告白果屋 (已搬遷) 新店位置

葵廣又多左個文青 打卡點😎絕對適合影返張有feel相！📸呢杯夢幻果昔包含波蘿，士多啤梨，牛奶，乳酪🙂仲要無添加，無加糖💁真系岩哂健康嘅您地～傳聞話靚嘅野，多數都系好睇吾好食🤔飲落淡淡嘅士多啤梨味🍓而面層白色嘅就有菠蘿同小許奶香。真系無甜味😂好似飲果汁咁，味道不過不失啦😉而家like facebook同follow instgram有買一送一優惠💁每杯價錢$24....都可以接受嘅😀

裝潢很文青，用上淡白淡啡色為店面顏色，和商場內其他食店的裝潢明顯不同。店家主要賣果昔，鮮果牛奶及慢磨鮮搾果汁，其中以果昔售價最高，由$33到$45不等。 店家一再強調所售的果昔和果汁全是新鮮無添加，水果全都不經糖浸。新開張有買一送一優惠，和媽咪看戲正好來這兒喝杯果昔來喝，店主推介我們試青岀於藍。青岀於藍$45: 果昔含羽衣甘藍，蘋果，菠蘿及牛奶，成品為草綠色，貼著杯邊的位置放著3片草莓作裝飾。 呷大，質感屬厚身，間中吃到羽衣甘藍及菠蘿的渣。 味道方面，甜度天然，味道淡淡的，整體也屬不錯。 買一送一之下，$22左右一杯也可以一試，若是$45一杯的話，感覺價格進取了一點。告白果屋地址: 葵涌廣場2樓潮流廊2期2001地舖

今日同同事去掃街當午餐，真係好耐無掃街啦!平時都係坐定定等食，去到哩個魔鬼地方既廣場除左Shopping之外，仲有數之不盡既小食店，見買到夠野食就順便買埋野飲先得架嗎!最近新開左依間果汁店，店舖都以簡約裝修為主，係一眾女生們既至愛此店既果汁標榜天然無添加，的確係幾適合我地女生們。由其而家係夏天，每位女生都怕肥，相信哩杯果汁都幾啱我地，所以我同同事都急不及待齊齊買黎飲下先。剛好新店試業限時優惠，有三款味道既奶昔做緊買一送一，我地就選擇左飲哈哈大笑，莫非飲左會笑哈哈? 哈哈大笑當然係名，其實奶昔內既味道有哈密瓜+香蕉+乳酪，飲落好新鮮，飲完都幾解渴，好重香蕉味，哈密瓜同香蕉味道好夾，但乳酪味就好似唔係好覺，都幾好味，真係啱哂而家大熱天時飲一杯消消暑。可能剛剛開張試業，實在有太多人等緊，所以我地都大約等左10分鐘到我地拎飲品。至於價錢，單買既話確實有少許貴，幸好而家做緊買一送一，如果優惠完結左，到時要單買既話，我都可能要考慮下先，始終地方環境因素，對象都係學生同附近既街方街里，可以做得平民少少就最好啦。