就多數都飲茶嘅，之前都有見過和平飯店但都無試到，呢次終於都食到～可能係平日啦，唔洗排隊等位，入到去環境唔錯，新淨闊落，仲有卡位坐～開頭見到門面諗住係偏貴嘅茶樓，但見到menu又覺得ok啵～唔係太貴仲有好多選擇，份量都可以～呢間嘢主要係食上海嘢所以雖然佢有得飲茶但一般茶樓嘅點心呢到係無㗎～～～～呢到係一個午餐set，主菜小食可以自由配，另收每位$9茶錢～油炆荀$38醉豬手總結～呢到啲凍頭盤小食好食過主食～不過都可以一試！

今日在油塘大本型行街，發現一間和平飯店，我記得啟德機場對面的和平飯店經常滿座！不知是否同一老細？所以入去一試！這次我要了一個排骨担担面，排骨炸得好脆、鬆軟，食得好開心！担担面的湯底有好濃的花生味，我要了少辣，煑得好好味另外還有我至喜愛的四喜烤麩 、高力豆沙，我吃完担担面，高力豆沙還是暖暖的！至於小籠包，沒有太大驚喜！差點忘記我還要了雪菜肉絲抄年糕，年糕抄得好入味、煙韌，配合雪菜肉絲味道更一流，本來可以得滿分，只是油太多，扣了分！下午茶餐還有其他選擇如下：

以為商場內的食店一定貴到咩咁，點知呢間性價比高，價錢不過份，仲可以番黎再食！餃子皮不燶，都沒有煎香感，就時特別在，裡面竟還保有肉汁，這是餃子加分位。炒飯比想像中好食，粒粒炒飯乾身，不膩但油份剛剛好Cover粒米粒，好香蔥香味。小籠包子又加常有湯汁系裡面，勝在皮厚度OK，一夾夾夾都無穿底。牛肉餅都好食，但未至於有意料之外既驚喜。香脆外表，正正正！上海炒粗，菜粉份量相若，我一般。會再翻食，唔錯既選擇。

係大本型要食下午茶一定係食和平飯店！無論服務、舒適、定味道都好即使今次我係一個人食，無得食好多款，但因為佢個下午茶係有主食加配兩個小食，同樣可以品嘗3款美食。我今次叫左碗嫩雞煨麵，唔好以為下午茶就細細碗，份量一啲都唔少仲加埋兩個小食，好夠飽！味道又好！另外既小食：小籠包+4季豆小籠包又夠熱，又多汁，好好味呀所以佢下午茶時間係會爆滿場的

除左中意米線，第二樣中意既係上海野，今次就試左價錢算大眾化既店舖。#不等你小籠包 💰8‼️勁抵，咁岩撞正有優惠所以只需$8就食到，咬落去啲汁爆曬出黎，足足有一湯匙咁滿🥄（由於佢期期優惠唔同，唔知呢個優惠去到幾時）好味指數：😋😋😋 （五分最高）#蔥油香麻餅 💰36好多芝麻喺表面，蔥既分量亦唔少，咬落好香脆，外脆內軟，呢個真心值得推薦👍好味指數：😋😋😋 （五分最高）#排骨擔擔麵 🍜💰52其實係炸豬排黎，份量好多，炸粉少，但放左太多調味粉。擔擔麵有少少辣，食得辣既朋友應該唔會有任何辣既感覺😅好味指數：😋😋😋 （五分最高）#紅油抄手 💰36賣相麻麻，食落無咩味，如果辣少少會更好。🐖好味指數：😋😋😋 （五分最高）

由於有活動，所以今日出左去油塘食lunch...第一次尼依間餐廳⋯發現有午市套餐，所以都幾抵食。每個套餐可揀一款前菜、一款點心、一款主菜。不過，其實可揀既款式唔係好多⋯⋯由於係平日啦，所以如果散叫就有85折既，但其實套餐都夠食既。我揀左雞絲粉皮，都幾好食既⋯又揀左韭菜抄手，好重蒜蓉味，所以我覺得好好食⋯主菜就揀左肉絲抄麵，都好好食⋯不過，如果份量多少少就更好喇。我果份套餐就係$58。由於平日午市，所以唔洗加一服務費。而我既同事就揀左高力豆沙。

重新再開返的和平飯店以為有驚喜，點知差到無朋友，特別是蔥油雞乾過糧尾個荷包，第一次食到這種雞差點係喉嚨唔上唔落，就算大家堅持要幫襯在點菜前都要諗清楚，暫時未見有改善之前千萬不要試，特別是長者/小朋友重要的事本來想講三次。。。。但這裡禁止重覆文字做成80字，所以我只好講詳細一點好讓大家注意得到劣質食物，不要下錯單