味千拉麵 (已結業)

apm 內食來食去都系果十間八間, 味千拉麵能夠保持一般的行貨水準,今日下午二人叫左一碗帶子拉麵, 咖哩豬扒飯+炸豆腐. 帶子OK,拉麵好多牙菜仔湯底偏肥. 咖哩唔辣,好彩係好食得辣. 間中幫襯到E家,豬軟骨就唔錯,炸豆腐ok, 其他野保持一般的行貨水準, 果度d 服務態度唔係好好, 但系都好食過下面果間拉麵,

第一次幫襯呢間apm味千 ... 七點幾去到見佢人唔係太多, 諗住可以靜靜地食餐飯, 順便同朋友傾下計, 點知 ... 佢安排張枱俾我, 係痴住隔離張二人枱 ... 係我地坐低無耐就有一對情侶坐我地隔離, 成個dinner好似同人搭枱咁, 講野極唔方便同埋好嘈 ... 朋友背住走廊坐, 成晚俾d侍應係後面行過撞落佢個櫈度, 真係好騷擾~ 原本想靜靜地傾下計, 結果搞成咁, 有少少唔開心 ... 覺得自己上左當, 太過睇高呢間野 ...真係好想講句, 間舖冇咁大, 就唔好放咁多張枱 ... 除非佢本身係做緊大排檔, 否則唔該俾番個舒服少少既環境俾我地顧客食餐飯 ...咁好啦, 講番野食先 ... 賣相都ok, 味道都ok, 兩個人每人叫個set dinner同叫左份小食 ... 服務就麻麻地 ... 叫佢俾杯水俾我, 因為我唔飲得茶, 最尾攞到黎既都係一杯茶 ... 搞到我飲左兩啖先發覺係茶, 都費事再問佢攞過杯 ...以佢個環境同service黎講, 我相信我以後都唔會再幫襯呢間野 ...

想寫番前幾日去味千食的lunch對於我這等窮學生，味千真係不是一個好的用膳地方喇點了野菜拉麵+炸豆腐的set($35)，沒叫飲品朋友叫了九州拉麵+餃子餃子先上，發覺4隻餃子是連體嬰，令我有點詫異。吃了一隻，發覺餡內有硬物，大概是骨吧? 不過印象中從未吃過有骨的餃子...吃拉麵會先吃上面的蔬菜，粟米很多，木耳芽菜也很好，爽脆拉麵味道還好，但略嫌湯底油膩至於炸豆腐....外層的木魚脆脆的，味道不錯，但跟裡面味淡的豆腐有點不協調...這個價錢可以吃一些更美味更豐富的lunch吧?

今日同媽媽去咗味千食Lunch講真 我對日本菜冇咩好感 所有關於壽司既食店我從來冇去過拉麵 烏冬 算係我比較接受到既日本菜我點咗setA 姐係豬軟骨拉麵配日式炸豆腐$40媽媽就點咗setC 係雜菜拉麵配煎餃子$35日式炸豆腐味道唔錯 外面既木魚碎好脆 入便既豆腐就好滑但係對我黎講 鹹咗D豬軟骨拉麵有2舊豬軟骨 D骨真係好軟 軟到食得落肚但D肉就瘦咗少少 唔夠滑碗麵都好大碗 食到好飽 湯底都係鹹咗少少加一之後 $82.5 唔平又唔算勁貴 但對於我同媽媽黎講 日本野都真係幾鹹 唔太合我胃口

我上星期五同朋友去食晚飯, 諗下好耐無幫襯呢間拉麵店, 咪試一試. 當晚點了南瓜拉麵.點知碗拉麵一放低, 係放七味粉時, 隻碗突然之間爆開, d熱湯流係條料牛仔褲及手袋到, 想避都避唔到. 當時我一面尷尬, 因為有好多食客望住. d服務員同個經理猛給我濕毛巾及紙巾, 又轉了另一張檯. 個經理走過來問我係唔係要order 另一款湯麵. 當時既感覺係真係好"興", 佢應該問我有無事多過係緊張我食唔食碗湯麵. 我已經很怱忙地整理褲手袋, 就好求其講"要番同一款就ok". 而d服務員遞上另一碗麵時, 從來也沒有同我講"對唔住"又無waive 到任何飲品.......當晚, 我同朋友吃完便走, 坦白講, 辛辣麵或公仔麵都好食過d拉麵. 仲要成$50蚊一碗. 以後肯定唔會幫襯, 連基本的禮貌及日本人最講究的器皿注重也欠奉. 所謂大連鎖日式食堂, 真係........... 唔該, 再唔好用日式文化做生招牌 好失望的晚餐

果日同我男朋友去食~我地係果邊返學~不過唔係成日幫襯咁囉~果度d 服務態度唔係好好~咁果日我諗叫左個九州拉面啦.唔好食,下次唔會再嗌~我男朋友叫左個蕃茄雞肉拉面~佢食左兩啖~之後攪下個湯底,原來一舊雞肉都冇!!咁同個侍應講啦~佢拎左碗面走.之後係碗面度加返幾舊雞肉係上面就算~連碗面都唔重新做過~對呢d大集團黎講~"那西"左d wor!!!!!!!!

如果怕有孔雀石綠當然唔會食，其實本身幾鍾意食鰻魚，不過唔係成日有機會，味千亦都好耐無黎過，見倒個特價午餐有鰻魚飯食所以試下，仲有個豆腐沙律添，不過其實我覺得只係一舊凍食既豆腐無乜特別，鰻魚飯份量比想像中多，而且都算幾好味，本身一直覺得味千係做得比較大眾化而水準一般既食市，今次睇黎可以改觀了。食緊既時候d主管級仲係度教新員工做野，好彩無整倒我姐.....

試過好耐之前, 味千剛來港開店時食過佢d拉麵好好味, 又彈牙, 好有日本拉麵風味. 但而家味千d麵白o雪o雪, 冧pad pad, 豪無彈性, 除了只係為了食佢出名好味既豬軟骨(加蒜碎)之外, 已經很少幫襯. 其實除了拉麵外, 豬軟骨都差了很多, 有時o係味千食豬軟骨拉麵, 碗麵上面d豬軟骨極之細少, 好似係咁已夾2舊肉碎俾你似的.試過有次有事放假, 下午lunch後約2點幾3點走去apm味千食, 諗住唔駛返工出去relax下, 點之食食下, 個女經理係度大大聲鬧伙計, 如果唔係APM多人流嘈雜的話, 係舖外留心d都實聽得到, (好似係個伙計將杯茶放錯位咁小事), 去過既都知間鋪好細又開揚, 位又唔多, 一路食, 一路聽到佢係到不停鬧, (心諗個伙計只係將杯茶放錯位置, 客人根本都唔會留意到, 但你咁樣大大聲o係到鬧伙計, 我係客都驚左你啦!), 攪到我食到無晒mood. 食餐飯relax 一下都唔得, D野又唔係好好食, 以後咪駛旨意我會再走去幫襯.

$46饅魚飯定食饅魚夠熱,好肥美,啖啖肉可惜配上好硬的飯,雖未至於半生熟米,但都要嚼很久才能嚥下煮飯時落唔夠水,實在糟蹋了咁靚的日本米,可惜!這間的餃子唔錯,煎得唔會太燶;皮好薄,餡飽滿

Soup is fine, typical noodle shop, clean. Will go back.

豬軟骨拉面+餃子lunch set先上餃子...其實都可以o既...不過太易穿la...之後到個拉面la...個面唔夠彈牙...豬軟骨就唔錯...overall算係咁la...

Taste ok but cheap

呢間味千比較易搵位，價錢合理，本人覺得味千巳經比之前只有拉麵既時候巳經進步不少，試過APM 呢一間，覺得尚算可以，小食選擇多，但水準時好時懷。還可再作改善，但整體都十分滿意。不明白為何這麼多"喊"面，可能我好運還未遇到些不好的情況吧。

叫左碗蕃茄雞肉麵, 但全碗麵得雞肉兩三塊, 雞皮幾塊, 好唔得喎!

寫返12月10日之小聚...一行8人..唸住等齊人先入個戴眼鏡西裝友..應該係經理o既物體樣子甚為不滿..眼啤啤..態度囂張..直頭係趕緊客啦!我地話等齊先坐得唔得呀!4眼佬:你地唔坐有人黎我比人先架喇!(ps:係得我地等緊!)果度得4個位咋..唔通叫其他果4個企係度等??傻o既..之後佢同其他員工咬耳仔...講下又望下我地咁..好似講緊我地壞話..感覺唔好尊重!如果唔係有同學堅決食呢度我真係走..著住件西裝..洗唔洗咁鬼祟呀..有乜唔講得姐..之後擾攘1輪..終於有位..8個1齊入座食物普普通通..因為對拉麵嘛嘛但豬軟骨都ok幾入味..仲有叫左果汁..好似3送1定1送1...3芒果1西柚..仲有嗌左d小食..整體嘛嘛啦無邊樣值得比笑容...我要講既係..呢餐真係食到背脊骨落..有乜理由著住西裝咁既態度架???完全係趕緊客囉.."動"件咁既物體係度趕客!英皇唔該睇下個食評啦..不知所謂!絕對無下次..難得1次聚會..發生d咁既野..下次咪搞..真係差d當場問候佢!