呂錦記手撕雞專門店 (筲箕灣道)

营业中

休息中

平日煮飯悶悶地, 偶然都想買外賣加下料, 今次特登去左西灣河買左半隻古法蟲草花水晶雞($88半隻) 岩岩出爐唔洗點樣等就買到!非常方便! 呢隻水晶雞用錫紙包住, 非常鮮嫩, 仲要勁多肉汁, 最值得一讚既係佢地既雞皮, 薄得黎仲要好滑！ 我自己最鐘意食皮， 而且佢地既雞唔係冰鮮貨， 好有新鮮既雞肉味， 再加埋一堆蟲華花一齊蒸， 我食左兩碗飯好滿足了😂 （備注： 佢地有埋手套俾你， 自己手撕仲過癮）

收工諗唔到食咩好，過馬路見到呢間新開，價錢望落都合理，所以就試一試。蒸雞同手撕雞都有幾款味道可以揀，新開張仲有優惠追加換小食，炸魚皮望落都幾吸引。現場望佢啲雞感覺都好新鮮，所以係職員推介下，我買咗半隻蟲草花水晶雞同半隻孜然手撕雞。佢手撕雞肉嘅份量比一般舖頭多，而且好滑好嫩。水晶雞係我感覺好有驚喜，首先佢嘅蟲草花好多好爽口，然後蒸雞又滑，個配搭好惹味好有口感，連小朋友都食到停唔到口。佢水晶雞唔會斬，但係已經整到就咁用手滅，或者用筷子夾都容易食到。

係西灣河附近住嘅居民有口福啦，除咗太安樓出名多小食之外，地鐵站出口行3分鐘就有間專賣手撕雞嘅舖頭手撕雞口味好多元化，有成八款咁多，有辣有唔辣，唔食辣嘅朋友有原味手撕雞，麻油手撕雞，五香花生手撕雞，鍾意食辣嘅朋友可以揀，川香手撕雞，香辣手撕雞，最辣既有印度魔鬼手撕雞✨西域孜然手撕雞（半隻）$60只有一隻辣椒嘅辣度，好啱我依啲食少辣嘅朋友，一打開盒蓋，孜然味超香，雞肉肉質嫩滑，有食新鮮雞嘅口感同鮮味嘅程度，面頭加上芝麻香味更加濃烈，好啱夜晚買返屋企加送✨蟲草花水晶雞（半隻）$88蟲草花超多超足料，火候控制得剛剛好，雞肉剛剛好熟，雞肉超嫩滑鮮味，蟲草花嘅味道，亦都滲入左雞肉裡面，肉汁非常多，唔會乾身加$10可以加配個白飯，平日喺附近返工嘅打工仔，亦都可以叫個手撕雞飯，只需要四十蚊，性價比一流

係筲箕灣食完川菜後就周圍逛逛，可以幫助消化，行下行下不知不覺就行咗去西灣河，見到有一間新開嘅手撕雞店，就決定買返屋企加餸。呢到嘅手撕雞有好多口味，包括有原味手撕雞、麻油手撕雞、五香花生手撕雞、西域孜然手撕雞、天府藤椒手撕雞、印度鬼椒手撕雞、川香手撕雞同香辣手撕雞。川香手撒雞估唔到半隻雞份原來都幾多，雞肉好嫩滑，雞皮爽口，麻辣味唔算好辣，食落幾惹味。蟲草花水晶雞水晶雞有半隻，一拆開錫紙已經聞到好香嘅蟲草花味，雞嘅上面鋪滿蟲草花，雞肉入口嫩滑多汁，會俾埋即棄手套，可以用手撕黎食，啖啖肉真係好享受。

呢間用既係土雞，肉質嫩滑，雞皮夠爽，有多款不同調味料可以揀，又可以按個人喜好選擇辣度。另一個貼心服務，就係外賣蒸雞，會用錫紙包住放入盒度，返到屋企，仲係暖的，其他小食有雞腳，雞腎等。。用嚟佐酒或者送飯都正👍 ~~~~~~~~~~~~~~~~~~~~~~~~~~~~~~💫西域孜然 手撕雞孜然味香，少少微辣好開胃，一盒有半隻雞份量，土雞食落有咬口，雞肉嫩滑，雞皮爽口，撈勻孜然粉一齊食，好惹味，愈食愈停唔到口。💫蟲草花水晶雞用錫紙包住半隻雞蒸，返到屋企仲係暖暖的，打開聞到香噴噴，頂層鋪咗蟲草花，入口雞肉嫩滑 ，鹹度適中，附送即棄手套，用手撕嚟食，夠哂爽😋

呢一間手撕雞可以選擇既口味有成十款比你揀🤩屋企加餸又方便唔洗下下都叫燒味咁悶😎相比起街外手撕雞鋪頭淨係得一款麻油味，呢到明顯做雞都做得有誠意😋鋪頭仲有水晶雞同埋其他小食可以揀。佢個水晶雞都有啲細心位，佢一來會用錫紙包住保存隻雞既熱度👍🏻二來佢會提供即棄手套等客人方便撕開黎食🫶🏻🥢西域孜然手撕雞🐔 $ 60開蓋就聞到好香孜然既味道🙉手撕雞好惹味，孜然手撕雞微微帶辣，用黎送飯就一流🙆🏻‍♀️半隻雞份量都唔少，雞皮爽滑雞肉亦夠嫩😽🥢蟲草花水晶雞🐓 $88一打開個錫紙包裝就見到蟲草花鋪到滿一滿，雞皮令到反晒光一睇就知雞油同肉汁充足🫣聞落去亦好有雞香味🤤

① ［ 蟲 草 花 水 晶 雞 ］ ｜☑️這店只提供外賣熱食的方法。上面鋪上滿滿的蟲草花值得一讚雞皮和雞肉也非常嫩滑₍ᐢ‥ᐢ₎ ♡可是略嫌偏鹹。會推薦這個多過原味手撕雞｜ 𓋪7.5/10•② ［ 原 味 手 撕 雞 ］｜這裏的手撕雞款色比較多。 特別的有不同辣度，eg. 天府藤椒手撕雞 // 印度魔鬼手撕雞 等入面還有雞翼，整體不錯但還是略嫌偏鹹。𓋪7/10•呂錦記手撕雞專門店 (Sai Wan Ho)Shop J1, G/F, Lai Wan Building, 33-55 Shau Kei Wan Road, Sai Wan Ho

手撕雞係白飯良伴係人都知😆 有次經過西灣河呢間小食店覺得好香，就買咗兩盒反去加餸😋屋企人食完都話好味！西域孜然手撕雞挑戰味蕾的選項，味道獨特！孜然嘅香氣和辣椒的辣味混合在一起，好香好惹味，口感都非常好，肉質鮮嫩多汁，而且配料豐富😙蟲草花水晶雞用錫紙包住雞反到去仲暖！肉汁四溢，口感飽滿。蟲草花的香氣和雞肉的鮮味融合在一起，雞皮薄而有彈性晶凝通透，入口即化😃而且價格也實惠，下次試另一隻口味先😍

🐔之前係朋友屋企🏠朋友已經叫過呢個呂錦記手撕雞外賣比我地試😋上次試過佢地嘅懷舊原味手撕雞真係超好食呀🐔今日我咁啱過開港島區🚉梗係順便去買番啲返屋企加餸啦💯🐔懷舊原味手撕雞 $58/半隻🌈手撕雞真係食過好多次😋但係咁嫰滑嘅手撕雞真係令我一試難忘呀💯佢哋啲雞係用40種嘅中草藥老湯熬煮🔥堅持即叫即撕✅確保做出最美味嘅口感同埋調味💯懷舊手撕雞有三款口味🐔除咗我大愛嘅「原味」之外😋仲有「麻油味」同埋「五香花生」口味添🐔真係鹹香四溢🔥老少皆宜👍🐔古法蟲草花水晶雞 $88/半隻🌈佢哋包裝好貼心💕先用錫紙包住隻肥嘟嘟嘅水晶鷄🐔之後再放入個盒入面✅返到屋企盒裡面嘅鷄湯仲原整無缺👍仲好保溫添💯打開錫紙見到半隻水晶鷄上面鋪滿蟲草花😍水晶雞非常新鮮又嫩滑🥳今次煮咗高湯米粉配埋水晶雞同埋手撕雞🐔🐔真係又方便又好味呀🥳

內地被譽為「手撕雞天花板」的呂錦記進軍香港啦🔊品牌喺2019年武漢盒馬鮮生超市開設首家分店，期後3年內於全國擴充至200家😮人氣強勁👍🏻有噤勁嘅來頭，我梗係唔執輸買返來試吓啦，呢到淨係買雞，有多款唔同嘅整法，重有手撕雞飯，都係$40，附近返工嘅朋友，lunch可以來試吓我老公好鍾意食手撕雞，所以買左盒懷舊麻油手撕雞比佢，啲雞係用40種中草藥老湯熬煮，堅持用3分鐘現場手撕，確保做出最佳口感與調味👍🏻份量超多，雞肉連皮食都唔覺肥，麻油加埋芝麻嘅香味，好惹味古法蟲草花水晶雞😋 呢款推介大家必點👍🏻👍🏻我攞返屋企途中陣雞香味已經喺膠袋入面飄中來🤤返到屋企，一開盒香到不得了，會跟埋手套比你，隻雞用手套撕開就得，雞肉嫩滑到不得了，味道岩岩好，我攞佢來送晒成碗白飯😋

兩餸飯食到悶，試下食手撕雞做晚餐，鋪頭近地鐵站，方便快捷。1. 蟲草花水晶雞（$88半隻）90/100有好多蟲草花，啲雞好入味，雞肉嫩滑，雞皮彈口，本來諗住留番啲第二日帶飯食，點知咁好食，屋企人清晒。2. 原味手撕雞（$58）90/100份量都唔少，$58嚟講真係算抵食。啲雞完全冇雪味，好入味，同樣地，雞肉都好嫩滑，時間控制得啱啱好。食物高質，地點方便，價錢都算抵，所以一定會再encore，試埋其他口味！

▫️路經見到開左間手撕雞專門店，都幾多口味選擇🧐 一於買黎今晚加餸先✊🏻😆🤏🏻 西域孜然手撕雞 $60/ 半隻▫️平時都好鐘意食手撕雞😋 見呢到有成8款口味🤩 一盒有半隻份量都幾大兜😯 以手撕雞黎講肉質算幾滑，揀左孜然口味，微辣又香口好惹味🤭🐔 古法蟲草花水晶雞 $88/ 半隻▫️店面玻璃櫃放住一隻隻黃油雞，望落好吸引忍唔住要多半隻🤣 用錫紙包住半隻水晶雞，一打開香氣即時散發出黎🥳 揀左蟲草花感覺滋補啲🤪 肉質好滑，油分充足，可以爬多2碗飯🍚😆

呢排開咗間新嘅手撕雞專門店好似好受歡迎🐔 味道選擇都唔少最啱我去買返屋企加個餸🏠 比起同類型嘅店舖佢嘅選擇比較多 試多幾次都唔會悶❤️⭐️ 西域孜然手撕雞 🌵聽個名好似好Exotic🤪 孜然味道十足但係唔會太重口味🌶️唔食得辣嘅朋友都可以試試⭐️ 古法蟲草花水晶雞 💎用錫紙包住嘅蒸雞煮出嚟好嫩滑😚 鎖住肉汁唔會太肥💛 蟲草花感覺好滋補🌼⭐️ 呂錦記手撕雞專門店 (西灣河)📍 西灣河筲箕灣道33-55號麗灣大廈地下J1號舖

今日去西灣河探親戚，見這間手撕雞專門店有人龍，好奇行埋去想望清楚有什麼特別。原來比其它手撕雞店有更多口味，而價錢公道。於是我也買了兩款味道上親戚屋企加餸。🧡西域孜然手撕雞半隻（$60）打開餐盒一看，份量相當足，大大盒全部都是雞肉和少量雞皮，完全無其它配料，可說是真材實料。雞肉嫩滑，雞皮爽彃，孜然味濃。據牆上海報，孜然和藤椒有一隻🌶️，但其實只是微辣。唔辣的有原味、麻油和五香花生。還有一款印度魔鬼味，足足有5隻🌶️🌶️🌶️🌶️🌶️！我就唔敢挑戰了。🧡蟲草花水晶雞半隻（$88）半隻雞連蟲草花用蒸煮的方式炮製，肉汁四溢。店家附上膠手套，自己撕更好味。剩下的湯汁還可用來灼菜。

同屋企人想加餸，仲喺度諗緊買咩好，經過見到呢間舖頭專賣手撕雞，又幾乾淨企理，睇佢個款雖然專門賣手撕雞，但係都幾多唔同味道選擇，而且鋪面都幾乾淨衛生，見啲店員處理食物都幾企理，揀咗原味手撕雞（半隻） - $58，店員會問你要唔要灑啲芝麻，幾細心，半隻，都好足料，幾大盒，半隻去骨，好足秤，開飯喇，屋企人個個都讚好食，手撕雞肉超嫩滑，冇乜肥膏，雞皮亦都爽滑，很香很惹味，但又不會過鹹，而且份量亦不少，頗老實，色香味俱全，亦足料足秤，屋企加餸啱啱好，下次買返公司請同事試下先。