呂仔記 (已結業)

魚翅味道好但太稠，最弊吾夠熱，所以有點失望。粉果、燒賣：粉果皮太厚，都係吾熱，食這類食品都是熱一點才好吃。但最奇怪應該凍的東西又吾夠凍，好像椰汁太甜、不夠凍，南瓜西米露也是不夠凍。衷心希望店主，多加注意食品質素，好好的把這些傳統食品保留下去。

晚黑係呂仔記食野 凍南瓜西米露&兩溝唔知呢 唔係好味個d啦 但係南瓜係咁既味ga wo... 唔夠凍!? 我講唔出點解......兩溝係比較好的 加左麻油好香 仲有味精既香味......不過講真 好多人 好滿座

夜晚肚餓, 但無咩食慾, 所以就入左呂仔記叫左一碗車仔面, 坦白講, 如果唔係肚餓, 呢度d車仔面一定唔係好食的, 因為太咸了, 而且d面都唔係一般水準碗仔翅方面, 鎖店之寶, 唔太稀, 唔太稠, 又夠料, 仲有原隻雞肉去煮, $12蚊真係正燒賣一向都係我呢度必食的, 第一, 每日自己包, 夠新鮮, 唔似其他係買急凍的, 第二, 落好少粉, 完全食唔到有粉的感覺, 夠彈口, 食完都唔會覺得流, 一流一直都無試過佢地的甜品, 下次會試下

幫襯了無數次的呂仔記， 係時候要寫一寫街坊食評。 隔了幾個月， 發覺有些食物水準下降了。魚肉燒賣及粉果仍保持呂太主理時的水準，如粉果皮可以再薄一些便好了。車仔麵仍有可改進的地方，不知是否轉了人料理，餸的味道略鹹； 如果可多幾款例如魷魚、牛柏葉之類讓顧客選擇。碗仔翅太稠了， 總覺得和魚肉湯一樣不夠熱。 喳喳稀一些， 不知是否將近收鋪的緣由。有一點是幫襯無數次， 希望清潔可以好一些。 例如近車仔麵處有一個大垃圾桶是揭蓋式的， 阿姐倒過垃圾， 手觸過垃圾桶蓋， 又馬上去取食物， 眼得見唔乾淨。 由細幫襯到大， 現在由呂仔打理， 親切細心， KEEP 住做好佢呀！

17/5(六) 4pm東大街的尾站--呂仔記.是次要了3個淨送$16:豬腸白蘿蔔,魚蛋另上.魚蛋柔韌具備,咖哩汁內外鎖緊魚蛋的每一寸肌膚.不幸地,豬腸賣相恐怖;肥膏教人卻步,剛一口已吃到異味;同時拖垮了清湯的真味;迫不得大義滅親給予劣評!

呂仔記已是第三次食啦，食過好多雜誌推介既甜品。魚肉燒賣﹕係最好食既，食完一粒又一粒，同出面既明顯好唔同，唔係得舊粉！椰汁﹕好甜好甜......甜到椰香都無埋！芝麻糊﹕唔夠滑、唔夠香。石磨坊好好多…喳咋﹕少料左少少，同埋唔夠多樣化，整體還可以。同佐敦源記有距離！碗仔翅﹕好多好多…獻汁。一舊舊透明，好核突，一匙 "but" 落去係可以無料，料少得可憐。非常失敗！整體黎講，唔係好得！

兩溝〔魚肉加婉仔翅〕退步了，今次食嘅感覺咸咗，少料、味精重手同稀咗，而且份量重一次比一次的少了，可能每樣嘢都貴咗啦。

12/4(六) 7pm筲箕灣連環食尾聲,"呂仔記".帶著半飽的五臟廟甫入這其貌不揚的小店.好不容易覓得角落的二人座;除不合胃口的喳咋外(此店大賣的出品),點了其得手的三溝$12,自家製粉果魚肉燒賣$12,楊枝金露$16及腐竹白果薏米糖水$11.三溝--原來乃生菜魚肉及魚翅為三溝;有點取巧;自製魚肉原味強,肉質嫩滑;湯頭是無上的鮮美,不膠口;個人相當欣賞這質感;而那股鮮甜實在非同凡響!要彈是"魚翅"及雞絲冬菇絲等配料食味平凡.粉果魚肉燒賣--粉果外皮晶瑩,煙煙韌韌的,蝦干仔配蘿蔔粒味帶鹹香;自製魚肉燒賣教人肅然起敬!手包的燒賣外皮比坊間的彈口多,魚肉亦然!楊枝金露--滿足料的,奶味不過甚;連湯匙亦預先雪凍,何其講究!腐竹白果薏米糖水--畢生吃過最超卓的;入口極順滑,富濃重腐竹香,薏米份量慷慨極有咬口,白果軟糯,化境的腐竹白果薏米糖水!細心妥帖的服務為此餐錦上添花,不枉此行!P.S.見某些食友狠評此店的出品,匪夷所思...

2008年2月18日，呂仔記今天去筲箕灣買紅豆，順便去呂仔記試下魚肉生菜加碗仔翅，因為另一半不吃的魚的。不小心叫了兩溝，原來應該是三溝。但份量又比上次少，然後不是很熱，而且生粉的份量好像太多了，有D是一“舊仔”的，再者，味道偏淡。有點失望。

上openrice睇到這間呂仔記的評語錯多過好, 為什麼? 聽聞好出名的, 為何有那麼多惡評?昨晚和朋友在西灣河吃完日本菜, 步行去呂仔記.在門口開放式的廚房, 第一眼見到老闆(他是我的舊同學). 店內滿了客人.我叫了,咋喳: 好好味, 好有椰香味, 材料十足芝麻糊: OK! 滑, 但芝麻味不夠燒賣: 唔錯, 有口感.在這些地方食野當然不會坐得舒服, 有怎麼的服務, 預咗架啦. 大家不要太挑剔.總括以言: 食物是可以的, 如果價錢便宜少許就好了.

今日第一次去食呂仔記.....搬左黎筲箕灣成年...都未黎過呢度食....今晚屋企冇煮飯...叫左個四餸車仔麵...25蚊...的確比其他既車仔麵貴....但當你用呢個價錢,食到一個有日本豬骨濃湯拉麵水準既車仔麵....25蚊絕對係超值...衡量食物好唔好食,除左睇色,香,味之外...廚師有冇heart都好重要....但係煮一碗車仔麵又有幾多heart呀?...所謂見微知註啦...當你見到每一粒牛丸都界左一個十字, 你就會知道老闆幾有heart啦....嘩...大佬,界兩下十字唔洗時間呀? 唔洗人工呀? 求其煮熟佢地俾你食都得啦...下嘛.....最好食都係個湯...食完呂仔記之後...我諗其他車仔檔個d唔可以叫湯....最多只可以叫"渌麵水".

同朋友聚會完後話晒自己係筲箕灣人,當然要帶下朋友來東大街食下,在自己都有好奇心下,去左呂仔記一入到去其實環境真係好一般,老闆娘的表情好像怪怪的,不過都沒關係我自己叫左燒賣同喳咋,兩樣野好快就來左,咁我就開始食了喳咋:水準不俗,用料足,味道同口感真係唔錯,而且喳咋溫度夠暖,正合今日的寒冷天氣手做魚肉燒賣:起初第一粒都無咩特別,但我的朋友笑d燒賣,擺耐左少少仲見到d油多到連油紙都透埋同反光,而且變得十分難食,最後仲有食餘,因此大扣分數總體來說,再加上朋友意見,雖然喳咋值回票價,但其他食物未必令人滿意所以唔值得推薦俾大家

遊電車河，黎到東大街，周圍搵下野食，記得阿齋介紹過呢度既碗仔翅就試下啦，另叫左生菜魚肉同咖哩魚蛋。把鬼把鬼，o的魚蛋係好"梅"既肉地，冇咖哩味，唔彈牙~碗仔翅開頭幾啖都可以，不過食完好口渴，仲衰過我屋企樓下o固o的~預就預左佢落味精，估唔到咁勁~

本人在筲箕灣工作, 所以東大街可說是我每天必到的地方, 有一天晚上到了呂仔記吃生菜魚肉, 當向店員說了要生菜魚肉後, 店員才說要十五元, 當堂眼突, 嘩, 之前好似都是十元而已, 一加就加50%, 有無離譜d呀???? 再說, 它的生菜魚肉沒有令人驚喜的地方, 跟在其他地方吃的生菜魚肉沒有分別, 但是卻收人成十五元, 真係賺到佢笑了!!!!! 心想以後我也不會再幫襯呂仔記了!!! 我覺得這樣做生意真是太不老實了, 食水太深0麻!!!!!!!!!!!!!!!!!!!!!!

今次是第一次去, 不是順路而係想去試下佢出名的燒賣及甜品。點左燒賣、粉果及芝麻糊, 本人不喜歡這類燒賣覺得無燒賣的香味, 粉果可以用差來形容, 而芝麻糊唔夠香同埋食到有一嚿嚿的豆粉, 總括唔好味, 不會再去。