呦呦鹿鳴布丁燒

营业中

休息中

葵廣係廣為人知嘅平民美食掃街天堂，行街買衫食嘢一個地方搞掂晒真係好方便。每次黎，都多左好多小食店，撈面、炸物、特色飲品，應有盡有。其中一間吸引我眼球嘅，就係呢間呦呦鹿鳴。小店舖面設計簡約開揚，仲有個別具藝文氣息嘅壁畫牆做打卡位，單係呢樣嘢已經啱晒我呢啲偽文青影相呃like。食物方面，呢度主打布丁燒，有熱有凍，口味選擇眾多，搞到有選擇困難症嘅我好掙扎！豆腐味、焙茶味、Bailey味、Earl Grey味，全部都好想試，但得一個肚，最後揀左兩個凍嘅Bailey同Earl Grey。布丁燒嘅Structure 基本上分為三層，最底係輕芝士嘅餅底，中間係吹彈即破，滑不溜手嘅布丁，面頭係焦糖。Bailey 嘅布丁燒面頭會再倒一層Bailey 酒，加重左奶味之餘，酒味又有解膩嘅感覺。由於Bailey味道比較出，而另一款Earl Grey 始終係茶味，清新但味道相對比較淡，所以顯得較為失色，不過其實佢Earl Grey味係非常足夠，如果你係呢隻茶嘅愛好者，一定會鐘意! 我自己非常推薦Bailey 味，建議大家食完其他味先食佢，咁就唔會顯得其他味好淡。

葵廣除咗買嘢之外仲有唔少嘅美食😍同朋友行完街，買完嘢，當然仲要食下嘢啦💛我哋比呢一幅靚靚嘅壁畫吸引住原來係食布丁的小店~~ 通常係葵廣都係會食燒賣魚蛋，飲手搖飲品見到一間如此別緻嘅小店， 馬上被吸引住💛見到有好多唔同味道嘅布丁仲見到佢有一個18+bailey布丁🤣就更想試試一打開布甸盒嘅蓋， 就見到好可愛嘅小豬同小鹿應該係新年特別version公仔🤣🤣布甸十分香滑，食落有淡淡bailey酒香， 而朋友食的焙茶口味，也有香濃茶味。食住香濃滑溜嘅布丁 ，再打番個卡， 心情upup 💛

講起葵涌廣場，大家一定會諗起有好多街頭小食，當然葵涌廣場喺學生嘅天堂，踏入打工階段，有時我都好怕啲人多擠逼嘅地方🤦‍♀️今次嚟到葵涌廣場，特別黎食呢個甜品，佢有乜嘢特別之處？記得之前有飲食雜誌介紹過佢哋係一對年青小情侶一齊開始嘅，布丁會喺指定時間出爐一次，所以限量發售；震騰騰，開心心嘅雞蛋布丁 配上濕潤嘅蛋糕體🤩今次我揀咗烘茶味，起初唔特別濃，但係入口之後，漸漸回甘出嚟；低糖配方食完唔會好甜，做餐後甜品最適合不過👍記得細個鐘意睇邪留丸，邪留丸又鍾意食布丁🍮佢一定會搖一搖隻碟，令到布丁震騰騰🤤呢一間布丁燒同樣做到呢個效果，細細地一個三十零蚊，價錢合理，一個人食又食得曬，呢啲淺嚐甜品，回頭率極高❤️

葵廣有好多小食，呢間呦呦鹿鳴係少有地好清新嘅甜品店。佢有好多款唔同口味嘅布丁燒，見到佢寫住獨創口味，就試咗佢嘅鐵觀音布丁燒。本身見佢布丁上面嘅logo都幾靚，諗住影相打卡，點知佢擺喺碟度嘅時候係掉轉cup落去嘅，所以就冇影到相。亦都因為呢個原因，我哋係食咗佢底部嘅嗰層芝士蛋糕先，蛋糕非常之軟滑，有好香嘅芝士鹹味，食食吓就食到佢中間嗰層布丁，真係好香鐵觀音茶味，超級綿滑，配埋焦糖真係好好食。希望下次可以試吓其他茶味啦。

葵廣出名美食多，今日行街經過發現店鋪充滿好多卡通小鹿的身影，原來隱藏左一間特別的布丁燒小店。舖頭細細但麻雀區全，外面放滿了不同口味的布丁燒甜品櫃，內面就用作廚房，方便人手制作。布丁燒真係第一次食，尤其望著甜品櫃，擺放著琳瑯滿目的口味，作為甜品控的我當然想立刻試試。招牌回魂布丁燒 （coffee-熱）在老闆娘極力推薦下，挑選了店內的招牌之一，回魂布丁燒。其實回魂布丁燒系咖啡口味，夠曬醒腦提神，適合上班族。除了口味，布丁燒還可以挑選凍食定熱食。我們揀了後者，熱的布丁燒外觀有少許似梳乎厘加心太軟。當然 味道有好大分別。熱的布丁燒，香味撲鼻，面頭系一層類似海綿蛋糕包住，中間餡料酒系軟滑滑的咖啡布丁，咖啡味超級濃郁，果真稱得上回魂。熱的布丁燒口感突出，尤其中間布丁，好似燉蛋的感覺，軟滑至極，十分推薦。Earl Grey 布丁燒（凍）另外，我亦挑選了時下好多女生的最愛，伯爵茶口味。凍食和熱食的感覺截然不同，會把布丁燒先倒轉，然後布丁部分朝向上，剛剛提過的海綿蛋糕朝向下。凍食的感覺就真係好似平時食布丁的感覺。伯爵茶茶味好香，淡淡的味道蔓延了整個布丁燒，下層會有類似食千層蛋糕的口感，一半布丁一半cre

葵芳廣場多野食就係人都知，今日黎掃街，就掃中左呢間布丁店，估唔到又幾高質呢間係賣手作布丁，每日都會新鮮出爐，最欣賞就係佢唔落防腐劑，無添加食品健康好多，佢地原來仲有做埋聚會單，order多d就會有優惠有唔少口味選擇，椰子、鐵觀音、抹茶、Earl Grey、Bailey’s等等，用左100%北海道芝士除咗布丁，仲有糖果賣，而家新年期間買10送1依家啲鋪頭多數唔鐘意收散子，反而佢就大大隻字寫住收集神沙，又唔錯wor抹茶布丁 （$38）全部布丁都係$38，我見佢地係用上日本小山園抹茶，本身我又係抹茶控，所以就揀左佢黎試，而且係低糖，岩曬我口味，布丁好滑，食物抹茶味同蛋味都好突出，下層係焦糖芝士蛋糕，所有味道混合好夾，最緊要真係唔甜，食完唔洗即刻搵水飲

食咗個熱嘅咖啡味，味道好普通好普通，仲要非常細舊，完全唔值$38...........芝士蛋糕偏酸，咖啡味偏苦，我個人鍾意較甜嘅甜品，所以唔覺好食.............鍾意酸芝士蛋糕或者苦咖啡味嘅人可能覺得ok，但一定算唔上好食，所以$38係絕對唔值...........有$38寧願去餐廳坐低慢慢嘆個下午茶.............好失望，完成唔明點解可以上到甜品榜..............

葵涌廣場食北海道、台灣的名物最喜歡去葵涌廣場搵食, 因為唔洗搭飛機都有齊各國美食, 無論是台灣小丸子、還是港式各式炸物, 還是甜的雪糕pancake, 總有一款arm 我同男朋友。今次就係top 入面試左紅遍北海道同台灣的布丁燒呢種有齊雞蛋布丁及芝士蛋糕的布丁燒有熱有凍, 我就揀了matcha 味新鮮出爐的雞蛋布丁。原來布丁燒製作過程好complicated，要將三種唔同density 的食材: 焦糖、布丁漿和輕乳酪芝士蛋糕漿一齊蒸焗, 於是入口就有3種唔同層次的質感。用上若竹抹茶粉的matcha 味雞蛋布丁蛋香濃郁, 同時帶點matcha 的清香, 有點點的微甘, 入口順滑, 焦糖有點點微甜卻又不會膩。至於芝士蛋糕方面, 日式芝士味道不會像西式芝士蛋糕般濃, 熱食十分鬆軟, 與雞蛋布丁非常搭配。總括而言, 三者單吃各有特色, 但一齊吃卻又有不同的感覺呢!!

葵涌廣場的這家甜品小店，主打雞蛋布丁。雖然價格有點偏貴，但見賣相不錯，被吸引買了一件即食。我買了椰子味布丁，椰味都算幾出，布丁超綿密，口感一流。蛋香和奶香味很足，布丁底部是海綿蛋糕，同樣不錯。

同朋友一齊行葵涌廣場 見到呢一間布丁燒好似好正咁就入去試下啦💛店舖感覺十分乾淨企理裝修環境做得有少少文青feel有一幅靚靚嘅壁畫畀大家一齊影相打卡當然重點係布丁燒~~有十分多唔同口味嘅布丁燒有原味咖啡味等等而今次就嘗試咗焙茶味布丁十分香濃滑溜焙茶味布丁茶味令人驚喜💛店主仲整左手工馬林糖 ( 5蚊2粒)有好多不同的樣子 我同朋友見到後 決定1人1粒🤣🤣將手工糖放左布丁上真係超QQ~下次黎時再試試其他布丁口味!

在葵涌廣場逛街剛巧經過此店，布丁燒前陣子的確流行過一陣子，但從沒吃過，難得有機會就試一試吧！店舖與葵廣其他售賣小食的店舖無異，不過這個外牆十分耀目，吸引了不少人停下留意。燒布丁有好幾款味道給客人選擇，包括原味、鐵觀音！抹茶！椰子等，喜愛喝椰汁的我選擇了椰子味布丁燒吃了一下，震撼了我呢！十分好吃！上層有香滑得像雪榚的布丁加上口感結實有點像芝士蛋榚的底層，令布丁口感豐富，而濃口的焦糖味夾雜著芳香的椰子味，真的讓人一試難忘！這間燒布丁我一定會再來吃❤️❤️

近排好多YouTuber 都推介葵廣掃街，於是我都藉著假期約埋朋友去食下。咁今次我地就去左呦呦鹿鳴食甜品。店舖旁的一幅壁畫超級好有水準。一見到就睇到有副好靚ge鹿仔，好有森林系列感覺。店主更透露是親手設計繪畫，深表佩服。佢地有好多味道供選擇，例如:椰青、咖啡、抹茶、雲呢拿和巧克力等等,而今次我特別地決定叫左個伯爵茶口味。口感入口即融，一勺舀落去就感覺到佢好彈好q，好治癒。味道方面，伯爵茶味濃厚，佢的布丁燒好有層次，層層分明。店主仲有壁布比人打卡呃like。一黎打卡，二黎好味，最重要多味選擇，最岩鐘意嘗鮮的人。下次來一定要試招牌既《椰爺布丁燒》($38)，一倒就係滿滿焦糖，布丁燒面層用上北海道芝士做蛋糕，滑溜之餘芝味濃郁，布丁混入椰青水同椰青肉，聞落已經勁香椰味，食埋更有椰青肉好香，店主話這款人氣高企，一定要試。

星期日就最鍾意去葵芳掃街，貪佢抵食又多選擇！今次就經過呢間布丁燒，先比去成間餐廳嘅裝修打卡位吸引住見唔見到佢每一幅壁畫都係人手畫，唔係一陣間係人手畫嫁，真係好有心思，究竟呢間餐廳老闆係咪一個藝術家？選擇實在多到魚與熊掌，諗左好耐食乜嘢味道，最尾叫咗一個咖啡味，一個鐵觀音味，買單嘅時候侍應提醒我哋，記住食咗觀音味先因為咖啡比較濃，好細心鐵觀音味好出色！係好出色嘅甜品，唔太甜，上面一層軟布丁質地下面係餅底，口感好豐富，而且係好重嘅茶味！！！好後悔冇食埋伯爵茶味而咖啡味亦都好香濃，不過真係好似侍應話齋，食完食返茶味會掩蓋左茶嘅味道，下次經過一定要試埋伯爵茶先！買單嘅時候見到賣緊呢個馬林糖，好得意呀救命，買咗幾粒送俾我啲表弟妹，個個都話話聲

朋友好鍾意係葵芳流連，因為附近有好多小食，今日我就專程去嗰度搵佢食飯， 食完唔想即刻返歸，所以就四處亂逛。行過商場三樓，俾一大幅日系繪畫吸引住，隔離就見到賣布丁燒嘅小舖，見到佢地個賣相咁可愛， 我就忍唔住幫想試下。布丁燒面上的烙印是有豬仔同福字架，好迎節， 也表現出店家嘅細心❤️👍。今次唔食至愛小山園抹茶味改要焙茶，貪佢味道較濃郁，比起在奈良吃嘅大佛布丁，佢多了一層芝士蛋糕，所以飽腹感增加了，但焦糖布丁跟芝士蛋糕味道很融合，沒有違和感。買時店主還提到茶類口味的會比其他口味冇咁甜，因為唔想蓋過茶嘅清香味。可憐美美嘅布丁燒，兩秒就俾我斬破😝。布丁燒質感好濃厚，好綿密，但入口好滑。咪睇佢杯仔細細，但內容豐富，所以食完都有啲飽。所以今次只能試一款， 回魂布丁燒就唯有留番下次lu~

葵廣一向都好多嘢食🤓見到IG好多人打卡呢間布丁燒已經吸引左我好耐😍有一個鹿仔logo好可愛的😝每一個布丁燒亦都印上呢個小鹿有幾種味道選擇，我就分別揀咗椰爺布丁燒🍮同baileys布丁燒🍮呢度仲有一啲好可愛嘅造型糖賣，好後悔一心諗住食布丁冇買到🥺baileys布丁燒🍮望到已經流晒口水🤤因為即刻食所以店員就幫我裝左落紙碟上面啦，分別係有焦糖喺面啦，布甸係中間，同埋芝士蛋糕係最底😋估唔到個baileys味都幾重，個布甸係超級超級奶滑🤪成件事就係入口即溶!首先係奶滑嘅布甸，再者係芝士蛋糕，雙重口感之餘真係好好食🥰另外一粒就係椰爺布丁燒🍮好特別，你會咬而椰果肉嘅，感覺會比上面嗰個再清新少少，如果冇咁鍾意食甜野人就可以揀呢個💁🏻‍♀️係我秒速食晒佢之前嘅最後一張相嘻嘻，真係好好食💕