吞POT 雞煲火鍋.住家菜 (已結業)

不久之前，曾經光顧這家火鍋一次，當時體驗好差。食物質素差，小，貴，湯底無味，服務態度差。當時同自己講唔會再來，點知朋友在不知情下訂了檯，無奈唯有再去一次。今次醒目，無再叫花膠煲同麻辣鍋，揀了BB辣雞煲。香辣雞煲 - 朋友唔食得辣，因此點了BB辣，即係唔辣。味道出奇地討好，比起上次食的花膠煲及麻辣鍋好10倍。配菜點了自家炸響鈴，羊肉片，蟹柳，蓮藕片，皇帝菜。羊肉片，蟹柳 - 無特別皇帝菜及蓮藕片 - 份量略少。自家炸響鈴 - 已試過所有味道，原味最好。鬆脆香口，好食。