影片
更多
2010-06-02
20 浏览
今日6 月1日, 知道 Mega Box 裡面既 Jusco 新開張, 就去行o下啦, 見到好多 counter 都好忙, 仲貼緊價錢牌, 好多貨都要個別去問價錢, 攪到都無咩心情 Shopping, 見有少少肚餓, 一於搵食啦, 咦! 一樓有間日式拉麵店都係今日新開張喎, 店員響門口介紹, 佢地既拉麵係得過獎既, 即時好有興趣, 去試試先 ~ 食評如下 ~本格美國牛肋肉蕎麥冷麵 ~ 成份餐好大 Size, 麵條好香, 至於牛肋肉, 外圍係硬硬地既, 肉身係軟, 但無咩肉味, 唔講食落仲以為係豬肉, 仲有, 可能第一日開業太忙, 佢地唔記得俾醬汁我, 所以更顯得牛肋肉淡而無味, 但整體都 OK .日式豚肉撈烏冬 ~ 必食!!! 此店既烏冬麵真係好好食, 本人對烏冬麵一向要求極高, 講真響香港無邊間烏冬麵係好食既, 根本無得同日本比, 但此店既烏冬好滑好香小麥味, 加埋濃汁既豚肉, 正!!! 但唔係幾明, 附上既溏心蛋係凍既? 問店員, 佢地答係咁架喎!日式薯仔蘿蔔牛肉 ~ 牛肉煮得好腍, 但無咩牛肉味, 薯仔好香好粉, 仲夾雜左洋蔥, 蘿蔔, 芋絲, 其實有點似 “關東煮”葡萄柚乳酸
食評如下 ~
本格美國牛肋肉蕎麥冷麵 ~ 成份餐好大 Size, 麵條好香, 至於牛肋肉, 外圍係硬硬地既, 肉身係軟, 但無咩肉味, 唔講食落仲以為係豬肉, 仲有, 可能第一日開業太忙, 佢地唔記得俾醬汁我, 所以更顯得牛肋肉淡而無味, 但整體都 OK .
日式豚肉撈烏冬 ~ 必食!!! 此店既烏冬麵真係好好食, 本人對烏冬麵一向要求極高, 講真響香港無邊間烏冬麵係好食既, 根本無得同日本比, 但此店既烏冬好滑好香小麥味, 加埋濃汁既豚肉, 正!!! 但唔係幾明, 附上既溏心蛋係凍既? 問店員, 佢地答係咁架喎!
日式薯仔蘿蔔牛肉 ~ 牛肉煮得好腍, 但無咩牛肉味, 薯仔好香好粉, 仲夾雜左洋蔥, 蘿蔔, 芋絲, 其實有點似 “關東煮”
葡萄柚乳酸梳打 ~ 酸酸地味道怪怪地, 有少少似醫生開既櫻桃咳藥水味, 好彩有乳酸味中和返, 而且內有o者喱粒, 不算太差.
菠蘿乳酸梳打 ~ 呢款好飲好多, 有正常菠蘿味, 又有o者喱粒, 加上一塊葉做裝飾, 睇見清新, 飲落涼透心
總括黎講, 食物我覺得鳥冬麵最出色, 其他既只係普通, 但真係要推薦大家去食一次佢地既烏冬, 真係好正!
服務方面, 真係有少少嬲囉, 個女侍應拎 日式薯仔蘿蔔牛肉 黎時, d 湯汁倒到我一褲一袋都係, 我手袋係布質, 完全濕晒, 佢只係一聲 "唔好意思, 俾張濕紙巾你抹oY!" 咁就走左去, 好彩有位醒目既靚女主任即刻走過黎, 不斷道歉, 我先至唔嬲咋, 真係要再加緊訓練侍應對客人既方法先得嘞!
张贴
