嗎哪膳工 (已結業)

最近成日幫襯嗎哪，綜合8次外賣經驗，覺得佢出品唔太穩定，先講缺點：❎燒鵝唔止一次畀背脊位，肉少得可憐，女仔都唔夠飽。❎菜心見到幾條菜心都攝住發泡膠粒，即係洗得唔乾淨。❎試過叫瀨粉但畀錯白飯。❎個人口味問題，燒腩仔同燻蹄有少少豬臭味。不過order咗咁多次，係由佢可取嘅地方，有野要讚下：✅叉燒燒得好靚，香口又大份。✅難得可以配瀨粉，而且唔會碎濕濕。✅非一般的例湯，有心機煲好好飲又足料。✅價錢合理，單拼最平五十幾蚊算係咁。

味道Keep水準👍🏻但管理就真係要改善下繁忙時段仍然比4人檯 坐2人啲客扮聽唔到就仍然比佢哋2人坐4檯又唔協助下食客入坐 叫人自己搵位 就由得啲人將袋放空櫈唔明點解有啲檯有1人搭枱去4人檯（果檯另外3個係一齊）但係有啲就比食客2人霸4人檯另外見到遲離既人又會比早黎等檯既人早入坐咁出面等檯係為乜？

各位為食朋友，今次筆者食到一啲真係令人喊出嚟嘅燒鵝雙拼飯🍽！心諗著「唔好掛住名堂，重點係味道！」入到餐廳，果然氹得我轉晒，成間店散發住濃濃港式情懷，飲品到食品咁本土化。先嚟場無味精嘅自家熬煮湯品開場，紅蘿蔔同西洋菜煲到入味，湯底清甜夠曬暖胃。再一上嚟嘅叉燒，各位，呢碟叉燒啱晒欣賞「半肥半瘦」嘅朋友，潤澤得黎唔膩口，肉香四溢嚟！🤤不過，係燒鵝落面我就真係要豎起大拇指讚賞咗！皮脆肉嫩嘅燒鵝，油光發亮一啖下肚，满口留香，仲有鵝油帶嚟嘅層次感，食得出師傅嘅苦心。正所謂「有鵝無鴨」，港式燒臘以味道講，呢家餐廳都算係出色選擇。今日食完，肚皮飽滿回到家，仲卜卜脹脹感慨：真系一場尋常路邊嘅味蕾驚喜！👏👏👏

🍚🤤入嚟揭秘個人覺得最掂嘅燒味鋪，平民價格但味道絕對唔平！響個鋪頭一眼望去，擺佈整齊嘅燒鴨同埋閃閃發光嘅叉燒，已經流晒口水。今次叫嘅叉燒又甜又香，嗰種炭火嘅微微焦香，真係正！配上啲肥瘦均勻嘅肉質，個口感彈牙得嚟唔膩口。而家講講個燒鴨，皮薄肉嫩，啲肉汁跟啲蔬菜一起爆嘅時候，個味道混合埋真係五味齊全。佢哋個醬汁都特別，微微噴鼻、微微甘甜，係嗰種會令你想一口接一口嘅誘惑。落肚嘅時候，我覺得唔單止係飽肚噉簡單，仲有種滿足感，好似一個小小嘅燒味之旅噉，真係食飽又開心。店哋間窄間小，但服務態度好，好親民嘅感覺。呢度嘅燒味，真係要大大力推薦畀大家，勁過一啲平時食開嘅大牌子！👍🏻🍴

第二次嚟呢間餐廳食飯，牆身仲有好多耶穌嘅圖像，每次嚟到都有唔同嘅感覺，一路聽住教會嘅歌，一路食飯另有一番風味，同埋會令人回憶以往嘅往事同埋有啲咩要反思👍🏻呢間餐廳最出名燒味系列，我就選擇咗燒腩仔飯，仲可以多飯同一碗例湯非常之好，燒腩仔嘅皮炸得好脆同埋燒腩仔嘅腩肉半肥瘦口感突出，唔鹹唔淡好有肉味值得推介👍🏻近來仲有新推出嘅燒腩仔叉燒飯👍🏻 40幾蚊嚟講算好抵😂👍🏻餐廳仲會間中仲會將一部分收益拎去做善事，值得支持

🧐 小編依日真係諗唔起食咩好，於是由深水埗行咗走石硤尾嗰陣，諗起之前幫襯過一間後生少少嘅燒味小店，於是再去食過！🥓 雙併飯 😋😋😋😋叫咗燒腩仔併貴紀雞雙併，雙併肉量都唔少：燒腩仔有肥有瘦厚切六、七件，啖啖肉、貴妃雞切件都有五件，肉質都👌🏻 飯量有一碗半，粒粒分明，食得飽肚！🥣 是日例湯 😋😋😋😋叫燒味飯附送例湯，都幾足料，有菜乾同豬骨，味道唔鹹唔淡啱啱好，唔會飲到口乾～ ☺️晚餐 💵💵 約港幣$50/人💁🏻‍♀️ 前排見到有報導提到小店會為清潔工友提供環境好好食餐飯，真係好唔話得 👍🏻 而店內環境好整潔光猛～ 小店位於石硤尾、深水埗同太子中間點，除咗堂食，大家亦可以考慮外賣自取 💪🏻🙆🏻‍♀️ 最後，喜歡嘅話，歡迎follow @foodirectory.hk！

傍晚行開深水埗, 又要準備晚飯, 但時間緊迫,一於斬料加餸,知道附近有間類似社企的燒味店, 品質不錯,一於試下各要半斤义燒及燒腩仔。外賣合頗精緻,可再循環再用, 燒腩仔送飯,腩皮難得仍是脆口的, 义燒肥瘦適中, 可再幫襯。

-「光顧的每一分錢都可以幫到另一個人」就係吸引我光顧嘅原因🩷呢間店外面會有凍水，可以隨便俾人解渴，真係超級貼心，另外店員超級好人。🥢食物方面聽講燒味最出色，點了叉燒切雞瀨粉。叉燒對我來講，叉燒瘦咗少少，因為我最鍾意半肥瘦偏肥一入口好Juice嘅叉燒，呢一隻唔會乾噌噌噌，但係真係瘦咗少少，可能啱啲比較喜歡健康嘅人士，我就麻麻地，另外鹹咗少少，不過配飯或者粉麵食都可以。切雞都一般般，比較多骨無肉食。⭐️例湯好正 （免費送俾我）個湯冇味精之餘仲好足料，合掌瓜都有三四嚿，豬肉成舊骨俾你，飲落去味道適中，唔會太鹹，推介。另外，佢哋都有做食物援助，希望繼續可以幫助香港嘅弱小社群，加油！

五十幾蚊有燒鵝燒腩仔，仲配個湯，好抵食！重點係燒腩仔真係脆，下午再買咗半斤返屋企夜訓同屋企人食，都仲係好脆先西利，燒鵝油香都好正。仲要係良心社企，值得支持！下次有機會會去埋觀塘嗰間試佢嘅西餐。

今日朋友話呢間燒味好食就帶左我去到一間燒味店試下，呢間燒味店會將部分收益會捐去做善事，幾有愛心，同埋內裡設計都係圍繞著耶蘇基督，店員都充滿住愛係入面，環境衛生干淨，而d燒味賣相好靚，今次試左佢既燒腩仔飯好足料👍🏻下午茶時段32蚊仲有湯飲仲可以多飯，一定滿足到大食既人😂而燒腩仔肉質好鮮嫩，外皮都炸得好脆，好好食😋咁既價錢真係好親民，好少燒味店有呢個質素👍🏻👍🏻值得推薦👍🏻👍🏻

之前都聽講過嗎哪呢間出名做善事既餐廳，當日夜晚放工返屋企諗住斬料加餸，行過見到就決定幫襯下🤣望到好似好多人食叉燒，所以我都外賣買左半斤招牌叉燒(要偏肥d)，俾完錢等左十分鐘師傅先出嚟燒味部，再等多十零分鐘先攞到外賣。🤔返屋企打個外賣盒，見到有2舊都幾燶，但望落去其他位好似幾靚，可惜好瘦，咬落去d肉好鞋，同埋唔知係咪因為冇汁舊肉冇咩味…🥲其實都幾失望，唔知係個日失準定點，但我當支持下良心餐廳，可能下次有機會會試下其他野😅

大隻仔今次覓食嘅店舖就係💥 嗎哪膳工 💥 大隻仔今日到深水埗一間專門賣燒味既餐廳食燒鵝飯，估唔到咁高質，好有驚喜，而且價錢平，值得推介。👍👍餐廳由教會開辦，店內會播放新潮教會歌曲，音量細聲，唔留意會以為係時代曲。入到餐廳，先要係門口收費處落單付錢，之後坐低就會有職員送上食物。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 下午茶 - 燒鵝雙拼飯 + 無味精例湯 $43😋 例湯 - 紅蘿蔔西洋菜瘦肉湯 $0西洋菜湯好好飲，充滿蔬菜甜味，有住家既味道，飲得出冇落味精，紅蘿蔔、西洋菜都煮得好淋，煲湯瘦肉就正常少少鞋口。😋 燒鵝叉燒雙拼飯 $43叉燒肉好淋，半肥半瘦，肥瘦均勻，不乾不柴，食落肉質夠鬆化，少少入口即溶，不過就甜左少少，燶邊位比較硬身同痴牙。以為叉燒出色，原來燒鵝更厲害，燒鵝皮少少脆，唔知係咪冬天鵝比較肥美，食一啖滿口油，勁香鵝油味，而且鵝肉淋滑，不乾柴，極之有驚喜，係大隻仔近期食過最好食嘅燒鵝。點梅子醬可以解油膩，仲可以帶出燒鵝嘅香

#嗎哪膳工 早在年幾之前已經想試依間，因為聞說佢個叉燒好正，不過每次去到門口，唔係臨時轉軚去食明興裕泰，就係飽得滯唔想食飯。今晚終於決定試一次。先係門口落單，今次要叉燒燒肉飯，送例湯，$48。例湯好夠熱，都有幾件紅蘿蔔，味道就好似屋企煲既湯咁，半點味精都唔覺有👍碗飯都幾大碗，叉燒果然好正，夠淋身而且帶甜味，份量都夠多。燒肉比燒腩仔，同樣夠多又夠脆，非常好食👍唔少得係個飯，質感幾好，粒粒分明，比一般燒味檔好食。值得一提係依度有下午茶優惠，5點前食平$10，即係$38，加上依間餐廳應該係教會背景，個個員工都好有禮貌，加埋出品質素好， 絕對值得支持😁嗎哪膳工深水埗大埔道104-106號豪信大廈地下3號舖@foodiehck2022 #港飲港食平靚正 #燒味飯 #叉燒 #腩仔 #深水埗美食 #抵食

🍪【#深水埗】嗎哪膳工 Manna 💥非牟利燒味餐廳 出色柴香燒鵝+脆皮燒腩仔💥.🍪 睇完📺Alfred介紹決定嚟試下燒味飯！Manna係⛪基督教非牟利機構，以餐飲實現社會關心🫶🏻。叫咗叉燒燒鵝飯($53)同叉燒燒腩仔飯($48)。無味精老火湯賣晒，加+$5轉飲凍檸茶。~~~~~~~~~~~~~🍽️ 柴香脆皮燒鵝 (5/5) 覺得燒鵝先係招牌菜😍！燒鵝皮滿分💯，塊塊都香厚重油香🤤！肉質嫩滑，美中不足唔係好多肉🥹。.🍽 招牌脆皮燒腩仔 (4.5/5) 同一般🐷豬腩肉唔同，外表嚟講層皮唔會好燶😳，貼得舊肉好實；味道方面鹹香味適中，又冇咁肥膩😋。點芥末食好味❗.🍽 招牌掛蜜叉燒 (4/5) 一定要叫半肥瘦‼️竟然犯咗低級錯誤冇叫到😱😭。六塊叉燒色澤自然有油光，偏瘦肉嚟講其實算軟熟☺️，淨係得兩塊有少少鞋🫣。本身對叉燒期望最高，所以兩個人都叫咗叉燒🥺。👦🏻俾咗一半燒腩仔我食🥰。~~~~~~~~~~~~~🍪 總結嚟講燒味幾出色😆，推介燒鵝同燒腩仔👍🏻👍🏻👍🏻，叉燒要叫半肥瘦‼️另外餐廳開到20:30，見19:30開始收埋啲燒味😛。~~~~~~~~~~~~~味道 Taste：🍪🍪🍪🍪🍪/5環境 Ambie

我今次幫襯呢間燒味店係因為人哋介紹的，買咗佢最出名嘅叉燒同埋燒鵝雙拼飯，盛惠50幾蚊，但係佢比到嘅質素係遠超過50幾蚊嘅質素。首先講吓個叉燒先，佢係屬於半肥瘦嘅叉燒，入口啲脂肪就會開始響個口溶化，啲肉好林，味道唔會過甜。至於燒鵝，好開心好幸運今次佢斬咗隻髀俾我，已經喜出望外，一放落口，啲皮好鬆化，脂肪馬上響個口溶咗，啲肉又滑又嫩，味道唔會偏鹹，重點係帶有一啲檀香木香嘅味道，後尾先知佢原來係用某啲特製嘅方法去燒個燒鵝先會咁好食，係專業過燒鵝海鮮酒家食嘅燒鵝。至於個色，似乎餐廳有自己特定調配嘅醬汁，並唔係其他燒味舖食嘅味道。好食嘅，但係我食唔出佢用咗乜嘢特別嘅方法去調配。由於我今次食嘅係外賣，佢個飯盒都令我好印象深刻，因為佢係用一個粟米盒去裝住，我覺得又環保又衛生。仲有，所有飯都會送一個冇味精老火湯，我嗰日飲嘅係煲老黃瓜，又真係唔會死咸，唔會淡到好似水咁，真係唔錯喎！所有鍾意食燒味飯嘅人，一定要去試吓呀！