和匠日式燒肉店

营业中

休息中

一早己聽朋友推介過這間燒肉店好食，今晚終於可以食下啦!我同朋友一坐低左，老闆兼伙計(應該係)就埋黎開着左個爐。我當其時充滿疑問-點解嘢食都未哎就係度曬緊gas?同平時去開嘅燒肉店咁唔同嘅?後尾經老板的講解先知燒肉至緊要爐嘅溫度夠熱先會燒得好食!真係長知識了。之後老板還一邊教我哋燒，一邊講解每種材料的燒法。佢待客嘅熱誠真係抵讚我哋經老闆的介紹下，哎左豆腐沙律、磯煮鮑魚、美國安格斯牛小排、prime牛角切、半份日本A4和牛、牛油帆立貝、日本黑毛豚腩肉同日本雞翼等等。磯煮鮑魚煮到好入味好淋，鮑魚清甜又可口，值得推介之後燒肉就由淺入深啦。先來嘅係牛小排(入門級)， 脂肪成份是比較低， 猛火燒好一邊先，再燒一燒食得!牛肉淡香味同肉質淋得黎有啲嚼口。之後就燒prime牛角切。牛角切脂肪比牛小排多， 肉質比較淋而且牛肉香味也比較濃 。最後就係A4和牛，好明顯和牛嘅脂肪比例靚好多，一食便令人深深愛上它的特香牛肉味跟入口即溶的口感，實在太滿足了食完牛再試試帆立貝。帆立貝好新鮮，燒完都係大大隻啲仲好爽口 ，記得燒冇幾耐要將牛佢反一反,等牛油係底慢慢燒溶。黑毛豬肉嘅邊邊位看落好大舊脂肪，但成舊燒好後放入口，

生日架朋友話未試過飛驒牛話來試下！我寫呢個食評想其他人唔好中伏，希望open rice會批呢個post出街！試食後真的唔覺得有咩特別，另外呢個價錢真的真心覺得不值得！扺食指數近乎零！ 3個人食左近$2000,都唔知自己食左d咩落肚，貴得來又唔太大驚喜可能飛1轉日本試下真正架飛驒牛好過！服務不太好，枱與枱之間窄到不得了，近乎枱貼枱！燒肉時油煙勁利害！如果咁架價錢，可以選擇更好的日式餐廳！真心未食過1間我由頭可彈到尾的餐廳，不明白為何有咁多好評！ 如果真的要我寫1點是對餐廳的好。只可說是個飛驒牛吸引吧！未試過也不要浪費金錢，試完唔會番轉頭！

終於約到一齊食嘢，三個人喺佐敦唔知食咩好，我哋搵搵下就搵到依間喺角落度嘅燒肉店，仲要我好耐之前食過。我哋點咗個前菜，日本安曇野豆腐沙律配胡麻醬，豆腐有微微粗糙嘅口感，豆味濃，胡麻醬沙律清爽開胃。之後就係燒肉，我哋點咗美國prime牛小排，分明有角切、厚切同薄切。店長話角切一定要放係爐中間燒，先會有個熱度，鎖得住個肉汁，個肉先唔會老同硬。牛味濃，脂肪紋理漂亮，燒得啱啱好，嫩口油香。特大緬甸虎蝦，重點係唔係養嘅，蝦身香味濃，肉質鮮美，口感好。日本帆立貝，唔會縮得好勁，燒到乾水，8-9成熟就最好味。上面加咗黑松露同蒜蓉，配上牛油，鮮味十足。怕唔夠食嘅我哋就點多咗兩份主食，三文魚籽海膽炒飯同蒲燒鰻魚飯，炒飯炒得乾身，粒粒分明又飽滿。鰻魚燒汁香甜，加上鰻魚細嫩，非常下飯。最後配上飲依個熱情果mocktail，唔算甜，幾好⭐️

食開燒肉有條癮，又係時候去食下啦，睇住menu睇到流口哂口水😀正式食燒肉前梗係食番個沙律準備下我地點左美國prime牛小排三款，包括角切、厚切同薄切， 油脂分佈好靚好吸引老闆同店員都好親切，會行過嚟幫我哋燒， 又會介紹下啲牛肉，教下我哋點樣燒先係最好食。記得啲牛要放喺爐中間燒，先有個熱度，先會燒得靚呢個係店員燒嘅，燒到外脆內軟，非常juicy虎蝦大大隻有海水鮮味勁彈牙，唔係養嘅日本帆立貝，唔會縮得好勁，燒到乾水，8-9成熟就食得，鮮味又彈牙🤣 鰻魚飯，條鰻魚大大條，小小脆口，非常惹味 三文魚子海膽炒飯炒到粒粒分明 香口食唔停 最後呢一杯passion fruit cocktail，完美作結。😆

又來到同閨蜜們晚餐的時間啦💜雖然這舖藏身於橫街小巷中，可是路痴如菰涼我都只是浪費了幾分鐘，所以真的真的不難找🙈🙈🙈🙈當然要先吃個salad 做開首別看它樣子普通，細節可是十分足料有對身體很好的火箭菜外，更有躲起來的紫椰菜！另外一定要重點講一講，豆腐！！！別以為它是那些什麼山什麼水什麼普通東西🙅🏽‍♀️🙅🏽‍♀️是貨真價實的日！本！豆！腐！！！下幾位佳麗是來自美國的prime 級牛小排，有角切厚切和薄切。店員好貼心地教我地燒牛的小撇步，你也想知？自己來吃自己學吧🤪店員幫我們燒好後還擺了個盤，完全適合我們打卡之心🙈 下一個要介紹一下的當然是這個大虎蝦！要比我的電話還要大隻！！蝦頭中的蝦膏超級正，重口味的同好們應當很理解🤤🤤最後我們還叫了兩個飯～飯好食就不用多說，容我說說它的酸薑 💜足夠酸度而保存了薑應有的辣度，把肉類積存的油膩感一掃而空，perfect match 💜

日式燒肉店有好多，有質素的當然可以再食。裝修依舊，坐位舒適又唔迫。我哋先叫豆腐沙律打開個胃沙律材料新鮮，加上胡麻醬是我的至愛再有燒肉拼盤-牛魔再現：包括：美國Prime牛排（上圖-左）：油花分佈多，質感幼嫩。美國Prime 牛角切（上圖-右）：以炒的方式去燒，鎖住啲肉汁喺裏面，食落份外juicy.日本A4 和牛肉眼（上圖-中）：肉質鮮嫩，脂肪紋多且分佈均勻，充滿油香，牛肉味濃，質地柔軟有韌性。慢慢燒磯煮鮑魚：大大隻的鮑魚加入醬汁煮成，鮮甜又彈牙牛油黑松露焗雜菌: 吃前在火上微微輕燒，然後打開，陣陣的蒜香和黑松露香飄出，份外醒神

今日去了佐敦的和匠食燒肉，真係值回票價！入到去店員送上前菜一碟，是帶子裙邊，味道像螺肉汁，很好吃！然後我們叫了一個豆腐沙律、Prime牛小排、Prime牛角切、鹽燒豬豚肉及帆立貝。豆腐沙律頗大盤，沙律菜新鮮、配上胡麻汁，不太喜愛沙律菜的我也覺得很不錯！終於輪到期待的主菜—燒肉！燒肉剛送上來時已見雪花紋均勻，果然沒有令我失望首先先試Prime牛角切，牛角切要燒耐一點，也要不斷翻來燒，燒到八九成熟就吃了。牛肉粒入口軟腍，令人滿足。然後再燒Prime牛小排，牛小排很快便燒熟，點一點醬汁令味道更提升，令人食指大動！最有驚喜是鹽燒豬豚肉，店員話可以按自己喜好選擇燒得脆一點，喜歡吃香口嘢的我當然將肉燒到脆一脆，果然一入口就十分滿意，香脆入味，係我極力推薦！燒帆立貝配上牛油蒜蓉亦十分有鮮味！味道剛好～食日本嘢當然要加埋波子汽水，好飲！總括而言，呢間日式燒肉店質素高，重點係，店員都好熱情教你燒肉，甚至幫你燒埋！服務都好好！

今晚出席男朋友兄弟既飯局, 餐廳都係男士負責揀話想食好D, 又想有個地方傾下計, 就BOOK 左呢間餐廳啦!呢間餐廳雖然唔係位於熱鬧大街, 但係舖面一D都唔冷清反而可以好舒服邊食邊傾, 相信係聚腳傾計好去處!而我地 一行7人 好好彩, 老闆留左個VIP房位俾我地, 等我地盡情享受. 仲有電視睇下, 咁等既時候無咁悶.係無做任何功課之下望到個menu, 真係唔知從何入手好..可能老闆見我地咁 "青春", 好主動咁介紹menu 入面既主打菜式俾我地!我地緊係好聽話咁叫哂老闆推介既, 包括:日本歧阜縣飛驒牛 A5 肩頸肉角切 @ $388美國Prime 牛小排 @ $148美國Prime 牛角切 @ $168極上黑毛和牛舌 (厚切) @ $268日本國產鹿兒島黑豚 @ $110豚腩肉 (鹽燒) @ $82日本國產帆立貝 (黑松露蒜蓉牛油燒) X 2 @ $90雜錦天婦羅 @ $118炸雞軟骨粒 @ $48牛油炒雜菜 @ $48香蒜牛油黑松露焙雜菌 @ $78蒲燒饅魚 @ $92大啡菇海膽燒 @ $58燒原條茄子 @ $68大部份菜式都有再叫多次, 不過第2轉黎到既質素就無第1轉咁高質lu..

同男朋友慶生，佢竟然無食過日式烤肉，諗住佢第一次食同佢食好啲，見到呢間好多人好評，就揀左呢度。既然生日就食豪啲，一早諗定食A4和牛。然後揀個前菜同飯類，可以飽啲我地揀左個豆腐做前菜，其實一開始無睇到上面有海膽。黎到好surprise。68蚊有埋海膽感覺好似抵左喎。男朋友唔食海膽，最後落曬我肚。正。不過海膽唔算太新鮮，有啲腥味。但豆腐係好味既。我地加左芝麻醬，突顯到豆味好出，又唔會搶左佢啲味，好fresh。如果海膽係新鮮既真係完美。然後點左個主角A4和牛！580蚊份量唔多💸。但真係好味！我由最左邊開始烤。一開頭見其他評論話啲店員會過黎幫你烤，同你講點烤先係最好，我期待左一下，不過無人幫我，只好自己黎喇開頭唔識控制，烤完一面，見三分之一熟，就反去另一面。其實再稍微烤一烤，就食得，但驚唔熟就再烤耐啲，見到肉汁浮緊上面都知出事，但男朋友話烤多陣🤷🏻‍♀️，咁烤完成9成熟，啲肉好硬。但第二次識啦。靚牛真係唔好怕佢唔熟，有啲生先好味。之後烤到個面變色就即反，直到全部面變色就即食，入口即融，唔通我係一個天才？跟住點埋佢地比既醬食，好好味其實仲有叫到一份五花腩，無影到相。但我覺得好薄，韓燒五花腩岩我口味

九龍區人多相對美食都多....朋友搵咗間佐敦日式燒肉....其實地點方便....只不過係地鐵口轉個彎，已經係一個好靜環境！如果係九龍區黎講佢都比較偏靜地方！落雨濕濕既日子食客比較少！成間餐廳好日本feel! 好多牛揀！好啱「牛魔王」🤣我地食咗美國prime 牛小排同埋美國prime 甶角切，一陣陣牛香味! 細細舊好易入口！我就覺得牛角切好食啲更香牛味!另外朋友話叫份雞試下！ 我本人唔多好雞所以覺得不過不失，但朋友就覺得ok😅😅! 除咗肉類之外，呢間餐廳既海鮮都好吸引! 我地叫咗磯燒鮑魚食！大大隻幾好口感!另外都叫份日本產帆立貝！ 一份有兩隻大大隻！我地唔多識燒，燒到咁上下以為熟透夾起諗住食 個侍應一見到即刻叫我地放低話未食得，然後幫我地燒 仲教埋我地點樣燒😆😆服務好好呀！👍🏻👍🏻食咗咁多肉，叫咗份豆腐沙律🥗食豆腐滑嘟嘟...沙律夠晒醬汁！I like it！

好耐無見既好朋友相聚 介紹左佢黎呢間位於佐敦既日式燒肉店充滿和風既木製門口 點左呢個好吸引既燒肉拼盤😍豆腐沙律 色彩繽紛 豆腐又滑又夠凍 好睇又好食主角出場啦 😍😍牛小排 牛角切 A4和牛肉眼雪花分佈平均 睇見已經流梗口水🤤牛肉肥美得黎又夠牛味 仲有少少入口即溶既感覺 牛肉好高質👍🏻🤩牛油蒜蓉黑松露醬帆立貝 大粒 軟滑 香蒜牛油黑松露焗雜菌成包放上個爐到 燒到漲卜卜 就可以打開黎食 份量多 又夠味等食中 ... ! 😆😆好肥美 太好吃了吧😋😋食完肉 要食下菜 温室野菜盛合三文魚籽海膽炒飯賣相靚 足料 朋友都表示欣賞呢個餐廳😊

今日行開佐敦，就係附近揾食，諗諗下之前食過間燒肉幾高質素，諗起都想食，所以決定再去😋就係呢度啦⋯⋯和匠，上次嚟真係覺得好好，今次再嚟試下係咪真係可以keep到咁高質先“日本安曇野豆腐沙律”清甜嘅豆腐加上濃濃嘅豆香，配上麻醬同新鮮嘅沙律菜 ，清新又清香食燒肉當然要飲返啲有氣嘅飲品啦⋯⋯密桃波子氣水👍“日本產帆立貝”新鮮鮮甜嘅帆立貝，配合黑松露同牛油，仲有少少嘅蒜香味“牛魔再現”有美國prime 牛小排，美國prime 牛角切，日本產A4和牛肉眼，一次過滿足三個食牛願望，每一款都充滿油脂牛小排均衡嘅牛脂，食落鬆化，牛味充足牛角切，係咪以為大粒就唔夠淋呢⋯⋯唔好俾外表呃咗，其實一樣食落鬆化，牛味十足A4和牛，三款之中油份最重，肉味最濃，入口即溶“香蒜牛油黑松露焗什菌”菌類款式多，汁多香濃“温室野菜盛盒”新鮮嘅野菜，温室菜果然係甜啲“三文魚籽海膽炒飯”炒得十分香口，每啖都有輕輕嘅海膽味，証明海膽份量足，加上蝦粒同三文魚籽，每一啖都有不同口感果然高質，同上次嚟食物質數一樣，保持水準，待應服務又好，一樣會過嚟提點每款肉應該點燒，配咩醬汁，食物同服務都一流

其實自己都幾鍾意食燒肉，唔知點解會有種好興奮嘅感覺。去啲小鋪頭話唔埋會有特別驚喜。鋪頭六點幾先開架唔使咁早去食過日本豆腐沙律開下胃先配呢個胡麻醬，份量都幾多夠多菜，作為頭盤啱晒同埋夠凍。豆腐有四粒，不過我覺得啲豆腐可以再軟滑一點唔使咁實身會更加light!牛肉係我嘅喜愛不如就叫牛魔王套餐🐂🐂一想到嚟嘅時候，有三款牛肉：一款係日本產A4和牛肉眼、美國牛小排同美國牛角切。店員就同我地介紹咗，通常都會燒左前邊嗰兩樣同埋就係會點燒汁食。最後就會燒牛角切同埋點一種透明酸酸地嘅醬汁。咁我哋都纏住做牛小排好快就已經熟透輕輕煎兩邊已經識得人哋成日都話靚嘅牛肉唔使熟曬呢句說話係真嘅牛小排肉質非常好牛肉味香濃柚子同肉嘅比例剛剛好係最美味嘅之後就食牛肉眼咁牛肉眼係一個正方形立方體咁就本身比較口笑嘅時間都比較來同埋每邊都要笑一笑咁就要多少少功夫同埋時間不過呢個就略嫌多根食咗好多粒我係同埋要笑得來啲因為如果唔係會有血水出咁大家要注意下啦咁呢兩隻都係肉味較重嘅所以點燒汁都係配合嘅。最後就燒牛角切，咁睇上去係其實先好似係最吸引咁，因為好多油脂睇落好吸引。佢就非常搶火，燒到我地嘩嘩聲😂😂佢好多油脂因為一到燒d油脂好旺

之前同朋友諗住食日式燒烤，一直都有留意呢間鋪頭，因為見佢嘅評價好高，食材好似好新鮮同埋招呼好周到，今晚終於同朋友有機會嚟試吓餐廳嘅裝修好有日本氣氛，好乾淨企理，空間好闊落，坐得好舒服餐牌上見到好多燒烤嘅材料，最吸引嘅當然係和牛啦，要食靚嘅和牛一定價錢唔會平為咗食到高質素，我哋叫咗個牛魔再現，裏面有三款牛肉，包括日本A4和牛肉眼、美國Prime牛小排、美國Prime牛角切，全部嘅色澤好光鮮，切得唔會太厚，油脂分布好平均，雪花好靚略為燒完之後，第一啖已經食到牛肉味好濃，而且肉質鮮嫩，我特別鍾意牛小排，因為油脂唔會太多，而且肉質好似入口即溶緊咁跟住我哋仲點左兩隻磯煮鮑魚，鮑魚嘅口感好爽，而且幾厚身，加上用醬汁一齊煮，帶出咗鮑魚嘅鮮味而日本帆立貝其實係加咗牛油、蒜蓉同埋黑松露醬嚟調味，放落個燒烤爐都要燒大約5至10分鐘，帆立貝好新鮮，加上黑松露嘅香味令到味道都提升左為咗增加飽肚感，我哋仲叫咗個蒲燒鰻魚飯，鰻魚切得好厚，好有豐富嘅口感，加上甜甜地嘅燒汁，送飯係一流，鍾意食鰻魚嘅朋友一定唔好錯過餐廳職員嘅服務態度一流，有時見我哋燒唔切會主動過嚟幫手一齊燒，而且食物嘅質素真係好高，食得出每一樣食材都

哈哈！係日本回港，一直都好掛往日式燒肉店。店內裝修優雅，好有和風感。先食胡麻醬豆腐沙律，開開胃口，粟米粒好多又甜，豆腐好香豆味，沙律菜爽並麻醬一定好味。一心來食燒肉，要了一份二人前燒肉拼盤，有日本A4和牛肉眼100g, 美國牛小排和牛角切。見都牛肉雪花咁靚，當然要請教店員啦⋯⋯牛角切每邊燒下，邊位燒蕉小小，好香牛油味。牛小排先燒一邊出血後再返，時間不過火，好好味。A4和牛油份好多，燒時好野火，食時滿口油香。店員好細心，不但有講解，還會提點我們，怕我們燒過火，浪費了食物。跟住食燒焗雜菌，錫紙燒到脹卜卜即可，打開勁香蒜蓉牛油味，食時亦有好黑椒味，雜菌調得好好食