吞POT 雞煲火鍋.住家菜 (已結業)

放工鬆一鬆😋食🐣🐤🐥煲9:30後入座火鍋配料/小食半價🎉↘️一出電梯有2隻🐥🐥毛公仔↘️同埋有缸好靚既🐠🐟🐢↘️好好彩安排左我地坐窗邊🤣窗邊有一盤小雞🐣🐣🐣🤔應該門口果對雞生既😂😂↘️一坐低就拎左盤調味料過黎人頭計調味料收$10位✨有8款俾你選，中間係豉油有小妹鐘意既芝麻醬💟💟主角出現啦~半隻麻辣鷄煲(叫左中辣😋)$158味道真心唔錯😝↘️飲品叫左~🍹西柚特飲$32~大咸檸七$32食完雞煲梗係要打埋邊爐啦↘️十全大補丸 $148~半價$74🤔有: 黑松露~芝士~海膽~鵝肝~仲有款忘記左😓😓😓每款2粒全部手打👍海膽味最好食😋💟♥️↘️薯仔片 $34~半價$17↘️萵苣 $34~半價$17💟最鐘意食牛🐄🐂🐄🐂一定要叫↘️頂級雪花牛 $198~半價$99↘️💟即炸芝士響鈴😍😍 $66~半價$33一份有六條~勁好味 😋 必食海中蝦 $98~半價$49一份有六條♥️上檯果陣全部都識郁嫁👍last order 23:00 可以坐到~23:30賣單2個人$613 🎉

今晚嚟到旺角呢邊食吞pot雞煲 火鍋住家菜 好近站 一出就見到大大隻字寫住吞pot雞煲 超易搵。自選醬料率先叫咗個香辣雞煲， 點選咗bb啦全雞隻 238蚊！賣相方面呢就好正啦！ 味道一樣係首選， 雞肉肉質鮮嫩，而且超入味，一直滾住熱嘅火鍋， 一直聞住香香嘅辣味， 食到舐舐脷！唔好睇小其他嘅配菜， 吸收咗雞嘅滋味 ，亦都十分好味！當食完辣雞煲之後， 店員就為我哋加入湯底 ，以為加入湯底之後， 雞煲嘅味就會減淡，會冇味， 點知原來加咗湯底之後 ，雞煲嘅辣味依然濃郁！我哋叫咗十全大補丸，有五款， 一共有十粒， 包括有手打生拆蟹粉墨魚丸， 手打黑松露墨魚丸，手打黃金海膽黑墨丸， 手打香煎鵝肝蝦丸 ，手打芝心牛丸！ 每一粒都各有特色，全部自家製， 粒粒都有餡料喺入面， 而且每一粒肉圓都有佢自己獨特嘅風味，比辣辣雞煲嘅湯底搵完之後， 味道更勝一層樓！ 其次我哋仲叫咗個珊瑚蚌， 口感煙韌， 佢本身已經醃好咗味道， 本來已經有味配埋辣辣雞煲味就更加好味啦！打邊爐絕對唔少得竹笙， 竹笙嘅口感超爽脆 ，而且呢一度嘅竹笙份量都唔少， 夠曬食！蔬菜方面就叫咗茶樹菇， 冇諗過會同雞煲嘅辣味咁相襯， 成餐飯都食

已經係第二次黎呢到食野，食5:30個轉真係好抵。個花膠雞湯煲真係好鮮甜，好足料仲有佢雪花肥牛超好味，又吾肥。今次主要叫海鮮比較多，海鮮都算新鮮。場地寬闊，係同好朋友聚餐嘅好選擇

天氣開始轉涼忍唔住又想食雞煲，上次食過一次友人話幾好就番黎食一黎到就有九宮格既醬料，自己加加減減調出想要既味道。諗諗下一於食重慶麻辣雞啦一上台我地就被告知雞肉可以食，因為已經熟咗，食落無雪藏味，肉質又諗又滑，個雞仲有少少酒香幾吸引，個汁辣辣地又帶點麻，幾惹味我仲叫咗飯送。牛柳粒食落新鮮滾一陣就食得午餐肉份量都大相量大方啊！個菜菜籃入面有幾多菜，好似有鮮冬菇、金菇、生菜、白菜仔......菜都新鮮唔會黃。友人中意食萵筍，又話無准山咁多澱粉質，叫我試下，食落爽爽地又帶點甜，幾得意既口感，下次可以encore!響鈴岩岩炸起金黃色，放入湯入裡滾個黃金十秒撈起，盡吸湯底既精華勁正，見到差唔多台台都會叫，而且好大份呢餐飯最最最重要係呢個墨色滑，自己舀起放入去，好快食得，食落似丸但又滑d，入面混合埋墨魚粒粒食落滑得底又帶份咬口，幾有層次！最後加個薯粉埋尾，好飽啊好有罪惡感

朋友話天氣轉涼想食雞煲，於是booking旺角25F嘅吞Po食dinner～一心諗住可以睇住靚靚夜view嘆雞煲，點知差唔多7點去到時窗邊位已經full左，幾檯人客已經就坐食緊，omg下次仲要book早d，anyway，餐廳環境幾好，幾啱情侶Dating or三五知己gathing😍醬料盒提供多款醬料，以供選擇花膠螺片雞煲雞煲一攞過來已經煲滾，奶白色的湯底非常吸睛，肉眼所見半隻雞竟然非常足料，螺片同花膠亦都唔少，配埋鮮菇，我同朋友仔忍唔住即刻飲左碗湯先～飲完湯再食雞雞肉啱啱好夠滑嫩，花膠雞味濃郁，養顏又補身～下次會試埋呢度嘅招牌菜辣酒花螺雞煲，想必又是另一番風味😝飲完湯食埋雞我地已經半飽，加左湯之後開始第二round烚烚下手打四寶丸 牛丸、蝦丸、墨魚丸、黑墨丸，當中我最like黑墨丸，其貌不揚but墨魚香味四溢，我同fd一人一粒唔夠喉想再encore😍手打丸果然唔同口感～蝦滑係朋友嘅至愛，打邊爐又點少得佢啊，朋友食到lam lam脷～呢度d小白菜唔知係咪本地新界菜，食落特別清甜，成個人即時balance番～埋單時waiter好有禮貌咁問有冇恆生or匯豐卡，原來dinner有88折😍

話說前排要約班老朋友飯聚，大家都想揾個可以唔限時既地方打邊爐，竟然俾我揾到呢間吞pot雞煲，睇到相都想食，訂好位終於來到吞pot這一晚…我地要左香辣雞煲 小辣，一上枱已經好香，唔太食得辣既我都頂得順，當晚雞肉嫩滑唔鞋，好正! 但全晚我最鍾意既係😍醬爆芝士響鈴😍原因好簡單: 夠邪惡😅d丸都好特別好好味，總括來說係一間正既餐廳🍴會encoreps.坐窗邊位氣氛好好😘😘今晚吞pot好美好🥰

係附近返工，就即興約左啲朋友去食雞煲，之前聽過朋友說話有間幾好食，所以就去左尼間吞pot雞煲火鍋食晚餐。一入到舖頭，就見到一大個魚缸，唔好話，都真係幾壯觀。一坐落睇到點餐紙，諗都唔到諗就點左個麻辣雞煲先，之後就點左個螺片濃雞湯既火鍋湯底，至於火鍋料，就叫左芝士響鈴、牛小排、黑毛豬、炸魚皮、冰菜、皇帝菜、象拔蚌、海蝦。首先講下個麻辣雞煲先，個汁好濃郁，雞肉好入味，越煮越好食！另外，個螺片濃雞湯火鍋湯底既螺片就好鮮甜，都真係幾大塊架。火鍋料方面，芝士響鈴有驚喜，個響鈴係即炸的，裏面有好香好濃既芝士，浸左落個湯底到，每一啖既響鈴都充滿住螺片既鮮甜同濃郁既芝士味，真係一大舌尖上的享受。海蝦就非常新鮮，上枱個陣，隻蝦仲識郁架，食過咁多雞煲，真係第一次見到咁新鮮既海蝦。總括黎講，食物高質，價錢唔算貴，店員態度良好，環境舒服，冷氣夠大，餐具好乾淨，值得再去食！

最近天氣開始轉涼，所以想食雞煲同埋打邊爐，於是就搵左間叫吞pot既雞煲邊爐。一入到餐廳就見到一大缸魚，然後就坐低叫野食，原本以為普通雞煲邊爐無咩特別，但估唔到有意外收獲。首先同朋友叫左個麻辣雞煲，每件雞都好大舊，肉質好嫩滑而且好入味，食落去每一啖都有麻辣香料既味；仲有D洋蔥同莞茜索哂D汁，又淋又好食。食完雞煲就換左個螺片雞湯準備打邊爐，湯底好足料，真係有一片片螺片，愈咬愈出味愈鮮甜。然後我地叫左炸魚皮、芝士響鈴、牛小排、黑毛豬、鮮海蝦、冰菜、魚片等等。樣樣都好值得一提，首先係炸魚皮同芝士響鈴，兩樣都係新鮮炸起，侍應再提我地要趁熱食，而響鈴入邊真係包住好多芝士，味道好濃郁；之後係鮮海蝦，新鮮到黎到仲郁緊，於是就一野放入個鍋，相都唔記得左影。牛小排又係好高質，入口即溶，色澤又好睇而且油脂分佈均勻好，每一塊都好好食。簡單黎講，食材好好新鮮，環境坐落好舒適

響螺花膠雞湯雞新鮮湯好味牛肉都好正餃餃震好出色滑捋捋好得意十全大補丸都好食 芝士響鈴好好味 飲品大大杯九點半之後嚟食有半價真係好抵出乎意料之外地方都好乾淨好企理服務都可以值得推介我會再嚟

今晚一行三人去左吞pot打邊爐，間餐廳係23樓，個view係正嘅。叫左雙併煱$88。蕃茄薯仔湯，湯底好濃。麻辣就叫咗中辣，唔算好辣，但相比國內火鍋店，就冇咁油。麻辣味道一般。十全大寶丸$148包心丸，粒粒都好大粒，都幾好味，有鵝肝最好味，外層彈牙內𥚃甘香，不過價錢略貴。雪花牛肋片$168個樣好靚，其實味道只是一般爆芝響鈴（6件）$66即炸，既香口又脆又大件，全場最好味道。冬季限定冰菜同西洋菜，我哋點了冰菜$44，另外加個鮮淮山$44。＊醬料每位$10。＊有加一服務費。

今晚臨收工前，同事忽然叫我陪佢食晚飯。咁我見屋企冇煮飯，都冇乜所謂一齊食飯互相陪伴。 我同同事都認為天氣轉涼，想食啲熱辣辣嘅嘢。諗咗一諗，大家都同意去食雞煲。上網睇一睇見到附近有間叫吞popt 嘅雞煲。咁聽到個名玩食字幾得意，就決定同同事去試下。去到嗰棟大廈，成棟大廈都係食肆。吞pot就位於二十三樓。 一出𨋢就見到大大個魚缸，入面有好多新鮮嘅魚游來游去。 入去感覺都叫乾淨整齊，可能時間尚早，食客唔多， 餐廳入面都冇好大油煙。一坐低服務員已經附上一個九宮格，放滿不同嘅醬油配料任君選擇。兩個人人少少就嗌咗個 胡椒豬肚雞煲 加一個公仔麵。個雞煲好大個，滿滿嘅胡椒味芬香撲鼻，仲有大量嘅粟米紅同蘿蔔。叫左半隻雞，雞件亦都有好多，好似食極都唔完 lol 雞肉十分幼嫩，肉質都幾好。食完雞，飲返啖胡椒豬肚湯 ，成個人即刻暖笠笠，十分滿足。兩個人少少哋咁食法都係250蚊落樓。其實食雞煲打邊爐都唔使下下食到個肚要爆炸咁濟。同場加映，七點半前結帳離開或九點半後入座均享有半價優惠，抵上加抵!天氣開始轉涼了下次去邊度食雞煲好呢？

好耐都冇同老竇食嘢，老竇最鍾意就係打邊爐，又唔鍾意去遠嘅地方，於是就近近地搵左旺角嘅呢間吞pot。去到23樓一開lift就見到佢嗰一缸龍吐珠風水魚，d魚靚之餘缸水又好乾淨，睇黎老細好有心機養魚。坐低嗰陣時都係6點幾左右，見到佢七點半前埋單有半價，於是就問吓個侍應，跟手就即刻幫我地mark低咗可享半價。於是乎我哋就快快手落好單。見到隔離有枱叫咗個牛肉，中間好似有朵花咁，望落又唔會太肥，於是就問下侍應，原來嗰個就係特級美國肥牛。上到枱碟牛又真係唔係好肥，啱晒我哋鍾意食瘦嘅人。而且肉味濃郁，焯佢8至10秒食就最嫩滑可口。美國桶蠔一碟有五隻，全部都大大隻，掌握好時間滾至啱啱熟，咬落去鮮甜得來又多汁，仲一啲都唔腥，連平時唔鍾意食生蠔嘅女朋友都食到唔停到口。佢個爆芝響鈴都幾特別，淥2秒左右拎返上嚟，既脆又軟，中間嘅芝士流心般流出嚟，估唔到嘅係芝士同響鈴都好夾，一d都唔會太溜，我自己一個就食晒三件。蜂巢豆腐索吸左啲湯汁都好好味，再加上皇帝菜好新鮮，三個人食咗兩碟好快就清晒。結果我哋三扒兩撥好快就7點3左右已經食晒，有半價咁抵，下次可以約埋成屋人一齊再食過。

近排天氣開始涼涼地，邊爐鬼又係時候出動啦趁住娘親去咗旅行，就同男朋友約埋老竇一齊去大快朵頤。我哋一早訂咗位，六點鐘嚟到嘅時候發現全場已經八成滿，一問之下原來七點半離座，火鍋配料同小食都有半價優惠，頓時即刻心心眼呢度唔止有得打邊爐，原來仲有雞煲供應架！但今晚想食海鮮同牛為主，所以就決定打邊爐慢慢嘆🤫湯底都好有特色，加咗幾轉湯味道依然都keep住，真材實料，要俾個like佢👍🏻見到隔離枱啲牛好靚，一問之下原來只係最平嗰種美國特級肥牛，肥瘦分明，咬落仲好有牛味添，而且份量亦都比我想像大份，抵食👍🏻十全大寶丸係呢度嘅招牌菜之一，當中佢嘅香煎鵝肝蝦丸同埋黃金海膽黑墨丸係我至愛。一人一粒絕對唔夠喉想encore🙊蜂巢豆腐亦係我嘅至愛，可能因為佢索曬嘅湯底香濃嘅雞加螺頭味，所以食落好入味，而且夠曬厚切，兩者配合埋無得輸爆芝響鈴成功投得我家主子歡心我就怕肥所以唔敢試，但見佢新鮮炸起又冇油益味，內裏嘅流心芝士都好juicy，係側邊勁我流晒口水另外仲叫咗羊肉片，相信配麻辣鍋應該會更Lam lam脷呢度嘅皇帝菜好新鮮，唔會有渣，所以我叫咗兩碟，食咁多肉清下腸胃呀嘛Seafood lover襯住半價就梗係要叫

雖然我都幾鐘意打邊爐，但有啲怕好焗束嘅感覺，不過朋友拍曬心口話包係佢身上，帶我地幾個去食好野。吞POT位置大廈高層，整間餐廳都係彩用落地玻璃，望出去係油尖旺嘅夜景，有種居高臨下嘅感覺。而且枱同枱嘅安排唔會好迫，每枱食客都有自己舒服嘅空間。幾個女仔見就雞啄唔斷，掛住傾計，冷落左個雞煲，店員好甜心過唀提醒我地要盡快食啲雞塊，否則會雞肉會煮得過老。打邊爐唔叫牛肉食，唔食等如冇嚟過，所以叫牛三郎就岩曬，包含雪花肥牛，牛肋片同牛柳粒，滿足曬花心嘅我地。十全大保丸係五款包心手打丸，每款都唔同口味，爽口彈牙打邊爐必叫之物，手打嘅當然好食過機打嫁啦，唔係唔叫呀嗎！ 不過食個陣要小心唔好俾包心饀燙親！芝心响玲係即叫即炸，上頭個下仲係熱辣辣，店員提醒我地要即食，輕輕放落湯一下就要夾番上嚟食呀，吸到湯汁時亦可以保持到脆嘅口感，中間仲有流心芝士添。大大塊嘅酥炸魚皮亦係打邊爐不可絕少之物！我地仲叫左蔬菜籃個啲，幾新鮮。食到熱辣辣，叫番本大大杯嘅飲品就岩曬啦！走個陣發生左件趣事，警鐘誤鳴，鎖左升降機，要行樓梯走😅

天氣開始轉涼，又到左適合打邊爐既季節，呢間呑pot一直都係我既all time favourite，最中意食佢既花膠雞煲，對女仕黎講簡直係寶物，滿滿既膠原蛋白而且佢既份量都幾多，多肉少骨，肉質鮮美，湯底仲好香。諗返起都想食仲有少量草菇，真係足料。另外仲叫左娃娃菜，好新鮮，索哂啲湯汁超好味！！望下啲牛既油脂分佈好重既牛味，而且入口即化，份量超多，絕對對得起個價錢兩個人五百蚊左右食到超飽又高質，服務態度又好好，好滿意。