嗎哪膳工 (已結業)

每日讀新聞報紙、扭開電視看電視台新聞報導，均是往常不做不自在的「公事」，可是近年「公事」不再例行，改為收看收聽網上分析和新聞報導，相信不少香港人的習慣，也如我一樣改變了！經網上報導認識到「嗎哪」後，到深水埗一帶不為嘆啡，而是改行食燒臘去！相信有不少人早已認識「嗎哪」 了， 所以不在此詳述，有興趣了解的朋友亦可透過其網站得到答案「嗎哪」用餐地方不大，落單採自助形式，找到座位後，便移步到收銀處買餐！眼前閃一閃，送餐的哥仔不就是斬燒臘的師傅，可說是工作崗位的靈活配對，妥善運用資源吧，讚！好足料的柴香脆皮燒鵝併招牌脆皮燒腩仔瀬粉，有齊芥末與梅子醬，還奉送無味精老火例湯一碗，售價才 HK$53，名符其實的非牟利！那味道又如何？招牌脆皮燒腩仔的脆皮超鬆脆，腩肉部份爽口不油，而且更是小鹹的健康版本，認真合乎我的需求！柴香脆皮燒鵝同樣十分香脆，皮下脂肪偏薄，入口滲出鵝油香，但又不至於爆油的極度邪惡，個人覺得這健康版是剛剛好。至於燒鵝肉，每件也呈現細嫩的狀態，完全沒有柴感，入味程度不俗，亦不過鹹，可是就沒有我最喜歡的花椒八角香料味，有點失落啊！   瀨粉的湯頭清而不油，味道溫和，如果你鍾愛傳統、帶有燒臘

去開深水埗買凍肉，就入咗去呢間嗎哪膳工店面唔大，但佈置都好有心機，有好多基督教元素睇返網上資料，先知佢地都做咗好多基層工作，當然要支持下啦！叫咗一客雙併飯（$48）係油雞配燻蹄，燻蹄唔係度度有得食，配埋酸汁，十分開胃油雞就不過不失啦，肉質略嫌鞋咗少少另一客叫咗燒鵝飯（$53），唔貴喎！燒鵝油花十足，仲好幸運地有一隻鵝脾，成個飯都好滋味，值得推薦！跟餐有湯，再加咗錢配凍奶茶茶底都算濃郁，但茶奶平衡唔算做得好好，味道偏苦最後咁高興，就嗌咗個例牌叉燒（$98）係無諗過會有咁多咁多叉燒有燶邊，蜜糖亦充足，令人一嚿接一嚿食唔停總括嚟講，都值得嚟支持一下！

係燒鴨懸念下,我又搵燒味食...大埔道哩間嗎哪膳工開左一段時間,我都未試過,哩間由教會人仕開左燒味店,會派飯比需要人仕及基層街坊.原來佢地係冇燒鴨架XD 燒鵝都好,飯類加$18可轉鵝汁撈粗,哩個係好吸引,但我想撈瀨粉...問左店員妹妹佢話冇得轉撈瀨,只可走湯(本身已分湯),如果要撈粗咁既汁量就要加$18,於是幫我寫要多汁,雖汁量未到撈粗既汁量,$18用黎食雙拼啦XD另外有寫想要鵝籮柚既.我係搭車果時打側左,倒左半個湯...分格既燒鵝同切雞,瀨粉湯,仲有例湯送.有跟薑蓉酸梅醬,另有叫跟辣椒油.燒鵝真係脆皮既,鵝肉仲有肉汁,係好食既,雞都好食,唔乾身,菜心一條XD搬曬落去就係咁樣啦,可能我胃口日漸長大,近來食野成日覺得唔夠飽XDD

今日想食個快飯，燒味就一定夠快啦~~深水埗有好多燒味飯,但抵食、乾淨企理、好坐少少就呢間因為知道佢地係櫃面落單，所以一入去就叫左個切雞燒肉飯加杯凍檸茶燒肉皮脆唔咸，肥瘦適中，點埋芥辣啱啱好,而切雞亦都好滑,如圖所見都有少少雞胸,但都唔會太"鞋"唔錯唯有要改善的就係凍檸茶個茶底，唔太濃，茶味都唔夠，所以如果天氣唔太熱，飲佢個例湯仲正個湯又係送，又足料，不過燒味飯配凍檸茶係最夾的，希望下次去我可以有改善 ~~

之前食過觀塘嗰間西餐，覺得幾好食，又抵食，所以今次嚟試吓唔同系列嘅燒味。第一次嚟，一入到去店員就好清晰咁話俾我知，要喺出邊收銀度落單，搵咗個位就出返去落單啦叫咗碗燒鵝叉燒飯加鹹蛋，仲送例湯雖然我冇加錢轉做鵝脾，但係啲燒鵝係幾好食，可能我得到個部位唔太肥， 皮脆內嫩，中間有一層肥膏，但係識落都唔油，骨位亦都好入味，唔錯叉燒就唔覺有燶邊，但係就好鬆化，又唔會太甜佢仲送碗例湯，例湯好足料，好甜，配埋燒味飯一流

無意中發現這間燒味店，距離工作和屋企都唔近，但今日終於的起心肝來了，未入坐之前是要先買飛先，同（大x樂）一樣，我選擇左燒肉鵝飯十凍奶茶，聽人講話呢度啲燒肉同叉燒好味，試過了，燒肉好味，果皮鬆化，鵝就正常之上，凍奶茶都ok，$58元來說不貴，下次來一定要試埋叉燒，睇返佢啲資料，係一間社企店，現在香港已少有啲出色嘅社企店，希望大家能多多支持……………………………………………………………………………..

平日fb睇嗎哪的post,一直也有支持他們事工，但老實說對他們的食物沒太大期望。一般掛名非牟利團體的餐廳，感覺就是攞了牌可以價格偏高的賣一般貨色的食物。今日剛巧經過，便去幫襯支持一下，卻不料有驚喜。首先裝修光猛企理舒服，沒有一般燒味店油膩的感覺，比起燒味店，更像一間cafe.看到價錢牌，價格親民不算離地。叫了一碗燒肉薰蹄雙併飯（少飯）（送例湯）$48燒肉有四大塊，薰蹄有六七片，再加兩條菜心。燒肉味道正常不太咸，肉質唔柴較腍，有脆皮，但未至於「薯片咁脆」個種，不過都已收貨。至於薰蹄則有驚喜，有很香的玫瑰露味，有咬口又唔柴。唔可以話超級好食，但48蚊完全係cp值高，一定有下次。臨走叫多半斤叉燒（$60）回家送酒，個外賣盒非一般的塑膠盒或發泡膠盒，而是環保可分解的玉米澱粉外賣盒。👍回家放至晚上，叉燒已經涷了，用焗爐200度5分鐘番熱，那些叉燒看下去不太肥，咬下去軟腍沒有渣。有時用叉燒送啤酒，吃著吃會有點膩和厭，但這次不知不覺間就全吃完了我罐啤酒還未喝完呢🤣 期望下次去試試他們的燒鵝

叉燒的確比出面係軟淋，價錢親民。燒腩仔皮脆，呢個價錢算做得幾好唔錯。例湯無味精，可以飲下。如果多人時，建議餐廳搵個伙計寫number紙仔俾人排隊較好，無咁混亂。。下次有機會再試其他野食。整體算唔錯，可以再食。

Manna 。 嗎哪 係大埔道近黃竹街果頭開咗一間燒味餐廳 嗎哪膳工佢寫明係一間非牟利的餐廳目的之一係提供就業空間我訂過 嗎哪 的到會食過佢哋的燒味真的好好食我甚至覺得水準拍得住人人和平同原汁原味我睇過 嗎哪 的post知道佢哋燒味師傅係有料到的仲要佢哋選用優質食材絕對無將貨就價佢哋好想為深水埗街坊提供上乘的燒味某日去深水埗扮文青睇展覽就順道去 嗎哪膳工 買叉燒店員很有禮很helpful我要半斤瘦叉其實半肥瘦會更正但我要keep fit所以忍口食瘦叉雖然係瘦叉但唔會又乾又柴肉係稔身的而且甘甜入味我本來諗住半斤會分兩餐食因為我已有其他餸菜點知食下一舊食下又一舊最後我同Fu Gor兩條友食晒半斤證明真係好好味😋朋友話佢其他燒味都好正下次要再試Btw講多句早前因為牌照問題而未能供應的到會依家已經有得訂返啦隨住防疫措施的放寬跨家庭聚會的解禁大家要order到會可考慮 嗎哪佢係平 靚 正 善之選#黃店#良店#燒味餐廳#深水埗#大埔道#嗎哪膳工#裙姐深水埗推介#裙姐的生活良消