和平飯店 (大本型)

营业中

休息中

聽講油塘開了一個新商場有很多食肆及大型超市,已經想去睇下,朋友買了和平飯店的團購2人餐咪去食下.我朋友打去預約訂位,個員工話只可以6:30pm入座及星期一使用較好,個員工態度是不好的,加上團購細則沒有列名呢個限制,之後再講講下先可以訂星期三6:30pm,這間都叫集團經營餐廳,為何員工態度這麼差及團購得如此沒誠意.評評食物:1. 前菜:冷盤餚肉,茄子,燻魚及烤夫 - 味道ok,不驚喜2. 乾扁四季豆 - 味道一般,太油3. 蛋炒飯- 普通味道4. 宮保雞丁- 味道一般,亦較油5. 另叫了$8優惠價的小籠包 - 小籠包內沒有湯汁,似超市買回來的自己蒸熱.6. 酒釀丸子 - 味太甜及太糊,可能一早煮定而放耐了越來越甜及糊,似漿.食了一兩口放棄了圑購價2人共$128,一人約$64另加一,算平,但食物水準真差,不會再食,加上服務阿姐態度似在屋企咁放肆無禮貌及同不同檯客人在吾知嘈咩,間公司應加強員工的培訓方可,剛開業已經在食物上及服務上沒有水準.

第199個食評 今回也是寫新場'大本型' 眼見大食代也營業了 根本不愁地方開餐 是日又約好油塘友去試下'和平飯店'時間為平日2點45 門外比之前冷清了 即時有位 似乎FOODCOURT吸了不少客仔這時段消費仍是午市價格 為新張期$8一籠小籠包作招來看看點心紙 點了幾款食品~當然必叫招牌小籠包 但極失望..送來不是熱係冷 已經扣晒分..眼看都皮已硬又厚 咬下又無什肉汁 而肉餡硬實實又唔鮮味又咸 $8都唔值担担麵(細碗X2) 湯底較稠身 但味道唔夠濃郁 而麵質偏淋 生煎包 似蒸包多點 唔熱唔鬆脆 又無肉汁 肉餡又細上海春卷 係熱且夠脆 不過食落淡而無味尾聲送來鮮肉鍋貼 反而較好 雖然微暖 但咬下皮薄餡正 終於稍為似樣 總括:味道及份量都不佳 暫且不來..

新商場，食肆續一開，我就續一試，今次就去呢間飯店。主要都係被佢新店優惠$8/籠小籠包吸引。尋日同一時間8點幾見無乜人，今日萬聖節以為啲人出哂去玩無咁多人，事與願違。等枱又等咗35MINS了。我哋好把握時間，等位時候已經睇哂MENU諗食乜，到有枱坐時即ORDER，個帶位小姐都嚇一跳話我哋諗得咁快先嚟個特價小籠包：皮厚汁少肉有渣真係好細碗，微辣無花生香，麵質不夠彈牙只係炸咗1邊，真係求期咗啲囉！尚算香口，但不叫脆。呢碟一擺上枱油淋淋反哂光，菜多過肉，每片肥豬肉都有1CM脂肪層，味道尚可，但減肥既朋友唔啱食。呢個雖然係最健康既麵食，但唔駛肉都無多舊嘛！！而且啲雞肉真係碎到夾唔起。湯底偏咸，味精重。啲麵條同担担麵一樣，都係太軟，缺彈性。總結︰以佢既價錢，呢啲食物質素、份量真係需要大大改善。店員既工作效率亦雖然改善。新場新鋪多客人理所當然，但啲店員明明見到你舉手想叫佢哋，一、兩個都扮見唔到，得閒先走過嚟問你要啲乜？坐我隔離枱個女人仲黑面，因為由我哋入座已經聽見佢叫人埋單，有店員應咗佢啦，不過由我哋點哂菜、上咗3度菜、食緊，都未見有人拎單俾佢埋，所以見佢都好唔老脾，揾佢個女出氣！

我家附近的大本型商場由9月29日試業到現在差不多一個月，由最初只有少於三分之一的商舖開業，到現在差不多有一半已打開門做生意，人流越見旺盛。今日終於有機會試新食店，就是這間和平飯店，是擁有 40 年歷史的叙福樓集團打造的滬京川品牌，印象中只開業兩星期左右。我事前是沒有抱任何期望，希望食物味道正正常常就好了。下午六點未夠，晚市還沒有開始，已經有一條小人龍，情況就像前陣子客家好棧剛開業一樣，說明港人喜試新湊熱鬧的心態。到六點就準時放客人進內，我和男友理所當然獲分配二人座位。舖面頗大，有圓檯和四人卡位，圓檯相隔較遠；二人檯則較迫，只相隔一個身位而已。食物方面，新張期內一籠鮮肉小籠包只賣$8（原價$24），非常抵食！且皮薄餡靚，肉質鮮嫩。我握筷子不靈光，吃第一件就不小心弄穿外皮。早前我家收到大本型的宣傳單張，看到有優惠券就即時剪下來，所以這客雞絲粉皮是免費的！抵呀！份量比較吝嗇，以為是因為免費，後來看其他人的食評，反應都是一樣。食味倒是不錯，雞絲嫩滑，青瓜和粉皮都夠爽口，且花生醬味濃，甚至濃得有點過頭。鎮江肴肉是將德國鹹豬手蒸６小時，令皮肉跟骨完全分離，再取其最腍最滑的水晶肉上碟。整體不論口感和

(第一次打食評，請多多指教)第一次覺得上海菜原來是那麼好食!下午放學後和媽媽到大本型的和平飯店吃下午茶之前新鋪開張，被門口黑壓壓的排隊人群嚇倒，一直不敢到那裡試試今天終於等到機會了店舖裝潢典雅，如果黃昏或者晚上去的話，我想那情調必定比早上或下午更濃如果窗口裝有古色古香的窗簾，必定更佳媽媽點了雞絲粉皮、鮮肉小籠包，我就點了燻蛋因為只是下午茶，不想吃得太飽，所以只點了三樣等了一會兒，雞絲粉皮便送上了麻醬似乎多了一點兒，雞絲又似乎少了一點兒，而份量又是小了一點兒($25.9)媽媽不停說"唔抵食"燻蛋好好食，真的($9@1)而最後當然是鮮肉小籠包(原價$24@4，開張價惠價$8@4)我食完之後不禁嘩了一聲，好好食呀!十個正肉汁鮮甜，肉也美味名符其實的皮薄餡靚看了菜單，見到好多菜式都很吸引有機會我一定會試試的

全個商場裝潢最好的一間食店, 加上屋村商場少有上海菜, 滿心期待. 開張以來一直人龍不絕, 更令人有錯覺誤抱期待.是日招呼親戚,5:30拎籌, 6:30 已聽到職員說晚市已全滿截籌了~有夠誇張的....d位好闊落, 4人卡位夠坐6人, 職員態度都算好~ 唯一係落單d staff都幾多係大陸口音, 佢地寫單時又好奇怪要寫(and 要你講)晒全個菜名, 又好似唔係幾聽得清/明你要d咩要重覆幾次咁, 所以落單好慢而且有落漏單情況.開頭真係成個氣氛環境都唔錯ga, 直到.....d 菜到時,就真係心一沉.1) 燻魚 ($38) - 一上枱, 忍唔住問侍應係唔係落錯單.因為呢度上嘅係, '糖醋魚柳' !!!!!! 係幾件白雪雪嘅魚柳肉, 完全冇燻/煎/炸過跡象, 再浸左係一大碟糖醋汁入面, 仲要超甜o個隻. 完全唔係o個回事, 侍應仲答佢地呢度整法唔同. 2) 鎮江餚肉 - 個樣睇落去對辦ga, 諗住鬆一口氣, 一食落口, 再趙多幾下, yee? 再趙多幾下試真d.....嘩~即 lur返出嚟. 好苦呀~!! 係~!奇怪地, 餚肉居然係好苦~!!! 苦到澀!! 呢個真係完全接受唔到, 叫經理取

大本型一個新開的商場，一直都期待著開的和平飯店，之前聽個名以為係叫小菜食的一間飯店，嚐試過才知道原來係食上海和四川菜的，真的給它既名字欺騙了=.=' 講返食物先，新鋪開張，8蚊小龍包，叫左一籠，普普通通，尚可以 $20擔擔面，係細size，只吃到有小許花生醬味道，但有一點點酸味，味道怪怪的 雞絲粉皮，份量十分小，雞絲只有兩三條，只是把三條雞絲、幾條青瓜絲和粉皮上面加上麻醬而已，沒有什麼特別 最後係醉雞，雞嫩滑，但味道同其他出面吃的不同，雖然有酒味，但不知何解也會有甜甜的味道，不太接受到試過真有點失望！

$8蚊一籠小籠飽~皮薄而有咬口，肉汁鮮甜廿蚊擔擔麵~細細碗，湯底太淡，花生味唔出$38排骨擔擔麵~比廿蚊擔擔麵多塊豬扒，唔抵$5X回鍋肉~豬肉帶着超厚的爽肥膏，個人接受唔到$3X雞絲粉皮~青瓜絲夠幼夠爽，麻醬味濃，份量略少$4X醉雞~酒味重，雞肉滑$5X雪菜肉絲炒年糕~太淡，唔足料

是夜到新商場參觀,順手看看有沒有新食店,於是就來到這家和平飯店看到名字裝潢都幾吸引,職員係新手所以都有少少要磨合既空間(例如枱都未執就已經叫人入座企係到;上菜時將碟菜放係個客睇梗既報紙上面;收茶壺加茶加到無左壺茶)不過算啦,食評係講食,這個大家都很明白回到叫左咩食物包括一個醉雞,一個小籠包,一個(老上海?!)炒飯,一個香蕉高力豆沙醉雞同小籠包都好得意,食落去竟然會感受到有甜味醉雞的酒是沒甜味,味是從雞來,不過醉雞本來就會有少少甜,甜度就睇大家個人口味小籠包 - 正正常常,咩價食咩菜,預左炒飯 - 飯面看似乎油,食落去是硬身.飯是一舊的有點飯焦的口感但飯卻沒有焦到.香蕉高力豆沙 - 是夜最大疑問,到底香蕉高力豆沙同高力豆沙既分別是什麼?部長換了一次給我們試,但...我依然覺得自己食梗高力豆沙,因此大家可以叫得比較便宜一點,以後只叫高力豆沙就可以了.當然,回到比幾多錢就預左幾多食物質素既理論,我覺得這個價還是正正常常的.我相信此店日後應該會有更大既進步空間,希望我下次會係到分到香蕉高力豆沙同高力豆沙既分別!