味吉長龍

营业中

休息中

餐廳：味吉長龍🍜尖沙咀帝后廣場地下7-8 號舖新開張拉麵館，知道佢本身都經營咗兩間同樣喺尖沙咀嘅居酒屋石亭同沃川（原來歷史有26年同23年，同一個老闆）！食過都覺得好高質，呢度就話係以清湯為主打嘅平價拉麵鋪，位置真係好方便！尖沙咀地鐵站P3出口出嚟就係，入邊裝修都好靚！建築風格偏昭和街頭拉麵攤嘅感覺。拉麵主打6款各有特色，落咗兩個中位價錢嘅拉麵，一碗「赤龍」一碗「巨龍」。～辛辣香肉慢煮叉燒濃清湯拉麵又叫「赤龍」，店長話如果唔係咁食得辣嘅話香肉辣醬可以分開上自己決定撈幾多，我大概落咗三成，啱啱好！入邊有兩條炸牛蒡，叉燒份量勁多，慢煮日本叉燒好夾佢個濃清湯湯底，加上半粒溏心蛋，一個人食都真係幾飽肚，賣相一流，拉麵口感適中。～特盛慢煮叉燒濃清湯拉麵呢個「巨龍」同「赤龍」差別最主要係再大份啲同埋唔辣，其他配料都基本上一致，如果中意食日本拉麵嘅話，呢個搭配係比較正統，呢個地段嚟講性價比極高！～鮮蟹肉忌廉薯餅&自家製魷魚豚肉餃子另外試埋佢哋啲小食！忌廉薯餅本身唔算太特別，但鮮蟹肉同蟹籽鋪面令成件事完全上一個級別，蟹肉好大一舊，一口咬落去，爽脆嘅蟹籽融入去忌廉度，唔會好滯，小朋友應該好中意！呢個自家

有新拉麵店就第一時間過嚟試吓。佢哋係主打濃清湯嘅拉麵店。係豚骨湯底配上鹽味、醬油、或者味噌。要試湯就一定揀鹽味。今次叫白龍，係加入咗白松露醬嘅拉麵。豚骨湯配白松露，清得嚟亦都好濃味。味道簡單直接。面頭有兩支炸牛蒡，非常好食。叉燒同埋算合格。👍🏻佢另外有個魷魚餃子，豬肉餡入邊做包括有魷魚，越嚼越出味。仲有冰花皮，呢個就必試。同店員講開原來同區嘅20幾年嘅沃川同石亭都係同一個老闆。近排先開埋拉麵店。

🍜味吉長龍🍜尖東新開拉麵，係咪味吉陽一開架？😂原來由石亭同沃川兩間尖沙咀居酒屋的新分店，分別有26年同23年歴史。拉麵店裝潢富有日本🇯🇵風格，貼滿海報，天花仲有條長龍🐉。湯底特選新鮮豚肉🐖豚骨🍖，以及日本產蔬菜，秘製香料，熬製最少12小時而成🫕，香濃而不肥膩，清澈而不混濁，健康又美味。拉麵有六款選擇，全部都係🐉命名白龍、小龍丶金龍丶赤龍、巨龍、吉龍🌶️赤龍辛辣香肉慢煮叉燒濃清湯拉麵$98適合嗜辣朋友，有四大片叉燒、炸牛蒡、糖心蛋，麵條Q彈，湯底屬於中辣🌶️程度，夠晒刺激味蕾。🐲巨龍特盛慢煮叉燒濃清湯拉麵$108適合嗜肉朋友，叉燒份量好誇張，足足有六大片叉燒，炸牛蒡、糖心蛋，麵條Q彈，鹽味湯底，味道鮮味，飲落輕盈。🍗味吉炸雞$38一客有4件，炸得香脆雞肉唔柴，蘸沙律醬食更滋味。🥟自家製魷魚豚肉餃子五隻$48一客5隻，餃子內餃有魷魚粒🦑，增加口感，脆皮冰花底又帶點香脆，非常推薦👍🏻🥤靜岡綠茶可樂$28🥤富士柚子汽水$28最後要學味吉陽一講聲「おいしい」😋P.S.食滿$78有一個印，4個印換有小食，8個印換一碗拉麵🍜