呂仔記 (已結業)

本人於此區工作, 午餐時經常路過此店. 此店開無定時, 有時1:15pm, 有時1:30pm, 有時我放工佢都未開. 專程來食嘢的人要看時機啦.食物質素: 午餐時碗仔趐通常未做好, 喳喳未煲好, 車仔麵有d餸未得, 總知就係未準備好她就開鋪. 燒賣仲難食, 成個粉團甘.服務態度:個老闆娘黑口黑面, 比錢時望都唔望下你,多謝都無聲.這樣的工作態度, 食物質素, 待客之道, 實在好難吸引客人再去食. 陰功~

我d fd 推介芝麻糊同燒賣芝麻糊好普通~仲成10蚊碗......燒賣唔好食d fd係咪玩我呢其實...............

食完安利，都唔算好飽，就食埋甜品至走。新派甜品自己都整緊，所以無咩興趣，就來了這裡食中式糖水。綜合牆上的報章報導，發現百分之八十都有介紹喳咋，就來一碗小的。雖然明知熱的會香一點，但天時暑熱，結果也是要了凍的。老實講，碗凍喳咋賣相認真一般，有點渣還渣，水還水的，看似一碗湯渣多過似一碗糖水。用匙羹撩下，發現又唔錯，皆因裡面的料都煲腍晒，有的仲煲溶了起晒沙。吃落不太甜，材料十分豐富，除了一般指定的喳咋材料如紅腰豆、眉豆、花生、西米等之外，還有馬蹄粒，加強了口感，涼涼的正好適合夏天吃。反而牆上報導說的椰子，就吃來吃去都好像吃不到。不過以十一蚊的價錢來說，已算交足功課。店員服務態度都不差，想要咩都有求必應這個喳咋，足料，又抵食，都食得過。

仲標榜自己d 喳喳難食到暈仲要成18 蚊咁貴有比人搵笨的感覺下次唔會再去law!

名過於實. 我住在筲箕灣. 之前成日都幫襯佢, 但發覺佢d 糖水成日好稀, 份量才少咗, 己沒有再咁支持佢o拉. 點解永遠好食既野都會因名氣及時間而改變.

唔知係咪早，我昨日兩點零食，d燒賣皮好乾，裡面好多碎骨，真係麻麻地咋喎，十蚊六七粒真係酒樓抵d，我地叫左兩碗車仔麵，豬大腸都幾香，仲有腐竹糖水真係幾正!Total50蚊差不多啦

有個friend話佢地的碗仔翅好好味, 要捉我去試吓. 碗仔翅OK la, 都幾足料ka. 亦試過佢地的魚肉燒賣, 唔係好得, 好乾好硬, 又話係招牌小食, 好失望!!!我反而幾欣賞佢地的車仔麵, 選擇唔多, 但味道好好, d咖喱汁好正, 雞亦同豬大腸都好好味!

好鍾意佢腐竹糖水, 真係好正! 因為夠火喉, 煲到腐竹溶晒(很多糖水鋪是渣同水分開的), 白果夠又不苦, 薏米亦很滑很煙韌. 其實佢喳咋重出名, 不過本人對太多渣及較(漏)的糖水興趣不大, 所以重未試過, 如果下次有人食可以黐試試. 另一必食的是魚肉燒賣, 很彈牙很香魚肉味, 皆因它的魚肉份量比例較多. 下次經過開附近不妨試試呀!

昨晚和朋友三人,吃完晚飯便到這裡吃糖水.我們叫了腐竹白果薏米糖水- 很香腐竹味,好正!香草綠豆沙- 綠豆沙好唸,好味;只可惜香草唔夠.魚肉燒賣- 很正的魚肉味.好少吃到這麼好吃的.沒有太多選擇, 但勝在好味又平.

從前很喜歡這裡的喳咋，這兒的喳咋是最有名的（不知道什麼時候變了燒賣？）。其好吃在於豆豆都煮得很稔，不會像一般喳咋那樣，突然吃到一粒沒有煮透的花生米，大剎風景。加上喳咋整體都煮得很軟滑濃稠，口感很好。至於燒賣，事實上也很好吃。其賣點是魚肉自製的餡料，不似坊間的只是一團粉團，很特別，也有住家feel。只不過糖水真的比較貴，喳咋的份量只有外間的一半多點，卻盛惠大洋十個，想多吃一碗也會卻步。

星期二一心諗住去安利再食魚蛋粉放工去到竟然收0左舖~~~0個陣先7 點幾~~~吹漲~再一次證明只要做得出色0係香港絕對係唔休做既~...當女朋友嬲都眼火爆既時候好彩上次我地去安利因為太飽冇去到呂仔記今次順理成章去呂仔記食0左佢最出名既碗仔翅同燒賣兩樣都ok wow燒賣係自己整既~比好多酒樓美味碗仔翅就好足料車仔麵比第二次去既車品品好~只係咖哩太重手佢仲有個糖水都好出名不過太飽冇試~

成日見人讚呢度D燒賣,於是專登走去試下啦,食完之後,覺得無咩特別之餘,仲有D鞋口既感覺...(都仲未計我食到粒類似骨頭既野!!)不過佢既腐竹白果糖水就好好味,大家可以試下!

一直以來, 我都覺得東大街係一條食街, 入面食肆眾多, 真係可以食好幾篇食評.有人推介呂仔記的燒賣, 雖然我一向對燒賣興趣不大, 但這裡的燒賣水準不俗, 比很多酒樓美味, 而且$10有七八粒, 唔錯!唔錯!再叫左個韮菜餃, $10有六七粒, 幾抵食, 味道也可以, 但當然不及那些專食餃子的餐館.再叫多個三餸車仔麵, $20但冇乜特別, 早知唔叫.仲有飲左杯椰汁同埋食左個芒果西米露, 埋單$63.

現在不好...以前仲係車仔檔而且專售賣椰子汁的時間,好好味,現在都仲有椰子汁,但都係以前真才實料的好飲

最出名就係魚肉燒賣，新鮮、好味又彈牙！已經幫襯十幾年，品質絕對有保證。皮薄餡靚，唔似一般街邊檔燒賣無味、皮又乾。另外，記住加埋自製棘椒就perfect啦！除此之外，糖水也不錯，晚上不少多人專程車泊在門口車來食宵晚。