和味塘 (已結業)

與家人相約在廣福道的公園仔等, 打算在附近吃個晚飯~這家間餐廳新開張了一陣子, 今日有機會一嘗!餐廳外內都十分光鮮乾淨~座位與座位之間亦不會感到狹窄~晚餐選擇有很多, 有中式小菜, 西式晚餐, 炒粉面飯, 常餐, 咖喱系列…亦有雞煲, 海鮮煲及羊腩煲! 十分適合寒冷的天氣~是日中湯是西洋菜湯, 濃濃的西洋菜味, 亦十分足料!揚州炒飯: 飯粒分明, 夠鑊氣又不會油膩~味道適中, 不會太鹹!菠蘿咕嚕肉: 份量很多的咕嚕肉! 芡汁酸甜適中, 調校得很好! 咕嚕肉的炸醬不會好厚, 肉質鬆軟, 容易咬開~蜜椒雞翼: 作為雞翼控, 一定要點雞翼啦!~蜜糖的甜味再加上黑椒的微辣, 是一個非常新穎的配搭. 雞翼一開二切開, 吃時不會狼狽!紅豆冰: 紅豆煮得夠淋, 口感好好!新鮮菠蘿冰: 以菠蘿作飯後果XD小菜十分出色! 夠鑊氣. 送飯一流!樓面伙記落單時, 順帶提及, 原來這兒的師傅都是來自鯉魚門的大廚, 果然不同!大埔食到鯉魚門風味, 值得再試!…查看更多

一場嚟到大埔墟行，夜晚就去附近搜尋美食。決定去一間新開張的餐廳，見到餐牌都幾多款式，有炒粉麵小菜等選擇，款式都幾多，就點了四款小菜。當中的豆腐枝竹火腩煲原個煲上，熱辣辣的，枝竹好大條好入味，燒肉好大件半肥瘦，仲有一些汁可以淋飯一齊食。另外的韭黃蝦仁炒蛋都幾大碟，遠處已經聞到好香嘅炒蛋味道，炒蛋炒到金黃色，上面還有些韭黃同埋蝦仁🍤，食落去都幾有口感。還有魚香茄子煲和欖菜肉碎四季豆都一樣好味！最後四個人食買單都只係$300有找，每人平均消費$70左右，已經可以食到咁豐富嘅晚餐，真係值回票價。…查看更多

突然好想食中菜，炒幾款菜式一齊食，見到一間新餐廳叫做和味塘，門面都幾開陽，喺門口見到啲菜式餐牌都幾啱食，決定幫襯下。枱上已經有一壺水可以比客人自己斟嚟飲，自助形式都幾方便。叫咗幾款精選小菜晚餐大家一齊分享食，晚餐仲附送例湯，加配熱飲或凍飲都只需半價。我哋每人叫左一款小菜，大家都諗住食清淡D，所以分別叫咗魚香茄子煲、豆腐枝竹火腩煲、欖菜肉碎四季豆同韭黃蝦仁炒蛋，非常豐富。當中欖菜肉碎四季豆炒得好林好入味，欖菜同肉碎嘅份量都幾多，撈飯一流之選。同樣地魚香茄子煲都係可以送幾碗白飯落肚。總括每一款小菜都炒得好有鑊氣，即叫即做，而且食物上菜快，最重要係有質素，一定會再幫襯！…查看更多

今日同女朋友又做完山系野人 雖然天氣清涼 但都行到好肚餓 所以返返大埔之後就即刻走去醫肚啦 見到呢間和味塘 個名就夠哂和味 唔知入邊啲野食又係唔係真係和味過和味龍呢?首先叫左個咖哩牛腩飯 牛腩炆到岩岩好 非常之淋滑 而且仲食到有牛味 幾正 而呢間餐廳係用黃咖哩 味道香濃之餘 亦都非常好送飯 值得一讚食完個飯有少少飽 但係意猶未盡 就叫多左隻乳鴿 以茶記既水準黎講 呢間既乳鴿都算超班 因為炸得脆口不在講 味道亦好鹹香總括而言 呢餐係係茶記食過既其中一間水準之作 對得住佢個名 和味!…查看更多

朋友介紹有一間新開的餐廳，小菜炒得好有鑊氣，而且款式多就特意去試一試。附近非常方便有好多錶位泊車，可以食得安心，揸車人士唔使驚冇位泊車。餐牌都有幾款，而且好多都做緊特價優惠，還有晚市套餐附送例湯。韭黃蝦仁炒蛋都只係$68，炒蛋炒得好香滑，奶味勁重，而且蝦仁爽口彈牙，非常match嘅組合。蜜棧金薯牛柳粒遠處已經聞到好香嘅蜜糖味道，牛柳粒份量都幾多，而且食落去牛柳粒質感軟熟，唔會太老。還有豆腐枝竹火腩煲即叫即整，好有鑊氣！最後叫咗咁多嘢食埋單都只係三百幾蚊，四個人已經食到捧住個肚出門口。最重要係食物質素高，每一款小菜都好好食，下次一定會再推介朋友試吓。…查看更多

同爸爸媽媽食飯都係食中菜啱佢哋口味D，但係大埔區啲餐廳食肆都食到厭晒，撞正有一間新開嘅餐廳就去試吓。餐廳招牌以紅色為主，搶眼而奪目，門面都幾大、幾開陽。店員就隨即安排我哋坐靠近牆邊嘅四人枱位置，以及俾咗幾杯水我哋，態度殷勤親切。我哋一共叫咗五款小菜，每一款菜式都炒得好有鑊氣，仲有精選小菜晚餐選擇，當中最難忘就係以下兩款 :招牌貴妃雞半隻都只係$88，雞件嘅份量都比較多，咁嘅價錢好抵食！而且雞肉肉質鮮嫩，配以白飯一齊食更加滋味。另外有部份海鮮都做緊特價，海鮮孖寶都只係$168，見到隔離枱食得咁滋味，我哋都隨即叫咗一份蒜蓉粉絲蒸貴妃蚌四隻。貴妃蚌蒸得恰到好處，粉絲好入味之餘，貴妃蚌好爽口彈牙，味道非常新鮮美味。另外還有各式各樣的飲品任君選擇，當然我叫咗我最鍾意飲嘅凍檸茶，茶味香醇！仲有好多菜式都想試吓，下次必定再Encore。…查看更多

最近媽咪無乜煮飯，見屋企附近新開一間茶餐廳，我哋就入去試下！種類都幾多下！有海鮮、煲仔、小炒等等選擇，但因為兩個人試得唔多，於是只係叫左兩樣！先黎個招牌桂妃雞半隻，咬落好嫩好滑，豉油汁亦唔係太咸，送飯一流！個餐係跟埋白飯既~另外叫左個海鮮什菜煲，湯底唔太咸好清，用料亦都十足，海鮮方面有蝦、魷魚、蝦干，另外仲有磨菇、粉絲、菜心、生菜，真係好豐富！整體都唔錯！又近屋企，下次搵埋爸爸同家姐一齊再試埋其他先！…查看更多

晚上１０點多，去到門口有２個伙記話可以入座，有得食。入到去個女待應話：我地ｌａｓｔ　ｏｒｄｅｒ左﹗見你坐低左咋﹗１１點ｃｌｏｓｅ架啦﹗你鍾意坐你就坐啦﹗擺明唔想做，態度惡劣。周圍有其他食店，大把選擇，唔洗受佢氣，未食都知唔掂。…查看更多

年尾團年飯本應一家人開開心心食餐飯，這間新開一個月既餐廳，去食飯之前也充滿期待，試試新菜色，可惜換來慘痛，失望，難受及充滿後悔的感覺🤦🏻‍♂️🤦🏻‍♂️🤦🏻‍♂️🤦🏻‍♂️。最難過既係令老人家吾開心。😡😡😡因過節而提早一個月book 位，食6:30。準時去到餐廳但竟然滿坐，去詢問店員卻換來驚訝神色。🤬🤬🤬然後帶我門一家人經過一條充滿污垢的樓梯然後上閣仔，那裏沒有通風充斥難聞氣味，枱上餐具充滿污積，用水洗既時候手指頭上完全感受到未洗淨的油脂感覺，極度嘔心！！！🤮🤮🤮⋯⋯食物質素一般以下，最好笑既係叫左扇貝落左單等左20分鐘，最後係亞姐話吾知送左去邊枱，然後話冇晒。🤬🤬🤬🤬🤬🤬🤬🤬最後快快食完不歡而散！！絕對吾會再光顧及會繼續提醒身邊朋友小心此垃圾餐廳！…查看更多

聽朝晨咁早出門，今晚就早啲食個癲拿啦，呢間新開未試過就試吓，點知有啲伏。 。 。 個韮黃炒蛋應該有例湯但無上，蝦仁大隻爽口但無味，炒蛋顏色偏黃，記得以前喺英國外賣店做過，佢哋落咗啲東西叫黃水，啲蛋炒出嚟就黃色啲，希望佢哋唔係落咗啦，今時今日大家都講求天然健康，整色整水唔受歡迎!涼瓜炆倉魚味道唔錯，但我嫌佢個獻汁太多太濃，好似浸住條魚咁 😅😅佢哋叫餸唔包飯，要加 $9，又唔包餐飲，比起其他茶餐廳有啲偏貴，侍應態度亦不算友善，大埔有好多更好嘅選擇 😏😏…查看更多

今日帶呀囡去大埔鐵路博物館參觀，參觀完玩完都係時候食飯，我地去大埔舊墟搵食。囡囡係門口已話好想食叉燒紅腸飯，我地見到以間餐廳有，我地就入去食啦，但因為太多人，最後要排一陣隊先有得入去食我地叫了一個叉燒紅腸飯加了一碟小菜食。瘦叉燒紅腸飯，飯入面豉油較好多，唔會乾到食唔到，食燒味飯點都要有一碟薑蓉，正，看似簡單，但好好味西芹腰果雞丁-西芹好爽脆，加埋雞柳粒，腰果已經可以送飯一齊食，好快KO左以碟小菜，因為炒得好香熱華田…查看更多

今日同媽媽兩個去大埔辦年貨，因為大埔舊墟都好多咪錶場，都好方便，如果唔渣車都可以太和站落車再行過去都好近呢。我地辦完年貨，都夠鐘食晚飯，我地見到新開了一間茶餐廳，見好多人食，所以我地都入去食下。茶餐廳都不外乎小菜、燒味飯、雞粥、火鍋等等，好多選擇最後我地點了兩個小菜一齊食魚香茄子煲（$58）超多茄子，但小了一份鹹香味豉椒炒大蜆（$78）送到埋黎，好香好香，蜆好大隻，處理得好好，沒有沙，豉椒味好濃，好辣凍好立克（$14）…查看更多

今日同朋友嚟到大埔踩單車 踩完單車攰攰哋 即刻搵間茶餐廳食個靚飯 先返屋企位於大埔墟街市附近嘅呢間和味堂 聽侍應講係新開張 裝修好新淨 而且開正喺旺區 地點方便 不過枱櫈較為擠迫茄子牛仔骨煲 天寒地凍食煲仔菜就啱曬 呢個接近100蚊嘅茄子牛仔骨煲 分量都幾大 茄子走過油 唔會好淋 軟硬適中 牛仔骨軟淋 炆得夠火喉 不過略嫌鬆肉粉太多 食唔出牛味酥炸乳鴿 乳鴿係特價食品 但係一啲都唔馬虎 同燒臘舖 酒樓嘅尺寸一模一樣 炸得勁香脆 外皮脆卜卜 不過肉質有啲乾 味道入味 好食…查看更多

今日在大埔工作完後經過大明里街時見到新開《和味塘》（還是之前未察覺呢🧐）。想想中式餐很久未吃了，於是便走進去了！ 地點位於大埔址火車站A1出口再步行8分鐘。環境乾淨，裝修簡約，店內貼了很多用餸菜，而其中紅色是廚師推介 - 秘製雞粥、小炒等。 疆蔥魚雲煲 HKD 68 用疆、蔥爆後的魚雲勁有色香味俱全! 送飯一流！白飯魚煎蛋 HKD 68 外面所吃的白飯魚都是很細小，而且多油而呢到的白飯魚既厚身而細長。 碟底還沒怎油。 吃完後又可以步行回車站以幫助消化！ …查看更多

大埔朋友又嚟推薦我今期大埔墟有新野，就係呢間「和味塘」，原來已經開業3個月多，好多街坊都經常路經及幫襯，午市及下午茶都有好多食客。今晚同嚟大埔「和味塘」開餐囉～因為早食飯所以客人未算多，坐多半小時後就開始多人囉。首先嚟一個咸雞粥，粥好綿口感似糊仔，雞肉滑溜，份量剛好。金瑤豆苗，聽阿媽話呢期豆苗靚，所以就叫咗瑤柱豆苗，果然豆苗來貨係靚既無渣，而且瑤柱個坎汁恰到好處，真材實料，貨真價實，好優質。豉椒炒大蜆，好惹味，而且仲要係韓國蜆，好鬼大隻，個個蜆殼都有肉，無偷工減料，鍋氣十足，蜆肉新鮮。菠蘿咕嚕肉是我朋友最愛，每檯必點小菜，我目測每檯都有人三叫。尤其係鬼佬就算一個人嚟食飯，都會點佢。味道方面，以我朋友差不多成日食，成個專家咁都覺得好唔錯，夠酸味又夠有甜味，非常平均。仲有呀菠蘿係新鮮唔係罐頭架，肉是用豬腩肉，肥瘦適中，咬到啖啖肉冇骨，很不錯。…查看更多