名點屋

营业中

休息中

劣食級別本身幾鍾意名點屋...點心味道唔錯 相比菜樓唔算太貴 又好似可以逐粒叫 未裝修前間唔中會同屋企人黎食裝修之後又疫情又忙無點樣黎 今日得閒同屋企人黎食野發現d野差哂d野又貴蝦餃（40蚊一籠）同小籠包睇落好似好多料 但食落普通質素最差就係我最鍾意食既鮮蝦腐皮卷 一碟3件 1件都未必有半隻蝦...塞滿哂雜菜 食落個味好奇怪唔講以為食緊齋卷 有1件仲有一陣怪味 d菜壞壞地定雪味 真係食到好嬲呢間我以後都唔會再黎啦 劣到爆

今日得自己一個食午飯,本來想叫點心,但又怕食唔晒,惟有叫碟义燒拼燒鵝飯,加杯凍檸茶😄碟燒味飯賣相唔錯义燒指明要半肥瘦,蜜味濃而不膩,肉質又夠淋。至於燒鵝,實在太正有鵝脾食,肉質嫩又唔太肥,啲汁仲爆出嚟,淡淡甘香的鵝油撈飯食最好味下次揾多幾個朋友仔飲茶先

我個人比較心急，食嘢都好快🤭要我去酒樓坐個幾兩個鐘我會無咩耐性😂加上疫情期間都唔想去酒樓依啲高危地方(始終太多人除底口罩高談闊論🙊) 名點屋依類速食點心店就啱曬我，快靚正‼️燒味點心二人套餐 $228 真心好抵食🤤燒味拼盤👉見一份例牌燒味都要7、80蚊，揀左最貴既叉燒拼燒鵝，叉燒好淋好夠味，燒鵝既皮脆卜卜，好新鮮!!名點燒賣王👉好喜歡名點屋既燒賣比較少肥肉又多蝦，好彈牙😬食過有啲酒樓既燒賣全舊都係肥肉，仲勁多味精，食完口渴到呢...排骨蒸腸粉👉布拉腸粉超級滑，唔係好識揸筷子既我要夾都有啲困難🙈排骨數量算多，味道就不過不失啦🤓上湯浸菜心鳯爪排骨煲仔飯👉依個煲仔飯好足料，3個人食絕對都足夠!! 鳯爪較排骨出色，煮得好淋好入味😋本身唔係太鐘意食鳯爪既我都爭住食😜煲仔飯既底仲好脆卜卜既飯焦，好滿足🤤甜品/飲品x2👉揀左芒果布甸+桂花杞子糕味道正常啦，始終唔係甜品店，要求不能太高😉PS 同場加映花枝釀茄子、蒜蓉蝦春卷都勁好味，依間一定會再幫襯👍

屯門巿廣場嘅名點屋新裝修，客似雲來，每次都要排隊先可以入內，坐位同地方較寬躺舒適。排骨蒸腸粉，手拉腸粉非常滑，排骨有鮮味三拼自選燒味飯，72蚊，燒鵝皮油脂香濃，肉質好嫩，推介燒肉，皮脆有咬口，而且有飲品送燒賣內包有肉粒，冬菇，鮮蝦，真材實料蝦餃蒸得脹卜卜，蝦肉爽口彈牙，外皮煙韌金錢肚味濃，有咬口，唔會太咸而且店內職員好勤力主動，見食客嘅點心籠，會即刻拎走，以兔阻礙食客，另外5點後，叫外賣會有9折，抵食

飲茶係中國傳統文化之一，閒時都喜歡與家人辣下咀、傾下計。疫情肆虐下，聚餐還是可免則免了，兩小口吃點心過下引罷今日來到屯門市廣場的「名點屋」，有別於茶樓，店內大都以方檯為主，是一間吃點心的餐廳。餐廳食物價格與茶樓相約，亦有套餐可選。由於我倆對套餐以外的點心較有興趣，還是選擇了散叫，共點了五款點心和一個煲仔飯酥皮叉燒包近年叉燒包有不少新的面貌，這款包的質地像傳統麵包店的菠蘿包，而餡料汁比較甜，有洋蔥。整體來說味道不錯，但讓我再選，還是傳統的叉燒包比較好。瑤柱蒸蘿蔔糕蒸蘿蔔糕的味道有驚喜，足料之餘口感削削的，是我喜歡的那種，這個幾乎都是我獨享蔥花蝦米腸由於一心打算叫的是煎蝦米腸，沒有留意到它是蒸點，所以上菜的時候有點小失望。腸粉不是即叫即做那種，比較厚身之餘米味很淡，好吃的還是要去腸粉店呢潮州粉果味道不過不失，胡椒味較重，整體味道還好北菇棉花雞這個雞很滑，而且菇亦很香，豬皮都十分足料，配合湯的味道，甜甜的很不錯！章魚肉餅煲飯肉餅的味道不錯，口感很彈牙，相信是加入了魚肉的關係。飯則不太夠乾身，可能是煲不夠熱吧，沒有飯焦的煲仔飯始終差一點點，但以點心店來說已相當不錯總的來說，點心的份量比茶樓大點

如果你係好似我咁一年四季、全天候廿四小時都會想飲茶食點心既人，咁名點屋就岩哂你啦😋😋-首先講呢個既茶先，都係飲開果幾款，不過比較乾蝕既就係呢到係用茶包而唔係茶葉，飲落就好似冇咁香同有feel。-服務方面好快手，一坐底就幫你落茶同比盤水你洗餐具，上餐速度都好快。-最重要既野食！呢個叉燒包真係好好食😂外皮烘得夠酥脆，入邊好足料好多叉燒粒，仲要夠哂熱，熱到我辣咀😂😂係名點屋必叫點心no.1腸粉都好足料，唔會切開5粒當一份，而且夠軟滑。菜心苗夠嫩唔會有渣燒賣都算大粒，而且彈牙-呢到唔洗加一，總括呢講性價比幾高！

好耐無同屋企人飲茶，所以一約佢地就立即應丞。平時行過見到呢間點心店都有d 人排隊，於是決心試試。星期日早上九點黎拎飛，等左一兩張就入得了。店內位置不多，舒適度都正常。menu 上介紹呢係由攞過獎既"海天花園酒家點心名廚"主理，所以都有點期望。嗌左個🥢二人餐（$208)🥢再加嗌左d 點心： 🥟沙嗲金錢肚 $35🥟咖哩魷魚 $32🥟蠔王鮮竹卷 $26🥟醬王蒸鳳爪 $26🥟鮮肉小籠包 $32一般呢d 新式點心店既製作都會用心小小，加上佢表明有名廚主理，但係D 點心既質素比我想像中差，同一般酒樓無乜分別。個鮮肉小籠包更加係一上菜就知瀨野，因為要用d 錫紙兜兜住。唯一好味d 反而係個兩客甜品。價錢黎講雖然無加一，但點心定價唔算平。四個人食左$39x. 睇黎屯門飲茶真係無乜好選擇，sad🤷🏻‍♀️

晚上同老公又去商場行下，一直都無咩為意有依間點心餐廳，見晚巿都有好多客人，所以就去試下啦瑤柱灌湯餃，真係好味到不得了！湯頭好香濃，有原粒瑤柱，而個餃嘅函料有大大隻嘅鮮蝦，爽口又彈牙，唔會有太多肥豬肉蝦餃大大粒又足料！正啊馬拉糕蒸得好香軟，唔會太甜，食多少少都唔會膩最正係個雪山焗叉燒餐飯，入面包住好多叉燒粒，個包好軟，真係會一口接一口咁食！我比10分滿分鳳爪排骨煲仔飯，一樣做得咁出色，依間點心店，真係全部即叫即做，因為每樣食物上枱時，真係又新鮮又熱辣辣！

落得屯門行街都要食啲嘢，搵到團團轉，位置係超市再落一層咁就易搵好多。喺網上睇啲點心賣相好靚， 唔知好唔好食呢?!好晏先至去到，順口問聲有冇下午茶，我估下午茶應該冇分開另外一張點心紙，只係計價錢呱， 侍應答到唔清唔楚。 肚餓唔好理咁多畫點心先。一定要食👉🏻菠蘿叉燒包， 小朋友最鍾意食， 中間個餡勁juicy藥膳鳳爪魚雲， 好特別有雞腳有魚雲， 啱曬老人家鍾意"損"骨頭， 反正佢又鍾意藥材湯。我哋仲食咗鳳爪排骨飯排骨蒸腸粉， 啲腸粉好滑呀釀茄子咖哩魷魚燒賣茶市免收加一 再 照單9折我地坐窗邊， 坐嘅位置係玻璃景 ，座位低於街外人行地磚之下 感覺好似食緊塵，感覺一般😂 下次我唔會揀呢邊座。

難得今日放假，做下孝子帶阿媽去飲茶~2個人叫左幾個點心，有奶皇包、釀茄子、蝦餃、馬拉糕、鳳爪。最中意馬拉糕，童年回憶返哂黎~又大舊又抵食！另外鳳爪炆得幾入味，易咬~岩哂老人家！至於蝦餃塊皮雖然厚左少少但勝在多餡補返數，奶皇包過得去，釀茄子好味整體唔錯，下次再同阿媽黎

星期日約個朋友仔見下面飲個☕揀左市中心呢間名點屋👍之前黎過，啲野幾好食，茶黎講靚過好多酒樓，我就飲開普洱😁2人餐都幾豐富👇之但係我就鍾意散叫多啲我地2個人加1個小朋友叫左4個點心藥膳魚頭浸雞腳😙湯頭幾夠味，雞腳好咬口，係有一件魚頭有少少腥🙄（本人對腥味同燶味非常敏感😅) 路邊豬腸粉勁正👍出面食既最多都係滑呢個係滑得黎煙韌，可能加左糯米粉🤔蝦餃都係讚😋大大粒，蝦肉勁多鮮蝦韮菜餅亦係我至愛，香脆到不得了，非常足料💪💪呢度價錢唔算平但俾得返應有水準星期日2點鐘左右開始飲，埋單150蚊個人認為超抵😂

食點心未必要去傳統酒樓，近年出咗好多細細間嘅點心店，岩曬1、2個人去飲茶，而且點心多數高質。今次試咗呢一間點心店，佢好似係亞洲十大最佳食肆海天酒樓嘅廚師主理，但係好失望。北🍄蒸雞飯（成碗飯都好淋，雞ok滑，無菇味）陳皮牛肉腸（腸粉幾尺厚，口感好差，有少少陳皮味，牛肉正常）小籠包（個皮好厚，而且硬，同埋我未見過小籠包入面完全冇湯汁。我喺Aeon買嗰啲韓式的小籠包都好食過佢🤦🏻‍♀️）流沙奶皇包（個包好厚，餡料部份相對少。佢完全唔會有流沙嘅感覺, 佢唔係咸蛋黃嗰隻鹹味但係有啲似奶皇包甜味）燒賣（正常燒賣上面有一片仿鮑魚片）

餓了一上午，中午出來找好吃的，想著吃煲仔飯，於是決定來帶這裡，叫了臘味煲仔飯，煲仔飯用的是長米，顯得乾身，臘味也選才考究，雖然一樣的臘腸、潤腸，臘肉，但是夏日將至，這裡的食材卻一直保持新鮮，沒有過期霉味，而且味道濃郁，好好吃，倒上醬油，拌一下，粒粒晶瑩，啖啖香口。還有鹹水角也不得不提，好大一顆，裏面的食材好特別，有鮑片、蝦米等鹹香的味道，炸得也脆而不油，值得推薦，大家一定要試！

星期日邊間酒樓都多人呢間算等得快免加一免茶錢其實點心費包左今日叫左炸野 幾好食喎有九菜餅 香噴噴 又大塊又叫左花枝丸 來到超大粒唔係得粉喎 啖啖肉 正又脆又香口仲有個茄子🍆 勁大舊 不過好吸油 呢間既點心都大大件 食到好飽

心血來潮 決心獨自點心樂據聞名點屋與三聖的海天有關感覺既緊張又期待挨夜幾日 瞓醒過到屯門已經三點有多😛去到人不多 阿姐話隨便任坐一於揀個橋底大玻璃單邊坐一睇點心紙 無錯 應該係同三聖海天的點心一樣好開心 當然要叫首本名菜 : 排骨蒸腸粉熱辣辣 正到爆👍🏻同海天一樣咁正 好滿足清清地 另外叫左鮮蝦荳苗餃夠熱、夠味 唔洗再點鼓油即叫即蒸 逐碟上 逐碟食 唔會擺到凍雖然茶味淡 又貴左少少 連茶錢 免加一都要$7x 但任坐到日落 樂也！仲有好多點心想試 名點屋。我會再返來架💪🏻