味千拉麵 (已結業)

芝士烏賊燒拉麵好得，是芝士迷的一大喜訊！新拉麵口味，有四大件烏賊燒，新鮮炸起，外脆內軟。勁多芝士好似食緊pizza咁！咬落真係成口都係...芝士！內裡烏賊餅都幾好味，是近期拉麵的佳作。麵的份量比較少，男士可能覺得唔夠飽。另一新小食富良野豚肉卷相比就比較失色！唔覺有紫蘇味兼很少豬肉，個芝士汁也比較漏。

"味千"本來都覺得唔錯,加上咁岩見佢有位,所以入去食...點知令我太失望喇朗豪坊呢間分店!本人叫左個吉豬飯定食+粟米沙律!!個粟米沙律正如他人所言,係幾多粟米既 但叫得沙律唔知點解係暖架囉....個吉豬飯定食就最唔掂, 個飯得面果D係食得,再食落去既飯係完全唔熟....塊吉豬切到厚薄不一(正常人有心切都唔會切到咁啦),再加上粉太多,令到表面太硬,完全無口感.....

學生餐28蚊加埋一都係31蚊仲有埋汽水飲,,都平NA同埋佢又有好多款簡,,出示個學生證都有學生優惠,,所以即刻試左個炸餃子拉面餃子好熱,,脆卜卜,,正湯底又濃又好味,,下次都可以試埋其他款

平時好小係朗豪坊食晚飯但因為行到好累求期搵左間入去食我地入左去味千,好采唔洗等位不過入到去到已經見到台台都有人逼逼地~叫左個拉麵...因為太耐之前唔記得左叫咩名??請睇相但我記得佢個湯好好味..好鐘意飲佢個湯好似用左好多料去整咁^^另外,拉麵份量都ok...同個價錢都配合到!!侍應服務幾好...我地坐左好耐都無趕我地走^^

這天又係在朗豪坊shopping, 跟男友都唔知食咩好的情況之下, 結果去味千食拉麵了入去食的原因, 係因為這間味千新裝修好無幾耐, 地方乾淨, 坐得比以前又舒服左, 增加了幫襯的意慾我地兩個人食左一碟咖哩炸雞飯, 一碗招牌的味千拉麵同一碟蒜皮牛柳, 味千因為係連鎖店, 味道間間都差不多了, 不過服務就唔係真係間間都咁好, 朗豪坊店的員工都算ok啦, 因為我叫錯左個咖哩炸雞飯做咖哩豬扒飯, 不過佢地都換俾我, 所以我都很感激唯一覺得唔好, 係拉麵的湯比較油膩, 同埋唔夠熱, 這點要好好改善了下次都會再食, 因為服務唔錯

星期六下午在朗豪坊吃下午茶，要找個位也需要花少許時間剛好味千有位，偶然機會下便入內叫了兩碗拉麵------豬軟骨拉麵、又燒拉麵豬軟骨拉麵︰豬軟骨煮得算淋，但總欠了少許豬軟骨的香味與鮮味；豬軟骨湯底不過不失，但作為一碗日式拉麵的靈魂，湯底失色實教整碗湯麵也大打折扣又燒拉麵︰又燒平平無奇，沒有驚喜；拉麵本身算滑算彈牙，算為碗拉票挽回少許分數啦；湯底跟另一碗的一樣，大打折扣了！味千作為一家日式拉麵專門店、老字號，這家分店的水平只算是謹謹合格，略低於預期水平呢這一餐下午茶埋單找數$90，唔算抵食

8月15日 晚上七時左右...本來諗住 "味千" 呢間店, 成日賣廣告, 斷估難食極有限啦...都未入去坐, 就見識到d人服務態度有幾差... 明明個女侍應叫左我地入去出面d侍應唔知有咩問題, 超大聲叫我地唔好入去, 要拎飛先 !! 我地即時呆左跟住 我點左個咖哩炸蝦飯...呢個真係劣品蝦就夠多啦, 但係係粉多過蝦呢, 食落去好 "硬" 同 "實"d 咖哩仲衰, 其實有眼睇既 就知咩事同便利店 "叮叮" 既咖哩冇分別.... 或者應該講 叮叮仲好食 -0-要碟飯,,,蝦又唔得,,,,咖哩又唔得 !!! 令到我最唔高興既就係, 本身我地想睇下有冇其他好食既野可以叫外賣走...問個侍應拎menu... 都未開始睇, 岩岩有電話要接之後個侍應竟然講 : 你要睇先再問我拎啦! 今時今日...我真係唔知呢d叫咩服務態度...真係唔敢相信一間 叫做"信譽良好" 既店舖 職員係咁既質素...我以後都唔會再去呢間野.... 其他分店係點我清楚不過 我因為 "朗豪坊" 分店 搞到失曬信心...精明既消費者 真係冇必要去呢間店到浪費金錢

朋友話事咁唯有試試呢間成兩年冇食過我自己稱為「味精拉麵」既味千拉麵叫左個南瓜麵同埋琵琶蝦餃子麵麵一來到就當然試一試湯底先發覺味精味已經少左好多餃子方面隻蝦有形冇神有蝦形但冇咩蝦味南瓜麵我就試左一啖湯底南瓜味好重鐘意食南瓜既朋友唔好錯過啦~

今日去左旺角shopping, 時間關係想食d 快餐. 於是揀左味千..見到有新麵..於是叫左鳳尾胶子麵. 以為係蝦同胶子係分開的..點知完來係將隻蝦入左落胶子度..差差差..隻蝦細到食唔到味道. 而且得兩隻..但都收$48..另外個小食真係好surprise..不錯不錯..

有同事生日,而壽星仔一向都係味千粉絲,所以拉隊前往.坐低睇睇個lunch餐牌,三十幾四十蚊碗麵,加多幾蚊多碟小食. 老實講,都幾難揀,因為價錢較平那幾款唔吸引; 但我又唔想叫到太貴,於是考慮一陣後決定叫"感覺上"最穩陣的: 味千拉麵.通常用自己舖名的菜式都有點特別,而這碗"味千拉麵"特別的地方就係完全無特別,可以話係一碗最簡單的拉麵: 麵,湯底,蛋,幾塊肉&配菜.湯底唔算好濃,味道OK,不過睇幅相都覺得好肥膩; 拉麵質地唔錯,咬落都算彈牙. 三塊半肥瘦义燒都算厚,食落一般,同那半隻蛋一樣無特別. 一讚芽菜/配菜都幾多,難得地唔"孤寒".以這碗拉麵而論我覺得都可以,不過仍未到必去/試的地步.

一路以來都對味千拉麵的拉麵有信心而味千本身的小吃也很吸引但相非昔比 昔日有名好味的日式手造餃子的品質日益衰落.....對於味千我最超愛的一定是蒜片豬軟骨拉麵但是套餐竟然沒有,唉..沒有了蒜片豬軟骨拉麵,只好選擇九洲辣麵九洲辣麵的辣味完全喚醒我的味蕾-----剌激!!!當然九洲辣麵的辣不至於令人不斷流汗,流鼻水可以稱得上剛剛好豚肉拉麵的主角當然在於豚肉好味之處在於豚肉肥瘦適中不會過肥而不能入口也不會過瘦而入口無味加上七味粉令到湯的味道更上一層樓看到吉列熊本蠔做優惠,當然不會錯過吉列蠔很肥美,一咬下去蠔汗真的不斷流出而且蠔的味道很美味,值得一試再試日式手造餃子....我以後都不會在味千再食餃子..一次比一次差一次比一次難食完全不是煎餃子,只是滾熟餃子然後再作樣煎一煎餃子皮脆都不脆,好淋....好地地的一客煎餃子只是滾餃子的掩飾,真的可稱得上失敗等候的時間又耐,整碗麵吃清餃子還未出現!!!

今日响旺角行完街，決定同honey响旺角食飯。整天都下著雨，倆口子都費事行，就近近地去了朗豪坊這間味千。我叫了最愛的豬軟骨拉麵，湯底很濃，但略肥膩；豬軟骨就好硬，一d都唔軟，失望!Honey叫了正特價的粟米拉麵，不過失。仲有蟹肉蟹籽沙律，青瓜絲都幾爽甜。還有吉列珍珠蠔，真係好吉列，依家驚緊喉嚨會痛...最後，當然少不了，我最愛的蘋果有汽飲品是晚普普通通，坐得唔係好舒服...

尋日經過味千, 發現佢地做緊特價, 原本成四十蚊碗的招牌味千拉麵減到廿二蚊一碗, 吸引了我去食size無細到, 义燒有兩大塊, 一切無變, 之前都幾鍾意食, 因為有大量芽菜, 紫菜, 加埋個野味豬骨湯底, 間唔中都會入去幫襯, 而家仲減到呢個價錢, 真係超抵食!

朋友為我慶祝生日的晚飯, 我們行了一會最後就揀了到此食拉麵, 叫了.......(1) 相撲拉麵 個湯味道好濃濁又唔夠滾, 都唔知食緊到底是豬骨湯 or 麵豉湯底?? 而配菜則有一件年糕福袋 / 一件天婦羅炸蝦 / 三片鳴門卷 / 兩片日式叉燒、半隻滷蛋、 一些海帶、粟米、豆芽. (2) 麻香沙律冷麵 這個非常之美味香口,, 個麻香汁濃杰度適中又酸酸地食落真係好醒胃(相信夏天食更加一流),, 配以雞肉,青瓜絲, 車厘茄.....感覺好清新可口!!! (3) 日式手造餃子 跟一般煎餃子無異, 皮薄餡肉少都 OK,, 煎得都算剛剛好唔會太燶身, 所以餃子皮口感不是太脆口的, 食時再伴點酸酸地的餃子汁都尚算不錯

測左4日終於測完=3=本來同學黎旺角睇戲,但其中有一個睇左一百萬零一夜,呢排又冇咩戲我地想睇-3-跟住就打消左呢個念頭"黎左味千食lunch我叫左set G蕃茄雞肉拉麵+雞軟骨串.蕃茄雞肉拉麵(轉烏)okay ,,冇特別..雞軟串:一般啦~好多肥肉系入面>W<仲要好似系炸既38蚊要加一42蚊食D好一般既野..都系豬軟骨最好食