味千拉麵 (已結業)

和兩位好同事食lunch做冬兼慶祝聖誕, 周圍都full哂, 最終在無選擇下揀左呢度.我叫左豬軟骨拉麵+ 泡菜- 豬軟骨很淋和入味, 湯底唔夠香濃.多謝W既呢餐和可愛既聖誕禮物, 也多謝J寄來的聖誕卡, 其的感動.**預祝各位OR食友聖誕快樂!!** (就讓我給個笑臉吧!)

上年係果度做過暑期工，嘩！個經理超惡架，做錯少少野可以鬧你１０年，所以我自問做果間態度唔錯＝）可能而家轉左經理先搞到咁＝）所以而家去食我都唔係催　Ｄ侍應！！食就普通啦～不過不失，覺得Ｄ小食有減價既空間！唔明普通野點解咁鬼貴，份量又小‧最鐘意係佢既豬軟骨，好味呢：〕

南瓜拉麵：個湯底好濃好好味～拉麵幼身到好似担担麵咁，唯一美中不足係ｄ南瓜浸湯太耐～搞到淋哂！應該分碟上喇。炸雞拉麵：好普通喇，冇咩特別。ｄ雞好似炸子雞～但個湯底唔夠香濃囉！雜菜薯餅：依個好明顯係純薯容，其實都幾好味～但冇咩菜，而且牛油味太重！食完ｄ麵再食會好劑～但十幾蚊四大舊真係好抵呀。

女友見好耐無食味千, 再試下la.......叫左個豬軟骨拉麵, 同埋個义燒拉麵。個豬軟骨拉麵都幾好食, 夠腍, 唔錯。但個义燒拉麵就真係麻麻了, d义燒....唉! 點解整到好似我地燒味個隻义燒既? 但又無整得咁好味喎, 好心真係買夠义燒放落去la, 會好食d。個湯又淡, 又多油咁。仲有, 兩碗裡頭都有d好似紫菜的東西, 一舊舊咁, 第一啖食仲而為係欖菜, 好奇怪!

lunch叫左番茄雞肉湯拉麵, 番茄湯超濃, 好似飲緊番茄薯仔湯, 雞肉同拉麵就普通lar, 拉麵好似幼身左.

同男友去開觀塘, 行apm唔知食咩, 又唔想食咁貴. 是是但但入左味千.又要等位啦... 好彩唔係等好耐.男友試左個新出既烏賊拉麵, 我就叫左帶子拉麵.係menu見到有個新既小食: 咩咩炸蠔卷. 咁就試埋啦.因為我地唔知咩叫烏賊, 叫左個waitress黎問, 但呢位姐姐竟然唔知咩黎, 又木口木面, 發緊夢咁. so叫左另一位比較資深既waitress黎解答我地. 原來烏賊係墨魚... 恕我地孤陋寡聞...等左一陣d野食黎啦.烏賊拉麵: 有三塊墨魚餅, 都幾好食. 仲有3塊肉, 都係果d味啦. 成碗野只係墨魚餅係新出既.帶子拉麵: 食過幾次啦. ok多粒帶子, 幾好. 仲有3塊仔唔知咩肉, 好味, 不過略肥.咩咩炸蠔卷(唔記得個名) : $18有4舊. 其實冇咩特別, 用壽司同紫菜包住舊炸蠔, 唔係好大舊. 有沙律醬伴吃.飲完杯茶, d侍應唔識自動加茶. 咁我地又叫d侍應加茶啦, 點知又係唔識答問題果個姐姐. 佢企係我隔離拎起我隻杯加茶, 但之後居然話"另一杯茶呢?" 示意我地拎隻杯俾佢囉!!! 其實佢只係需要行左兩步都可以拎隻杯黎加茶, 何況呢d係好basic既service, 呢位

呢隻d""金茹牛肉卷""好好味~牛肉入面包滿哂金茹...加埋d汁味道好正~$18一碟都算抵食..呢度環境都唔錯..但細左小小..Service都算ok~如果冇左加一就好了~

吃過兩，三次味千，每次都覺得d麵難食。今次朋友話去，又唔使等位，咁未無所謂，不外都係傾下計為主要目的。侍應帶位除無笑容外亦口黑臉黑，都唔知點解可以咁差。因為唔鐘意佢地既拉麵，所以叫咗新出既稻亭冷undo包鴨肉。冷undo入口非常之凍，似係係雪櫃攞出來既，undo湯好淡，都食唔到什麼味。鴨肉反而比較好，有點酒味同甜甜地，不過鴨味欠奉。28蚊都可接受，不過真係唔會再食。

至今只去過一次味千, 就係官塘呢一間, 但係已經令我去到日本見到味千都拉handbrake 掉頭走...自問都"苯"唔算得上孤寒, 但係以佢地d出品黎講, 個人覺得收成三十幾銀野個面的確係有d行劫既感覺(日本版出前一丁都不過賣五皮, 我煮好食過佢d)件叉燒又乾,又薄,又細,又散... 果堆粟米仲未曾融好雪... 個湯又死咸...個煎餃子仲大劑, 餐牌寫明唔知手包餃子定自製餃子咁上下(唔記得左exactly個名),黎到一睇,就發現味千做餃子班人緊係公仔點心做part-time....而且個餃子仲係炸既... 完全冇heart, 但係賣5皮一隻(20蚊4隻)....佢地既service就更突出.... 叫個waitress叫左5~6聲, 但係佢都仲掛住度照鏡... 搞下d頭髮呀咁...落單時手腳又慢, 仲好似我爭佢錢咁.. d態度呢(可能我生得唔靚仔啦).... 食到咁上下, 我地發現仲有一個小食未到, 就問下一個狀似經理既"人"啦...後來果條友走番黎同我地講,"你地冇叫到個xxx"....咁我咪答"唔係喎, 我明明叫左架喎, 你不如再check check丫"因為我覺得如果叫佢補單,

我地LUNCH 去, 等位等左好耐...好急咁叫左果豬軟骨拉麵, 黎到得2塊豬軟骨...都唔知有冇搞錯, 果前菜炸豆腐就油到飛起~

上次夜晚同朋友行完街,就去左呢間味千食啦我叫左個炸雞拉麵,唔錯呀!!炸雞幾好味,又熱又多汁,係細舊左D囉,D麵都唔錯,但略嫌咸左D,湯底幾好味,麵都夠彈牙。朋友叫左個好似帶子拉麵定唔知帆立貝拉麵瘉子好似有4至6粒左右,佢話個麵幾好味,但帶子有少少腥,唔太討好。個度D侍應態度真係麻麻,全場侍應掛住傾計,口水滿場飛。有點不衛生~~

其實味千拉麵的麵質不太好吃,但沒辦法啦,老闆鐘意,因為有泡菜食.平均一星期去兩次.但泡菜的味道次次不同,試過幾次最難食係入口的味道會'那'口的,(觀塘分店),不知是分店廚部做還是總廚部做,已即時對分店作反映,但屢犯.另外侍應英文很差,都認得我們的,亦明知不是香港人都對照講廣東話.

ｄ姐姐仔都唔知係咪做野ｏ既，成日掛住吹水．．特別係做ｐａｒｔ－ｔｉｍｅ果ｄ，我見佢個牌寫住ｐｔ侍應，食完執碗時又唔知佢點執，我個袋放係大比上，執碗時ｄ湯彈到我個袋都係，ｓｏｒｒｙ都冇聲，好想ｃｏｍｐｌａｉｎｔ佢，唔會再黎喇，ｂｌａｃｋｌｉｓｔ左

呢間野好細呀，仲要分吸煙區同非吸煙區，陰功．講番ｄ野食，全場最平的味千拉面都要成３０蚊一碗，但好明顯係唔夠食的，之後叫ｄ小食啦，都算唔錯，呢間店最唔好就是要加一，埋單都要成５０幾蚊，唔抵食ＬＡＷ，至於Ｄ服務，都ＯＫ，另外，如果呢間店有奶茶呀，檸茶呀，唔好只有罐裝汽水就會再幫襯多Ｄ，哈哈

第一次食南瓜拉麵, 都幾好食, 南瓜天婦羅做得夠好味, 有三件; 菇有金菇同兩件冬菇; 一大'住' 甘筍絲; 小小生菜; 感覺好健康, 份量不多不小; 本人鐘意食辣, 仲加左辣肉; 不過湯底冇味....另外叫左牛油金菇, 一般, 唔會再叫; 蟹子沙律太多沙律醬, 完全冇晒菜既鮮味, 蟹子小得可憐....