Wo Mei tong (Closed)

事緣髮型師自己開咗間舖，搬咗入嚟大埔，咁無辦法啦，唯有入黎會一會佢。剪完頭髮之後，經過以前一樂嗰個位，見到開咗間新餐廳，都有燒味鹵味飯，就決定同朋友入去試吓啦。餐廳食物都幾多選擇，除咗一般碟頭飯，仲有小菜，價錢都幾實惠，$50至$70就落得樓。我同朋友分別叫咗一個鹵鵝飯同叉燒燒鴨飯。鹵鵝飯($65) 都幾足料，鵝件大大份，好厚肉添。食落滷水味非常之濃，唔算鹹，香味足，肉質唔算硬，都幾嫩滑，仲帶有鵝油香，非常有驚喜。至於朋友個叉燒燒鴨飯($45)，叉燒都算肥瘦均勻，肉質腍，又燒得幾香。燒鴨都實肉，無乜肥膏，啖啖肉，食到朋友好滿足。可惜酸梅醬用晒，如果有埋就更好。跟餐凍檸茶只係加$3 ，非常抵飲。總括而言，呢間係一間平民餐廳，價錢實惠，非常適合一家大細平日用餐，下次經過要試埋小菜先得。…Read More

今日往了新界一行，看到很多人和小吃，朋友感到有點累便尋找了一個茶餐廳坐坐呢～晚上小菜有各樣選擇，朋友不太肚餓，選了兩個小菜吃。朋友愛吃點酸，因此有京都肉排。份量很多，足夠3人吃呢。加上，味道方面很好，不會太酸也不會太甜，能吃多飯。我就選了栗米及斑腩吃，很熱很好，炸金黃之斑腩考功夫，大廚煮得亦可口。整的來看，朋友都說在家不易做之小菜，吃到喔，茶餐廳有不同類別的菜適用於非常有選擇困難的人吃的也 哈哈哈哈…Read More

約左朋友食飯，諗住試下依間新開餐廳，估唔到有意外驚喜，環境入面都算乾淨，坐位都好舒適，食物味道好好，夠味得黎唔會太重口味，最緊要都係價錢夠經濟！依間一定會再黎，仲可以成為同朋友相聚既落腳點！…Read More

今日同女朋友想食番下啲中式野就去左大埔墟食炒小菜甘就揀左和味塘黎試下 入到去座位都幾闊落 坐得幾舒服😎😎平時去開食炒小菜啲餐廳啲人態度都吾係太好 叫啲侍應都會嫌你煩甘但依間啲侍應服務態度都好好 好nice😀😀甘我地2個人就叫左2個餸同一個白飯我就揀左椒鹽鮮魷女朋友就揀左西蘭花炒龍躉椒鹽鮮魷炸得夠脆 亦好夠味 炸粉夠鬆脆吾會好厚成碟都好好惹味😋😋😋😋西蘭花炒龍躉 龍躉 勁足料 超多 食得出好新鮮 值得再去👍👍👍…Read More

收工係度諗緊食咩之際，經過發現呢度開咗間新食小菜嘅餐廳。見到新裝修都幾光鮮，就走咗入去試吓。兩個人點咗兩款菜，魚香茄子煲，老乾媽尖椒豬爽肉，然後都幾快手上枱。魚香茄子煲，熱辣辣香噴噴之餘裏面仲有啲雜菇，口感比一般都多咗。茄子有走油，紫色色澤保持得好好。味道惹味不會過鹹，送飯一流。飯亦比得大方，滿滿一碗。尖椒夠辣，豬爽肉即豬頸肉，砌成一口小粒，爽口又炒得夠香口。其實送啤酒🍻會更開心，而且佢個汁又夠濃。不過聽日一早又開工今日都係唔飲住。兩個餸兩個飯兩個湯都係150有找，對比其他大排檔都係唔錯嘅選擇，小菜都做得幾出色。如果下次多啲人去就可以揀多啲餸，埋單時見隔離枱嘅咕嚕肉好似都幾正，下次可以試吓先。…Read More

茶餐廳，大概是最據香港特色的餐廳。通常食物款式多元化，中西交雜。近年坊間的茶餐廳裝修得越來越豪華，服務得越來越好，就算是小小一個大埔墟都有三四間裝修得不錯的茶餐廳。這次光顧的，大概是最為樸實的一間，但一進店感覺就不錯，最重要就是沒有舊式茶餐廳那種吃完會擾在身上一整天的油煙味，枱面主動放下一瓶水，這兩點已經完勝大量茶餐廳了。第一次去到新茶餐廳，應該點什麼菜？乾炒牛河大概是最穩妥的選擇，一碟炒河就能了解到店家的：選料、備料、火喉、調味。如果是一碟乾炒牛河都未能妥善處理，就可以狠下心不再光顧。（當然部份茶記有自己的招牌菜）很快就上枱，色水不深，也讓我有點小擔心。但備料不錯，韭黃芽菜長度一致，聽起來很容易，做到的並不多。先嚐河粉吧，第一口就覺得好滑，也有淡淡的鮮味。用上的是港式湯河粉，夠薄也夠嫩，沒有用重色的老抽和厚河粉，反而用上生抽，令河粉有一種鮮味。不如坊間牛河般粗獷，反而有一種優雅。牛肉也嫩，沒有鞋口的口感。觀乎餐廳中的其他客人桌上都有咕嚕肉，忍不住好奇心也點了一份。上枱時已留意到各樣配料都十份工整，備料就是中菜最基本的工架。肉也夠大份，這樣的價錢，很值得一試。肉是腩肉，入口有油脂的甘香，更好的是汁料。不是茄汁溝糖加白醋的行貨，吃了半碟都不覺口乾和嗆喉，聽老闆說是參考拔絲紅薯的汁料。這碟70元有找的小菜，頂得上不少酒樓甚至酒店的水準。下次再來大埔時，再賞試他的魚雲和牛柳粒。…Read More

o係廣福道落車, 約左屋企人o係公園仔等, 諗住附近食個晚飯~呢間餐廳都開左一段時間, 今日終於黎試下!~餐廳好光鮮乾淨~座位同座位之間亦唔會好窄~晚餐選擇有好多, 有中式小菜, 西式晚餐, 紅色字係餐廳推介~炒粉麵飯, 常餐都有~仲有咖喱系列原來呢度仲有雞煲同羊腩煲食! 飲品Menu西洋菜湯是日中湯係西洋菜湯, 好濃既西洋菜味, 亦好足料!揚州炒飯d飯炒得粒粒分明, 夠鑊氣又唔會油膩~重點係佢唔似其他餐廳炒得咁鹹, 味道岩岩好!菠蘿咕嚕肉分量好足既咕嚕肉!個汁酸甜適中, 調校得好好!咕嚕肉D炸醬唔會好厚, D肉亦好鬆軟, 好易咬開~蜜椒雞翼作為雞翼控, 一定要order雞翼啦!~蜜糖既甜味再加上黑椒既微辣, 係一個好好既配搭雞翼一開二咁切開, 方便食, 食落一D都唔會狼狽!紅豆冰好多紅豆, 略為甜左d. 不過紅豆煮得夠淋, 口感好好!新鮮菠蘿冰食D菠蘿作飯後果XDOverall, 呢度既小菜十分出色! 好夠鑊氣.送飯簡直一流!樓面既伙記落單時, 同我地傾開, 原來呢度D師傅都係黎自鯉魚門既大廚, 果然唔同D!大埔食到鯉魚門風味, 值得再試!下次真係要試下佢地個羊腩煲同海鮮煲先得!…Read More

平時好鍾意喺大埔新街市嗰度食，貪佢夠鑊氣，價錢又相宜😝😝😝朋友話最近呢邊開咗好多唔同嘅新餐廳，所以我哋就決定試下呢間小炒，價錢合理，光鮮又新淨，一啲都唔似係普通茶餐廳或者地痞檔😂😂😂呢度食物真係有好多選擇 : 海鮮煲/雞煲/無限咁多款小菜粉麵😍😍😍 但係由於我哋兩個女仔，都唔食得多，於是我哋就揀咗三個餸菜，加白飯同熱飲。欖菜肉鬆四季豆$60非常之咁大碟😲😲😲 欖菜肉鬆嘅鹹香食到我哋停唔到口😋四季豆好新鮮咬落去係爽脆嘅。呢個係我至愛，必食推介👍👍👍菠蘿咕嚕肉$65咕嚕肉大大件，炸粉唔厚， 亦都唔會好酸， 送飯一流🍚🍚🍚酥炸大腸$72全部薄切!!! 仲要係打直切架!!!😲😲炸得好脆，又洗得好乾淨，完全唔會話有嗰啲豬臭味(up味)😝 like!!順帶一讚呢度幾闊落，唔會好似平時d餐廳同隔離枱貼枱🤗🤗🤗呢個價錢同質素回頭率100%❤❤下次我一定要試吓雞煲同埋海鮮！…Read More

今日同男朋友來左e間[和味塘]食飯餐廳價錢都幾抵仲大大碟👍👍👍👍👍👍👍好多款式 仲有羊腩煲食tim~~不過今次就叫左小菜下次先食羊腩煲🥳🥳🥳我地叫左一碟四季豆炒欖菜肉碎同貴妃雞😋仲可以配飯同湯 tim ar........四季豆炒欖菜肉碎👍👍用來送飯食就最岩👏🏻好惹味好香口，大大碟🥰🥰🥰貴妃雞熱啦啦 ，好有雞味正👍👍👍👍👍下次試下羊腩煲先🥳🥳🥳🥳🥳🥳…Read More

大埔一向都多餐廳及小店選擇, 不過好多都已經試過, 之前見到大明里四方公園附近有間新餐廳開左, 地點真係好方便, 今晚一於要試下^^ 入到餐廳, 裝修新淨, 光猛乾淨, 仲坐滿食客, 感覺唔錯~~!我地order左菠蘿咕嚕肉, 酸May may, 好味, 仲用新鮮菠蘿添, 送飯一流! 仲叫左條豉汁蒸黃立倉, 條魚好新鮮呀, 蒸得啱啱好, 唔會老, 好滑! 我哋叫嘅係海鮮孖寶餐, 條魚再加個粉絲什菜煲, $168, 幾抵食, 個什菜煲好足料, 勁多菜, 勁多粉絲, 加埋蝦米,魷魚, 食落好香口!!…Read More

Today I visited this restaurant for lunch which was recommended by a friend of mine.The first impression while entering it was that the decoration is fairly new. The seating is comfy with enough space to not bump elbows with the neighboring tables. This is a huge plus in Hong Kong where space is at a premium.We ordered green beans with pork and Honey and Black pepper beef stew. Both dishes where plenty. The rice which is served with the dishes was just right. The beef dish had the perfect taste. The onions and the green pepper bell where fresh and crisp. The beef was very tasty with perfect softness.The green beans were crisp and perfect seasoned with a very good mix of minced pork and onions.I strongly recommend to take some time and visit this establishment.…Read More