味道

营业中

休息中

一行三人夜晚去食呢間餐廳有齊台日韓泰既菜色 唔洗同朋友爭論食咩😂😂我地叫左三樣野咖哩牛肉飯配溫泉蛋成個飯都ok 牛肉份量都多 肚餓既一定飽泰式雞絲炒飯好似去左泰國食炒飯咁😍勁足料 勁多雞 洋蔥 仲有埋魚露配搭 完全唔hea既金黃色炒飯😍😍😍冬蔭公豬扒米粉個湯好香濃既香料味😍😍 豬扒又好入味 我下次黎一定會再嗌三個餐都會包埋飲品 我就揀左比較特格既熱情果茶 我地係夜晚6.左右黎食先冇咩人 睇食評話平時好多人食

網上個個讚好，YY 黎開上環就試下呢度店既名物😻豬扒量多，切好晒一舊舊，好方便，但比較薄身，味道亦一般，唔夠香茅味。隻蛋煎得好味既。冬陰功湯底幾濃，辣度亦唔錯！不過食豬扒我會揀炊豕店或者東記，冇拿過既豬扒最好味😌講開好想去食tim😜回頭指數： 😋😋😋

味道  Yum Yum睇落幾有風格嘅餐廳，估唔到入面有咁多個國家嘅食物，同埋見到網上啲人都話唔錯就嚟咗試。 ————————————————————— 1. 越式香茅蔥油香茅豬扒蛋飯💸$58 份量都幾多，豬扒切好咗一嚿嚿方便，好香香茅味同埋個蔥油香!  煎蛋有脆邊，蛋汁加埋豉油撈飯真係冇得頂。飯份量OK，做LUNCH就一定夠飽。————————————————————— 味道  Yum Yum地址: 畢街15號地舖

4點鐘，我同朋友得閒，想搵間餐廳hea下距離食晚飯仲有幾個鐘，入面幾乎無其他人，見呢間餐廳感覺幾悠閑，又幾岩傾計，就入去幫襯下我地唔太肚餓，點左兩個小食分別係日式炸雞粒同埋泰式炸魚餅炸雞十分脆口，同醬汁好夾分量都幾多，好抵食🥳至於個炸魚餅，有少少失望同我想像嘅有甜酸汁、魚露嘅配搭好唔同😂本身個炸魚餅已經好夠味，甚至偏鹹，同醬汁都係鹹嘅，最後我地無咩點過個醬食完兩樣野，其實都幾頂肚😂之後幾個鐘都未見肚餓。我地坐係度吹水吹左好耐，店員都好好人，地方又好夠靜平日下午黎，正👍🏻👍🏻

超級好食！😋😋😋喺網上見到蔥油豬扒嘅食評諗住去試一試，一開頭以為係非常舊式嘅茶餐廳，點知去到係裝修得精緻嘅小店！入到去就叫咗蔥油豬扒飯，個人認為超級好食！豬扒好脆，同埋非常軟，另外叫咗杯奶茶就正常冇乜特別。好食到隔兩日再嚟多次，今次叫咗幾款小食，炸蠔值得推介！炸雞都唔錯！✨性價比高，佢嘅份量都好足，肚餓嘅話我係一個飯再加小食點都夠晒🤣淨係食過蔥油豬扒飯，下次有機會都會試吓其他！👍🏾👍🏾👍🏾

之前喺ig睇到有人介紹呢間，二話不說就同好朋友特登搭叮叮嚟到呢間舖頭食飯，完全冇令我哋失望😂😂叫咗個越式蔥油香茅豬扒煎蛋飯，一嚟到已經聞到好香嘅蔥油味😍😍😍塊豬扒完全唔鞋，唔韌，香茅入曬味🥰好好味！配埋蔥油嘅好朋友-煎蛋！真係冇得輸㗎❤️真係成碟勁快就啪曬😂另外仲有韓式，泰式食物選擇😍因為掛住食，好朋友嗰碟都唔記得影相呀😂😂所以下次一定會再嚟食呀！仲會叫多幾樣試吓！😋😋😋

🌟 越式香茅蔥油豬扒煎蛋飯 🐖 $58 (7.5/10)豬扒份量幾多 切左件食落就方便啲 而且好入味 肉質夠淋煎蛋煎得幾香口 加埋豉油同蔥油撈飯好正 飯既份量對女仔黎講啱啱好😍😍泰式炭燒沙嗲豬肉串配飯 🐖 $65 (6.5/10)豬肉串燒得偏乾 但調味唔錯 邊邊有微微燒焦好香口 雖然得3串 但每串都好大舊 泰式吉列蝦餅 🦐 $40 (7.5/10)最欣賞佢個醬汁 味道好有層次感 第一啖微辣 之後個鹹味先出 個蝦餅煎得好香口 而且口感扎實 飲料🥤泰式奶茶 （熱）菊花蜜 （熱）🌟為推薦OVERALL: 7/10 推薦😆性價比唔錯嘅小店 選擇幾多元化 韓越泰都有 Lunch set包一杯熱飲小店位置有啲偏 而且位置唔多 lunchtime都幾多人排 1pm去要等大概10分鐘

今日過開海，順便約埋朋友一齊去食個lunch我真係好少去上環食飯所以唯有等朋友介紹，已今日朋友仔介紹咗呢一間餐廳同我一齊去食佢不停同我講好好味😂我哋大約12點左右去到舖頭門口需要排隊，大約等咗25分鐘左右就有位啦（舖頭啲人好好好有禮貌）呢個係佢嘅餐牌有好幾款我都好想食，所以我揀咗好耐最後揀咗越式香茅蔥油豬扒蛋飯$58首先講佢個賣相，相當之吸引加上可能豬扒啱啱煎起好香，一嚟到就好想快啲放落口豬扒切到大細啱啱好，唔會太大舊都唔會太細😆總要唔使自己切實在太好（同埋佢塊豬扒都好大塊）佢隻蛋煎得好靚😊將啲蛋汁撈埋落啲飯到一齊食另外兩位朋友嗌左呢兩個食（我畢左兩啖試下）韓式什菜牛肉撈飯$64裏面有好多蔬菜，牛肉同埋蛋，牛肉煮得好入味，加埋啲辛辣醬汁啱啱好，唔會太過濃味泰式香葉肉碎煎蛋飯 $59睇落好大碟，好足料肉碎好多，好夠味

攸桐媽飲飲食食遊蹤！！！今日攸桐媽有個同事，因為一個水樽突然間早咗好多出門呀！結果當然都好早返到公司附近啦！於是佢就相約咗攸桐媽一齊去食早餐🍴啦！今日我哋去咗一間位於細街巷的一間小店食早餐🍴，唔好睇佢鋪頭細細，實屬五臟俱全！早餐都好多不同款式選擇，今日攸桐媽就揀咗沙嗲牛肉🥩米粉配餐蛋🥚厚多士🧇，飲品我就揀咗凍咖啡☕少甜！出面茶餐廳果啲沙嗲牛肉，通常都係啲滑牛，真係估唔到，Yum Yum係用肥牛🐮呀！(係肥牛🐮呀!) 份煎蛋🥚有2️⃣隻，再加厚切餐肉🍖同厚多士🧇...呢份早餐太大份啦，所以攸桐媽我係食唔哂架！🙈🙈呢間小店座位唔算太多，但坐得都算舒服嘅！最緊要係，佢用嘅食材真係👍🏻👍🏻👍🏻你哋係附近返工嘅，都可以去試下架！味道 Yum Yum📍上環畢街15號地鋪

中午時份都幾多人排隊的一間餐廳溫情小店 沒有什麼主打菜系 雖然好像不太正宗 但有家的味道日韓台泰星馬的菜式亦都有新加坡大蝦喇沙湯麵👍喇沙的椰香和辣味雖然不太濃郁 但有經過用心烹調 用了蝦頭去熬制湯頭 鮮味十足👍麵是有蛋味的拉面 有點彈牙  喇沙好的配搭之一💁服務: 正正常常⛲環境: 工業風 座位不多

太鍾意它家的熱飲啦！好多種蜜，甜甜暖暖的，好適合冬天～朋友點了韓國泡菜口味的飯，我自己的是豬趴飯～都好好吃～位置有一點點偏了，所以不是很好找到，但都很多人排隊等位～

上環lunch 時間搵食真系好難，間間鋪頭都排曬長龍打工仔得個一粒鍾飯鍾，排隊都排左半粒鍾，得番幾個字食完又環衝返公司再做，都咪話唔慘Fatbrown 朝早系上環見完客，lunch 諗住系附近搞掂，拿拿臨再返公司執返D手尾，點知度度都咁爆，索性叫外賣番公司快趣食算見到呢間味道好似幾正，就叫左個蔥油豬扒煎蛋飯外賣，五十幾蚊有野飲，價錢公道<蔥油豬扒煎蛋飯$56>豬扒切到細細舊，唔駛食得咁狼狽，加埋都有成隻手掌咁大塊見到隻煎蛋其澄澄已經留曬口水喇蔥油撈蛋汁再撈飯，好正 不過豬扒煎得太燶，有少少焦味，可以煎得輕手D美中不足的系，飯量偏少，肥仔嘛唔系好夠飽

阿張點餐👦🏻 $49 蔥油豬扒煎蛋飯評分（10分滿分）：8️⃣食評💬：豬扒新鮮炸，肉嫩多汁，加埋蔥油食好惹味🤤太陽蛋流個黃出黎撈勻啲飯嚟食，好juicy夠重口味😋不過可能我食量大，飯唔太夠🙈送熱飲我揀熱檸茶，細細杯的的骰骰👍🏼阿梁點餐👧🏻 $59 新加坡大蝦喇沙湯麵評分（10分滿分）：7️⃣食評💬：大蝦有兩三隻，配料仲有魚片頭、豆腐卜、半隻熟蛋。麵係類似拉麵底，湯底有少少椰香，少少辣，岩岩好😋

又到午飯時間，前幾星期同同事行過附近街，發現呢間小店好似幾特別，講左一排話要試試呢間餐廳，今日終於可以落實啦。呢間小店，由門口到內部裝修，都感覺到店家係用心想營造一個「家的感覺」，餐廳既牆用白色磚舖成，有家既感覺得來又帶小小懷舊feel，連d野飲杯都係用懷舊鐵杯。食物選擇相當多完化，韓國，泰國，星馬，日本等等既菜式都有。我叫左個泰式炒肉碎飯，同事叫左個韓式牛肉撈飯。我本身係好鍾意食泰式炒肉碎飯，每次去唔同餐廳見有呢個選擇都會order。但係呢間既肉碎炒飯d肉碎略嫌太濕，炒得唔夠香，唔夠穫氣，雖然都好有香茅薄荷味，但係整體整得唔算出色。同事既韓式撈飯送來時賣相好吸引，但係味道就普普通通。不過比較其他韓國餐廳既撈飯，其他餐廳既味道都係咁上下，因為都係果d材料，用果隻辣醬啦，其實冇咩可以發揮😅 我本人就麻麻個韓國撈飯囉。不過作為一間多國菜餐廳，要個個國家既菜色都整得好食，其實係幾難既。

諗住快快手搵個地方食晚餐，之後有野做。誤打誤撞去左依條街，見個餐牌都ok就試下。食物有邪惡都有啲健康少少。不過我地今晚走左邪惡路線。飲品既杯好懷舊。個鐵板熱住上。整體濃味同好食，不過其實係一個pepperlunch黎既。不過附近無競爭所以都有賣點！個泡菜豬腩肉飯其實都好食既。不過我略嫌泡菜較為少同碎。豬腩肉好食同肥，不過我唔鍾意佢有啲位連左細骨，咁我就未能大啖無憂咁享受！同埋我下次去會走辣醬，太唔健康了。其實只要泡菜多番啲，即使走辣醬都會好夠味！不過佢價錢幾抵，不能太多要求啦。