味之時計台 (已結業)

新商場地庫設置美食廣場及一家拉麵店，美食廣場的座位向來不太舒服，順理成章選擇拉麵店。從門口看來店子面積不算大，原來內裡轉角又有座位，第一觀感是這家麵店很適合獨自來吃飯，可以選擇在轉角那邊不太顯眼的位置用餐，而且店裡還有一字排的面牆高腳桌椅，單身汪之選🤣選了豚骨鹽味叉燒拉麵，何謂豚骨鹽味湯底? 不太明白如何體現鹽味的特性，因為本來湯底就是咸的，至於豚骨湯味道也沒體現出與大眾有別，不過味道不俗，而且喜歡它不太稠的質感，不會太快膩，但親測喝一半以上還是會膩的😅值得一讚是紫菜很香，我把它放湯裡一下子立刻撈起，即使全片濕透香氣猶在。豚骨鹽味叉燒拉麵$89，餐單上還有一款價值$82的豚骨鹽味拉麵，七元之差目測是少兩片叉燒。區區七元，我看還是多要兩片划算，但其實三片已經足夠，第四片是勉強吃下。兩人來吃的話，一碗四片，一碗兩片，二人分着吃最划算。叉燒肥中有瘦，我愛吃偏肥的，不抗拒膏脂多，但是肉的部份稍欠彈性，有點像精製肉類的口感，還好叉燒膏脂較多，挽回了口感。味道中規中矩，油脂香弱，但是依然達到平均水準，只是未見過人之處。這種彎彎曲曲的拉麵是我最不愛吃的，我覺得它像車仔麵的油麵多於拉麵，彈性大得稍有失

完全不值價錢，雖然是日本名店，全無靈魂。湯味肥膩而非肥厚，全無服務，在大排檔式的top地下竟然還要服務費。旺角咁多野食，不會食第二次。非常失望。好油，但又無好味道，食完好口乾。

特濃蝦湯醬油拉麵- 橙紅色的湯上有大量櫻花蝦乾，碗邊有一圈泛橙色的蝦油，亮麗芳香。勺起一匙呷下，蝦味濃郁，帶蝦油甘香及顯著的醬油鹹香，口味濃重，油潤微稠，上佳組合。若混入櫻花蝦乾同喝，蝦味倍增- 配菜有芽菜、青蔥粒、洋蔥絲、京蔥粒、椰菜絲、木耳絲。當中只有尚算清甜的芽菜、微辛的青蔥和微甜的洋蔥，能勉強做到平衡湯的油膩、麵的厚實感，但三者都不在最佳狀態，芽菜偏腍，軟賴賴地依附在麵條間；部分青蔥與洋蔥啤水不足兼煮得太久，變得腍甜。京蔥粒、椰菜絲及木耳絲更是冇乜味道，對這碗麵而言，可說是可有可無。這是一間來自日本的麵店，落戶香港後，相信執行者會緊跟日本的食譜，將應放的都放入麵中，可是，每樣食材在每道菜中，都應有其作用，並非加了就算。理解到蔬菜的質量，受多種外在環境因素所影響，不受烹調者所控，這時，就看廚師的功力了。富有經驗的料理人，必能分辨出蔬菜是否新鮮，當遇到逆境時，會審視情況，更改烹調手法，例如控制食材的生熟度從而調節色香味，又或果斷地轉用質素相對穩定的食材。一成不變跟足formula去做，實無死，但唔可能突圍而出，永遠做唔到Number One。能巧妙地運用知識與經驗，隨機應變，方為大

我地兩個人6點幾就到左，基本上間餐廳係空嘅，佢都唔比我地坐4人位，個位係角落，都幾逼下（但明明間餐廳係空的，直到我地走都未滿），而且啲位極硬。算啦，主要都係黎食野，滿心期待咁叫左濃厚蝦味噌拉麵，上得都幾慢，都係個句，明明冇咩客。黎到試下飲啖湯，係勁淡勁淡，比起蝦味，更多係咸，一啲味噌味都冇，完全談不上濃厚....冇日式嘅感覺，我自己係屋企煮仲好食過佢，仲要$95.....小食叫左炸雞，超乾超多粉、餃子就一般水準啦。完全冇驚喜，試一次就算。

因為用銀聯雲閃付有半價既關係，專登黎試下食。半價之後$4x-$5x一碗拉麵的確幾抵食！叫左個特濃蝦湯味噌拉麵，拉麵本身已經跟左溏心蛋，都幾好食。蝦湯聞落蝦味幾濃，不過飲落就無乜味。

T.O.P 底層食肆。蝦湯味噌拉麵🦐一上台已經聞到好香蝦味👅湯底好濃，搞到小編係咁飲，飲完都冇話好口渴。入面又有好多櫻花蝦仔，有誠意👍🏻原來呢個係北海道、札幌拉麵的特色，湯底會偏濃同咸，所以鐘意濃厚湯底的朋友請勿錯過。另外，又會有爽口芽菜同其他蔬菜，同埋啲麵係帶有彈性的波浪型麵，食落口感好好。上網search返呢間拉麵店麵原來係北海道拉麵的代表🤣好味🦐🦐🦐.P.S.  唔好飲乳酸梳打,中咗伏啊藥水味的好難飲🙄

本咯今次已經是第四，五次吃此店，因為時計台拉麵是咯最喜歡吃的拉麵店，假如計埋去日本旅遊時吃的，大概吃過差不多一百碗也不是誇張，而過去幾次，香港店的味道也很近似日本的，唯今天光顧，一吃便吃出完全走曬樣，上次仍有的香濃味噌幾乎變得淡而無味，完全跟以往兩回事，更莫説與日本的相比，由於咯每次也只點味噌拉麵吃，所以一吃便知道，如果你是打算吃回以往的時計台拉麵⋯ 怕且香港店要大大失望了，老實說，淡得不知所謂，完全不是時計台拉麵應有的風味，不香不濃，不吃也罷！

旺角新開左個大型商場T.O.P.，上網已經有好多人介紹呢到嘅美食，真係迫不及待要黎試試!! 係food court 行左一個round，見到日本過江龍 “味之時計台”，可能啱啱12點，時間尚早，暫時未有人排隊，所以就決定試左呢間先啦!!!呢到環境都唔錯，座位闊落，唔會好似一般拉麵店咁迫。我就點左豚骨醬油叉燒拉麵，上菜時間都幾快，大約15分鐘就送上! 叉燒比較肥，而湯底比較鹹，但曲麵麵質幾彈牙嘅，整體尚可，有進步空間!!

唔明點解啲人話佢唔好味，若果你點什麼櫻花蝦拉麵，咁唔洗問，全香港無一間會好味。基本上我每一次去日本，百份之90機會率，都一定去味之時計台，上個月得之來了香港，今天特登叫埋老婆一起試。果然沒令我失望，味道跟日本的是一模一樣。我點的是味噌拉麵，她點的是醬油拉麵。味之時計台的湯，口味是徧重的，湯的稠度適中，你能整碗喝下去的那種，另外過了4個小時也沒特別口渴，所以沒加什麼味精。面的軟硬道適中，叉燒半肥瘦，沒油膩感。下次可以再試鹽味拉麵，看看跟 梅光軒 那間比較誰高。

之前經過呢間鋪~ 見到餐牌好吸引~ 今晚終於搵到朋友陪我入去食~ 人唔多~ 環境好整潔~之後我地各自點左碗拉麵~豚骨醬油叉燒拉麵龍蝦鹽味叉燒拉麵我食豚骨~ 湯底唔錯~ 唔會過鹹~ 麵揀左硬~ 有咬口先夠煙韌~ 果幾塊叉燒~ 塊塊都唔同~ 過瘦既肉會好乾淨淨~ 多肥膏既肉先會夠淋~ 當然我都會盡量避開肥膏黎食~ 而溫泉蛋都整得幾好~幾鐘意呢幅壁畫設計~

今天路過旺角做點事，發現這間日本北海道開過來的味之時計台，說真的，真有點意外。因這一間拉麵在日本有相當時間，但一直都沒有在香港開店。既然遇到，第一時間就入去試試，我點的是招牌的味噌牛油粟米拉麵。這個比較特別的是味噌湯配新鮮的牛油，令湯底更香。牛油和粟米非常匹配。因為今天一個人用餐，只點了一個拉麵。但細看一下餐牌。裏面還有一個人氣的龍蝦湯拉麵。這個下次一定要試試看。另外其他的小食都很多選擇，有日式炸雞，叉燒炒飯，餃子。這些都是很地道的日本拉麵店小食。另外這裡還有朝日生啤。如果你喜歡的話，生啤配拉麵加炒飯，是不錯的選擇。新開張的店，店面很乾淨，感覺也是很光亮舒服。

7月去完北海道 食左杜如風介紹果間蝦拉麵 真係好重蝦味 所以就愛上左 好希望係香港搵到果個湯底呢間店有三款蝦拉麵 鹽味 醬油 味噌我地試左醬油同味噌睇相係差唔多樣 醬油其實係深色點 第一下都好重蝦味 因為佢有落櫻花蝦 不過食食下就冇咁覺蝦味 味道都係唔錯 唔會太咸 面非常多食到我地好飽😂😂

點了一客醬油叉燒拉麵，但湯的味道明顯被溝淡，麵和湯完全唔夾，比一些本地的拉麵還要難吃。老實講，俾咁貴的價錢，只希望吃到日本的味道，但收咁貴的價錢，却不是日本的味道，不吃也吧。

見佢北海道名氣店，最近終於引入黎香港 就滿心期待黎食，結果失望而回。。。由reception 望入去都光線充足，但點知我地坐入面轉灣位就沉左 冇禁光，感覺好似着重出面裝修而冇多花心私理埋入面。特濃蝦湯味噌湯拉麵 ($95，要加一），第一啖湯都好味，有蝦味 (全碗都有唔少蝦乾仔），但食食下就覺得有啲喊 😑😑同行點豚骨鹽拉麵，評價都太咸了。。。麵硬度適中，唔使特別指明要硬麵；叉燒都還可以；但唔會再有想光顧嘅意欲。。。

📍旺角📍北海道人氣拉麵⁉️其實嚟之前都無抱太大期望，但本住一試無妨就嚟try try佢🌝menu上面有個叫辛辣味增拉麵同辛辣味增叉燒拉麵，原來只係兩塊同四塊叉燒嘅分別🤣我就要咗兩塊就算，怕食唔曬，但真係好普通。。。😫如果咁嘅價錢嘅拉麵實在有其他嘅選擇，因為佢所謂嘅辣，係拉麵還拉麵，湯底還湯底，完全唔係融為一體，成件事係分開咗🙈特濃蝦湯味噌拉麵都係一樣👉🏻👈🏻只能說佢嘅價錢無反映出佢應有嘅質素😟所以整體有啲失望💔