味吉拉麵館 (已結業)

呢間拉麵館係一個連鎖集團既，應該就係UCC啦，不過無論由任何一方面都睇唔出係出自該集團。今次去到既就係MEGA BOX呢一間。MEGA BOX內裡好似好多野食選擇，其實都係無咩邊間好食，咁岩經過呢間，又未試過，所以就入去試啦。太約六點四十五分左右，裡面已經坐得八八九九了，我地被安排到一個面對住停車等客區既位置，雖然地方唔迫，但係都唔係太舒服，因為坐位都排得幾密。枱面上擺好筷子同紙巾，記住隻豬就係呢間，因為每張紙巾都印上了豬嘜。首先要講既係串燒，無論擺盤同味道都好好，外層燒得香口，內裡則肉汁豐富，而且有淡淡既一股鹽味滲出，因為我地叫了鹽燒，呢到係可以Order汁燒的，那串牛舌燒得外脆內軟，十分好味。大蔥豚肉串，大慕惹味，豚肉夠味，配合得十分好。而拉麵要左地獄湯底，湯底係幾好味，豬骨味濃郁，不過D麵就好一般，而且湯碗雖大，可是拉麵卻是不多，那幾螫叉燒叫過得去啦，可是好似太肥。牛肋肉冷烏冬，肉和烏冬係分開上枱的，牛肋肉是經過燒，頗為乾身，但都不失鮮味，而且用上大量香料，食落都十分惹味，可是有不少肥膏附著，略嫌肥膩左少少。但冷烏冬真係要一讚，個湯汁十分美味，好鮮甜，烏冬則煙靱有咬口，涼冰冰的，

跟朋友外出二人世界，不想吃太多，我們想吃拉麵，肚餓啦...路過 Mega Box味吉拉麵館提供的飲料是日式傳統拉麵店的冰凍烏龍茶。我們點了:-叉燒豬骨湯拉麵,叉燒肥瘦頗均勻，叉燒算是厚切，但如此厚度是難以做到入口即溶的，湯底是一般港式拉麵店的水準， 拉麵本身夠爽口彈牙。.................................Passing Mark天婦羅喬麥麵大大碗，普普通通，不突出。.....................OK only串燒雞亦幾好味.............................................................Passing Mark豚肉餃子 -煎得過火，餃子內豚肉的料不多.................Failed價錢::-算是頗合理的定位。Remarks: 餐桌上擺放了一些拉麵歷史、拉麵種類的簡介 .........Good Good Good

兩口子最近不斷到Mega Box買小朋友的日常物資。無可避免有些時候要在那兒揾食，但這偏偏卻是一件苦差事 --- 裡頭大部份都是些欠缺個性的連鎖經營食店，實在令人大呼無癮。這天到來光顧的"味吉"，也並不例外....邊望着餐牌邊喝着雪得冰凍的烏龍茶，腦內是空洞洞的，沒有特別的想吃甚麼。於此時，還是單叫一碗拉麵再加些小吃，怱忽吃完便繼續未完的行程吧....想吃點沙律來清清味蕾，要了最最基本又"行貨"的蟹籽沙律。生菜絲顏色暗啞又不爽，自然是不夠新鮮的結果；蟹柳的出現是預料中的，很無可奈何，那一口假鮮甜，真是令人討厭；平常自己是頗不喜"卡夫式"的白色厚膩的沙律醬的，但此時要以之來蓋過其他配料的味道才可下肚，就更是可悲了煎餃子的樣子真的有與平常日本料理放在門口的橱窗內的模型一般。外皮是硬韌得可以，餡內的蒜香味亦欠奉。做出來跟自己在家裡用平底pan煎出來的工廠超市貨毫無分別，那我為甚麼要來這裡吃 ?....同樣吃了最基本的豬骨湯底义燒拉麵。麵質普普通通，不算彈牙但也不過淰；义燒算是厚身的，有點咬頭；湯底呈奶白，蠻甜。應是整枱食物中最像樣的了....沒有動力去試太座的牛肉湯拉麵，而且小朋友又開始掃餐

見到咁多好評, 就黎試下。星期6點幾黎到, 唔洗等位, gd!2個人仲俾張4人台我地, 闊闊落落, 仲係角位, 唔嘈 gd!我叫左個天婦羅喬麥麵$48, 大大盤喬麥麵+大大碟既天婦羅, 起碼有7-8件呀(有蝦, 南瓜, 冬姑, 青椒, 蕃薯), 炸得好食, 唔會太厚粉, 唔會太油, gd!朋友叫左一個自制x燒+豬軟骨拉麵, $68, 大大碗, 麵質軟林, 豬骨湯味濃, 豬軟骨同x燒都好林, 正。

自從吉之島開左之後~mega box變得非常多人~~為左唔想食飯時間等位~所以6點多d就去食晚飯~行過見到門口隻豬幾得意~見價錢唔貴~就入去試試~我地坐中間柱位~張sofa同檯有距離~要拉近d張檯先坐得舒服d~我地叫左:1) 札幌叉燒豬軟骨湯拉面湯底好味~拉麵彈牙~豬軟骨好味~但d叉燒好肥~2) 牛肋肉蕎麥冷麵A先生話d冷麵汁唔錯~我偷食左舊牛肉~好入味~正~~3) 餃子上檯時見到已經估到好淋~一食~又淋又多油~唔好食~~

去左MEGABOX, 見到飲茶勁多人, 所以走左去試呢間拉麵有拉麵, 鳥冬同蕎麥麵食, 仲有少少小食揀, 拉麵有幾款湯底揀今次就試左豬骨湯底~叉燒拉麵湯底OK, 叉燒得3塊仲好肥添, 但係隻蛋好掂~因為唔想一早食涷野, 所以跟住叫左個炸蝦雜菜天婦羅蕎麥麵(熱食)蕎麥麵唔係咁好食, 天婦羅都OK最后加多左個小食~牛舌 $28蚊, 份量都幾多, 又好食埋單連加一要$142~

係 megabox 行了一會，都係決定試下這間 "味吉"。大約八時許來到，等了一會就有位了。餐廳內，有一個大柱位，部份的餐枱位置都是圍著大柱的，每位坐梳化的食客出出入入，侍應都要把成張枱移開，讓食客進入柱身的梳化位，其實都幾disturb 隔離位，但地方少冇法啦。肚餓啦... 點了一客豚肉餃子、一客牛肉撈鳥冬及一客豬軟骨叉燒豬骨湯拉麵。豚肉餃子 - 放上枱時，已覺得煎得過火，餃子內的料好少，菜多而不覺有豚肉，好麻麻。牛肉撈鳥冬 - 牛肉汁料內有很多芽菜、蔥伴著，個汁太油，一d 都唔敢拿來撈烏冬，就似係賣碟頭飯的舖頭，盛了一碗餸給你伴飯咁，而烏冬，係好滑但係太"淋"身了。女侍應上菜時，差點成盤食物倒在我男朋友身上，幸好及時移番正個盤身，如果唔係成碟油淋淋的牛肉就倒在身上啦 ~豬軟骨叉燒豬骨湯拉麵 - 豬軟骨夠"淋" 但不夠入味，叉燒好多肥膏，我唔正宗係未咁，可能係我唔識欣賞啦，湯底都係一般港式拉麵店的水準。埋單百多元，差唔多啦 ~

味吉拉麵館是一間仿傳統日式的拉麵館，佈置、格局是參考日本較舊式的傳統拉麵店。就連提供的飲料，也是日式傳統拉麵店的冰紅茶，而非綠茶味吉也以「博物館」作招徠，餐桌上擺放了一些拉麵歷史、拉麵種類的簡介的確為店內增添了一種書卷味，但以此號稱「博物館」，則有點誇張叫了一碗特濃豬骨湯底叉燒拉麵、一碗特濃豬骨湯底豬軟骨拉麵豬骨湯底肴得幾香濃，豬骨味從湯本身散發出來，被拉麵充分吸收了，成為這碗拉麵的靈魂，難怪這款湯底叫「特濃」吧？兩碗拉麵均鋪上一塊紫菜，但不是鋪在湯麵上，而是放在碗側，以免紫菜被湯浸濕薄切的叉燒，肉質鮮美可口，與我們日常吃到的日式叉燒差不多豬軟骨口感反而有點似中國叉燒，肉質口感有點意外的實，不是平時吃開豬軟骨的軟淋。儘管如此，碗內數塊的豬軟骨吸收了特濃豬骨湯底的香濃，味道也是十分不錯拉麵本身夠爽口彈牙，加上吸收了特濃豬骨湯的精華，令拉麵更香最後唔多夠喉，叫多一份牛肉沙律，牛肉新鮮嫩口，算是唔錯的埋單找數只是百多元，以拉麵的質素、店內的裝潢計算，屬值得光顧再試的

3個人, 去mega box 睇戲之前去咗”味吉”食晚餐, 7:40pm, 大約等5分鐘。被安排坐最入的”死角”位, 由於佢個layout係以一條大柱去圍住, 所以都唔係坐得太舒服。拉麵來來去去都係果幾款”配料”, 不過就有唔同湯底選擇, 仲有要留意同一個湯底&同一個配料都會有唔同價錢, 因為有”所謂”的特大, 不過問過店員, 其實特大個麵係唔會大d的, 只不過係分2塊日式叉燒定5塊日式叉燒。我地3個一人一碗麵, 再叫小食。我叫咗個5塊日式叉燒(鹽味湯底)拉麵：個麵都ok, 日式叉燒都幾肥, 所以食完5塊都飽飽滯滯。 鹽味湯底唔多覺, 似普通湯底。為免塊紫菜放在湯上會”林”, 所以塊紫菜係另上, 都幾有心思。小食：串燒雞亦 (兩串, 共4隻)：鹽雞亦, 幾好味, 夠乾身, 不過好快凍。餃子 (5隻)：睇個look已經覺得唔多好食, 果然無睇錯, 好”林”, 煎得唔香。Service OK, 食物好一般, 環境ok。不過無咩特別, 應該無咩意欲再幫襯。

是日去左mega box行街, 因為ikea開左店,諗住去掃貨,入到去見肚餓見到呢間拉面館, 咁入去試下我地兩個order左一個係博多叉燒豬骨湯拉面一個係別府地獄叉燒拉面個豬骨湯好入味, 好正雖然地獄拉面係小辣, 但好開胃, 佢地的叉燒同出面果d有少少唔同下次一定會再去, 佢入面有好多唔同地區的拉面&烏冬, 仲有好多小食+雪糕鐘意食拉面的朋友可以一試~

早排去MegaBox 搵食，咁喏係Openrice見到呢間餐廳既食評唔錯，於是就膽粗粗帶埋屋企人去試試。去到門口，見到間鋪好似好細咁，不過D裝修都過得去，門口放左好多麵既sample，個樣真係幾吸引。嗰日我地一行5人再加個小朋友，d侍應好細心幫我地安排最埋較闊既坐位，並提供張幾靚既BB椅，感覺幾好。個MENU食物選擇唔算多，不過感覺好專，主要sell拉麵，內有詳細介紹各款湯底的材料及由來。嗰日大家主要叫左麵鼓湯底同東京鼓油湯底，主要配料有豬軟骨，豬腩肉同叉燒，可再加$選配溏心蛋同荀等。我地另外再叫左日式牛肉沙律、串燒拼盤同日式燒雞翼。落單後唔駛10分鐘有野食，我先試麵鼓湯底，湯底濃，有魚的鮮甜味，入口唔咸；而東京鼓油湯底則較清，唔咸，略帶油甘香。d 麵合格，略彈牙。佢另外配一塊大紫菜俾你自己撕碎放落d麵度，d紫菜質素都唔錯。至於其他食物，日式牛肉沙律d菜夠新鮮，牛肉好嫩，串燒同雞翼就一般，日式甜酸汁唔得。整體來說，湯麵有水準，會再幫襯！

寫openrice食評又抽到飛,我同朋友嚟左mega box睇戲,睇完戲朋友話有間豬面人拉麵係mega box,話好想試下,我話個名咁得意既,佢話因呢度係用豬面人做logo,佢個同事改既,我們差唔多十點先嚟到,好彩因吉之島星期五夜d關門,所以這裏也夜了半個鐘先關門,這裏真的很大個豬面人logo呀,還有紙巾都係豬面人架,好得意喎.什應先俾兩杯凍的烏茶我地飲,都幾特別呀,凍飲.我們兩個人叫左:豬腩肉拉麵加肥叉燒及粟米豬骨濃湯底,粟米分開上的,一碗都幾多呀,肥腩肉都真係幾肥,但都幾好味呀,湯底好入味好濃,不過我覺得咸左少少豬軟骨拉麵加肥叉燒豬骨濃湯底-個碗好大個呀,麵都算多,料都算多呀,豬軟骨都好淋好入味呀,每碗都有半隻糖心雞蛋,好味呀,真的是糖心架,好黃金色的呀,蛋黃半生熟咁好味.還有些海帶絲等

六月一日與吉之島同時開張,此店用的麵質與味千有所分別,主要是用日式生麵製.而別府主打是地獄辛辣,但這店有豬骨湯,麵豉湯,鹽味湯,地獄辛辣湯及醬油湯的選擇,還有很多小食提供....其實整體OK,初試豬骨义燒拉麵;豬骨湯夠濃,不算太咸,麵質彈牙,但嫌糖心蛋太熟,看似個碗很大其實是掩眼法來的.

上完課,決定去megabox走走。人山人海的,幸好店外也沒太多人。只有我自己一個的關係,等了幾分鐘就有bar檯讓我坐了。身邊的是2名日本人,哈,還真有風味。看完了本menu,花多眼亂的,一下子還真的不知想吃什麼。最後選了鹽味的三片叉燒麵。麵上來前,小姐給了我一張意見書,說鹽味只有這分店才有售,所以想請我提供意見,沒問題。等了好一會,比我遲來的小姐已經有麵吃了,但..我還在等呢!明明是用電腦入單的吧?!麵來了,很熟的碗!是ucc的那個大而無當的碗呀!!看了看,果然是ucc集團的。先喝一個湯,湯頭是清的,也有點淡香,沒有很油,可以。麵是彈牙的粗麵,不錯,湯內有點肉碎在,讓那個淡淡的湯頭有點肉的香味在。叉燒更精彩!煮得很軟滑,咬下去已經有半溶在口的感覺,不像那些硬得要死的偽日式叉燒呢!!還有就是有凍茶提供,涼透心!又另,怎麼圖片上好像是有蛋的,但上來時卻沒,好失望呢!美中不足是那個大碗,我都不知幾次用湯匙撞向碗,我也覺得自己吵到一個不行!

今日6 月1日, 知道 Mega Box 裡面既 Jusco 新開張, 就去行o下啦, 見到好多 counter 都好忙, 仲貼緊價錢牌, 好多貨都要個別去問價錢, 攪到都無咩心情 Shopping, 見有少少肚餓, 一於搵食啦, 咦! 一樓有間日式拉麵店都係今日新開張喎, 店員響門口介紹, 佢地既拉麵係得過獎既, 即時好有興趣, 去試試先 ~ 食評如下 ~本格美國牛肋肉蕎麥冷麵 ~ 成份餐好大 Size, 麵條好香, 至於牛肋肉, 外圍係硬硬地既, 肉身係軟, 但無咩肉味, 唔講食落仲以為係豬肉, 仲有, 可能第一日開業太忙, 佢地唔記得俾醬汁我, 所以更顯得牛肋肉淡而無味, 但整體都 OK .日式豚肉撈烏冬 ~ 必食!!! 此店既烏冬麵真係好好食, 本人對烏冬麵一向要求極高, 講真響香港無邊間烏冬麵係好食既, 根本無得同日本比, 但此店既烏冬好滑好香小麥味, 加埋濃汁既豚肉, 正!!! 但唔係幾明, 附上既溏心蛋係凍既? 問店員, 佢地答係咁架喎!日式薯仔蘿蔔牛肉 ~ 牛肉煮得好腍, 但無咩牛肉味, 薯仔好香好粉, 仲夾雜左洋蔥, 蘿蔔, 芋絲, 其實有點似 “關東煮”葡萄柚乳酸