吞POT 雞煲火鍋.住家菜 (已結業)

旺角平時番工lunch 唔知食咩好？今日經過吞pot，原來唔係得雞煲食有少油少鹽冇味精的住家菜食❗️一星期有8款唔同的菜式，價錢平均都係$50-60今次我決定要我最愛的生抄骨❗️一坐底，先比你一碗老火湯，冇味精仲好夠火喉終於到主角出場，生炒骨炒得好香，外脆內軟，味道甜甜酸酸咁，但美中不足係味道比較濃左少少，但整體都好值得試。另外係本身套餐都包左一碟菜同飲品，香港地好少搵到地方平平地都有成碟菜食，係旺角唔知邊度食lunch 可以一試

放工同閨蜜去咗朗豪坊補給護膚品，佢就帶我嚟呢度食雞煲～呢間鋪位於高層，但估唔到佢係可以望到一個咁靚嘅夜景。Lady食嘢係仲質不重量，今晚兩個女仔望住夜景，一邊傾計，一邊嘆住滋潤雞煲，真係好happy ！多款醬料整整齊齊乾乾淨淨任選。滋補螺片花膠雞煲 - 真材實料，店員第一時間叫我地飲兩碗湯先，我地兩個都覺得幾好味道。煲裡面係比較靚嘅花膠，冇腥味，有咬口；螺片唔係罐頭貨，亦唔係乾貨，絕對係新鮮螺片；通常雞煲嘅雞，都會比較硬身同埋比較鞋，但呢個雞煲裏面嘅雞肉係滑嘅。芝士響鈴 - 即炸卜卜脆，落鍋度烚兩下，芝士熔熔地滲出黎，好飽好滿足！脆肉鯇 - 新鮮真正脆肉鯇，試問任食火鍋又點會食到呢啲質素。加埋個烏冬，就成為咗螺片花膠雞湯烏冬，聽個名都好夠哂滋潤。

上次去油麻地返學， 晚飯的時候，唔想在地舖同人迫，偶然經過一座大廈， 樓上有火鍋店， 有點肚餓就走入去 ，看看有什麼可以吃的， 因為當日只得自己一個， 想吃多一點都沒那麼大的胃口， 只有叫了一個藥膳響螺 花膠雞煲， 這煲雞煲份量十足， 有半隻雞很入味， 花膠成隻手掌咁大塊 ，有五六塊，另外還有五六塊 響螺片， 花膠和響螺片,都煲得好夠淋 ， 湯底味道很濃沃， 不過我 胃口很少 ，每樣吃了一半，以感到好飽好飽了， 最後唯有將另外餘下的一半打包拎走， 都有一小盒呢， 這裏環境 很開揚， 全部都是落地玻璃的 ，可以清楚看見 油麻地的外貌， 如果有三五知己，一邊在這裏食火鍋，一邊談心， 都是一個不錯的選擇啊！

食過海鮮火鍋，今次食🐔煲火鍋。6:45黎到飲食集中地譽發大廈。出lift後見大魚缸。被安排坐靠窗臺既座位，可以望到窗外街外景。招牌🐔煲味道有多款， 胡椒豬肚雞煲， 重慶麻辣雞煲， 螺片花膠雞煲， 與友人揀咗藥膳雞煲9種調味料供應，自行調出自己喜歡的醬料。湯滾啦，食得~先喝一口湯先，藥膳湯底濃度剛好，不會太濃再咬一口雞肉，肉夠嫩滑可見熟度控制得宜山藥和紅棗係健康食物蟹墨魚滑見浮出面，撈起來食蟹滑夠彈牙帶鮮甜味另外我地點咗皇帝菜，響鈴和炸魚皮🐟呢度既自家響鈴好大份，記得煮響鈴和魚皮要記得黃金三秒的原則，落熱湯泡三分秒就食，先可以食出脆味泡三秒後既響鈴身軀苗條完整，先可以食出脆滋味聽說青瓜汁健康，於是來一杯，都幾大杯。

今天是個忙碌的日子，但完成重要的事。還是要「吞POT」。 友人推介呢間餐廳既「自創爆芝響鈴」；有過一試難忘的經歷，係必試之選。餐廳環境不錯。由於高樓層，可以飽覽窗外景觀。 門口有個幾大既魚缸，可以觀賞一番。門外既魚缸，為餐廳增添一個景觀。 火鍋選擇幾多，真係想每樣都想試下，最後揀左重慶麻辣雞煲。 雞煲叫左小辣，都已經好辣，當然食得辣既可能覺得無挑戰性。 雞煲準備好之後，其實可以即刻食得。 十全大寶丸，係五款手打既墨魚丸。 餡料配有海膽、蟹粉、牛肉（芝士）、黑松露同煎鵝肝。 墨丸食落都非常彈牙，味道亦不錯。 係新鮮炸架！ 由於即造即炸既關係，爆芝響鈴要等一段時間先到。 輕輕涮一涮，就可以食得。 芝士味香濃，響鈴吸收左湯既精華，仲有少少微脆。 大檸樂 自選火鍋醬料

好耐冇食雞煲，上OpenRice見到有好多好評，所以揀咗呢一間嚟食！打電話去book左位所以一去到就已經有位俾我哋坐啦！呢度嘅環境都唔錯但係就比較窄小小，枱與枱之間唔係有好多空位！我哋就要咗一個清湯底，加咗雞件同埋其他材料！但係令人好失望嘅係材料都好似係未解到凍！啲雞件有啲雪味雪味！而個豬肉片就仲過分，食落去仲有豬燥味！服務態度亦都唔算好，舉左手示意好耐待應都唔過嚟，但呢度環境都唔錯！同埋無限時，可以坐好耐

不久之前，曾經光顧這家火鍋一次，當時體驗好差。食物質素差，小，貴，湯底無味，服務態度差。當時同自己講唔會再來，點知朋友在不知情下訂了檯，無奈唯有再去一次。今次醒目，無再叫花膠煲同麻辣鍋，揀了BB辣雞煲。香辣雞煲 - 朋友唔食得辣，因此點了BB辣，即係唔辣。味道出奇地討好，比起上次食的花膠煲及麻辣鍋好10倍。配菜點了自家炸響鈴，羊肉片，蟹柳，蓮藕片，皇帝菜。羊肉片，蟹柳 - 無特別皇帝菜及蓮藕片 - 份量略少。自家炸響鈴 - 已試過所有味道，原味最好。鬆脆香口，好食。

近排又要考試，又要返工，都冇好好放假尋日專登去咗食餐好嘅。其實因為之前已經食過一次，覺得幾好食，所以就返轉頭再食多次。今次試咗好多上次冇試嘅嘢，話曬難得放監，梗係要食得好啲！！今次我試咗花膠雞煲，特級美國肥牛，皇帝菜，脆肉鯇魚腩，同埋生蠔。首先講下個花膠雞煲先唔怪得佢係推介菜，個煲好足料，好多雞好多花膠花膠啲湯底非常奶白色好滋補，個湯入面啲姑姑，好入味。整體評分直頭滿分！跟住再講下個肥牛上碟嘅時候覺得切得好靚。我覺得肉都好高質，入口feel到啲牛油係個口浪下浪下，肥美但唔會太肥 另外皇帝菜係我每次打邊爐必叫嘅蔬菜，我出去食菜多數都係會睇下佢洗得乾唔乾淨，答案係乾淨嘅。魚，係真。脆魚腩，我覺得不足之處就係少咗啲整體嚟講，佢全部嘢嘅質素都好高質，佢鋪頭衛生整潔，而且好近地鐵站。如果加埋佢而家喺openrice嘅優惠 ，我覺得絕對超值，值得一試，無論兩個人定係一家人嚟食，都啱曬。

依間火鍋店係朋友介紹，佢講到好好食一於試下真章🤲🏻依個主打花膠雞煲，重點係飲左個湯同食左雞先湯飲完唔會口渴係真雞湯肥牛叫左個最平既，都有牛味，份量都剛好，其實都唔錯蟹粉小雲吞，勁有蟹味同入面都多蟹肉唔腥。因為我地好多野想試叫左十寶丸，有個鵝肝丸係勁多汁好好食最深刻最重點係響玲係芝士響玲呀，其實小編係唔好響玲，因為食開都係淋身依間既響玲係即炸，仲要入面有流心芝士，好邪惡就咁食已經好好食，浸一下個雞湯不得了如果大家食記得9:30去有半價

今日嚟到位於旺角嘅依一間吞pot, 由於係黃昏時間另外餐廳位於高層，所以有一個好靚嘅日落景睇。但正正亦都因為日落時份，亦即係西斜，所以有少少晒。餐廳亦都很細心地為顧客安排啲窗簾，顧客可以選擇自行落或者唔落。餐牌😋😋今日點左一個胡椒豬肚雞煲。呢個湯嘅湯底適合大眾口味，有胡椒味但唔會太辣，容易入口，湯底濃郁鮮甜。上菜速度亦都唔會太耐。平時食雞煲要等一陣先有得食，但係呢一間鋪頭，雞煲一上到枱面，就食得。啱晒我呢一啲好肚餓上到去就想即刻食嘢嘅人。除咗個湯底之外我仲另外加咗一啲配料。有十全大寶丸，蔬菜籃同埋自家炸響鈴。個響鈴即刻炸，上到枱就算就咁食都好好食，再喺湯底入邊浸多一秒，超級正。至於十全大寶丸，簡直係粒粒新奇。入邊嘅餡料完全估佢唔到！好特別！既有芝士，仲有黃金海膽，同蟹粉添呀！不過食個陣要小心d唔好俾d餡料辣親😉本來諗住蔬菜籃唔會有乜嘢特別，但係所有菜同菇類都好新鮮，好鮮甜！加上7點半前賣單離座火鍋料係有半價嫁！加上份量相當大份，侍應態度十分好！我地兩個食到棒住個肚走😆😆

而家成日一講打邊爐就會諗起吞POT 雞煲火鍋.住家菜，因為湯底好多選擇又好飲，今晚男朋友話想打邊爐，所以又黎左旺角呢間吞POT 雞煲火鍋.住家菜。好彩早黎到，等左一陣就入得!我諗我都差唔多試哂啲湯底，男朋友中意食寬粉，所以揀左有寬粉既酸菜白肉湯底，另一邊就要左寧神養心湯。揀完湯底就可以去醬料區拎豉油，配料都好齊全。材料都有好多選擇，仲有唔小自家製食品，例如係丸類同餃子類,酸菜白肉鍋有好多料，仲會附送一碟酸菜同白肉，寬粉索哂湯汁好入味!寧神養心湯好足料，有大大個魚頭同烏雞喺裡面，好濃既藥材味，未開始食已經飲左幾碗湯有啲飽。

雞煲火鍋真係越開越多，不過想搵間高質嘅就要花點時間去搵，彌敦道726號有好多餐廳應該唔洗多講，俾我發現左一間雞煲火鍋住家菜就緊係要試一試！ 一出𨋢就見到一個好大嘅魚缸，環境好好，冇平時打邊爐嗰個逼夾感，因為時間尚早，等左一陣就有位啦😆 一打開餐牌，就俾佢個手打十全大寶丸吸引住，全部都係我中意食嘅味！打邊爐又點可以少得肥牛，我地叫左份頂級雪花肥牛，真係一分錢一分貨，牛肉d紋一睇就知靚野，咬落去一d都唔un，再配埋個勁濃嘅沙爹湯底，真係絕配！我地仲叫左脆肉鯇片稻庭烏冬同粉絲兩個人食其實已經好飽因為份量真係好多，但係見到前後左右都有叫炸魚皮咁就梗係試吓啦！原來佢個炸魚皮係即叫即炸真係未試過，唔怪之得台台都嗌！嗌咁多野埋單先係一人$400都唔使，下次可以再嚟，建議多啲人黎食可以嗌多啲嘢食，因為碟碟份量都好大碟，宵夜時段仲要半價真係好抵食！

一係Open Rice搵旺角火鍋，就搵到呢一間火鍋店，餐牌入邊有好多唔同野食，有雞煲同埋火鍋湯底。一場黎到都決定食火鍋湯底，因為望到個自製丸好吸引！叫咗個沙嗲湯底，佢個湯底唔油膩，野食都好入味，再加埋自己配嘅醬料，值得下次再叫！另外叫咗十全大補丸，雖然有少少分唔到邊粒打邊粒，但係我個人認為最生拆蟹粉墨魚丸，每一粒都有影到相，我覺得都幾值得食，喺出邊都未試過食呢款丸。推薦大家第一次點都要試下！講到牛嘅部份，今次試左頂級雪花肥牛，必須要讚下個擺盤，完全係有心機，啲樓啱啱好唔肥唔瘦，食落都好爽口！仲叫咗烏冬同粉絲，吸晒啲湯底好正！試下脆魚鯇片，相對係比較多骨，但係好爽口！仲有自家製炸魚片，落去煮1秒，好脆口值得一讚！呢間鋪頭絕對有下一次，因為感覺上好乾淨，食物質素亦在高上！

12月又到咗火鍋打邊爐的季節，天氣漸涼，加上年尾又到，同好友知己難免想齊齊烚下烚下，暢談一番！同事們推薦咗呢間火鍋店俾我，話呢度坐得舒服唔限時趕人走，呢個係對我哋敘舊來講係必要嘅條件，就試吓佢啦！果然冇介紹錯，環境舒服😌，個場好大，好闊落，空間感大同留樓底都夠高，食完成身會唔會一陣味，值得一讚！食物方面，我哋叫咗個螺頭濃雞湯湯底，呢個湯底好似用咗好多鮮雞肉熬成，加埋勁多嘅螺頭，非常鮮甜，不錯也！我地三個人，叫到成枱都係野，其中包括左，芝士牛丸，牛丸喺熱力下已溶化成漿 ，一口咬破，心太軟的芝士漿口，令牛肉味更鹹更濃烈，我愛上呢個感覺！講到打邊爐，最好嘅朋友就係極致奢華嘅口感，當然要叫最頂級ga美國安格斯牛小排肉片!!!! 呢度一碟係$238, 上枱見到雪花分布均勻，正！食落油脂豐富，肉質鮮嫩而不油膩，食到我哋唔停得口，想叫多幾碟，呢問牛堅要食！仲有一款幾特別嘅芝士炸響鈴，響鈴仲要即叫即刻炸，上枱嗰陣時仲係熱辣辣，直情就咁想放入口，估唔到餐廳每款材料都幾用心製作，今餐非常滿足也，特此出文記錄！哈哈😄

呢間吞POT，畀我嘅印象店員都好好禮貌，仲會主動去介紹唔同嘅特色火鍋湯底。女店員佢建議我哋試下呢個極品雞煲翅，佢話真係好抵食，成隻大嘅肥雞再加上密密嘅魚翅，一定要試下！本來我想試下花螺麻辣雞煲，但係我朋友唔食得辣所以就試下呢個……極品魚翅煲。先講湯底真係飲得出鮮味雞湯，雞湯滲透出鮮甜雞味，而且魚翅、裙邊等等都真係份量十足而且魚翅聽講十分滋補， 我正好要補一下！我哋食完雞煲，飲完靚湯就叫了美國雪花肥牛及皇帝菜，雪花肥牛，牛肉好有牛味，而且好新鮮，烚冇耐就可以食得！ 皇帝菜都洗得好乾淨，喺度打邊爐，整體感覺十分，舒服亦都唔會畀人趕住要交枱，可以再嚟！