呂仔記 (已結業)

以前好鍾意去呂記或呂仔記吃燒賣粉果或甜品，電視飲食節目都有介紹過佢地，更出名。以前沒有舖頭的，是推車仔，後來有了一邊小舖，再後來變了一間大舖。以前是好吃的，但昨天吃燒賣粉果，很是失望。都不是一些完整的燒賣，賣相已經扣晒分，粉果都普通了，但朋友說喳喳很好吃，見到很多人說他們的態度很差，或許賺夠了，已經不想進步吧。

細個o個陣搬到筲箕灣, 而家都超過十年, 間中肚餓都會買1串燒賣一路返屋企一路食。細個時覺得好好食, 但最近幾年啲質素真係越來越唔得......啲味道, 口感都變左好多.......昨晚同朋友夜晚去食燒賣, 居然食到有鯪魚肉+ 骨, 有魚有骨冇問題, 但係好明顯啲料冇撈好, 食到一怱有魚肉, 一怱又冇,啲鼓油原本又香又好味, 但而家啲鼓油都的味道淡口好多......另外, 味道都冇以前好食了......其實幾年前已經發覺變了.......真可惜。老闆娘個仔接手後就開始變差了.......

之前看過雜誌介紹，所以去試吓啦！點知換來一肚氣．．．晚上9:00一行六人食完晚飯過去食糖水。雖然呢度地方細，食糖水無所謂啦！我們揀咗入面的枱坐，唔知係咪近廚房，哇．．．有好多『小強』散步！已經有啲唔開胃，但看見貼滿廣告介紹，所以即管試吓，諗住食完快啲走啦！其中兩位朋友已先叫腐竹糖水及芋頭紫米露。我見腐竹糖水都幾好，所以我之後都叫腐竹糖水另表明多渣(因本人喜歡吃)，但後來給我嗰碗係無渣嘅，我於是同個阿姐講話想要多渣喎！佢聽完當無件事，於是我再追問個阿姐，佢先同我講係最後一碗，所以得番啲水，我話點解你唔一早同我講呀！之前我一早表明話想要多渣嘅腐竹糖水(食麵都可以走青啦)，如果你無，咁我就唔要揀其他嗎﹖但阿姐居然無理會轉身走人。我真係唔相信今時今日重有啲咁嘅服務態度。於是我再同老闆(廣告上稱呂仔嘅男人)講，佢居然辯稱話阿姐無錯，還聲大夾惡話總之有俾碗腐竹糖水我咁佢哋就無錯，而我無權選擇有渣定無渣。我當時終於知道阿姐點解有啲咁嘅服務態度，原來老闆都係用咁差嘅服務態度對待客人，唔怪之得雖然貼唒廣告，但店裏只有數人，可想而知。最後我們都無食唒就走人，因為已經一肚氣。你去食牛扒都可以選擇幾成熟同要咩

開飯喇的食友果然有水平,係用口食野,唔係用耳仔食野,咁呢間經常上電視'報紙舖頭有咁結果都非常正常!因為...實在係差,須然我對呢間野非常有感情,由細食到大,佢阿媽推車仔賣椰汁到而家,二十幾年啦,最近幾年的水準真係爭唔落,希望佢地可以回復水準啦

昨天去街市買野, 忍唔住想食燒賣去左呂仔記買左$10燒賣...每人4粒都幾頂得下飽..因為佢地d燒賣比出面果d大粒d同埋比較多d肉類做餡料...味道當然正啦.見到有芝麻糊($10小/$17大)就買左個大回家俾小朋友食..點知自己貪心小朋友胃口小都只係食左1/4碗..咁最後都要我自己消滅去...不過一食落就覺得好甜同埋都無咩芝麻香味...$17一碗真係幾貴下..下次都係食回燒賣好d

其他食物我未試過所以無得評論..但我食過南瓜西米露﹐真係係我食過甘多西米露之中最好食既一碗!!$10雖然唔係話好大碗但好足料!一試難忘啊!

都唔知點解這一家會好咁多好評, 甚至說電視節目都有介紹, 我覺得都好差姐. 那天放工後, 由於已是十一點半, 當然東大街已沒有什麼好野食, 咁就來了這兒食. 由於不大肚餓, 便叫了魚旦和魚肉, 一吃魚旦, 嘩, 味精多到哎!!!!!!!!!!! 又要貴過人, 十元才只得六粒. 愈食愈覺得難頂, 最後終於頂唔順, 吃剩一粒就放棄了, 因為實在是太多味精, 難頂!!又有一天下午去買粉果吃, 十元有四件, 雖然都好抵, 但係粉果塊皮超厚, 唔好食, 以後也不會再幫襯這一家了!!! 又是另一間被我blacklist的食店!!!!!!!!!!!

果日同男友來到筲箕灣本想去拜天后點知去到先知關了門眼望安利…又見有少許\\\飽肚最後都係行左去呢度雖然本人住得很近筲箕灣卻是第一次幫襯坐落眼望望最後兩個人叫左一碗凍渣咋~一碗凍芝麻糊~一碟燒賣最後再叫多杯椰子汁第一眼見到碗糖水既感覺係乜甘少既?幾啖食完既份量可幸是碗渣咋不錯~吃落有少少椰子肉幾好~不愧\\\是招牌貨而碗芝麻糊我就覺得麻麻…男友卻說不錯而碟燒賣~說是自製我和男友都一致覺得不是大既是叫魚肉回來自己包的吧更甚可能是叫貨回來而已但也是不錯~可以一試而椰汁~一句話~比外面加大量糖水的好~但是始終不及以前那些椰汁店的味道

幾個人一齊去食,有芝麻糊,豆腐花,魚肉燒賣,魚肉碗仔翅~芝麻糊同豆腐花真係不屑一提...要食既話不如去斜對面涼茶鋪食(雖然環境冇呢間咁好),起碼d豆腐花有味又香過佢先囉!!魚肉燒賣..好似食粉咁,都唔知係咪未蒸熟~係得個魚肉碗仔翅好...魚肉都幾滑同鮮,碗仔翅都幾多料~係得呢樣食得過!!

前排仲有本雜誌寫埋個年輕老闆仔,寫到點好食,令人失望,碗仔翅簡直味精極重,芝麻糊難食,一D都唔知自己煲O既,我認為佢係開出黎既,其他小食如燒賣等普通過唔普通,比D雜誌呃左專登渣車黎食認真唔低!!

車仔麵D 蘿蔔同紅腸整得好難食, 個湯底又附加鑊燶三溝冇咩味, D 魚肉得兩三舊, 又實又冇魚肉味, 成碗野唯一食到胡椒粉味魚肉燒賣OK 啦綠豆沙好杰, 好似一PAT 粥咁個芋頭西米露D 西米少得可憐, 有D 芋頭明明係爛o既又話"係咁o架, 變咗色嗟, 你要換就換過碗俾你啦"咁"以客為上"o既食店真係第一次見, 如果唔係見到周汶錡同歐陽應霽張相, 我都唔會走入去...... 點知... 唉~

俾個笑面係因燒賣. 一早已經好想去呂仔記食, 不過每次我去既時候, 佢地一係未開一係就收左. 今日早放工又無聊咪哄入去食. 原本一心只係食魚翅溝魚肉...見牆壁上貼左一個報紙介紹佢地既魚肉燒賣有別於出面, 所以又忍唔住食埋燒賣. 2溝就真係無咩特別, 同以前我係深水步街邊食既無咩分別.不過不得不讚係佢地既燒賣係好好味...大大粒唔錯. 不過食完4粒就真係幾飽肚.睇過openrice之前既食評話佢地d食物差左, 我第一次食所以無得比較. 但我想講其實佢地d服務態度都ok啦唔係好差之麻.

下得重手的，當然還有味精，不過十蚊一碗碗仔翅，不下味精怎行？Openrice BBQ之日，從石澳出來，跟一眾買東西的食友打個招呼後，發現還不太夠飽，就來這裡吃碗碗仔翅。在飲食雜誌的催谷下，這裡的碗仔翅都算略負盛名。碗翅材料幾足，冬菇、木耳、肉絲等等都落齊，都算交足功課。但量不算多，加上打了個幾重手的茨，吃落是杰杰的，不太合個人口味。味精的情況還可以接受，始終吃街邊碗仔翅，就預左要吃味精，難道十蚊貨仔要人家會用老雞風腿熬湯底不成嗎？十蚊，街坊價錢。但比起車品品的碗仔翅，是最少兩個馬位之後的距離。下次來都係食渣咋好過。

同老婆去了港島東搵食, 還記得這店早陣子上過某電視節目, 一於試試其是否浪得虛名.叫了一碗三溝($10)同一碗韮菜水餃($10), 前者令人失望, 原因有二: 不夠熱同魚肉太實. 韮菜水餃一碗六隻即叫即淥,無論餡同皮都有相當水準, 唯獨湯底只是咸咸的味精水, 整體尚算可以一試.結論好壞參半, 唔駛特登去食.埋單$20.

十七蚊一碗芝麻糊,仲係用即食芝麻糊粉開!仲有咩好講!我諗好快比"翠苑"代替佢江湖地位,