吞POT 雞煲火鍋.住家菜 (已結業)

而家成日一講打邊爐就會諗起吞POT 雞煲火鍋.住家菜，因為湯底好多選擇又好飲，今晚男朋友話想打邊爐，所以又黎左旺角呢間吞POT 雞煲火鍋.住家菜。好彩早黎到，等左一陣就入得!我諗我都差唔多試哂啲湯底，男朋友中意食寬粉，所以揀左有寬粉既酸菜白肉湯底，另一邊就要左寧神養心湯。揀完湯底就可以去醬料區拎豉油，配料都好齊全。材料都有好多選擇，仲有唔小自家製食品，例如係丸類同餃子類,酸菜白肉鍋有好多料，仲會附送一碟酸菜同白肉，寬粉索哂湯汁好入味!寧神養心湯好足料，有大大個魚頭同烏雞喺裡面，好濃既藥材味，未開始食已經飲左幾碗湯有啲飽。