吞POT 雞煲火鍋.住家菜 (已結業)

難得今晚唔駛返夜，喺旺角食埋晚飯先返歸啦😜食番樣耐都冇食既雞🐔煲了😚之前食過都好滿意，今次再去食😉叫咗半隻辣酒花螺雞煲，同行唔係好食得辣，不過今次嘅BB辣都不得了，辣到伸晒脷😝😝。但又食得幾過癮，啲雞好嫩滑😍隻雞一如以往，都係大大嚿~~啲汁又好夠味，再加少少配料，兩個人食啱啱好十全大寶丸，啲丸好特別，全部自家製，粒粒都好有特色，有驚喜！仲有新鮮即炸既芝心響鈴P.s 呢度都有九點半配料半優惠，睇吓下次有冇機會再夜啲去食啦🤑😛

終於到星期五，🙎🏻‍♂️揾到呢間吞pot雞煲🍲見到d食物相好吸引，9半後入座又有半價，即刻book 枱去試下😆😆入到去餐廳唔大，但就坐得舒服，枱與枱之間唔會好迫!👍🏻見到menu就已經花多眼亂，因為除左要簡雞煲，火鍋配料都有好多款，仲有特式小食😝😝雞煲我地簡左<辣酒花螺雞煲> 因為想食辣🌶其實見到有個<滋補螺片花膠雞煲>都好吸引，下次黎應該會試😌等雞煲既同時整左醬料先，有8款，都係平時食開果d等左一陣雞煲黎啦，即刻食得。個汁係好香辣，bb辣岩岩好雞件比我食過既雞煲有肉，有d辣汁，好入味>< 好正👍🏻食晒d雞先開始食個花螺，花螺係細細粒既，有好多粒😎配料我地都簡左好多，因為太多野想試><我地order左<十全大補寶丸> 有10粒 （3款墨魚丸🐙，蝦丸🦐牛丸🐂各1款)5款丸都有特別既餡，其中我最鐘意<鵝肝蝦丸>同<芝心牛丸>鵝肝味好rich，估唔到可以用黎做丸😍😍芝心牛丸個芝心係流出黎既，溶溶地好正👍🏻肉類叫左<牛三郎> 有雪花肥牛、牛肋肉同牛柳粒牛肉好有牛味，而且

冬天黎到，加上同朋友都好中意打邊爐、食雞煲，成日都四圍搵下呢類餐廳食😂😂 呢晚同朋友黎到旺角食吞pot。同好多雞煲店一樣，佢地都有幾款雞煲提供，好似辣酒花螺雞煲、香辣雞煲、重慶雞煲等等。我同朋友都中意食辣，所以我地嗌左個小辣既重慶雞煲(朋友中意食辣但係唔係幾食得辣)😋呢個雞煲非常惹味，好少「鞋潺潺」既感覺。辣味又恰到好處。唯一既遺憾係我地淨係嗌左半隻雞，食到非常唔夠喉！下次會嗌番一隻雞！食完雞煲之後我地加湯打邊爐。我地嗌左個頂級安格斯牛小扒、蟹子墨魚滑、牛柏葉同埋娃娃菜。幾款野食都非常好食，特別係墨魚滑。另外值得一提既係，吞pot提供左好多醬汁選擇。好多雞煲都冇醬汁揀，但佢地既醬汁同日式火鍋店都有得fight。

今年冬天氣溫持續高企，難得今天凍DD, 即刻去打個邊爐先，聽聞吞pop7點半前點菜有半價，咁啱老細唔係office, 最好時刻就係即刻啦，提早收工去吞pop啦喂。吞pop位於23樓，一開就見到個超大魚缸，裡面有蝙蝠魚大烏龜大龍躉。。。 有魚睇等位都唔覺得悶啦。因為時間早，分到個窗口位，可以睇到成個mk街景。入座後見到好多人食雞煲， 不過我哋就想清清哋打邊爐 ，叫咗個鴛鴦湯底 一邊係 蕃茄濃湯 另一邊係皮蛋芫茜 ，打邊爐當然唔少得肥牛啦，另外見到佢有個即炸芝士響鈴， 芝士同響鈴都係我嘅最愛唔係唔叫呀嘛，跟著仲叫左鱔同 墨魚滑，鱔好新鮮， 墨畫就比較鹹咗啲，牛肉用 蕃茄濃湯嚟烚味道夾到 天衣無縫。不過最最推介真係個響鈴，唔放湯，咬一口，又脆又香， 鹹香芝士簡直一流。放湯又另 一番滋味。

冬天係約朋友打邊爐既季節！今晚，我同朋友到左旺角既吞pot食雞煲加打邊爐。我地7點半到，見到全場幾乎滿座，好彩等左一陣就可以入座。我同朋友係坐窗邊位，環境好舒服！一坐低，侍應就拎左啲調味料比我地自己加，有我最鐘意既芝麻醬！呢度有幾款雞煲，款款都好吸引，我地就覺得冬天最岩就係食胡椒豬肚雞煲，可以暖大下胃，由於我地係得兩個人，所以我地就點左半隻雞。胡椒豬肚雞煲一到，就可以聞到濃濃既胡椒味，啲雞亦都係熟左，可以即刻食，啲雞都幾滑，而啲湯一飲落去，就覺得成個人都暖哂。配料方面，亦都有好多就選擇，我地就點左羊肉片同芋絲。羊肉片都幾多，同埋唔會好羶，抵贊！呢度亦都有唔少飲品可以選擇。呢餐埋單$360蚊，食得好飽！

真係唔知點解咁多人話好，態度差，野食又麻麻地，第一次要嬲到比食評，差差差差差差差差差，上到去問個員工係咪散叫定任食，員工態度：散叫架啵，睇左陣，咁同屋企都決定食，二位唔該，員工態度：冇位啦，我：點解你頭先唔講嘅，員工態度：你都冇問，食一個鐘頭就有，食唔食，語氣態度差到不得了

呢期天寒地凍又係時候食雞煲打邊爐，家姐帶隊，位置都好就腳，一出地鐵站就係黎到食飯比我整體感覺係好闊落，坐得舒服，樓底夠高，唔會迫埋一齊坐，食都食得唔舒服，四人枱坐得好鬆動一坐低就有得調番個醬～個湯底非常濃味，仲越滾越出味雞件非常嫩滑，件件都啖啖肉，雞件脂肪唔多，，雞肉好嫩又入味，點左半隻雞，四個人都已夠食。個汁好香之後就加湯邊爐了！ 我地叫左好多野魚皮和響鈴都係即炸，上桌果陣仲有股熱力酥炸魚皮同響鈴黎到就係熱辣辣，入口好香脆，又唔會油味好重，就咁食都好正，放落雞煲到食吸味兩食，都正，因為塊魚皮同響鈴本身就好脆，所以如果食到原味又有D湯汁湯就要手落即打撈上，拖一下，撈起再放入口，咁就一流牛肉好大碟，肉好鮮，建議滾10秒就可以撈起食，咁樣D肉質已好嫩又入味，牛味仲好濃好出手打墨魚滑， 墨魚滑打得夠彈牙打邊爐唔少得午餐肉，掛湯力好高芝士腸同芋絲都係必點既食物雲吞好足料，一粒已好好飽滿粉腸姐夫點既，佢話新鮮，口感好爽脆仲有點左個脆魚鯇，好鮮，刀功好切得均勻，令魚塊掛汁力都幾浸透到個湯底愈打愈入味，真係打邊爐既重點一路食一路飲青瓜特飲同大檸茶，真係好大杯，打邊爐叫一杯一個人飲剛剛好ASAHI唔貴

上次係尼棟大廈食過，見到仲有好多層都好吸引，今次就決定再尼食喇。今日係試雞煲，一入尼見到個環境，都覺得幾靚，23/f 望到出去都唔錯，都埋啲位都唔迫都係舒服。咁我地兩個人食，因為我地都唔係好食到🌶🌶所以就叫左個半隻嘅花膠螺片雞煲（$198）感覺全部staff都好醒目快手，好快就遞上尼，已經可以即刻食入面都啲花膠螺片同菇，都足料當然雞嘅數量都合適食落去，每舊雞都係好滑，都好香特別係尼舊雞翼！ 真係超級滑，估唔到雞煲嘅雞都咁滑咁另外我地就再叫左啲野，有冰菜（估唔到尼到會有呀，加分！），脆鯇魚片（好大塊，都好鮮）同埋木薯粉（份量都好足夠）我地兩個人 咁樣叫就真係岩岩好，叫多一樣都會食唔落喇🤣咁我地最後結賬係$400，我覺得都係合理價錢，同埋都值嘅，佢嘅材料係幾新鮮。後尾先知7:30前走 配料係半價！咁真係會勁抵食呀！

Had a gathering dinner with a group of 7 tonight here. This is our first time trying this hotpot place. I booked a table at 7:30pm tonight and there was no waiting time. The ambient is spacious i think. The restaurant is located on 23/f of a commercial building, so u can even get a clear view of Mong Kok if u sit close by the window.  Their signature dish here is “chicken pot” 雞煲. It is basically a pot of chicken. U can choose whole or half chicken. There are also different favor and cook style

安排訂位非常不善，態度極度惡劣！！！仲俾人cut線！！！好嬲！！！吾明白，點解上網一直可以俾人訂位但又打尼話滿座，叫我去分店！問題係我就係吾想去分店啊嘛！！！之後就俾店員罵，仲cut我線！！！太過份！！！店員非常串咀，非常不合理！！！話什麼，是我不明白事理？！請問一下，我訂的是旺角，不是油麻地！如果我要去油麻地是否直接去訂油麻地呢？？就算近，吾代表我想去。如果兩間一樣，點解大家只訂旺角不訂分店？？

突然想食胡椒豬肚雞煲，見到依度有，中午仲要半價，於是一試。果然唔錯一點去到，週末人不多，只有兩三台打邊爐，亦有人叫lunch set，環境幾好，有大玻璃望到太子果邊既樓，都好開揚。我地叫左半隻胡椒豬肚雞，入面已經包括左一啲蘿白、腐皮，胡椒味香，豬肚乾淨，幾好。原來煲底同飲品冇半價，不過唔緊要啦，所有配菜都有半價，可能由於特價嘅關係，我哋兩個人叫咗好多嘢食，每碟份量都幾大，對得住價錢。佢地啲丸幾有特式，叫咗個十全大寶丸，每一粒入邊都有饀，大大粒，食得出係手打仲有個炸魚皮好好食！係即叫即炸，上台仲係熱辣辣， 又夠脆夠香，我哋都忍唔住係咁食。

朋友請食飯，帶我到這店食雞煲。一向對雞煲的印象是大都很肥膩，這店卻令我改觀。朋友先點了一個炸魚皮小食，魚片送上，又薄又脆又香口，好味！接着點了滋補螺片花膠雞煲（一隻雞）此外還點了十全大寶丸、自家炸響鈴、棉花魚肚、山水豆腐、極品本地手切牛頸脊、美國桶蠔、冰菜、皇帝菜，飲品則點了青島啤酒和韓國真露。雞煲送上，雞的份量很多，雞肉十分嫩滑，連雞胸肉也不「鞋」，湯裏還有不少螺頭和花膠，都好吃，至於那雞湯，一點也不肥膩。在寒冷的冬夜邊喝滋潤的雞湯，邊吃花膠、螺頭和雞肉，真是一大享受！火鍋配料方面，桶蠔和手切牛頸脊都質素極佳，非常美味。十全大寶丸的賣相一流，味道則不算十分突出。其他火鍋配料分量充足，味道也不錯。這店另一令人欣賞之處，就是服務很好。店內顧客很多，店員都很忙碌，幸好他們動作利落，要加湯，加醬料，加飲品，全都很快送上。這店食物質素不俗，服務也好，值得一試。

今晚同朋友出開旺角，由於天氣漸漸轉涼，最適合三五知己食下熱食物，又適合是找吞pot雞煲。食店環境舒服，又有夜景觀看。坐位又夠大，又舒服。店員又有禮貌，食雞煲最重要是冷氣充足，店內冷氣又足，一點又沒有熱的感覺。店內生意很好，等约5至十分鐘，便有坐位。首先有不同味道配料選擇。當然食雞煲，叫咗半隻雞，但份量也十足，雞好入味，熱熱地，雞又夠滑，個人認為叫BB辣已足夠，配料包括洋葱等，更加惹味，食完個人即時暖暖地。首先炸魚皮，好入味道，好新鮮，口感非常好，脆脆的，這個是必食的。午餐肉也十分好味，最重要是肥牛，肥牛質素很好，無乜肥肉，份量又足。芝士腸和墨魚丸再配雞煲，也十分入味道。非常好食。綜合各方面，這間食店值得推介一下。

原先一大班朋友想試下新野，但完完全全覺得中左伏，你問我 我下次一定唔會再食。員工態度好有問題。好似個個都欠左幾百萬禁既樣。問親佢地野都一副 下？點解既？乜禁麻煩嫁 既樣。呢個係絕對扣哂分既位。 其次，我地9個人 訂9點半。去到 冇位 ，但又confirm我個booking.. 最後攪左一大輪要分位坐，但11點last order （我覺得合理既）但11點半就話清場，清場係點？ 可以講話係趕我地走個種🙄🤦🏻‍♀️總知唔會再試，服務態度有待改善

約左一大班朋友食飯，出嚟食飯咁多人就梗係唔少得打邊爐，梗有一款碞是但一個食解決晒食咩既煩惱，又可以食耐啲，一路食一路傾吓計呢殊除左交通地點位置方便，仲有係位於高層，而且仲有好多落地玻璃，完全同平時火鍋好似酒家一樣密室嘅感覺唔同，邊食邊望到境既感覺，係唔同d揀咗個香辣雞煲bb辣雞煲分量好多一煲四個人分份量剛剛好, 雞件肉很嫩雞件斬得大小易剛剛好， 雞煲個汁好香濃 雞煲夠曬惹味食完雞，例牌梗係加湯打邊爐，上菜夠快炸響鈴一到枱係剛剛炸起既仲熱，炸響鈴好食，真係炸起無耐，火鍋配料必點，放係湯到三秒起撈即食最佳，仲有脆度又收到個湯汁，一食難忘去到一定要試，帶湯還少少脆既口感太正，屬打邊必食之選！炸魚皮都好正，就咁食都好脆好味唔油食火鍋不能不點既一定係牛肉，牛肉油脂分布平均，口感好豐富，一入口就已經係一種滿足感，份量算多，一大盤。手工丸也不錯，點左個手打墨魚丸，真的好彈牙！一啲都無粉，囗感十足魷魚份量係估你唔到既多，亦好新鮮，海鮮唔新鮮一入囗就知，點呢個好抵，件數好多，食極都未到底另外，墨魚滑爽口彈牙，配上上面嘅蟹子攪勻，涮佢大概兩分鐘，非常之好味。不得不提，飲品真係好大杯，又夠晒冰凍，食火鍋真係