味一食堂

营业中

休息中

跟好姊妹👭去做facial💆‍♀️之前先去食個簡單晚餐，在銅鑼灣登龍街見到「味一食堂 Yummy House」門面光猛簡潔，就入去試下😊餐廳內裡裝潢以日式簡約設計為主，環境舒適，坐得也舒服，主要提供多款定食例如咖哩飯、烏冬、意粉、丼飯等，總有一款合你口味😁海老穴子沙𩺬魚天婦羅定食 $118這個定食🍱包括前菜、蟹肉蒸蛋🦀🥚、鹹菜、白飯🍚及味噌湯，更以優惠價$18加配了蜂蜜青檸梳打🍯🍋‍🟩🥤天婦羅有大蝦🍤、穴子🐟、沙𩺬魚🐟及茄子🍆，穴子肉質綿密細嫩帶微甜，沙𩺬魚肉質清爽，整體天婦羅口感酥脆不油膩，吃前蘸一點秘製的天婦羅醬汁，味道微甜，非常惹味🤩鹿兒島產黑豚肉稻庭烏冬 $98定食🍱包括前菜及小食，我同樣以優惠價$18加配了白桃梳打🍑🥤😊小食是香脆可口的日式炸雞🐔，黑豚肉以薄片涮煮🐷，肉質鮮嫰，口感嫰滑，份量足夠，配料還有海帶及魚板，配搭煙韌軟滑的稻庭烏冬🍜及清甜的醬油湯底，非常惹味🤍

趁休息日，與家人一同到銅鑼灣逛商場，逛累了又肚餓，便建議家人到位於登龍街〈Yummy House味一食堂〉吃下午茶。第二次造訪此食店，喜歡食店舒適環境和美味食物。食店裝潢簡約，牆上掛著日本風景圖畫，白色花紋圖案吊燈，播放著本地音樂。我和家人各自點了一份定食，除了定食，還有麵、丼和意大利粉等等。這兩份定食都是食店推薦，分別是銀鱈魚西京燒定食及日本產黑豚生薑燒定食。銀鱈魚西京燒定食配奶茶～第一次造訪此食店，與朋友一同吃晚飯。朋友點了銀鱈魚西京燒定食，把銀鱈魚分了一半給我吃，就對日式烹調銀鱈魚念念不忘。因為我大力推介銀鱈魚，所以家人接受我的建議，點了銀鱈魚西京燒定食。家人欣賞銀鱈魚肉質滑溜，連魚皮也煎得香脆可口。奶茶有別於茶記奶茶，較滑溜香醇，奶味香濃。日本產黑豚生薑燒定食配熱檸水～日本產黑豚肉片份量多，半肥瘦，配洋蔥、生薑和醬汁等調味料炒，惹味又保留肉汁鮮甜，食店貼心以椰菜絲拌菜，讓食客有均衡飲食。飯後一杯熱檸水，有助消化剛才美食。兩份定食還包括醃青瓜、沙律、牛蒡紅蘿蔔絲、白飯和味噌湯。我們特別欣賞牛蒡紅蘿蔔絲，其幼嫩無渣又爽口。

兩個定食，都有前菜、沙律、白飯、味噌湯、飲品 -1）鹽燒日本秋刀魚定食秋刀魚等咗都幾耐，可能要即場燒，條魚好纖瘦，味道正常，整個定食的份量都較少，所以只係六成飽，符合而家健康指標😆2）日本產黑豚生薑燒定食黑豚生薑燒都係正常發揮，抵讚嘅係好多洋蔥，份量都中規中矩，朋友話夠飽，唔通減肥中？😅呢間食堂都算新開，但係啲飲品杯周邊已退色，奶瓶已經崩爛，好奇怪，真係要多注意。銅鑼灣嚟講，呢個價錢算係實惠，環境舒服，可以一試。

放工去睇《哈利波特》，順便行下誠品，行到肚餓之際，竟然俾我發現咗 Yummy House！主打日式定食、拉麵等，價錢比想像中親民，絕對係銅鑼灣罕見的高性價比之選！1）銀鱈魚西京燒定食 $128平時喺屋企煮銀鱈魚，成日覺得有腥味，但呢度完全冇！魚肉滑嫩，配上甜甜地嘅西京醬，送飯一流。定食仲包湯、蒸蛋等配菜，最驚喜係蟹肉蒸蛋，滑溜又足料，食完超滿足！2）鹿兒島黑豚肉烏冬 $98唔想食飯可以揀烏冬，黑豚肉細嫩唔韌，湯底加七味粉，甜辣交錯，好飲到唔捨得停。配菜仲有炸雞，外脆內嫩，多汁唔乾，真係有驚喜！📍整體而言，喺銅鑼灣呢個價位，食到咁高質素嘅日式料理，真係抵食又滿足！下次再去睇戲或行街，不妨一試～

好耐冇出銅鑼灣，出城就同朋友去左一間日式定食小店。兩個女人仔真係食唔到太多嘢，呢個定食多款式之餘又唔會話太大份，最重要係性價比真係超高，除返開每位都只係$150都唔使！🤭✨💙鹿兒島產黑豚肉稻庭烏冬肉質鮮嫩，脂肪香濃，麵條滑順有嚼勁，湯頭清澈鮮美，完美融合，讓人回味無窮，是一碗令人滿足的美味！💙海老穴子沙追魚天婦羅定食沙追魚炸得啱啱好，而且唔會好腥。海老天婦羅外皮酥脆，內裡鮮嫩，海老甜味恰到好處，搭配清爽蔬菜，醬汁提升風味，真係超正！💙兩個定食套餐都附有前菜、蟹肉蒸蛋、鹹菜、白飯、味噌湯及飲品，唐揚炸雞都好正，出邊炸到有少少脆脆地，入邊個雞都係好嫩口，蟹肉蒸蛋勁滑！💙套餐包嘅飲品，我哋叫咗乳酸梳打同巨峰提子梳打乳酸梳打: 清新爽口，微酸中帶甜巨峰提子梳打: 果香濃郁，口感圓潤，兩個都係消暑之選！

今日我同朋友去咗一間位於銅鑼灣嘅日本餐廳，叫佐佢哋嘅套餐，等我同大家介紹一下海老穴子沙追魚天婦羅定食天婦羅嘅外皮金黃酥脆，咬落去真係有種爆炸式嘅口感。首先，蝦嘅鮮味真係一流，肉質彈牙，完全冇腥味，配上少少鹽，味道更加突出。接住係穴子佢嘅肉質滑溜整個定食仲有一碗熱熱嘅味噌湯，湯底清甜，配搭一啲豆腐同埋海帶，真係提升咗整體嘅味覺享受。鹿兒島產黑豚肉稻庭烏冬呢個黑豚肉由鹿兒島嚟，肉質真係超級嫩滑，脂肪分佈得好均勻，咬下去冇一絲油膩感，反而帶有濃郁嘅肉香稻庭烏冬嘅麵條就係另一個亮點，佢嘅麵條細膩又有彈性，食落去完全唔會黐牙。加上濃郁嘅湯汁

係銅鑼灣行完街，見到依間日式定食🍱裝修好日系簡約，淺木色系嘅裝飾，比我嘅感覺好舒服而且好多卡位😍岩哂帶住蝦米妹，蟹籽仔嘅我📍@yummyhouse21101152🍱咖喱吉列美國豚肉定食👉🏻豚肉係厚切👉🏻炸得好香脆，豬扒軟嫩👉🏻好juicy ，食起上嚟唔會好乾/油膩👉🏻咖喱香濃，但唔算太辣🍱燒牛舌丼👉🏻飯粒吸收哂香甜嘅醬汁，食得非常過癮👉🏻牛舌嘅份量都唔少🍱銀雪魚西京燒定食牛肉照燒定食👉🏻魚肉油脂豐富，且嫩滑👉🏻燒得岩岩好，外皮香脆👉🏻鹹中帶甜，好有層次🍱牛肉照燒定食👉🏻 牛肉切片，厚薄適中👉🏻經過特製嘅照燒醬煮製，甜咸適中我哋跟餐仲加咗幾款小食，都幾好食🤤🍱七味炸手羽🍱唐揚炸雞🍱枝豆📍 味一食堂 (銅鑼灣)銅鑼灣登龍街1號金朝陽中心二期地下A號舖#探店 #銅鑼灣美食 #銅鑼灣 #日式 #定食 #日式定食 #假日悠閑 #拍拖好去處 #chill #香港媽媽 #blogger #吃喝玩樂 #foodie

🇯🇵銅鑼灣經濟實惠嘅日本定食舖頭😌先叫咗一個鹿兒島產黑豚肉稻庭鳥冬🍜最近都好鍾意食烏冬，啲烏冬係手工製成，麵條扁平光滑、口感柔韌帶嚼勁，係我鍾意食嘅口感😗😗黑豚肉以薄切涮煮，仲有小丸子同埋紫菜🐷湯底係濃郁既醬油基調，飲得幾舒服🤎另一個餐叫咗🍽️海老穴子沙追魚天婦羅定食一個定食都有好多配料🍱有個滑捋捋嘅蟹肉蒸蛋、湯、同埋漬物🍲另外仲可以加幾蚊配有凍熱飲基本上每款天婦羅都有兩款🍗有兩大隻蝦，天婦羅酥脆外衣包裹彈牙既蝦肉🦐有茄子，份量好多🍆另外嘅重點就係魚，有星鰻天婦羅，口感係好綿密細嫩🍗🐠另外仲有細長既銀身魚，肉質清爽帶微甜，天婦羅保留其鮮度並增添酥脆感～🐡食埋碗飯就飽飽

🛍️今日銅鑼灣行街行到攰攰地，梗係要搵間好嘢醫肚！同老公喺街頭兜兜轉轉，最後揀咗「味一食堂」是一間日式定食小店，簡約溫馨，坐低就感覺到陣陣和風味。我叫咗銀鱈魚西京燒定食，魚肉油脂豐富，燒得啱啱好，外皮微焦香脆，配上西京味噌醬，鹹香中帶甜，好有層次。配菜同白飯都好有誠意，唔係求其交功課嗰種。老公就揀咗咖喱吉列美國豚肉定食，豚肉厚切但唔韌，炸得酥脆唔油膩，咖喱香濃但唔會太辣，每啖都好滿足！味一食堂 (銅鑼灣)銅鑼灣登龍街1號金朝陽中心二期地下A號舖

今日約朋友出time square, 求其想搵個dinner就揀咗呢一間喺登龍街嘅yummy house, 第一因為佢位置好方便，第二就係我哋咩都唔想諗淨係想坐低傾吓偈食得飽，一餐定食啱啱好，結果我哋每人嗌咗一個定食，我朋友食銀鱈魚定食around $120~ 我就叫咗個泡菜豚肉定食around $88~~ 本身諗住食少少少，但係都比我食晒，定食入面有一碗麵豉湯，蒸蛋，主菜加飯，同埋少量酸菜配菜～成set啱啱好遇着咁啱食食吓落大暴雨，六點幾入嚟，結果差唔多九點先走，因為真係大雨到走唔到，店員唔單止冇詐型，臨走之前仲好細心話使唔使坐多陣呀？出邊好大雨！立即+1百分！呢啲先係窩心嘅服務態度不過我哋坐咗咁耐都唔好意思～多謝你哋比我地坐咁耐避雨

最近我去咗銅鑼灣嘅Yummy House，呢間餐廳環境舒適，服務態度亦都幾好，讓人感覺輕鬆自在。今次我試咗佢哋的海老穴子沙魚天婦羅定食，真係好正！啲天婦羅外脆內嫩，特別係海老，鮮甜得來又唔油膩，完全俘虜咗我嘅味蕾。沙魚炸得啱啱好，肉質滑嫩，真係好好味。我朋友點咗銀鱈魚西京燒定食，佢話魚肉甜甜地、滑滑地，搭配白飯食，簡直係完美組合！而且，佢哋嘅味噌湯同沙律都唔錯，味道清新，讓人食得開心。Yummy House嘅定食質素高，價錢又合理，真係好值得推薦。如果你喺銅鑼灣附近，想食一餐美味嘅日式定食，記得唔好錯過呢間！

銅鑼灣，很久沒有去的地方。今天，朋友邀請到一間日式簡約的食店用餐。這間食店位於登龍街《yummy house 味一食堂》 ，落地玻璃，看見食客吃得津津有味。我和朋友各自點了一份定食和一杯飲品。銀鱈魚西京燒定食 + 熱檸水父母喜歡吃魚，銀鱈魚味道並不陌生。第一次吃日式烹調的銀鱈魚印象很深刻，大大塊的銀鱈魚放在精緻的碟上，用上竹葉、蓮藕片和醬料，賣相非常吸引。魚外層不但煎得金黃香脆，又保留銀鱈魚魚肉香滑，吃出魚的新鮮。定食還包括前菜、醃菜、蟹肉蒸蛋、白飯和味噌湯。前菜有牛蒡、魔芋、紅蘿蔔等，最鍾意吃日本米，味噌湯略嫌有點鹹。蟹肉蒸蛋滑溜，唯有點鹹。海老穴子沙𩺬魚天婦羅定食 + 熱檸水海老/穴子（星鰻）/沙𩺬魚（沙梭魚）天婦羅粉漿薄又炸得香脆，多吃也不會膩。第一次吃沙𩺬魚，肉質細嫩，味道清甜鮮美。一杯熱檸水是完美句號，消化剛才美食。用餐期間食客絡續不絕，顯示這間食店有一定的吸引力。😊

今次試咗銅鑼灣一間日式定食店嘅招牌菜，真係有驚喜！*銀鱈魚西京燒定食*絕對係必點之選，魚肉雪白細膩，表面微微焦香，一啖落去魚油同甜味噌嘅香氣同時爆發，配珍珠米簡直一流！ *海老穴子沙𩺬魚天婦羅*定食同樣出色，天婦羅炸得金黃酥脆，蝦肉彈牙鮮甜，完全冇油膩感；仲有少見嘅沙追魚天婦羅，魚肉保持到juicy，蘸上特調天婦羅汁更加提鮮。定食跟配嘅味噌湯用真昆布熬製，漬物爽脆開胃，成個set夠晒豐富。 講到環境，餐廳走簡約和風路線，原木色調嘅裝修配柔和燈光，座位寬敞舒適，令人好放鬆。服務方面，店員態度親切有禮，上菜速度快之餘仲會細心講解食法，整體體驗非常愉快！ 呢間絕對係銅鑼灣區高質日式定食之選，無論係lunch定晚餐都咁適合，一定會再訪！

【銅鑼灣打工仔飯堂！$78親子丼定食性價比超高🍳】 今日同同事去咗銅鑼灣「味一食堂」食晏，試咗佢哋嘅滑蛋煮雞肉定食（即係親子丼啦～），真心覺得抵食！💰 $78有齊沙律、麵豉湯同漬物，喺銅鑼灣呢個地段算係良心價，仲要份量唔hea㗎！ 首先講主角親子丼🍗，滑蛋煮得啱啱好，半熟狀態撈埋雞肉同洋蔥，蛋汁滲透晒落飯度，一啖飯一啖蛋真係好治癒～雞肉用咗雞腿部位，嫩滑得嚟唔會「鞋口」，醬汁甜度適中，唔會太鹹或太膩。不過如果蛋可以再多啲就完美啦！😋 跟餐嘅沙律🥗新鮮爽脆，麵豉湯唔會死鹹，仲有少少海帶同豆腐粒，飲完暖笠笠。漬物就普通啲，但當作開胃小食都OK～整體嚟講，呢個價錢有齊咁多嘢，性價比真係高，尤其適合打工仔lunch快靚正！ 唯一要彈嘅係餐廳細細間，lunch time要等位，建議12點前或者1點半後去會舒服啲～ #味一食堂 #親子丼 #滑蛋雞肉 #銅鑼灣美食 #打工仔飯堂 #平價定食 #日本料理 #香港美食 #lunch推介 #抵食之選 #蛋料理 #雞肉料理 #日式定食 #食評 #香港餐廳 #銅鑼灣搵食 #美食分享 #香港好去處 #食好西 #foodiehk

Yummy House 味一食堂位於銅鑼灣登龍街日式餐廳，日式簡約風，采用素凈暖調木色系，木系檯凳、牆，搭配柔和淡黃燈飾，感覺平靜和諧，環境寬敞明亮舒適。是日有多款晚市套餐定食選擇。銀鱈魚西京燒定食：銀鱈魚以白味噌醃製後烤至魚皮焦脆香口，油脂豐富，表面油亮誘人，肉質嫩滑，搭配日本珍珠米，如花般蓮藕裝飾，視覺味覺雙重享受。海老穴子沙𩺬魚天婦羅定食：每樣都有雙份，還有秋葵天婦羅，分量頗多，朋友慷慨分享。薄薄的麵衣炸至金黃酥脆，海老鮮甜彈牙，穴子肉質細緻，沙𩺬魚軟嫩，入口微脆，一點都不油膩，非常美味。定食附送前菜（醃製微甜爽脆牛蒡、鮮甜紅蘿蔔、爽口魔芋）、鮮甜嫩滑蟹肉蒸蛋、爽口下飯醃菜、飯味濃珍珠米飯、味噌湯，加$5有杯熱檸檬水。配菜雖量少但多樣化，都幾豐富啦！味一食堂 (銅鑼灣)銅鑼灣登龍街1號金朝陽中心二期地下A號舖