和平飯店 (大本型)

营业中

休息中

和平飯店可以話係我同fd子飯聚嘅飯堂，貪佢方便就腳，價錢唔會太貴，味道亦唔錯。我地一行四個人，於是我地今次點左四人餐。依個餐份量十足，可以揀三種前菜、一款海鮮、兩份熱菜，另外仲有每人一碗湯、野飲，同埋一份甜點。前菜方面，我地揀左醉雞、鎮江肴肉，同埋雞絲粉皮。醉雞酒味濃烈，雞肉嫩滑，放起面頭嗰啲食落非常香。但係下面浸喺酒入面嗰啲雞就酒味略嫌太濃，有啲苦澀，沖一沖水再食會好啲。鎮江肴肉不過不失，食落個口感好似硬身嘅啫喱咁，味道偏淡。至於雞絲粉皮，其只要花生醬夠香就會好食㗎啦，所以都唔錯㗎。海鮮我地要炒蝦球，蝦球新鮮彈口，抵讚嘅係有挑腸！至於湯呢，餐係指定跟蟲草花煲豬𦟌，每人一盅，非常足料！熱食方面，我地點左糖醋魚塊同埋花膠紅燒肉。除左花膠有啲腥之外，其他都唔錯。尤其係紅燒肉唔羶，值得加分。後黎我地另外點左個松子黃花魚。其實係因為我地習慣去邊度食上海菜都會點依味餸。我地落完個四人餐先醒起，如果唔係我地可能唔會揀糖醋魚塊🙈黃花魚炸得脆，但係切落去有啲硬。糖醋汁甜酸適中，唔會蓋過黃花魚嘅味道。不過，雖然黃花魚唔腥，但係就無乜黃花魚嘅香味，只可以話係不過不失。甜品方面，餐係跟香蕉豆沙高力。高力新鮮

放假與父母吃午餐，來到油塘大本型商場，三樓的和平飯店裝修後重新開張便一試。得久以前在此吃過晚飯，沒有留下什麼印象，這次也沒有什麼期望。帶位很友善地引領我們到卡位坐下，詳細講解新開張優惠及菜式，示意侍應從旁協助我們點餐；整個流程非常流暢，態度亦很友善。而且侍應臉上有香港侍應缺乏的笑容由於剛裝修完，整個環節充滿古典中國風，座位多，但保留足夠空間感，有香港餐廳少有的清幽。餐枱、座位、餐具都非常乾淨，十分舒適。食物方面，午市時間，選擇多：點心、小食、小菜和炒飯等都一應俱全。父母好點心，點了小籠包、上海春卷、紅油抄手、葱油餅、生煎包、蘿蔔酥、五香牛展、蒜泥白肉伴青瓜及杭州炒飯。小籠包皮薄多汁，加上新鮮上爐，即使頂部也沒有硬皮。贊！紅油抄手不辣、亦不油，老人家亦非常適合。生煎包底部外皮酥脆、兩邊鬆軟，內裏多汁。贊！贊！上海春卷、蘿蔔酥外皮炸得鬆脆，內涵也不乾，贊！贊！五香牛肉爽口，但味道過清，重口味者不推薦。蒜泥白肉較其他的肉比一航厚，蒜蓉亦不如一般多；但加上手拍青瓜，更清淡、爽口；非常推薦愛濃味但要平衡健康人士。炒飯是爸爸最愛，飯炒得乾身，不咸、易入口。贊！埋單時，侍應詢問是否有長者咭可免茶錢，

15/10/2018 夜晚同老婆入左去食飯。就叫左個「川式水煮魚片」，上到來係「水煮雪藏魚柳」，餐牌寫明仰水煮魚片賣$120出到來係切開左嘅魚柳，好識節省成為，混水摸魚！沒有下次！

和平飯店叫做係油塘商場較為好食既連鎖店，既適合家人聚餐，又可以一二人食個上海茶餐。依度坐得舒服，有好多張都係梳化位，當然BOOK就有得坐，唔BOOK就未必有得坐。 上海醉雞(3/5)酒味濃郁，但切工唔算太好，食落口冇咩口感，好似一絲絲變左手撕雞。 燻蛋(1/5)未至於好難食，但用烚蛋去形容就更貼切。冇煙燻味，冇涵水味，蛋黃亦唔夠流心。 不等你小籠包(3/5)正常、經典小籠包。題外話依度有幾款創新口味既小籠包。 雪菜肉絲炒年糕(3.5/5)相比之下，實在係食到一樣較為正宗、味道得宜既年糕。略嫌帶涼，唔夠熱。 椒鹽小黃魚(4/5)兩條起，但真係好食推介既。因為皮夠脆、魚肉有汁同嫰滑。 水煮魚(3.5/5)第一次食水煮魚，感覺新鮮。雖然帶辣，但係有芹菜豆芽等配料帶出甜味。薯粉又粗又有咬口，好吃既。 雖然食物冇太大驚喜，但叫做有一貫水準。另外服務態度友善，環境幽靜，可以靜靜地傾個偈，又唔洗趕頭趕命食完走。依度既茶葉種類多樣，可以飲多幾杯嘆下先。 我最開心係今個星期五有叮叮陪我同屋企人食飯，能夠有你坐在我身旁，感到安穩又快樂，好希望你一直都坐係我身邊。

又到lunch時間，今次試下和平飯店先。一開始，我以為和平飯店淨係可以好似飲茶咁share黎食，點知原來有 set lunch，唯免麻煩同自己可以揀自己想食既野，我地都選擇左叫 set lunch。一個set lunch有三樣野要揀，前菜，點心，主食。講下個前菜先，我揀左涼拌茄子，其實我覺得幾好味，可惜佢得一舊仔。凍凍地，有少少甜同鹹味，但又唔會過甜或者過鹹，食落口有好爽嘅感覺。食落去唔知點解有陣蛋黃味，但係剩係得頭一啖食落去有依陣味，同埋都影響唔到整體質素。所以呢個茄子我會俾四星。之後仲要講下點心，我揀咗上海雲吞。有兩粒，依個點心超級清，個雲呑皮個尾好長，唔知呢樣係咪上海雲呑既特色呢？最係講講個主食，最失望既一樣。我叫左北京炒拉面。一上枱個下衝擊係最大架，一上枱，依個炒麵係主食？首先，個份量望落去好似唔多夠咁（最後都夠飽），個賣相一啲都唔討好，食埋落去，感覺上隻味好似乾燒伊麵溝豉油王炒麵咁，好似去粥鋪叫個啲普通炒麵。真係好失望。每個座位都幾大，坐得幾舒服，都係一個飲茶相聚既好地方。總結：除左個北京炒拉面之外，其他野都ok架，下次我唔會再揀炒拉面做主食架啦。

和家人食晚飯,因為下大雨所以揸車去油塘呢個商場搵食,喺大本營搵下有乜嘢食嘅時候，發現呢間餐廳，眼見呢度坐位都舒適寬闊，應該會幾好，便入去試試入到去個接待比左個卡位我地坐之後我地叫左個酸辣湯,好酸,飲左一啖飲唔落小籠包是可以的......紅燒豆付沒有炸過,以為會滑D,但豆府不新鮮,用返酸辣湯個汁,無咩誠意仲叫左個鹽水鴨無咩味...唉唉唉小黃魚我地試晒兩種,炸係好食D,水煮無噤好食.......另外仲叫左銀絲卷,排骨面都是OK的

醉豬手很爽口， 如果淋一點就好了鎮江餚肉醉雞入味， 肉嫩菜肉水餃雞爪螺頭湯水煮魚魚很入味， 不過魚不是新鮮魚百合蝦仁想食清清淡淡的，也不錯賽旁蟹味很淡豆沙高力球包 及餡料比例適中

如今，每逢假日，一家大小齊齊上酒樓去歎一盅兩件，這種古老又傳統的習俗，早已成為了港人生活中不可缺少的一部分。香港人很有吃福，隨著時代的變遷，港式餐飲的內容不斷的被改變和創新，僅是在食物口味的體現上，已經呈現百花齊放的局面，融入了不少提供各地派別菜肴和點心的餐廳。本文所寫的這一間餐廳，位於［大本型］，以供應上海本幫風味菜肴和點心為主的［和平飯店］。說起［和平飯店］這個名字，它在上海是一間有著半個多世紀歷史的五星級大酒店，地處外灘的那幢建築大樓有著＂上海的地標＂之稱，俱復古的魅力，歷史悠久，聞名於世。關於這兩地的兩間［和平飯店］，它們之間有無絲毫的關聯？我無從所知，案頭沒有這方面的資料，不會妄言。今次只是由這一間［和平飯店］聯想到那一間，僅此而已。回過頭來再看香港的這間［和平飯店］，不是酒店，只是一間面積有限的餐廳，通過餐廳的裝飾，也可以從中一睽復古的元素。由門面之紅磚牆和深色調的木框玻璃門，到店堂內的仿古紅色宮燈，燈罩上印有古錢幣的圖案，這些裝飾多多少少也讓人感受到了一絲古意。來到［和平飯店］，可以品嚐上海本幫的菜肴和點心。先從名點［鮮肉小籠包］吃起，HK$ 35 / 4 件，另收加一。

食物好差，麵食無味，份量好少。服務員唔知自己做咩，高力豆沙，等左30分鐘，問左服務員4次都無回覆，明明個餐有，佢地好似唔清楚，最後黎到，難食得很，野食質素好一般，但價錢不便宜，真心唔好去

今日去將軍澳掃墓，就準備先在油塘吃午飯， 然後坐的士上去將軍澳拜山，喺大本營搵下有乜嘢食嘅時候，見到呢間食肆有午市套餐供應，有齊小食，點心，主食，相當便宜，就決定入去試吓。雞絲粉皮雖然細細碟，但麻醬好香，唔錯。涼拌黑木耳只得辣味，仲係非常辣。上海雲吞只有兩粒，雲吞皮爽滑，湯底清甜。豆沙鍋餅只有小小四件，略嫌油膩。家常豆腐 配白飯，味道可以，但辣味太重， 適合嗜辣人士。鱔糊炒粗麵 黃鱔分量不少，但肉質粗糙，硬梆梆，水準平平。雖然味道唔係非常之好，但係兩個人叫咗兩個午市套餐，計埋茶錢，埋單都只係$120唔到，性價比高！

首先不得不提酸菜魚，在眾多菜式中格外出色。湯底酸中帶微辣，只覺舌尖微麻，怕辣的人也絕可以接受。魚肉新鮮嫩滑，容易入口，且湯底的味道沒有蓋過魚肉的鮮味。菇和萵筍的配搭恰到好處，吸收湯底的酸味，令人頓時胃口大開。鎮江餚肉乃上海菜必有的冷盤，這裡的鎮江餚肉肉凍晶瑩剔透，瘦肉色澤紅潤，賣相可謂一流，但味道不算特別出彩，豬肉香味不足，且口感普通，瘦肉和肉凍層次不夠鮮明，亦不夠煙韌，有待改善。初嚐砂鍋獅子頭，吃起來更像是紅燒獅子頭，豬肉和醬汁一鹹一甜，配搭合宜，肉味挺濃，對偏好清淡的人來說應該不太討喜，口感濕黏但不夠綿密，整體來說尚可。說到上海菜就想起小籠包，這裡的小籠包也不錯。個子小巧，可一口一個，湯汁雖稱不上濃，但尚算飽滿，豬肉餡肥瘦適中，吞下後口中仍留有豬肉餘津，美中不足的是麵皮略厚且粗糙，欠缺小籠包應有的精緻。杭州尖椒牛肉本應是辣的，但連我這個怕辣的人也覺得完全不辣。醬料的味道大大蓋過了牛肉和尖椒本身的味道，因此味道偏鹹，且太過油膩。牛肉纖維在烹調過程中被破壞，因此沒口感可言。上海炒飯已是經典菜色，但此老上海炒飯非彼炒飯。味道清淡而保留米香，實在難得，雞蛋的點綴令其生色不少，不至於乏味，米

本人一向都對上海菜情有獨鍾，小籠包，上海粗炒，仲有上海炒年糕都係我必食之選，個日去左大本營行下街發現左一間好耐之前食過既上海菜飯店，心血來潮入左去食，發現比以往的味道都不一樣，一問之下，發現原來大廚換了，現在大廚來自川菜名店雲陽閣的，水準比以前更勝一籌，川菜既技巧加埋上海菜既風格，有別於其他飯店既做法睇得出師傅用心制作既誠意，加上日後仲會加多一啲吾同既菜式，確係令我滿心期待，依間飯店真係冇得輸，廢話吾多講，誠意推介。！

🐰專業感想🤑終於有機會品嘗呢間上海菜 心情既興奮又緊張💗富貴火方: 🌕🌕🌕🌕🌕 $108配埋塊四方餅夾住 蜜汁金華火腿 青瓜 炸豆腐皮 食 但得4塊 食完唔夠喉🤤 咬落又外軟內脆仲小小甜 配埋青瓜好清爽👍🏻火腿津白: 🌕🌕🌕🌗🌑 $62啲娃娃菜煮得幾好 夠腍而且唔會散修修 夠得體 面頭仲有金華火腿 味道唔算太濃高力豆沙: 🌕🌕🌕🌑🌑 $38得3舊但好軟身 嫌佢太細 饀唔夠多😹豆沙窩餅: 🌕🌕🌕🌑🌑 $35外皮太軟 脆返小小就好啲 但反而饀好多😋😍葱油香麻餅: 🌕🌕🌕🌗🌑 $32食落外脆內軟其實係脆既包 一到既時候啲芝麻味好香 但會比較油膩🤭開胃酸辣湯: 🌕🌕🌕🌗🌑 $55望落同一入口都似食緊碗仔翅 但去到喉嚨就會feel到有啲辣 幾過癮😳銀絲卷$25 (+韭黃薑葱炒鱔糊): 🌕🌕🌕🌕🌑兩者好夾 個人覺得配蒸銀絲卷會比較好 炸個味道唔太適合 可能咬太脆口會覆蓋左鱔糊個味道 而且會膩小小

今晚又出動搵食-和平飯店,都唔係第一次食,但每次食完都覺得匿間可以做好d。佢有二人套餐$338,包前菜兩客,兩客湯,兩個主菜,一個小吃及兩杯飲品,但係主菜唔係好啱,所以都係散叫。雞絲粉皮-幾好,麻醬幾香。醉雞-本來匿個唔錯,但可惜差不多全是雞胸,不夠滑。小籠包-ok夠熱。嫩雞燴麵-唔夠熱,無味。花膠雞煲-花膠薄身,但都夠味,可惜d雞煮到"鞋"晒。再加咗杯薏米水-落單巳講明要熱,但可惜比咗凍,同佢講要熱架喎,佢仲問返我轉頭你要熱架。仲有就係佢既檯布甩毛,著黑色衫褲會痴到成身毛。其實飯店都知,唔明佢點解唔換咗d檯布,只係準備個轆轆比人痴返d毛。

今日老公生日，同佢食上海野。一直都想試試和平飯店，今日午餐去咗。一入座，坐近窗邊卡位，坐位尚算闊落而且光猛，招呼亦唔錯。個女侍應問我地要乜茶，我地問有乜，佢都一一報上。我地再問枱上不同優惠分別，佢都答得很清楚。點菜了，老公拍板，一叫叫了８個點心同其他食品包括小籠包、生煎包、鍋貼、燻蛋、担担麵等。我地一路傾計一路食，唔覺Ｄ菜上得慢，啱啱好，　而且熱辣辣（多天至正）。出色的有紅油抄手　～蒜頭同辣油比例好，而且個抄手本身有味，好酸辣湯　～外面好多餐廳都係酸多過辣，佢地辣多Ｄ酸少Ｄ，啱我胃口小籠包　～皮薄多汁食到好飽都唔係好貴。下次可以試下晚飯食小菜先。