味千拉麵 (已結業)

今日喺呢頭附加開會~放飯的時候心中已經諗住想食日式拉麵~所以就搵下附近有冇同類的地方~真係好幸運可以搵到呢間拉麵店~心中覺得連鎖店的出品唔好要求咁高~但求可以滿足今日的願望~!!坐到去服務員就比d餐牌我睇~左望右望當然係要食佢地的招牌主打啦~!日式叉燒豚王拉麵 - 話晒都係招牌~相信出品唔會太差LA,豬骨湯唔算真係好濃味~唔會沾咀的感覺,日式叉燒比想像中厚切,唔會太薄一夾就散,且肉質相當入味~至少唔會得個咸字~!加埋9成熟的溏心蛋同其他小配菜~整體覺得都唔錯~!!蟹子沙律 - 一D誠意都冇的小食出品~唔單止唔凍~而且青瓜絲淋到出晒水~可以相信係放左室溫好耐~而且加埋D沙律漿感覺真係太差了~總括黎講..對快食的餐廳黎講,我應先放下自己的要求及幻想..真心希望佢地他日可以有所進步, 最後餐飲我照舊點左杯熱檸水成今餐的句號店舖本身冇洗手間設備~要解手的話就要去商場的洗手間...要行好遠啊~~陰公~~

泡菜豬肉炒飯飯粒分明，但見油膩，似乎都係炒完先倒落去，冇飯焦泡菜酸辣味香濃，飯粒沾醬撈到好均勻，唔會太辣豬肉入味不韌，味道還可蛋煎得香口脆底，蛋黃半熟不錯野菌牛肉炒飯個賣相hea左d喎……睇個樣都知係炒好倒入去架啦牛肉粒唔多，偏瘦，菇菌都唔太多炒得香口，粒粒分明，同埋呢個冇泡菜果款咁油

同事LAST DAY, 可惜又要OT咁夜,唯有去味千拉面食啦 !!由於差唔多九點, 只係食拉面算啦 !! (唔敢食咁多喎 )我地叫左北海道帶子拉面，蒜片豬軟骨拉面 (走青多蓀片)講下拉面先 :北海道帶子拉面 -- 除左帶子仲有叉燒2片, 叉燒....我覺得幾(鞋),反而入面的菇菇就好JUICY喎 !!湯底我覺得好濃...好咸.....蒜片豬軟骨拉面 (走青多蓀片)果然蒜片好多 <--- 正呀 !!豬軟骨係當晚最好味的,有3大舊, 份量都幾多,可惜湯底都係過咸...兩碗拉面湯底唔同的, 北海道個碗湯底會淡少少.服務都幾好, 加水都好快手~不過無乜驚喜...期待下次會有驚喜啦 !!!

一路都有很多不好的傳聞關於味千拉麵，但其實食完之後我又覺得唔差喎，咁當然味道唔可能同那些日式拉麵鋪作比較啦。行完街去食野，店不大，但居然唔使點等位，等左大概三分鐘倒。坐位很迫，差唔多貼住隔離位坐，連轉身都有難道。侍應好快送上茶同餐具，幾好禮貌。友人叫的套餐A，北海道帶子拉麵，蟹籽沙律，再加百氏一罐。拉麵賣相當然沒有menu上好睇，但味道唔差，而且足料，帶子幾爽口。沙律醬同青瓜一早撈好，無沙律醬味，青瓜絲亦唔新鮮，不合格。另外單叫了一碗味千拉麵，呢碗麵名真係無特色……叉燒幾片，木耳絲，蛋半只，配料少許咁，湯底好濃，麵身夠硬身，叉燒軟腍，好味。雖及不上某些拉麵鋪，但這個價錢我收貨了。有機會，想試下呢度嘅沾麵，見隔離枱好似幾掂咁。

下午四点左右去德福的味千食下午茶明明餐牌上下午茶配汽水问一位店经理是不是有配饮料经理反复说没有配面都吃了一半看到旁边桌都有汽水再看餐牌确实 是下午茶套餐配汽水拿餐牌指给经理看他才改口说有汽水配行为极其恶劣!!!旁边一桌四位说普通话的食客点餐完毕店员也没有拿给他们应配的饮料我们故意坐了很久想看他们会不会也没有饮料一直到我们吃完离席店员也没有送饮料给他们拉面也很差偷工减料分量少得可怜一碗拉面端上来只有一点点面,半个卤蛋,三片豚肉,一点点芽菜和木耳丝就这种服务态度和分量竟然还收加一以后再也不会去了!!!

幸運地贏得「暗中作樂2012」門券，恰巧太座有舊同學聚會，我唯有約小妮子同往，入場前先去吃晚餐。來到九龍灣德福商場，問小妮子想吃啥？她說想吃湯麵拉麵之類。因聲演會場地特別關係，遲到不得入場，一見到這間拉麵店，不作他想，父女倆立刻衝入內，隨便點了重點推介的沾汁麵和元祖味千湯拉麵。等吃期間，聽到經理和廚房大聲責罵、命令、吩咐的聲音，也許是廚房不對，但絕對不可以騷擾到客人，還有小妮子留意到，服務員沒有主動奉茶給我們，要問才拿來，稍為不週到。約等了八分鐘，小妮子的元祖麵來了，有紫菜，兩片日式叉燒，筍和半隻蛋。湯底有很濃烈的蒜香味，麵質也不錯，頗彈牙，蛋是全熟，不吃也罷。不久我的沾汁麵也來了，用一隻淺碗載著闊麵條，有些筍，半隻溫泉蛋和兩片日式叉燒，而湯是另上的，一碗熱騰騰的深啡色湯，湯面浮著一層油，湯裏有些冬菇碎，味道很濃，因趕時間，不分由說，將湯傾入麵中，麵條給湯的滋潤，入口容易，味道亦好，兩片肥叉燒最可口，入口即溶，肉味香，但麵的份量不多。

自從Ikea搬左去Mega Box之後，一個人響德福食野變左好大的問題，尤其唔想食炸雞或者漢堡包的時候。個心又想食拉麵，就去呢間。我去到餐廳已經接近三點，間餐廳無乜人，入到餐廳總算有人招呼我侳。坐底左之後立即叫野食，見到有個女侍應，我明明坐響佢前面，舉高左隻手。點知佢就望下左邊，又望下右邊，成四五分鐘係望唔到我，其他人都唔知閃哂去邊度過。直到另一個侍應伸左半個頭見到我，話轉頭過黎，女侍應聽到同事把聲，先至發完夢行黎同我落單。要左碗豬軟骨拉麵。過左一陣碗麵終於到左。點知碗麵真係離哂譜，四個字形容就係：偷工減料！麵的份量明顯少左；豬軟骨兩件咁大把，一大一細；一小撮芽菜同埋木耳絲；竹筍都慳返。想拎蒜粉調味，先發覺全場的檯都無哂，明顯係不再供應。不足五分鐘，成碗麵已經食哂，但係仲未食飽，但係已經唔捨得再買其他野食。見住張單仲要收加一，咁的服務態度同質素，仲咁厚面皮夠膽10%服務費！早知去7仔沖杯麵好過。以後都不會再去。

放工約左好友九龍灣行街街,想食宜家傢俬既凍蝦但又懶得去mega box(好地地搬咩鬼呀)惟有遊下四周有咩好吃的啦...見好耐無食味千,咁就鑽入去睇下佢有無進步到先~跟餐的煎餃子 賣相與味道一樣普通 仲要唔算熱(暖的!) 好在個餃子汁令到佢起死回生 如果唔係同我係超市買回家煎的差不多 算啦,跟餐的我都唔會奢求些什麼 叉燒拉麵 豬骨湯底幾香幾濃 叉燒是薄薄的 麵質都算彈牙 配菜下得重手 總知正正常常 保持水準無失手啦~辣牛筋拉麵辣牛筋十分十分十分夠味 入口即溶 仲要大大件絕不欺場 即時令我對味千加番唔小分 芝士年糕呢個就出晒事喇 一出場已經唔夠熱 芝士味淡到真係要細味先feel到 煙煙韌韌 食食下以為自己食緊香口膠整體都算可取,價錢唔貴,我會為牛筋再黎的

..其實平時好少去味千食野..不過當食到無咩好選擇, 見到有味千又會好自然想再去食下...今次試左佢個新出品蒟蒻冷麵, 蝦餃子拉麵同埋一個小食炸軟殼蟹...真係估唔到佢個冷麵真係幾好味, 又唔會放得太多麻醬好滯咁..至於個蝦餃子拉麵都ok啦...最唔得就算係佢既小食炸到油淋淋都唔似有軟殼蟹咁...食左一小件就放棄.不過此店既環境就麻麻, 地方細D位又好迫..唔算令人食得舒服.

以為德福開左味千之後第日有多d選擇啦... 點知唔係既 .. 同男友係呢到食 .. 一入到去 .. 就覺得好迫 .. 因為佢d 位真係好埋 .. 唔鍾意 叫左蕃茄同豬軟骨拉面 + 蒜片炒雞腎 .. 我覺得同apm個間比冇咁好味囉 .. 麻麻地啦仲有既係 .. 佢d 服務態度好差囉 .. 個個都好似唔想serve 你咁 .. 又木口木面 .. no next time ~~最後就係 .. 佢唔收卡嫁 =o= 所以要食既就準備cash啦

一行兩人到此食晚飯, 同事叫了一個新既"大粟拉麵", 而我就叫了豬軟骨定食。因同事仔要趕返公司, 只有一個鐘食飯, 可惜野食就遲遲未出, 真係比較慢~!!!! 同事仔經過千呼萬喚後, 大粟拉麵終於出場~~~~~外邊是粟米, 成條咬得個隻~~~裡面是墨魚肉, 同事仔說很香粟米味~!!!我既豬軟骨定食, 豬軟骨不夠淋身, 有D硬, 飯亦不見得很好吃, 湯是一般麵鼓湯, 我有點失望囉~~~~~~

不約而同地與同事在腦海中閃出”拉麵”二字,就二話不說…決定了放棄媽媽預備的愛心飯盒外出用膳!我知這樣不對…但天公生氣得下起大風大雨,未免太殘忍了吧T^T最後我們只好”死死地氣”回公司吃那本被遺棄的飯盒,飯盒…你高興la…我跟同事就帶著失望吃呀吃……吃到歪了嘴…下班了,”拉麵”心情仍久久不能平伏! 就拉著陪我回家的伴侶, 無端走去吃拉麵!味千拉麵我真的很少吃,記憶中吃過四次,但有三次都是吃南瓜拉麵呢!(因小妹很愛吃南瓜!!!)今次來個新突破,點了味千拉麵的味千拉麵,而他則如常點了蒜片豬軟骨。我的味千拉麵看起來比他的較細碗,看起來比較美!不知道是否師傅煮得不夠耐,還是味千拉麵轉了麵質,麵幼而且偏硬,但那三片豚肉片真令它添回不少分數!味香濃而軟滑,與淡香的湯底配合得ok!而蒜片豬軟骨拉麵,我嘗過那湯!真比我的濃多了,亦很香,但我怕口完會有口氣呢!哈哈!我不會叫一碗!XDSo Far...湯夠熱, 味道適中...對味千來說已很不錯了...但這價錢,可以有更多更好的選擇呢突然想吃...就是這樣了...p.s. 味千d紙巾印得何奇差!!!!