名點屋

营业中

休息中

這間酒樓已經來了幾次, 真的是平靚正之選. 雖然不是酒樓的格局,有點茶餐廳FEEL,但係茶錢只要3元,又唔使加一, 點心又熱又好味. 真的是屯門區很難搵到類似的地方.牛肉腸,煎糯米雞,蝦餃,叉燒包,蒸賣全部都好熱,真係即叫即蒸,叉燒包一定係自己做的,因為形狀係不規則的,同埋個包皮好靚,好軟,竹面的叉燒好多汁,好味又唔係好肥. VERY GOOD.煎糯米雞都好好味,上面有隻雞蛋,煎到好香脆,咬落去有些糯米雞的配料,好特別,好好食,配料係一些肉之類,但係煎到底面都金黃色,又香又脆.正呀.牛肉腸粉個腸粉超滑的,好軟綿綿的,入面的牛肉又多又香,有些芹菜粒,真的好好味.蝦餃就皮厚了一點,但都多蝦及爽的. 燒賣係有一塊鮑魚片係面的,即刻高檔次左呀. 都好味的,冇咩肥肉呀.之後的一星期又連續來了兩次啦, 食了蛋TART,熱辣辣,雖然唔係好大件,但係好好味,唔會好甜,個牛油皮好好味,好香同埋入口即溶,入面的蛋又係啱啱好的,好滑. GOOD AR.鱆魚飯及鳯爪排骨飯都好正,足料,飯係啱啱好,唔會好淋又唔會過硬,配料又多,排骨有好多件的,唔會好肥,鱆魚又係好淋身又香架.酥皮叉燒包係好大隻的,又熱辣辣喎,好

媽媽話見到一間新地方可以食點心,所以同佢嚟試下,我都唔知原來呢度開左一間餐廰食點心的,這裏是餐廳格局, 等了一陣就有位,坐位多數係二人至四人枱,沒有大枱的.我們叫左一個鱆魚肉餅飯,一個煎釀茄子(係門口見到每天特價點心), 一個小籠包, 點心選擇唔算多,有茶的,不過冇得揀咩茶. 點心出得都算快, 鱆魚肉餅飯都幾大盅的,每人可以有兩小碗呀, OK的, 飯唔會太淋, 鱆魚又唔係好咸.煎釀茄子有三大件,熱辣辣的,茄子表面有一層肉的,茄子都好JUICY,幾好味的. 反而小籠包最失色,係用一個錫紙放住小籠包係入面,但係小籠包蒸得過火了,個皮好硬呀,都有湯汁的,不過真的太硬了.這裏唔可以坐好耐,因為坐得唔舒服.

寶貝下課後，和他在tmtp逛了一會後，突然很想吃點心。然後，想到aeon地下之前hk diner位置，由海天花園主理的名點屋。由於是下午茶時間，很快便可入座。拆掉了以前的卡位，編排為四人一桌的檯椅，大部份沿用之前的佈置，感覺很簡潔。茶是平常在茶記喝到的茶，以用一個暖水壺盛載，最少是夠熱和不用經常要求加水。但提供如此茶水是否需要收每人$3茶錢，真的見仁見智。還好這裡不設加一。叫了四款點心：水晶鮮蝦餃、名點燒賣皇、豬膶腸粉和椰汁馬豆糕。先上桌的竟是椰汁馬豆糕。奶味比椰汁味重，不太甜。所有點心都是即叫即蒸，等了十五分鐘左右，點心陸續上桌。先上的是水晶鮮蝦餃。餃皮不算太薄，但不會一夾即散。饀料部份，以翠玉瓜取代芛絲，感覺清新。名點燒賣皇，廿多元的價錢不要期望燒賣上舖的是鮑魚片，應該是仿鮑片。饀料以蝦肉為主，豬肉並不多，如加添一些冬菇，香氣和口感更佳。本來想試排骨腸粉的，但因點菜紙上沒有，改點了豬膶腸。它不像添好運的腸粉皮那麼薄，豬膶蒸得略老，但最少沒有異味，薑味和莞茜味濃郁。但想不到它的價錢比鮮蝦腸更貴。埋單$110左右，不設加一。整體而言中規中矩，有機會再來。

又放閒日，想不到吃什麼，二人見有新食店，就試試! 點心選擇不多，另門口有牌寫住是日特價$9魚肉釀茄子，我估平日有一樣食物做特價，另平日下午3~5時85折!另還有一紙貼門口寫著平日早上8點半至11點以下選兩樣(米皇，馬拉糕，孖腸，鮮竹卷，咸水角，牛肉)$206.5/10~夠酥脆，但包皮厚了點，餡相對少了7/10~4大件魚肚，夠入味，雞塊冇雪味夠滑，北菇好香，唯欠薑汁味6.5/10 ~ 面那塊假鮑片唔要好過，一pat 嘢在面，味道唔襯6.5/10~ 好大隻，但本人不接受有脆肉瓜在內，食味亦非傳統蝦餃味7/10 `~外脆內淋滑，茄孑好甜8/10 ~ 大碟抵食之餘，粉皮真是好滑好有米香，餡料亦好多，唯果皮味不突出7/10 ~ 小小一盅，飯粒夠爽，有米香，排骨鳳爪一般二人埋單約$155，一至兩人平日11點半過後當屯門其他酒樓冇特價，而又趕時間又要止點心癮可以一去，4人去相對食物選擇少!

吉之島的地下從前是海霸酒家，屯門人都習慣叫那邊做「舊海霸」，早前是由椰林閣的Hong Kong Diner經營的，不過真係Die 啦 質素，所以快快摺埋皆大歡喜；新開不久的名點屋是海天酒家旗下的，只用了超短時間裝潢就開張，要比個「勁」字佢，而且一開業就變了另一間酒樓似的，早上看到老人家一個人來攤大報紙，看到巴士司機，看到百貨的職員Promoter，看到湊完返學ge師奶兵團等等等，完全沒有坊間那種新式點心店的氣氛話雖如此，這裡的裝修尚算光猛簡潔，企企理理以四人檯為主，而且茶錢$3不設加一，地點方便，所以也吸引了魚子醬一家來試試，我們是下午茶時間來，因搭住晚市前的交界，熱賣的點心都有些沽清了~未能盡興看著點心紙，總想選些懷舊少見的點心，如這個排骨腸粉 [$24]，肉多骨少，雖然可說是各有各吃，不過這樣一來可以不用再被逼與鳳爪同吃，也沒有那麼多濃濃豆豉味，是個飽肚的組合，不妨一試，總好過常吃叉燒腸牛肉腸薑汁千層糕 [$16] - 因為是熱食的關係，薑味頗出，小朋友會怕「辣」，不過軟糯彈牙的口感還不錯，不過似乎有些倒汗水還是糕身出水? 有些微影響蛋煎糯米雞 [$18] - 這個近年真正少見於酒