味之亭網燒食堂 (已結業)

今日帶女女去青衣城玩，商場入面整左個小朋友障礙賽的玩意，女女玩到唔捨得走。玩到餓我們就去了商場內的味之亭食日本料理，叫了個蒲燒鰻魚定食，有湯有飯，還有沙律菜同前菜，另外還點了清酒煮蜆，芝士年糕，雞翼，燒蕃薯等小食，飲品則點了凍柑桔蜜。同女女2個食咁多野，真係豐富，大滿足。鰻魚夠肥美，份量都ok。燒蕃薯好好食，蕃薯本身好甜又夠霖。呢度佈置得幾有日本氣氛，同女女2個人坐4人卡位，好闊落舒服。店員都好有禮貌，原本每個定食送一球da dolce 意大利雪糕，但店員姐姐都多送一球比埋女女食，雪糕係薄荷朱古力味，味道好清新。