味一食堂

营业中

休息中

食之前純粹睇門面，覺得價錢同埋裝修都唔錯，就入咗去食，食完先發現原來啲食評咁差🤯變成親測$78 態度極差日式餐廳！唔知係咪上網一面倒，話佢哋嘅態度勁差啲嘢好難食，未入門口之前，個侍應已經超級好招呼，當日full哂，連兩個人想坐四人位都比🫣試咗佢哋嘅最平set dinner $78 「滑蛋煮雞肉定食」如果唔係想測試一下，我諗我就未必會揀，首先雞肉煮滑蛋唔係幾match，但係都唔係衰到貼地，最少調味都幾正常！唔難食，純粹唔match😂「燒鰻魚丼定食」就係普通攞貨嘅質素，有兩大條，正常對得起住個價錢！set dinner有齊：前菜、蟹肉蒸蛋、咸菜、白飯、味噌湯，全部嘢都冇乜揸流攤算係咁！飲品都唔算貴，凍飲、熱飲、特調都有得選擇！✦ 滑蛋煮雞肉定食 $78✦ 燒鰻魚丼定食 $118+$5 熱飲+$8 凍飲

昨日去咗yummy house 食定食，超鐘意餐廳設計。他有好高樓底，餐廳中閒是梳化，坐得舒適。其實呢間餐廳令到我最舒服嘅就係佢嘅裝修，而且價錢一d都不貴。西京燒定食$128，淨係坐喺度都已經好舒服。其他1人餐都是$100 樓下，真心覺得抵。🥢 銀鱈魚西京燒定食銀鱈魚外焦內嫩加日本🇯🇵米飯🍚✨和茶碗蒸 ☺️🍤 海老穴子沙追魚天婦羅定食外脆內嫩天婦羅，海老鮮美🥗💖，他的飯好似比西京魚定燒多啲。🍹 蜂蜜青檸梳打🍋💦🍇 巨峰提子梳打🥳🍇味一食堂無論是美味還是擺盤，都忍不住想打卡📸✨ 強烈推薦給喜愛日式料理

呢間餐廳去過好多次，次次食lunch時間都要排晒長龍，排晒長龍都要去食😉 佢地D定食好好味，今次我試佢燒牛肉稻庭烏冬set🍜，有一碟雞，一碟沙津同配菜，不過不失我自己覺得佢地定食好食好多燒牛肉丼set🥩外層微焦帶炭香，內裡柔嫩多汁！醬汁鹹甜適中🤤，一碗麵豉湯，前菜一碗咖哩吉列牛肉漢堡定食🍛肉質厚實多汁，搭配日式濃郁咖哩醬，辛香中帶有微微甜味，完美平衡炸物的油膩感

銅鑼灣登龍街美食雲集，經過登龍街見到yummy house門內坐滿食客，便進去試試他們的晚餐。餐廳是日式和風套餐為主，餐廳裝修不錯，但座位位置有少少迫。食物套餐選擇多，亦可加購小食。我和先生分別點了咖哩吉列牛肉漢堡定食，銀鱈魚西京燒套餐，另加了兩個小食三文魚鮫鰭，炸雞肉丸。漢堡定食的咖哩有點淡，但吉列漢堡是鮮炸，很脆口。銀鱈魚套餐不錯，是傳統西京燒的味道。三文魚小食一般，味道較淡。炸雞肉丸反而不錯，上桌又熱又有肉汁。整體正常發揮，以在銅鑼灣地段來說，價格不高，cp值可以。

收service charge但沒有service可言唔想加水/茶不如直接唔好提供話說今日晚試同老公兩個諗住行完街搵間坐得舒服D, 見呢間環境好似唔錯就入咗去一開始叫完嘢食想要兩杯熱茶，感覺還好咁問要熱水定熱茶，食到一半想加茶，有個四眼男示意但問都唔問就求其加熱水，之後食完再加多次時，四眼男已不滿仲有點晦氣講「得啦！加水嘛」，唯有答「熱茶」！真係好似之前D食評咁講後悔無睇就入咗去食食物一般 但食完覺得好唔值

好奇怪，侍應沒有笑容，只有他們在互相說話聊天時才會露出燦爛笑容，食物一般，不過不失，這可以解釋為什麼港漫人要北上消費，香港又貴又唔好食，服務態度又差，有時候好難明白老板為什麼會容許這樣的服務？為自己倒米

Lunch經過見新開試下 裝修幾靚咁～前面有兩個人排緊 我同朋友都係兩個人 waiter哥哥話4人卡位要搭檯 我地同前面都唔想搭咁繼續等啦 等左一陣其實後面都無人 點解都唔比我地坐呢？睇番價錢其實都成～$100一個 洗唔洗做到好似茶記咁lolWaiter係門口話無晒有牛嘅野（我本身想食牛舌飯），咁入到去落單就揀咗另一樣嘢啦，點知轉頭見到隔籬枱遲過我嚟，但嗌到牛舌飯？忍唔住問下餐廳，個同事話只係冇晒牛肉，牛舌係仲有 lol 但當時我點嘅野食已經到咗，佢有Offer問我要唔要換番，我話唔洗啦～講番野食，嗌咗個鰻魚飯+天婦羅稻庭烏冬，兩樣都普通，稻庭烏冬係唔彈牙（咁都可以fail)。見隔籬枱嗌意粉同咖喱飯嗰啲份量好似幾大（唯一可取？）埋單$200 兩個人，麻麻地應該唔會再食～

話說又來到銅鑼灣附近辦事，難得可以出來食食飯飯，散散步步。行入去時代旁邊，權發那條街好多野食，看到已經下午茶時間，還是有不少的人，所以走走停停。看到這間日式，想想都好久沒有吃吃，那就進去看看。安排了卡位，也說明了如果太多人需要搭臺，那當然沒有問題。坐下後都是掃Code下單，看到價錢，比想像中便宜，畢竟這樣的店和風格下午茶還是打工仔勉強接受。吃了勝利豬扒，發現豬扒肉有一定厚度，可惜肉有筋沒有處理好，口感一般，反而是配菜的醬那個咸度和菜很搭配，有點驚喜比較合港人口味。另外點了炸雞比，大家都知看到，都一定必點，最多吃不下帶走。跟一般店不用，用了珍寶腸調味的雞腿，皮有點飲鴨腿，這像是醃製比嗎？第一次吃這樣的肉質，如果一直吃會很膩，可惜老早吃完了薯條，那薯條是新鮮炸出來，是長薯條類，可以，就是茄汁就沒有自製，不是刀牌就是地妹味。留意，看了其他桌都沒有提供水杯，全是自己下單，要收加一。店名：味一食堂。地址：銅鑼灣時代附近。費用：下午茶合理銅鑼灣價，小高。如想看更多食評，在個人主頁點擊選，希望有金主課金支持，連優惠券也沒有QQ

如果想在銅鑼灣找個價錢親民又有飽足感的日式下午茶，這間味一食堂或者可以考慮一下。店內裝潢簡約明亮，以木質色調為主，座位都頗舒適。這次平日來用餐，發現下午2點半至5點半有 HKD 58 起的下午茶套餐，同時也有午市定食。套餐有點像港式茶餐廳的概念，但料理則是以日式風格呈現。雞扒雞湯拉麵配日本溏心蛋、日本豚肉腸、唐揚炸雞 (HKD 58)湯底溫和順口又不會太淡，麵條亦幾彈牙。滿意外溏心蛋會有一整隻，而且口感滑嫩，蛋黃也呈流心狀且很香濃。雞扒仍連著帶點焦香的雞皮，雞肉嫩滑但覺得調味稍為鹹了些。輕食拼盤有口感紮實的豚肉腸、肉質滑嫩的唐揚炸雞和吃落有點甘甜的燙菠菜。咖喱稻庭烏冬配日本溏心蛋、日本豚肉腸、赤雞肝醬多士 (HKD 58)烏冬不會煮到太腍，吃落還是彈牙的。不過咖喱比我想像中的偏辣一點。另外赤雞肝醬多士幾特別，鹹香味濃但多士如果可以再脆身些更好。套餐還包一杯飲品，點了熱檸水和咖啡。看著杯子真的覺得這間頗像茶餐廳，食物味道也是偏港式口味的。

不推薦的選擇。味道一般，環境尚可。價錢算優惠。但服務地獄級別差港式日餐的感覺，不太特別。但紅眼鏡男適應，服務態度好差。一開始我地有四個人，後面有一個不到。佢就單單打打，話甘有機會搭台。後面未食曬，冇問句就收餐。話冷氣有少少凍，佢大大聲話冇得教嘎wo。其實唔想做，可以翻屋企訓。未見做服務業可以態度甘差。燈籠街生意幾好都唔系甘做，仲好多人排隊，不會再考慮的餐廳。懶人如我都必須要打200個字出post講事實。好差

經過門口，見裝修幾好，餐牌又唔貴，即刻入去試吓，點左2個餐，日本產黑豚肉壽喜燒同埋溫泉蛋汁燒牛肉定食，其實豬同牛，都幾好味，可惜全部食物都唔咪太熱，係室溫，個湯太咸我就冇飲，都應該唔會再幫襯。

叫左一份燒牛肉定食88蚊，睇圖睇裝修十分唔錯，但係野食黎到嚇你一跳，份量少之有少，跟圖完全唔一樣，份量女士就應該岩岩好，再咬真啲，叉燒質地，只不過係貴價茶餐廳既牛肉質地，分分鐘仲難食過茶餐廳，食物真係配唔上價錢。我食晒唔係因為好食，係因為我十分肚餓。最好食係個茶碗蒸，但只限依間餐廳入面，真係一次都厭多，差啲想叫門口仲1516緊既人講唔好入黎中伏，不如去對面個間韓式餐廳食仲好。總結唔會再黎食，左右附近美食更佳。

明白生意難做，但使唔使咁難食。。。叫咗個照燒牛肉飯，諗住簡簡單單，點知連食緊咩肉都食唔出。同行其他人都係食個牛丼同咖哩炸豬排飯，大家都唔知自己食緊咩肉，牛唔似牛，豬唔似豬。唯一蒸蛋叫正正常常🥲 建議唔好係度嘥quota

我同朋友係登龍街諗唔到食乜嘢經過呢間餐廳俾佢裝修吸引左我自己叫左個咖喱吉列美國豚肉定食諗住炸豬扒難食都有個譜,結果刷新身左我個味蕾,未食過咁難食的炸豬扒飯,塊皮同豬扒係分離既,豬扒定豚肉好硬,跟住食到冰鮮肉味,搞唔掂朋友叫左三文魚定食,諗住都穩陣但條魚細到呢,話哂都過百元,直徑同一蚊差唔多味道有少少腥,跟住魚肉好實過老,嘥左條魚總結：中伏

8:30鐘到見冇乜人今日禮拜四，情人節前夕！啱啱同家姐去買完嘢，諗住有少少餓就食少少嘢先至返屋企啦，行過呢間裝修得似日系，睇落企理乾淨，價錢又唔貴，咪試吓囉，點知啲嘢真係唔得到呢？ 啲嘢食唔熱、只係微暖，個牛肉影相嗰陣時好靚一塊扒切開整整齊齊，點知嚟到嗰碟嘢但係兜亂，乾爭爭、食落嚡熠熠😡我家姐食咗個溫泉蛋日本黑豚豬肉飯，隻溫泉蛋係凍嘅，都唔緊要嘅，好多時溫泉蛋係凍嘅，但係冇理由黑豚豬肉都係凍㗎嘛！感覺就似係先預製響雪櫃解凍出嚟咁，完全冇靈魂，我哋一路食一路真係想喺個窗口嗰度叫啲人唔好入嚟食，麵豉湯鹹到根本飲唔到，成餐飯最正常嘅就係只係得個白飯同個蒸蛋。過去對面食個燒臘飯碟頭飯都好食過佢，起碼人哋啲嘢都熱辣辣！有陣時真係唔怪得呢啲人唔出街食飯，喺屋企求其煮個公仔麵都好食過佢啊！