味千拉麵 (已結業)

晚飯時間, 每間都要等, 唯獨呢間唔駛等咁耐.去到當然食我既最愛"南瓜拉麵"啦! 點知出奇地失望. 我去咁多間味千, 呢間係最孤寒...南瓜得三小粒, 一啖一粒, 唔怪得唔駛點等位啦...原來呢間咁唔掂! 一於入黑名單!!!

哩日去左APM 度食LUNCH, 自己一個, 去到味千, 唔洗等位WO, 可能自己一個既關係啦~ 但去左2日, 都覺得唔錯~ 而且服務都幾好~1) 南瓜拉面- 之前係裕民坊個間都食過, 不過無哩間咁好食, 個南瓜湯底夠濃, D 南瓜天婦羅又好味, D 粉一D 都唔厚, 剛剛好, 又熱, 又新鮮, 又脆~ ~真係唔錯~ 2) 南瓜天婦羅- 哩個係我再一次叫, 但係以小食咁叫,味道都好穩定, 依然係好味, 個南瓜係用日本個隻, 好粉好甜, 而且佢仲係個南瓜皮度放左塊紫菜~ 個味好MATCH~3)凍烏冬- 個烏冬就一般, 都唔似烏冬, 好似粗面咁, 好薄, 不過份量夠多, 仲有一碟仔鴨胸, 無咁齋~ 但味道普通, 無咩特別~ 而且烏冬亦唔係特別好食~而服務方面都唔錯, 都幾好禮貌, 笑笑口.....而且我問洗手間係邊, 皆因我自己一個, 又未食野WO, 諗住無得去GA LA, 但佢話可以幫我留住個位.....都唔錯WO~ ~印象唔錯~ 幾好......

我有留心看食評，知道呢間分店認真麻麻，所以想去觀塘裕民坊那間，點知發現執左，迫住要返黎呢間試.後來去到呢間分店認得兩個經理是在裕民坊那邊的．先說鋪位又確實係細，仲要吸煙區和非吸煙區好近，有同冇係沒有分別．姐姐叫了ａ餐(餐有小食送)豬軟骨拉麵加個小食(炸豆腐),試了件豆腐ok,姐姐話個拉麵也唔錯.不過,我唔會信她,因為她乜鬼都話好食我要了鴨胸拉麵:唔知點解覺得那些麵好唔得,個湯又怪怪,鴨胸又比其它分店小,又簿簿的, 難道鴨胸真的好貴.麵的質數如此差勁,好辛苦才吃得完 總括而言:冇下次

星期一，佛誕節假期，同BF去APM shopping(1st target)+試新野食(2nd target)~ 後來發現係一個very unwise o既決定...　我o係lunch-time去到APM，當時人山人海，已經覺得不妙，focus已經立即由靚衫轉去搵野食~ 可惜轉完一圈後，我發現原來APM冇乜靚餐廳...唯一靚d o既RomaRoma劣評如潮，我又冇帶有discount o既VIP咭...而其他餐廳都係chain store，冇乜特色，如Suzuki、Cha Cha、和民、Spaghetti House、Red Ant、元氣，仲要排哂長龍(average人龍=18...~_~")...我心態即刻由要搵新/靚野食轉去填肚，就去左味千食拉麵~　APM味千環境比較迫(人太多...)，而且幾嘈，主要因為counter要o益飛...(係APM o既common現象)我o地要左一個味千拉麵、南瓜拉麵&小食-明太子燒羽翼~ 小食味道唔錯，拉麵就比其他味千店遜色，BF覺得勁重味精~ 埋單近百，雖然唔係貴，但都唔值囉... 　**不過APM 真係幾多衫睇~

我食野果陣,見到有個長頭髮的員工係出麵格離果對門入面傾電話,又唔理出左黎d麵,點可以除便傾電話架,返工就返工,私人野應該要係私人時間度做,雖然服務算好,但那位員工d變面技術重好,係客人面前就詩詩文文,但對其他人就呼呼渴渴,真係要比個GOOD 佢囉。

上個星期六下午兩點開始等位,可能地方太細,等了半小時先到我們,我們叫了一個味千拉面同埋一個新出既蕃茄拉面再加一個肥牛金故卷,兩個拉面都好快到,差唔多5分鐘便吃到,蕃茄拉面没有我想像中咁正,得個酸味,入面仲要得d蕃茄,比小小肉都可以掛,差唔多食完兩個拉面,肥牛才上枱,味道中間,不過有小小凍了,可能放左好耐都冇人拎上枱既關係,在場的服務員,服務認真麻麻,成日圍埋一齊傾幾,還見一個在玩手提,最主動既都係收枱,好有趕你走既感覺,至於舖頭環境都幾好,d位好闊落,舖面都幾乾淨

本身都幾鍾意味千,但呢間真係好唔得!首先一去到柸茶凍冰冰,服務員反應慢,而且在客人面前大聲嘻戲.就係因為咁我個麵整好咗成個字都未拎出來,到我追佢佢先o係個食物出口位o羅我碗麵o黎!!(我見到碗o野o係出口位擺o左好耐,後來先知原來係我o既!!)因為好肚餓,所以照食,但可想而知碗"冷麵"唔會好食得去邊!o係等麵o既時候我四周圍望,見到個放飲品o既雪櫃放o左好多開o左o既紙包飲品(插o左飲管),相信係員工o既飲品.一兩包都還可以,但有成五六包,真係好不雅,令人担心衛生問題!最令我嘔心o既係我個friend明明未飲過柸茶,但個柸邊就有個"口印",仲有d食物喳,好恐怖!(好令我懷疑係咪員工執枱時誤將客人飲過o既茶攞過o黎!因為柸茶係凍o既,而且員工掛住玩...)我以後都唔會去呢間味千,寧願行多幾步去裕民坊間味千!