名點屋

营业中

休息中

而家市面多左好多食點心的食肆不用限制於酒樓或時間只要想食，隨時都食到、而且等位時間遠比酒樓爲短。呢間名點屋已經係第2次光顧了我本身好鐘意食腸粉，呢間粉腸食過後亦入左我個心佢名堂係「路邊豬腸粉」，買相同早餐店的相似但好粗，好滑，真係食完一件又一件而呢到但一個賣點就係即叫即蒸，所以落單後，有d點心可能要等耐d佢的點心種類有好多，真係不輸酒樓平日仲有早晨優惠同下午茶優惠而且全日不收加一除左點心、呢到的煲仔飯同樣出色

我同老公鍾意飲茶，有時夜晚都想飲茶，飲夜茶當然要黎到我地成日幫襯嘅名點屋，呢到嘅點心都係即叫即蒸，上枱時一定係熱辣辣，餐廳環境比較新派，不是一般舊式茶樓嘅格局餐廳採用茶包沖茶，普洱味道的確係唔夠舊式酒樓咁濃味款式唔算好多蒜蓉蝦春卷熱辣辣，炸到脆卜卜好味啊路邊豬腸粉腸粉十分滑溜，配搭埋混醬間直係人間美食花枝鮮蝦韭菜餃韭菜味濃，但略為油膩左少少流沙奶皇飽雖然上枱時係熱辣辣，但餡料唔夠流沙，不過味道搭夠，唔會太甜山竹牛肉球牛肉球係我嘅至愛，軟硬度適中茶芥每位$6，唔洗加一，埋單$151。

Weekend同男友係屯門睇完戲行下街又到搵食時間.大家又唔想食咁飽.咁就決定去飲個夜茶嘆下點心la.名點屋.即叫即蒸點心鋪.種類算多.店內環境算ok .地下唔會油淋淋.坐位算舒服.枱與枱之間又不太迫.服務算可以.上點心又快又夠熱.如果不是爆埸二位都可以坐到四人枱.之前已經食過好幾次.二個人又唔想食太飽又想叫多D種類野食.飲茶係唔錯ge選擇餐牌種類算多飲茶最怕係D茶同點心唔夠熱。Lee到茶同點心都夠曬熱.推介:路邊豬腸粉.唔洗大汗淋漓係路邊食.都可以食到又多醬又滑ge豬腸粉la.花枝釀茄子:舊花枝彈牙又大舊好食(加上我個人飲茶最愛食香煎花枝餅.所以次次一定叫的一道點心)花枝鮮蝦韮菜餅.這個亦ok .香囗好食.名點燒賣皇.肥瘦適中又夠彈加上仿鮑片.算係交到功課的一個燒賣2個人叫左4個點心已經好好夠飽la.即叫即蒸的點心舖黎講算做足本份.

食身質素愈來愈差聽講好似換左廚師以前去都冇咁多味精依家去食 差吾多每食一碟野就要飲大量水真心差左好多服務質素都系一般 大多數黑口黑面 不過吾系重點重點系食身質素真系差左好多好多以前d野食都好似冇咁求其 不過幾百蚊都吾會對佢要求太高只系覺得好失望 由一間有水準既食市變到一間事事但但整碟野比您食完既快餐店冇反應食完都好似覺得事但搵間美心都好食過佢基本上埋單好飽 但系吾知食左d乜最後結論系飲水飲到飽以前系食野食到飽真心講句 不如請番個有水準既大廚啦

最愛跟老豆兩人來呢度飲茶，環境好服務好，食物都好。臘味煲仔飯係我地必點既主食，仲可以走膶腸，d飯好Q Q，幹身，飯焦係我至愛。另外點心方面，小籠包唔錯，夠鮮甜，菜苗餃都好食又健康，唔會太油！

坊間有很多食點心的鋪頭，個人也喜歡這種形式，因為沒有截單時間呢，下午三點左右來個下午茶時間也不錯～而且這店也收得頗夜呢點了以下三樣東西：藥膳魚頭浸雞腳 - 藥材味夠濃，魚頭和雞腳也很份味，但如果雞腳多一就更好花枝鮮蝦韭菜餅 - 蝦肉夠多，不會太薄，炸得剛剛好北菇蒸雞飯 - 冬菇超厚身，雞肉及飯的份量也不會太少，重點夠乾身其實已多次幫襯此分店，因為食物和服務不錯，而且位置也算方便；只是碗筷真的有點點油，如果改善好這點絕對會再加分

同老公太耐無去飲茶，心血來潮！突然好想去飲茶所以就夜晚晚餐就去左附近的一間飲夜茶原來夜茶都勁多人，好彩都係等左一兩張枱就有位！我們叫左個二人套餐，因為可以唔洗再諗食乜好！還掂二人餐都是我倆都鍾意食的點心！加上個飯可以轉其他煲仔飯！所以我就要左個鳳爪排骨煲仔飯個餐包捨：有水晶鮮蝦餃，紅油炒手，金粟叉燒腸粉，菜心，同埋個飯，加甜品！每一樣的點心都勁足料！同埋都大碟的，兩個人食都已經夠晒！可惜食到勁飽，到最後我們都忘記左係有甜品食！無食到就走左

阿媽呢期鍾意咗食嘅茶樓價格方面，假日真係幾貴，一款點心都$30-40～ 不過真係好味嘅，所以都試下啦！叉燒腸腸粉真係好滑，同叉燒配合得天衣無縫，你食落口會覺得啲叉燒融咗喺腸粉度！呢碗聞落好香荷葉味，食落好黏好彈牙嘅糯米飯，會令人食唔停口！花生同臘肉混喺糯米飯度，有陣秋意同暖笠笠嘅窩心感，配埋香濃嘅臘腸，又一滿分之作！鮮竹卷比較油膩，外皮都偏厚，冇融為一體嘅感覺，但味道唔差嘅，一般啦～我媽喜歡嘅鴛鴦水晶包，豆沙同奶黃都唔會太甜，熱騰騰嘅外皮夠彈牙，喜歡甜食嘅都會鍾意。煎得好香嘅生煎包，入面竟然好重胡椒味，幾辣！唔係唔好食，只係同上海嘅生煎包唔同，似台灣胡椒餅咁，幾得意嘅～ 好惹味！幾精緻嘅茶點～偶然幫襯都唔錯！

一入到去完全無人理你，要搵人問係咪可以自己搵位坐低…坐左係個員工附近完全唔明點解d員工可以當自己係街市咁嗌…d碗黎到d油係多到熱茶都去洗唔到，跟住仲要未洗完，有個阿姐就走黎收我碗茶完全無問過用完未…同佢講未洗完佢眼神好似想殺人咁…都係頂唔順走左!真係差過以前舊鋪好多…

2條友去完屯門探朋友同初新bb，費事打搞朋友咁耐，夜晚自己去左屯門搵食，亂打亂撞見到間點心舖，決定試試，七點幾，餐廳好full，去到岩岩有一張四人枱，估唔到我地得兩個人，都比我地坐張四人枱。兩個人叫左五樣野～有我每次飲茶都必叫既燒賣，好特別，有一塊野係燒賣上面，估佢係肥豬肉，食落原來唔係，大家都食唔出係咩，不過好香，好似啲菇咁既味，雖然到最後都唔知係咩，不過同粒燒賣幾夾酥皮叉燒包，超熱辣辣，正！鹹水角， 又係超熱辣辣，個皮勁脆諗住健康啲叫咗個上湯浸菜心，無味，似白烚菜芯另外仲叫咗個煲仔飯，太肚餓，唔記得影相，哈哈！五十幾蚊大大煲飯，好抵食！另外仲要收七蚊一個茶位，免加一。忍唔住即刻推介咗畀住屯門嘅朋友

今日母親節,見到食評唔錯,又唔想成日食酒樓咁悶,就同媽媽嚟食,這裏位於屯門市廣場吉之島附近,嚟到都幾多人,都等咗15分鐘先有位,入面幾大,可容納五十人,唔算逼,同媽媽飲茶無影相,叫咗:北菇棉花雞$30好食而且好大碟,起碼有五六舊雞,雞肉又滑,我極力推介蜜汁叉燒包$25味道好味夠濃,基本上我每次飲茶必定會點叉燒包鮮蝦菠菜餃$31相當大粒,皮薄晶瑩剔透,菠菜夠多夠清新韮王鮮蝦腸$32皮漿夠滑,蝦也大隻,但豉油味道一般,未算凸出蒜茸蝦春卷$34價錢比蝦腸貴,唔通內有乾坤? 這裏春卷係以前細個食嗰隻粗身的春卷,唔係而家筷子咁幼的長春卷,入面充滿蝦肉,必點之選花枝釀茄子$25茄子相當大條,釀滿墨魚滑,加埋豉汁,那有不叫的理由蠔皇鮮竹卷$25間間的鮮竹卷也差不多,分別只係個蠔皇汁,這裏夠味不算鹹鳳瓜排骨飯$29排骨好入味,都幾大盅,加上幾深食得飽人$7位茶點專門店來說不算平,但位於大型商場都算係咁,起碼鋪租有番咁上下,3人食了$252

聚會活動後與數位教友飲茶，由一位住在屯門的朋友帶到名點閣。點心都是熱騰騰的上，溫度十足。叉燒包：叉燒醬咸甜得宜，不過未足以滲進頗厚的皮裡。沙嗲金錢肚：沙嗲味不夠；幸金錢肚爽滑。醬皇蒸鳳爪：豆豉味很出，好味。名點燒賣皇：有鮑魚片在燒賣上，咬下有煙靭有肉香，是驚喜。上湯蒜子浸娃娃菜：淡了點，上湯可以更濃。排骨蒸腸粉：另一驚喜之作，很大碟，排骨不靭，腸粉又勁滑！紅油抄手：肉餡及蝦都很爽，和著甜甜辣辣的汁甚是惹味。趁著天氣稍涼，我們叫了一個臘味煲仔飯。在餐廳吃的煲仔飯當然不會預期有炭爐香，不過這個煲仔飯亦不會太乾身。飯煮得夠香，臘味的油香盡情地被飯粒吸收，每一口都是精華，加上甜豉油，大家都狂吃飯，臘味變成配角了！點心專門店比比皆是，就是喜歡這裡沒有浮誇的炫耀，走的就是平平實實的路線。

久不久會來到屯門，工作閒逛都會。既然在屯門，也不用花時間去想到那一間餐廳，因為已突然想起了一間點心店，便向目標前進。曾記下了名點屋為目標餐廳，可是一直沒有刻意的造訪，直到今日才去一趟。潮州粉果一向都會點來的點心，內裡的鮮內加上花生馬蹄等食材，令口感豐富，加上辣椒油，就更香口惹味。外皮略為厚了一點，不是晶瑩剔透。蜜汁叉燒包一籠有三個，每個都是細小，份量較從前的小。但是食味濃郁，內裡的蠔油叉燒味道濃厚，不減從前味覺。醬皇蒸鳳爪是一直飲茶都會點來的點心，鳳爪需靠醬汁來提升鳳爪的食味，故有濃郁而帶有便豉般的味道，鳳爪一向沒甚多肉，只有雞腳的皮和爪心吃呢。現在的腸粉，饀料不限於一種食材，還加上其他食材，就像這炸菜牛肉腸粉，除了牛肉外，還有炸菜，可惜的是，只有一條腸粉中才有炸菜，炸菜份量顯然是不足。而牛肉都幾滑的，加上炸菜的那條腸粉，食起來有些脆口的感覺。甜品是馬蹄糕，看起來像是布甸，實質吃起來與布甸無異，口感有滑溜的。整體來說，點心價錢略貴，每款點心的售價都較外邊的貴幾個大洋，所以結賬時幾近要百個大洋。

本身好鐘意食點心，整個屯門市廣場只得呢度夜晚有點心食！所以今晚晚餐就喺呢度食入去之前望望餐牌，坦白講覺得有啲貴。。但太想食點心又唔想走黎走去，所以都入左去點左幾樣野，上枱第一樣係叉燒包，真係嚇左一跳！酥皮叉燒包個size 比平時酒樓/點心店起碼大1/2,真係好大件！以size 黎計，其實都真係好抵食！食落都係好食嘅。至於排骨蒸腸粉都係勁大碟，好多排骨，腸粉真心好滑，好味！有點喜出望外。到蒜茸蝦春卷，足足有4大條！亦係超大份量。鮑螺金勾咸水角，件頭正常，都好味嘅。同埋居然有青島比老公飲，幾好。。啤酒款式都好多美中不足嘅係原來晚市居然無蒸飯食。。待應叫我地轉叫煲仔飯，但心唸，食煲仔飯我不如去好近我公司嘅廟街會有風味更多餐點心2個人食都好飽！份量超多！為返價錢唔貴，但2個人就變左食唔到好多款式。

原來自從新年期間幫襯過一次後，數月也沒來過名點屋，想起它的點心，就趁到大嶼山遊玩前，先來吃個點心早餐.早上8時多，店內已有不少食客，幸好仍有一張4人枱，不用等位真好彩.時間尚早，可以享用到醒晨孖寶點心，只需$26 便可吃到2款指定點心，另外茶位$5，沒有加一服務費，都是幾抵食的.金鈎咸水角名點屋的咸水角是幾有水準的，吃過幾次，每次都是剛剛炸起，熱辣辣的，內裡是鹹香的肉碎，挺好吃.潮州粉果粉果的外皮幾煙韌亦不糊口，內裡有香脆花生、沙葛、豬肉碎等，也是水準之多.香芋鴨腳扎由於我不替鴨吮腳趾，所以這點心就由父親一手包辦，看賣相好像都不錯.韮皇鮮蝦腸一客2條的蝦腸，熱度有點不足. 腸粉都幾嫩滑，內裡亦有彈牙鮮蝦，尚算抵食. 名點燒賣皇 (是日特價: $16)每日也有一款特價點心，之前吃過多次都是百花釀茄子，這次居然轉了燒賣，而且只售$16，當然點來一試. 可惜燒賣似是翻蒸，外皮濕淋淋，豬肉亦硬實，可以話幾難食吓!除了燒賣外，其他點心都不錯，加上沒有加一，都比酒樓抵食.屯門屯隆街3號屯門市廣場一期地下G001號舖2619 9380