君悅咖啡廳

营业中

休息中

奶奶及姑奶生日，選左呢間自助餐，之前好似試過茶園，地下呢間就冇，今次試左，好有驚喜，熱葷相當好食，魚生帶子，油甘魚及甜蝦好新鮮，凍龍蝦好正，燒生蠔也好好味，天婦羅蝦，南瓜及秋葵都好正，而熱葷也相當出色，例蝦炒西蘭花，炒龍蝦正，仲有個海胆蟹子茶碗蒸正，甜品都ok,係個酸辣湯差d，食左甘多間自助餐，呢間係心水推介，值得推薦，勝價比高，好食過JW好多，款色亦好多，樣樣試少少，已經超飽，抱住個肚走！連我個女個咀甘掩尖，都話食得好飽，下次會再去食。

過去數年同另一半一有咩特別日子慶祝都會想黎呢度食夾夾埋埋都次都十幾次因為真係質素好好但疫情期間黎已經退步左啲以為只係暫時嘅都可以理解事隔大半年再黎今次真係覺得要再搵食堂了如果以前有食開嘅應該都會被個變化搞到好心痛：首先一定要講鵝肝以前鵝肝係又大件又厚又juicy又好味依家變左一塊比較似係煎鵝肝醬嘅野個樣仲要似午餐肉多過鵝肝另外以前有擺鵝肝醬出黎搽多士尋日都搵唔到然後係芝士以前係有brie 食尋日去大部分都係羊奶芝士同藍芝士以前仲有龍蝦濃湯真係勁好味但依家變左南瓜湯仲有雪糕以前係自家製嘅口味有芒果糯米飯同港式奶茶味都係我至愛今次兩個都冇哂其他好多野都硬係差以前少少我諗佢地一係換左人管理一係真係經濟差cut cost? 不過咁樣嘅改左真係留唔到舊客...唉好可惜我寧願佢加價多謝你過去咁多年喺我地重要嘅日子俾左我地咁舒適滿足嘅慶祝回憶...Bye bye 喇君悅咖啡廳。

今次staycation 嘅主要目的就係想食佢嘅自助晚餐，因為佢本身就reserve左quota比staycation 嘅客人，獨立去訂位起碼等好幾個月⋯今次特意同大家直擊睇吓係咪真係咁好食～冷盤海鮮🦞有蝦、長腳蟹、龍蝦，最欣賞龍蝦，肉質鮮甜，其他一般（冇生蠔）魚生壽司魚生有墨魚、帶子、三文魚、甜蝦、吞拿魚、油甘魚； 帶子大大粒，肉質夠實正，味道算甜；其他質素正常，個人鍾意自助山多啲煎炸燒烤類天婦羅🍤係即叫即炸，新鮮炸起夠脆，炸漿唔厚，不過放一陣就淋，同蝦好細隻煎鵝肝味道唔夠茶園/自助山好，調味偏甜有啲奇怪，加上個多士底唔脆燒烤有虎蝦同羊扒，味道都唔錯中式熟食❤️❤️必食招牌海南雞真係名不虛傳，一定要叫雞髀肉就一定夠滑，而且雞油飯好惹味，暫時係食過最好嘅海南雞❤️❤️蒸豆豉龍躉👍🏻👍🏻真心比幾個叻佢，魚肉新鮮，口感扎實❤️蒸蒜蓉帶子雖然細粒，但係蒜味好香，帶子質地唔錯蒸蝦稍為有啲過火，肉質淋左，但係聽屋企人話佢個隻就幾好，睇嚟要睇彩數😂❤️牛腩麵西式熟食澳洲肉眼，牛味唔太夠，冇乜特別❤️豬腿肉味道好，而且肉質夠滑👍🏻黑松露焗芝士意大利飯，其實唔錯但唔夠之前介紹間cafe好食😂其他種類一般甜品拿破崙味

星期五六日自助晚餐$798 (另收加一）呢個價位無生蠔有小小失望🥹食物種類都算應有盡有，不過款式就唔算多 天婦羅，麵食，海南雞飯，生菜包，燒帶子都係即叫即做👍🏻👍🏻📌燒帶子，和牛生菜包天婦羅都係叫完大約5-10mins先番去拎基本上所有食物area都係open kitchen 熟食區廚師一路煮，食物不停refill炒雜菜好有鑊氣👍🏻值得讚既係refill速度極快，就算係炒龍蝦都keep住炒，唔會食完一轉無得食！龍蝦係回本位，大大件，肉質爽彈，真係傳說中既啖啖肉呀👍🏻👍🏻特別推介 ✨烤豬肉卷 個皮好鬆脆唔乾唔靭名物海南雞飯 正常無特別驚艷到我~又唔係特別滑但辣醬好辣，愛辣人士必試🌶️不過第二轉既飯就過✨🍰甜品就有雪糕同蛋糕，蛋糕比較大件，要試曬所有款應該有難度🫐藍莓黑加侖子雪葩-酒味都幾重，唔岩小小朋友食🍨大溪地雲尼嗱雪糕-都幾滑身無冰粒，亦見到大量雲尼嗱籽🍌香蕉熱情果雪糕-味道唔係太夾，如果熱情果配翻芒果比較match 🥭芒果糯米飯雪糕-呢款都幾fresh ，較有口感試左呢幾款都無太大驚喜，味道唔太突出比起H字頭甜度減半，雪糕都溶得幾快只包一杯餐飲(奶茶咖啡檸茶檸水)，自助吧有兩款果茶，

今晚一行六人嚟呢度食夜晚自助餐，其中有四位係長者，所以特登簡啲多熱葷嘅酒店食👍一開波，我一定係先食刺身回本先不過刺身質素一般，鮮味略欠食完冷食開始食牛扒同海鮮🦞，龍蝦尾好食够和味，牛扒亦都唔會太「鞋」口其他熱葷例如檸檬魚，我都覺得唔錯嚟呢度一定要試下海南雞好滑好食，啲飯都好好味，可惜個肚無咁多位只食咗少少鵝肝西多，第一次食自助餐有呢樣野食，不過我比較鍾意佢另一款有苺响上面嘅鵝肝，食落一啲都唔油膩呢度嘅炸物係即叫即炸，好好好食😋呢款係我其中一款鍾意嘅湯/粥？其實佢係龍蝦湯糙米，味道唔錯，但都幾飽肚🤣，只能夠食少少🤏年紀大，好快覺得飽開始食甜品。呢度嘅甜品唔算多款，蛋糕亦偏大件。我最鍾意應該係呢款，酸酸甜甜幾開胃。由於戰鬥力弱，食咗幾款甜品就收檔總結而言，如果家中有長輩，簡呢間食應該唔差，雖然食飯款種唔算多，但係樣樣水準都好好，有水準。特別係一啲小炒，例如牛仔粒，好好食。

1,2星期前book位都好彩book到9位, 今次主題係「星級港式滋味」, 姐係一啲港式食物再加d twist (eg黑松露醬鮮蝦膠煎釀三寶, 咖哩汁鮑魚魚蛋) , 有幾樣食物都幾有驚喜, 整體都值回票價(節錄自官網)由2月6日起至3月31日，咖啡廳將於自助晚餐時段呈獻一系列「星級港式滋味」特色美饌，以矜貴食材重新演繹多款耳熟能詳的經典地道美食，包括懷舊花膠虎蝦乾油渣麵、黑松露醬鮮蝦膠煎釀三寶、咖哩汁鮑魚魚蛋、港式鵝肝醬松露西多士、黑毛豬臘腸及鵝肝潤腸臘味糯米飯及北海道牛奶燕窩蛋撻。一系列港式經典美食，加上海鮮及來自世界各地的特色美饌，你又怎能錯過？環境:五星級酒店, 衞生服務都唔會有咩問題. 拎野食方面都算分得幾清晰, 亦好小出現要排好耐先拎到嘅情況, 坐位都闊落, 每枱都好有私人空間.服務:值得一提嘅係拎野食嗰時自由度都好大, 例如想要走某d配料/要某d部位, 大家可以去explore下野食:海鮮刺身都係一般大路野, 冇生蠔, 都算新鮮, refill得快其他大路野唔逐一介紹-有ham食, 不過都30個月都偏咸-signature肝醬今次係雞肝, 任你cut, 好食-雪榚係自家製,

自助餐的價格已經越來越貴, 選擇之前會多看食評, 找間心水餐廳.早一個半月前訂枱, 被安排坐窗邊枱的位置, 雖然可以望到維港景, 但旁邊是一個地盤, 有些少大煞風景, 餐廳內的燈光昏暗, 氣氛很好. 餐廳分開兩個區域, 兩個區域中間有幾級樓梯, 令我每次行過都有些提心吊膽, 尤其是雙手攞住食物, 如果這間餐廳沒有這幾級樓梯會更加好.Cold Cuts & Hams、芝士、“開心果雞肝醬” 好吃 - Hams咸香味及油脂適中, 味道豐富, 不會死鹹;  “開心菓雞肝醬” 有濃郁肝醬味, 我吃了幾轉呢!刺身油甘魚、甜蝦、帶子的味道鮮甜新鮮.涷海鮮外表好像很吸引, 但吃下去沒有什麼味道, 對這個有些失望, 因為我很喜歡吃龍蝦, 但食了一隻已不再吃. 幸好, 這裡的熱葷有熱龍蝦. 熱龍蝦肉質新鮮, 配上醬汁, 炒出來熱辣辣, 很好吃, 而且供應源源不絕, 今晚就靠這味熱龍蝦翻本啦!好吃的熱葷還有 “龍蝦海鮮糙米粥”、“無花果猴頭菇栗子牛蒡煲豬腱燉湯”, 這兩款屬必食菜式. 燒牛燒、烤羊架、片皮鴨、炒辣子雞、黑松露花枝丸及即叫即製天婦羅味道正常、不過不失.海南雞、蒸魚、蒸花枝片、青口, 味道稍為

首先講返上一次食大概3個月前, 個陣同朋友食完真係好興奮~覺得好開心就決定拍拖紀念日黎食BUFFET!!因為除左質素OK之外, 就係好多野食同埋全部都好出色!!在講返今次的用餐體驗之前, 首先都可以讚返一樣野先..佢地的中式粉龍蝦都係KEEP到水準咁好食..亦都係我食左4轉的野食!!而D HAM同CHEESE都係我覺得中上質素的~都係會食完再拎的!!海鮮就不過不失!海南雞都係KEEP到一直的水準同埋個海鮮粥都唔錯的!!甜品亦係不過不失但出色的麵包布甸都係值得試的!!好啦..分享返我覺得KEEP到同值得食的原因後...真係要認真講返我覺得失望的位...上次黎食的時間佢地的鵝肝多士先唔好講味道同配搭, 至少係正常的鵝肝..........................今次.............真係~好失望講真...有鵝肝的BUFFET未試過可以咁差!佢個質地樣貌同口感仲有味道..比牛餐肉更差..><鐘意食鵝肝的我地係好期待的..一陣我會比返之前同今次的鵝肝相大家睇!!!再深一層就係今次的配搭..跟一個超甜藍莓醬好奇怪..不過呢D配搭各有喜好所以唔係之前的焦糖蘋果醬我都

灣仔君悅有兩間自助餐，大堂呢間價錢比起樓上茶園既平少少，但係食物總類反而多啲，個人會覺得更滿足🫣▪️ 自助晚餐💲價錢根據日子有所變動星期一至四 大$748 小$374星期五至日 大$798 小$399頭盤（7/10）👊🏻莎樂美腸、芝士、沙律等，當中開心果鵝肝醬係坊間比較少見既🫢冷盤（6/10）👊🏻龍蝦、龍蝦鉗、長腳蟹、帶子、青口、螺、蝦：唔算係好新鮮，同埋無咩味🤥刺身、壽司（6.5/10）👊🏻三文魚、帶子、甜蝦👎🏻吞拿魚熱葷（7.5/10）👍🏻🌟海南雞：當然要試下呢度既招牌，層皮同埋雞肉的確幾滑身，唯獨係有少少鹹，如果唔係個肚唔爭氣，必定會試埋個油飯😳👍🏻🌟海鮮湯炒龍蝦：熱既比冷既出色得多👍🏻🌟燒西冷：肉質幾軟嫩，牛味香濃👍🏻🌟燒羊架：羊羶味會比較突出🐑👍🏻🌟即炸天婦羅：軟殼蟹、蝦、茄子、南瓜、蕃薯、秋葵等食材提供，點完佢就會即刻炸，然後隔幾分鐘再返去攞，不過其實前後揀嗰啲都係大同小異，但係佢又無派號碼牌，後尾認領嘅時候啲師傅都有啲混亂，勝在個炸漿夠薄脆，唔會話好油膩🍤👊🏻香煎鵝肝：略為乾嚡，唔夠肥美油潤甜品（7/10）👍🏻🌟自家製雪糕：有十幾款口味，推介芒果糯米飯🥭👊🏻蛋糕：綠茶千層酥

走去食咗個中午自助餐5舊半一位，但食物質素真係強差人意！食物選擇小得可憐仲要全部係平價食才。海鮮只有青口、熟蝦、麵包蟹、螺4樣嘢，青口冇味，蝦ok，螺有沙，最大鍋係麵包蟹得返啲蟹身最好味個壳比人攞晒！座左個半鐘，睇見啲員工淨係用隻夾左執右執都唔換過啲新蟹，真係話9之你！日式刺身一睇就知係一早交黎嘅，無論賣相同味道都係百佳級數！壽司更加唔好講！熱食更加把幾火！炆薯仔？炆南瓜？炆紅菜頭？大佬呢啲嘢嚮五星酒店上得枱嘅咩！？啲燒味仲差過嚮街市買，都唔知係邊間超市買返黎？感覺去兩餸飯檔仲吸引，起碼多選擇。仲有一檔車仔麵，湯低都叫ok,但我比5舊半入嚟食個半咸不淡嘅車仔麵！？熱食最好應該係全部食物最好嘅係質素只算合格嘅燒牛肉，但都唔好抱有期望你會覺得好味啲。其他冷盤除左個猪肉卷同啲沙律係要整之外，其他都係即開即食嘅嘢黎。甜品都唔多吸引，攞咗件綠茶西餅入口乾嘅，即係肯定係隔夜貨。個芒果布甸都唔錯，生果新鮮但選擇唔多。最吸引係有即整雞旦仔，入口外脆內軟係甜品中做得最好嘅嘢，但都係嗰句，比五舊水黎食雞旦仔！仲有呢度只提供清水同一杯飲品，係冇飲品bar嘅。而如果佢杯飲品係用個靚啲嘅杯沖比我，我心理上都叫好

上年試Tiffin、今年試Grand Cafe！Tiffin 評價就係貴精不貴多以西式為主、Grand Cafe 就大眾化些，多選擇。凍盤：龍蝦、壽司、刺身、螺、蝦、蟹腳、元貝、蜆、青口、沙律、凍肉、煙三文…熱盤：有中西湯、鵝肝、火雞、煎幾款肉類有蝦/羊/牛/雞翼、燒味檔、焗三文、意大利飯、和牛麵、天婦羅、6-8款熱食。甜品：約十幾款及雪糕。*$798+10%*中銀、恒生、匯豐咭9折

Staycation  早餐buffet去得staycation，其中一樣最期待嘅就係早餐buffet ！今次去五星級嘅Grand Hyatt，質素一定有保證！一坐低兜個圈先！一開頭嘅都係西式嘅麵包🥯同埋甜點，去到後面先有中式或者熟食食物因為太想快啲食所以就冇影相直接拎！所以建議大家可以兜一轉先食，如果唔係就以為得好少選擇，拎咗杯健康飲品細細杯試吓正正常常因為上網睇過食評，所以就帶咗個雲吞嚟試吓先！雖然好大粒，但係又冇想像中咁好味，因為入面嚕嚕左幾多肥豬肉

今日提早食聖誕節餐， 這是提早2個月前訂位。 餐廳服務員有禮，收碟速度都快。 環境方面燈光比較暗。 枱與枱之間唔算太近。另外今次坐近熱食取餐區， 附近食客都好安靜， 唔太嘈。 取餐時都好有秩序。 員工都有keep住整理取餐枱面。食物方面，熱食質素比較高。 例如： 龍蝦熱食較凍龍蝦出色。 另外， 推介羊架 同 鵝肝，天婦羅即叫即炸。甜品方面， 一定要食拿破崙，其他甜品整體都不錯 👍🏻 。 最後仲有一杯拉花咖啡， 有誠意， 因為唔係好多香港自助餐有。

呢度嘅lunch set 都幾多野食最吸引係有自家製雪糕不過突然間想食蛋糕，所以冇叫雪糕🤭麵包同沙律就不過不失啦叫咗黑蒜炒和牛，睇名以為係日式嘅鐵板牛柳粒，黎到原來係中式咁整法，有跟白飯，味道都唔錯，和牛份量都幾多又大大份，一個女仔真係食唔晒甜品都有六七款可以揀，最終叫左opera, 味道都係普普通通啦平日lunch time去可能人太多，都坐得幾滿，所以都幾嘈，服務當然好好，好殷勤，如果環境可以靜少少傾吓計咁就最好啦

Signature Hainanese Chicken Rice should be a must eat item if you place a visit at Grand Hyatt.To be very honest, I did not think it was worth the money, but considering all hotels price their Hainanese chicken rice at HKD300 or above, the Grand Cafe's chicken rice has a better quality in terms of flavours, you can taste that the chicken was soaked in chicken broth for a period of time, the rice with chicken fat was fragrant and soup had a herbal touch.But again, HKD310+10% for a chicken rice is